الدنيا صغيرة

الحلقه { 118 }

الحلقه { 118 }
عفاف : أيمن ( وهي بتهزه ) أيمن يا نهار اسود أيمن رد يا أيمن
شاهر : ( كان قاعد وراهم في الاتوبيس ) مالو أيمن
عفاف : ما بيردش يا نهار أسود أيمن
شاهر : وسعي ( هزه جامد )  أيمن رد يا أيمن
(  الناس اللي في الاتوبيس )
؟ : البقاء لله
؟ ٢ : أن لله وان اليه راجعون
عفاف : انتم بتوقلو ليه كدا لا أيمن ما ماتش دا احنا راجعين من عمرة
؟ 3 : اهدي يا مدام كلنا لها دا مات صفحته بيضه مات بعد ما ربنا غفرله
؟ 4 : يا بخته يا رتني كنت مكانه
عفاف : ( وهي منهاره من العياط وماسكه في ايد أيمن )  لا أيمن متسبنيش يا أيمن دا انا ماليش غيرك انا والعيال
شاهر : أيمن ( هزه جامد ) أيمن
أيمن : هاااا أيه في ايه ؟
عفاف : الحمد لله حرام عليك يا أيمن نشفت دمي !
شاهر : انته كان مغمى عليك ولا نايم ولا مالك
أيمن : دانا كنت بحلم حتت حلم صحتوني ايه بس ربنا يسامحكم
؟3 : الله يسمحك أنته دانته نشفت دمنا كلنا
أيمن : هو في ايه ؟
وانتي بتعيطي ليه ؟
شاهر : انزل انزل ورانا طيارة
**** ( بقلم : هند محمد ) ****
( في اوضت نوم تقى )
تقى : بس انتي كدا زودتيها اوي يا نجوى
نجوى : تعرفي سيبك من ضربه ليه ولا الحاجات اللي اتحرقة وكمان سمعتي اللي باقت على كل لسان ، بس ماما يا يا تقى انا قلبي محروق عليها
تقى : الله يرحمها
بس لو ماما كانت عايشه كانت هتقولك سمحيه ومتخربيش بيتك
نجوى : هو  اللي خربه مش انا
( الباب خبط )
تقى : ادخل 
كنزي : ماما نجوى وحشتيني ( وجريت عليها وحضنتها )
نجوى : وانتي كمان وحشتيني
كنزي : جبتيلي ايه من امريكا بقى ؟
نجوى : بصراحه ماجبتش بس انا ممكن اجبلك اللي نفسك فيه
كنزي : لا انا كنت عاوزه حاجات من امريكا عشان تبقى اورجنل
نجوى : هههه بس كدا والله لااجبلك كل حاجه نفسك فيها من امريكا واخلي بركه تبعتهالي من هناك
كنزي : مين بركه دي ؟
**** ( بقلم : هند محمد ) ****
(  وفي الطيارة  شاهر و أيمن وعفاف جنب بعض ✈ )
عفاف : و كنت بتحلم بأيه بقى ؟
أيمن : انا كنت ماشي في طريق زي ما يكون بيوت قديمه او مهدوده مش عارف احدد بس وانا ماشي وعمال اقول انا هبني كل البيوت دي لوحدي ازاي هجيب فلوس منين
فا لقيت نجوى مرات صهيب عارفنها ؟
شاهر وعفاف : اه طبعا
أيمن : لقيت نجوى ماسكه فاس وعماله تحفر في الارض وكل ما تحفر تخرج كتاكيت 🐤 صفره شكلها حلو اوي
عفاف : سبحان الله
كتاكيت 🐤 في الارض ؟
أيمن : اه بعدين انا قولتلها عنك انتي حامل انا هحفر بدالك قالتلي لا انته روح شوف الناس اللي بيوتها متكسره كل واحد يعمل حاجه عشان نبني البلد
فا بابص بعيد كدا لقيت ناس كتير اللي بيحفر واللي بيبني
شاهر : ناس تعرفهم ؟
أيمن : شفت كريم صلاح ومراته ماسكين جراكن مايه وعمالين يشربوه ألناس
فا قولت نجوى هو كريم هنا أومال علي فين قالتلي علي عاوز يعمل رايس وانا ماحدش يتماريس عليا ، يلاه روح ابني البيوت الناس بتنام في بيوت من غير سقف يلاه اعمل لاخرتك
عفاف : وبعدين ؟
أيمن : انا روحت عند البيوت ومش عارف ابنيها ازاي ولا ابتدي بانهي بيت 🏠
وبابص على نجوى تاني مالقتهاش وشوفت واحده كدا بس حسيت اني بكرها اوي فا قولتلها نجوى فين قالتلي روح لعيالك
فا سبتها ومشيت و انا ماشي لقيت صهيب وكريم وعلي وناس كتير حتى عامر جارنا فا قولتلهم انتم بتعملو ايه هنا
صهيب قالي بندور على نجوى
شاهر : ليه هي راحت فين ؟
أيمن : ما لسه عامر جارنا هيقول انتم صحتوني
عفاف : دا كبوس كويس اني صحيتك
شاهر : شكلك ما كنتش نايم كويس
أيمن : اه فعلا بس لا دا مش كابوس
**** ( بقلم : هند محمد ) ****
احمد : مش هتقومو تنامه بقى
ننوسه : مش هنام غير لما تقولي هتجبلي عربيه أمته
ضحى : عربيه أذا كان محمد الراجل خبط عمته بالعربيه اومال انتي هتعملي ايه
ننوسة : هلعب باليه ههههههه
انا مالي ومال محمد الاحول الفاشل دا انا عاوزه عربيه اروح بيها الجامعه
أحمد : انتي بتعرفي تسوقي ؟
ننوسة : اه بعرف مش ساعات بنزا أدور العربيه بتاعت ماما واحنا خارجين 
أحمد : السواقه حاجه وانك تدوري العربيه حاجه تانيه
ننوسة : طب علمني
أحمد : انا لسه هعلمك ؟ بقولك ايه انا هبقى اكلم اوبر كل يوم يجي ياخدك ويوديك
ننوسة : دا هيقولي اوبر ، انا عاوزه عربية
أحمد : طب اتعلمي السواقه الاول وهجبلك بطلي زن يقى
ننوسة : طب ما تعلمني انته
أحمد : انا مابعلمش انا بابيع عربيات وبس
مودي : بابا
أحمد : نعم انته كمان
مودي : عز هيتنقل مدرسه جديده وانا عاوز اروح معاه 
ضحى : اه دا انا كنت هنسي
المدرسه أقرب وكمان كل ولاد الكمبوند هيروحها وكمان الباص هيجي ياخدهم من تحت البيت
أحمد : مدرسة ايه دى ؟
ضحى : msr اللي كانت فيها ننوسة
أحمد : بس دي غاليا أوي
ضحى : اهم حاجه تعليم العيال يا احمد ولا ايه ؟
أحمد : خلاص انقليه
- انتي نازله كتابه على التليفون ، انتي بتكلمي مين يا ننوسة ؟
ننوسة : بتفق مع مدرب سواقه
ضحى : انتي لحقتي لقيتي مدرب بسرعه كدا ؟
ننوسة : كلو بالنت يا ماما دانا لو عامله حساب بابا انا ممكن اشتري عربيه من على النت كمان
أحمد : هو  واقف حالي غير النت
ننوسة : اتكلم ولا هتزعل ؟
أحمد : انتي بتهمك قولي
ننوسة : عشان انتة ماشي على نظام قديم ومش عاوز تغيرة  مابتشتغلش غير في العربيات الجديده وبس
أحمد : اومال انتي عاوزاني اشتغل ازاي
ننوسة : شوف جوز حبيبه ما شاء الله المعرض بتاعه شغال في القديم والجديد والصيانه والاكسسوار
أحمد : انا يا ستي كدا ماليش داعوه بحد ومش هغير شغلي
ننوسة : يبقى متشتكيش بقى بوقف الحال
- خلينا في المهم حات 500 جنيه
أحمد : بتوع ايه ؟
ننوسه : تمن كورس السواقه
**** ( بقلم : هند محمد ) ****
( وتاني يوم )
سهر : ايه دا انتم جيتو امتي ؟
أيمن : بليل علي 4 الفجر كدا
عفاف : حاولنا نصحيكي بس فشالنا ايه يا بنتي نومك تقيل كدا ليه ؟
سهر : من تعبي يا فوفه ،( قعدت على السفره تفطر معاهم وبدأت تاكل  ) نزلت امبارح انا وشمس مسحنا الشقه ونضفناها وأحمد جاب شويه من الحاجات اللي اشتريناها والنهارده هيجيب كل العفش اللي اشتريناه وهفرش
عفاف : طب كنتي اسنتيتي لما ارجع كنت عملت معاكي
سهر : شمس وقمر وشوقيه عاملو معايا وروكا كمان ودالبا ونهال وضحي وننوسة وطنط نعيمه وريهام ونسرين
عبد الرحمن : الشقه امبارح كانت تحت بتشغي ستات
شمس : وانته كنت طول النهار مقضيها شات
عفاف : ليه انته وننوسة اتصالحته ؟
عبد الرحمن : لا دا واحد صاحبي
سهر : صاحبك ولا صحبتك يا بيدو على سهوره بارضو ؟
عبد الرحمن : انا مش بحب اللف والدوران خلونا نفطر بقى واحنا ساكتين
عفاف : مالك يا أيمن سرحان في ايه ؟
أيمن : في الحلم اللي حلمته في الاتوبيس
سهر : احكيلي الحلم وانا اقولك تفسيره
أيمن : وانتي بتعرفي في تفسير الاحلام ؟
سهر : لا مش انا بس طنط نعيمه بتعرف
أيمن : انا اكلت سلام عشان عندي شغل
سهر : طب والحلم ؟
أيمن : عفاف تحكهولك ، يلاه خلو بالكم من نفسكم
عفاف : هتيجي على الغدا ؟
أيمن : احتمال أتأخر بس هكلمك لو هتأخر ، سلام ( ومشي )
سهر : احكيلي الحلم بقى ؟
**** ( بقلم : هند محمد ) ****
حبيبه : وحشتيني يا نجوى
نجوى : وانتي اللى وحشتيني اوي ، نزلتلك امبارح اسلم عليكي ملقتكيش
حبيبه : كان عندنا فرح روحنا الخميس ورجعنا الجمعه بليل
نجوى : فرح مين ؟
حبيبه : مازن ابن طنط هناء
نجوى : اها هو عمل فرح في مصر هو وجيسي ؟
حبيبه : ايه دا هو انتي تعرفي جبسي
نجوى : يا حبيبه مش انا وهو سافرنا سوا اندونيسيا وبعد كدا روحنا نيويورك وهناك شاف جيسي واتعرف عليها هناك
حبيبه : لا انتي مقولتليش كدا انتي بقالك فتره مش بتكلميني
نجوى : عشان زعلت منك
حبيبه : ليه ؟
نجوى : عشان روحتي وقولتي اني لسه حامل ومحصليش اجهاض
حبيبه : سوري والله انا ما قولتش غير ل أنجي وشوقيه و روكا ونسرين وبس
نجوى : طب وقولتلهم ليه ؟
حبيبه : شوقية كانت زعلانه عليكي قوي فا قولت اطمنها ، على فكره شوقيه دي بتحبك اوي اوي
نجوى : يعني ما قولتيش لهند ؟
حبيبه : لا والله هند ماكنتش معانا
نجوى : اممم ممكن روكا او تسرين هما يكونو اللي قالولها
يلا مش مشكله
حبيبه : هى البطاطس مش عجباكي ولا ايه ما تاكلي
نجوى : لا دي جميله بس انا شبعت وكمان لازم اروح الشركه
حبيبه : لا انتي حامل ولازم تاكلي كويس
كولي مايونيز يفتح نفسك
نجوى : بلاش مايونيز عشان فيه مواد حافظه
حبيبه : لا دانا عملاه في البيت ومن غير بيض عملاه باللبن
نجوى : وريني كدا ، الله دا حلو أوي
حبيبه : بدل عجبك المره الجايه لما اعمل هبقى اعملك بطرمان
- بصي انا هنزل عشان العيال ماشي
نجوى : ماشي يا حبيبتي سلميلي على دكتور فجر
حبيبه : ماجاش معنا دا في اسكندريه عشان المجلس
نجوى : مجلس ايه
**** ( بقلم : هند محمد ) ****
بكار : ومش بس كدا دانا هطبعلك يوفط و بوسترات وكمان عندي واحد صاحبي بيألف اغاني هخليه يعملك اغنيه
فجر : هو انا نازل مجلس شعب ولا عرب ايدل
بكار : هي دى الدعايا الصح
ساره : وكمان تعمل تيشرتات عليها صورتك من قدام ومن ورا كام كلمه حلوه كدا زى ابن الدايره
او انا صوتكم وضميركم
او ادكم في ايدي نبنيها ونحافظ عليها
مراد : فجر الكلام دا صح بكار وساره بيتكله صح
ابراهيم : كل الناس بتعمل كدا يا فجر دا غير الزيت والسكر والبطاطين اللي بيوزعوها على الناس
فجر : بطاطين ايه في الحر دا
بكار : خلاص وزع كوفرتات واهو الكوفيرته بنت عم البطانيه
سارة : هو كلو عندك ولاد عم
بكار : اه اسكتي انتي انا عارف
ساره : سيبك منه بلاش كوفيرتات وزع مراوح
فجر : انا مش عاوز اشتري اصوات الناس زي ما غيري بيعمل
انا داخل المجلس عشان هدف معين عاوز اعمل قوانين
عاوز اراقب على الحكومه
عاوز البلد تمشي لقدام
قاسم : والله يا عمي البلد دي محتاجه حاجه واحده بس الضمير ، لو الضمير صحي البلد دي هتتنقل نقله تانيه
بكار : الضمير عشان يصحه لازمله حاجات كتير يا استاذ
بص الضمير دلوقتي في الانعاش وفي غيبربه
قاسم : ما عشان كدا احنا رايحين في داهيه
بكار : عاوزين الضمير يصحه يبقى لازم توفرولو مكان يعيش فيه
مانتم ماتسبوش الناس 200 ركبين اتوبيس وولادهم 100 محشورين في فصل واحد و مرتاتهم بتصوت في الاسواق من غلو الاسعار وتقولي الضمير يصحى يصحى يعمل ايه يلطم ؟
فجر : والله يا بكار انا عندي حلول لكل اللي بتقول عليه دا بس كلو بالقانون
ابراهيم : احنا كلنا معاك يا فجر
بكار : وانا مش هسيبك لحد ما ازفك وانته رايح المجلس لا و مش اي زفه دى زفت القبه
**** ( بقلم : هند محمد ) ****
فاطمه : مستر أيمن فاروق وصل
نجوى : ايه دا مش معادو 4 ، ايه جابو 12
؟
فاطمه : معرفش ، وكمان مدام زاهرة وصلت وكمان مستر اسر ومجدي من بيلدنج هوس
و مستر مهدي  من بركه
نجوى : خلاص يا فاطمه دخليهم
بس دخاليلي أيمن دا الاول عشان اشوفه جاي بدري ليه
فاطمه : حاضر
( فاطمه داخلت أيمن )
أيمن : السلام عليكم
نجوى : عليكم السلام  ، اهلا اهلا مستر أيمن اتفضل ، خير ؟
أيمن : اااا هو المفروض ان في اجتماع مع النهارده عشان مشروع مياة البحر
نجوى : اه بس الساعه 4 مش دلوقتي
أيمن : بس انا مدير اعمالك قالي الساعه 12
نجوى : ناجي قالك كدا ؟
- انا اسفه جدا
بس اقولك كويس انك جيت انا عندي اجتماع مع بيلدنج هوس و بركة للتشطيبات ، احضر الاجتماع معانا وانته شركتك ليها في مجال المشروع اللي احنا بنعملو يمكن يعجبك وتشارك معانا
أيمن : لو مافيش احراج اوك انا معنديش مانع بس مشروع ايه ؟
نجوى : بنبني بيوت لقرى فقيره وبنشغلهم
اقعد على تربيزة الاجتماعات لما اشرحلك بسرعه تعالي
**** ( بقلم : هند محمد ) ****
ننوسة : ايه دا انته اللي هتعلمني السواقه ؟
فجر : اه مش عجبك ؟
ننوسة : لا مش عاجبني
فجر : يا بنتي انا ياما علمت ناس
ننوسة : بنتك مين يا زبله انته دانا لو كنت اتجوزت من 10 كان زماني معايا قدك دلوقتي
فجر : ليه انتي عندك كام سنه ؟
ننوسة : في شهر 10 اللي جاي هتم 19
فجر : يا ربي على  الهري الحريم اللاتاته
ننوسة : انته بتقول حريم وبتشتم انا لتاته طب والله لهقول لامك واخليها تفتح جعورتها وتعيط على قلت ادبك
فجر : قصري هتخليني علمك ولا لا
ننوسه : انا عاوزه حد كبير يعلمني
فجر : انا ياما علمت ناس والله ، طب انتي عارفه محمد علي ؟
ننوسة : محمد علي  بتاع مذبحة القلعه ولا ابن أنجي ؟
فجر : أبن انجي
ننوسة : اه اعرفه مالو
فجر : انا اللي معلمه السواقه
ننوسة : يا لهوي اتاري الواد طير عمته ولبس فيها لبس بالعربيه ، ولا ابوك فين ياض ؟
فجر : ابويا جوه في المعرض
ننوسة : طب وسع من وشي
( داخلت المعرض )
ننوسة : ازايك يا انكل
سامح : الحمد لله كويس
ازايك يا ننوسه
ننوسه : الحمد لله ، فجر مصمم يديني كورس السواقه وبصراحه انا مش عاوزه
سامح : ليه بس ؟
ننوسة : دا علم محمد علي تاني يوم لبس في أروى بالعربيه اومال انا بقى هلبس في تيته نعيمه ؟ لالا حاتلي حد كبير
جلال : مافيش غير فجر ومهند اللي موجودين لو عاوزه حد كبير بقى تعالي بكرا نكلملك السواق اللي بنشتغل معه
ننوسة : مهند بس شكلو صغير برضو
مهند : انا رايح اولي ثانوي
ننوسة  : هو انتم كل اللي عندكم -١٤ مفيش +18
سامح : معلش معندناش دلوقتي غير دول والله انا شويه وعندي اجتماع لو كنت فاضي كنت علمتك
ننوسة : بعدين بقى
جلال : خلاص تعالي انا هعلمك
مهند : طب مانا وفجر موجودين يا بابا
جلال : هي مش عوزاكم
تعالي يا ننوسه انا هعلمك
ننوسة : ايوه كدا انته خبره برضو
سامح : بقولك مش عاوزه عربية
ننوسة : والله عاوزه بس ابويه مطلع عيني وحاطتلي العقده في المنشار و لازم اتعلم السواقه الاول
سامح : عندي عربيه قطقوته وصغيوره عشانك
ننوسة : لونها ايه ؟
سامح : بينك
ننوسة : ايه بينك دا انا حلم عمري يكون عندي عربية بينك
سامح تعالي اوريهالك
"
"
"



سامح : ها ايه رايك ؟
ننوسة : من غير راي العربيه دي بتقول انا بتاعت ننوسة ، بص انا اشتارين بكام ؟
سامح : 100 الف
ننوسة : صدمتني بس مش مهم انا لن ارضي بغير العربيه دي بديل
بس تجبلي لها فارش القطه كيتي
سامح : وكمان اكسسوار وهجبلك حاجات ولعب كدا حلوه وبناتي
ننوسه : خلاص هشتريها وياريت تعلموني عليها السواقه
جلال : طب يلا اركبي
**** ( بقلم : هند محمد ) ****
صهيب : الحمد لله اطمنت عليكي
جاسر : اطمن يا عمي دا هي معايا
أثير : بابا بجد الارض اللي كنا هنعمل عليه البورتو راحت
صهيب : اه بس انا هشوف غيرها
أناهيد : احنا هنرجه مصر كمان شويه خلي بالك من نفسك
جاسر : متخفيش عليا يا ماما انا هحطها في عيوني
الينا : تسلم عيونك
خلي بالك منه يا اثير بقى وهتلنا صهيب صغير نلعب بيه
اثير : هههه ان شاء الله
أناهيد : البنات هيخلوك جد يا صهيب وهيكبروك
صهيب : ومالو طب يا ريت اشيل ابن بنتي
ألينا : اتجدعني يا أثير انتي وجاسر بابا مستعجل
جاسر : 9 شهور يا عمي وتعالي استلم حفيدك
صهيب : يا رب ان شاء الله
**** ( بقلم : هند محمد ) ****
نجوى : انتم طلبتم هامش ربح وانا قولت اوك وهدفعلكم ليه عاوزين تعلي  النسبه تاني
أسر : الاسمنت والحديد كل يوم سعرهم بيعلى
أيمن : طب ما دا المعروف والمفرض من قبل ما تمسكه المشروع كنتم تحطه هامش ارتفتع الاسعار دا في دراسة المشروع
مجدي : مستر ايمن المشروع مش عدد بيوت سابته دا كل يوم ببجلنا بيت واتنين
نجوى : طب ما حلو الناس بتقول لبعضيها
أيمن : وبعدين يا جماعه انتم بتبنه  بيوت للغلابه
يعني الاجر الحقيقي في الاخرة
مهدي : والعمال والصنايعيه والموردين اللي بنشترب الخامات منهم مش المفروض ندفع لهم فلوس ولا  هنحاسبه في الاخرى
أسر : انا اسف لو انا لو النظام دا استمر على كدا انا هنسحب من المشروع
نجوى : طب عاوز هامش ربح كام ؟
أسر : 40%
نجوى : حد قالك اني بابني موسى كوست ؟
أيمن : خهههه ، انا اسف هه هههههههه
نجوى : هههه والله هم يبكي وهم يضحك
زاهره : انا عارفه ان أنتم لازم تكسبه بس مش كدا
مجدي : مش كدا يبقى متطلبيش اغيرلك عربيتك ولا عفش الفيلا
نجوى : طب وبعدين انا مش موافقه على الزياده دي ؟
أسر : اوك احنا منسحبين من المشروع
مجدي : وانا كمان منسحب لان الاثاث اللي حضرتك محدده الاسعار بتعته ارتفعة
نجوى : تمام مين منسحب من المشروع ؟
أسر : انا
مجدي : وانا
نجوى : وشركة بركة ؟
مهدي : لا احنا هنكمل بس لينا تعديل بسيط
نجوى : اسمع التعديل ؟
مهدي : اجرنا قليل احنا هناخد زياده 10% بعد ما نخلص
نجوى : موفق
أسر : 10% دا قليل اوي
مهدي : لا انا واحمد اتفقنا على كدا
أسر : ماشي بما ان احنا منسحبين يلاه يا مجدي
مجدي : يلاه يا زاهره
زاهرة : لا انا ماليش داعوه بشغلكم انا جايه تبع الجمعيه
مجدي : طيب تمام بعد ازنكم ( ومشية )
مهدي : المزرعه زي ما قولتلك خلصنا المباني دلوقتي بنعمل الحطان
نجوى : ال3 مزارع بانيتوهم ؟
مهدي : اه خلاص اول ومن امبارح بنشطب حوأط ومرافق
أيمن : ممكن ادخل انا مكان بيلدنج هوس
نجوى : وشروطك ؟
أيمن : مش عاوز اي شروط ومش عاوز ربح وكمان انا متبرع ببني 10 بيوت على حسابي الخاص
زهرة : جزاك الله خير بجد انته مافيش منك
**** ( بقلم : هند محمد ) ****
عفاف : بس هو دا الحلم تفسيره ايه بقى
نعيمة : "
"
"
يا تري تفسير الحلم دا ايه ؟