# #الدنيا_صغيرة
الحلقه : { 79 }
فجر : حتتصرفي تعملي ايه انتي بتعرفي تعملي حاجه اصلا ؟
حبيبه : هتشوف انا هعمل أيه ؟ بس هو انتم في مستشفى اسمها إيه ؟
**** ( بقلم : هند محمد ) ****
( وفي المستشفى الكل متجمع مع فارس وبيتكلمه عشان يشوفه هيعملو ايه ؟
نعيمة : أجمد يا فارس دانته الراجل متعملش في نفسك كدا
فارس : ( وهو منهار من العياط ) انا كنت سايبها الصبح كويسه ، دي هي اللي حضرت الفطار الصبح
أم شاهر : دي هي لأخر وقت كانت زي الفل وبتضحك ، منه لله صهيب هو اللي كلمها في التليفون وقلها انا طلقت نجوى، هي سمعت كدا وقعت يا حبيبتي
هدى : الدكتور بيقول جاله هبوط حاد في الدوره الدمويه
فارس : كلو من نجوى هي السبب
أم عامر : متقولش كدا دا قدر ومكتوب
روكا : محدش السبب في موت حد على فكرة
شوقية : دا نصبها يا فارس متقولش كدا ، خلينا في المهم هنعمل ايه دلوقتي ؟
فارس : انا مش مركز ومش مجمع
هدى : اهدا انا كلمت الهام وهي في الطريق ، وكمان تقى وحمزة جايين
شوقية : انا بقول اكلم سراج وربيع في البلد عشان يفتحو الترب ويجهزو
فارس : أخرسي بقى اسكتى شويه
أم عامر : خلاص معلش أهدا أهدا
نسرين : روكا مش يلا نمشي بقى انا سايبه العيال مع هند وهى تعبانه
روكا : خلينا شويه وكمان عشان ناخد ماما نعيمة هتروح ازاي لوحدها ؟
نسرين : لميس زمانها عاوزه ترضع
روكا : خلاص روحي انتى انا مع ماما نعيمة مش هسبها
نسرين : طيب انا همشي ، البت زمانها جعانه ( ومشية )
تقى : ( وصلت تقى وهي منهاره من العياط ) ماما فين يا فارس ماما فين
فارس : جوه يا تقى ؟
حمزة : براحه يا تقى مش كدا بطلي عياط
تقى: ماما ماتت يا حمزة مش هشوفها تاني كانت وحشاني اوي ، بقالي أسبوع ماكنتش شفتها
حمزة : طب اهدي يا حبيبتي أهدي
هدى : هندخلها انا وأنتي دلوقتى بس لما ألهام تيجي
تقى : ونجوى هي نجوى فين ؟
فارس : ست نجوى في القسم
تقى : قسم ؟ ليه حصلها ايه ؟
شوقية : ليه هو أنتي معرفتيش ؟
تقى : انا معرفش حاجه هو حصل ايه حد يقولي
**** ( بقلم : هند محمد ) ****
شاهر : لا حول ولا قوة اللى بالله ، وبعدين ؟
نسرين : ولا قبلين الست مستحملتش تعرف بنتها ممسوكه اداب وكمان اطلقت راحت وقعت من طولها وماتت
جابر : ماتت هنا ولا في المستشفى ؟
نسرين : أعتقد في الطريق لان هى ماكنتش قادره تاخد بفسها
هند : والله قلبي وجعني عليها الله يرحمها
منصور : طب و روكا ليه سبتيها هناك يا نسرين ؟
نسرين : قالتلي هفضل مع ماما نعيمة اعملها ايه ، ولميس كنت سيباها مع هند
هند : الحمد لله معيتطش وجاعت عملتللها أعشاب شربتها ونامت
نسرين : طيب الحمد لله
**** ( بقلم : هند محمد ) ****
سامح : كل دا يحصل يا ماما ومتتصليش بيه ؟
أم مي : والله انا قلبي وقع في رجلي والله الست يا عيني وقعت ما قمتش
مي : والله صعبانه عليا الله يرحمها
سامح : هى حبيبه فين طيب لسه في المستشفى ؟
مي : مستشفى ؟ حبيبه ماجاتش معانا أصلا ،
أم مي : الله هي فين وكمان العيال
سامح : عيال مين عيالي ؟
أم مي : داحنا سبنا معاها عيال الكمبوند كلو عيال شوقيه وعيال روكا وعيال الدكتوره امال وعيال الدكتوره هدى وعيال شوقيه يجي 20 عيل
سامح : انا جيت البيت ملقتش حد
فجر : أخرج ادور عليهم يا بابا ؟
سامح : أستنيى انته هنا انا هكلمها في التليفون
_ الو حبيبه أنتي فين ؟
**** ( بقلم : هند محمد ) ****
حبيبه : انا روحت المستشفى لنجوى يا سامح
سامح : طب روحتى ازاي ؟
حبيبه : انا هقولك كل حاجه ، انا ماكنتش عارفه أودي العيال فين وانا بفكر لقيت نانا جات خات نانا وجرينا انا وهي على المستشفى
سامح : طب العيال فين ؟
حبيبه : مع منى ، هى مش عندك ؟
سامح : لا انا روحت ملقتش حد في الشقه ولا عند الدكتور فوق
حبيبه : طب شوفها عند أروى
سامح : أروى ؟ طيب هشوفهم
، المهم نجوى عامله أيه ؟
حبيبه : لسه نايمه الدكتور ادها بنج يا سامح ونيمها ، دا حتى انا كنت جيبالها اكل معايا مش عارفه أكلها خالص
سامح : معلش يا حبيبتي دلوقتى تفوق وتاكل ، طب هتيجي أمتى ؟
حبيبه : انا دادي ونانا معايا متخفش عليا
_ المهم شوف الولاد فين وأكلهام يا سامح ، وكمان سمسمه شوفها كدا عاوزه تغير ولا لا لو عاوزه تغير خلى منى تغيرلها
سامح : متشغليش بالك انا هتصرف ، سلام يا حبيبتي
حبيبه : سلام
أم فجر : يا حبيبتي يا نجات ، كدا تموتى وانا مشوفكيش ، والله كانت وحشاني
فجر : ادعلها يا ماما ، وبعدين لازم نمشي قعدتنا دي ملهاش لازمه
حبيبه : هنسبها لوحدها لا مقدرش اسيبها
فجر : يا حبيبتي هي كويسه مفهاش حاجه هي بس أتصدمة لما عرفت امها ماتت
أم فجر : انته مش قولت عندها نزيف ؟
فجر : انا قولت كدا بس عشان كان قدامي الظابط ، انا اتفقت مع الممرضة و الدكتور يققولو كدا عشان تفضل هنا بدل ما تروح الحجز
حبيبه : دادي أنته بتضحك عليا
فجر : هو انا عمري كدبت عليكي ؟
حبيبه : اه كتير
أم فجر : طب هى هتفضل كدا لأمتى ؟
فجر : لحد الصبح ، عقبال ما المحضر يروح النيابه وأعرف اتصرف اخرجها بضمان عملها ولا محل اقمتها ولا حاجه
حبيبه : طب انا هفضل بايته معاها
أم فجر : وانا عاوزه اشوف ام فارس
فجر : يا ماما هتشوفيها فين ؟
أم فجر : هكلم شوقيه ونروح لها ، دي كانت غاليا عندي أوي يا فجر ، ورحمت ابوك توديني
فجر : الله يرحمه
_ طب أنتي عارفه هي في مستشفى ايه ؟
ام فجر : هكلم شوقيه وهعرف أستني
**** ( بقلم : هند محمد ) ****
فاطمه : ها عملت ايه ؟ عرفت نجوى فين ؟
ناجي : مصيبه يا فاطمه مصيبه
فاطمه : ليه حصل ايه ؟
ناجي: نجوى اتمسكت اداب ، واتعملها محضر ، وهى في المستشفى
فاطمه : يا مصبتي ؟ أذاي ؟
ناجي : انا مش عارف كل المصايب ورا بعض 7 محلات لحد دلوقتى اتحرقه دا غير 3 مخازن
فاطمة : طب مين عمل كدا ، ليكون في ثورة في البلد ؟
ناجي : ثورة ايه أتنيلي ، دا صهيب اللي عمل كدا ، اقطع ايدي اكيد هو
فاطمه : طب وهو يعمل كدا ليه دي مراته ؟
ناجي : انا داخل المستشفى اهو عشان اشوف نجوى يا رب اعرف ادخلها
فاطمة : طب طمني يا ناجي
ناجي : طيب اقفلي طيب
**** ( بقلم : هند محمد ) ****
ناجي : لو سماحت المريضه نجوى مصطفى غرفه رقم كام ؟
الاستقلبال : 60 الدور 3
ناجي: متشكر
(وصل للغرفه )
العسكري : ايه رايح فين ؟
ناجي : دي اختى جوه وعاوز اطمن عليا
العسكري : ممنوع
ناجي : بقولك أختى ، دقيقه واحدا أدخل أبص عليها وأخرج
العسكري : انا كدا هضر مش هينفع
ناجي : ( خرج فلوس من جيبه ) خد دول ودخلني
العسكري : ( بص يمين وشمال ) طب استنى ادخل معاك ، بدل ما تعمل فيها حاجه وانا اروح في داهيه
ناجي : ماشي بس داخلني
( دخلو هما الاتنين الاوضه )
ناجي : أبله نجوى ، نجوى ردي عليا ؟
نجوى : ( فتحت عنيها ولاكن كانت دايخه ) ناجي ماما ماتت يا ناجي ماما ماتت وانا محبوسه ومش قادره اروحلها
ناجي : الله يرحمها ، قوليلي بس حصل أيه ؟ انا مش فاهم حاجه ؟
والدنيا خرباه باره انتي معرفتيش اللي حصل ؟
نجوى : لا حصل أيه غير أني خسرت أمي ( وهي بتعيط ) انا السبب انا السبب يا رب خدني يا رب
ناجي : متقوليش كدا ، بعد الشر عليكي ، بس انتي لازم تعرفي ، 7 محلات بتاعتك اتحرقت و 3 مخازن أتحرقه
نجوى : أيه ، مين عمل كدا ؟
ناجي : أكيد جوزك
نجوى : جوزي طلقني يا ناجي ، صدق عليا الاشاعات والكلام اللي بيتقال عليا
ناجي : يبقى هو اللي عمل كدا ، انا هروح أبلغ عنه وأعمله محضر
نجوى : انا عاوزه اشوف ماما يا ناجي أعمل حاجه
ناجي : والله انا لو بأيدي ماتأخرش بس أعمل أيه
**** ( بقلم : هند محمد ) ****
أم فجر : الله يرحمك يا حبيبتي
ألهام : فجأة كدا كل حاجه كدا حصلة فجأه
تقى : انا مش مصدقه اللي بيتقال دا نجوى مستحيل تعرف ناس كدا ، ولا تروح اماكن كدا
فجر : هي جاتلها رساله من أختها تقى وبتقولها ، انا خارجت من ورا حمزة يا نجوى وفي العنوان دا تعالي خوديني وروحيني
حمزة : نعم ؟ أزاي يعني ؟
فجر :والله يا حضرت زي ما بقولك كدا ، أظاهر تقى دي كانت بتخرج من ورا جوزها ونجوى كانت بتداري عليها
حمزة : أيه الكلام دا يا تقي ؟
فجر : هو انتي تقى ؟
تقى : اه
فجر : حلو اوي فين موبايلك عشان هنحتاجه في النيابه
حمزة : نيابة أيه تعالي هنا أنتى خراجتي تاني من ورايا ؟
ألهام : هو دا وقتو يا حمزة ، احنا في ماما اللي جوه دي ، احنا مستنين ايه دا كلو ؟
فكري : مستنين تصريح الدفن ، المكتب الصحه مش بيفتح دلوقتى ولازم التصريح دا عشان نقدر نتحرك
حبيبه : انا صعبانه عليا نجوى اوي
شوقية : هي صحيح في المستشفى ليه ؟
فجر : اااااااااا جلها نزيف وتعبانه
شوقية : يا حبيبتي سقطت ؟
أم فجر : أدعلها يا شوقية الدكاتره يعرفه يعملو حاجه
أم عامر : انا كلمت أمال وهي الصبح هتروح لها عشان هي في نبطشيه في المستشفى
هيثم : انا زعلان على نجوى أوي ، دي تاني مره تنجرح وتطلق كدا
فجر : ماما انا مش قادر انا تعبان وصاحي بدري
أم فجر : روح انته انا هفضل معاهم انا وحبيبه
فجر: مش هقدر اسبكم ، يلا تعالي معايا
ام فجر : لا مانيش ماشيه ، وسبني بقى الله يرحمك يا حبيبتي
فجر : تعالي طيب نروح يا حبيبه
حبيبه : يلا يا دادي بينا
( ومشيو هما الاتنين )
**** ( بقلم : هند محمد ) ****
( وفي العربيه )
فجر : مالك يا حبيبه ؟
حبيبه : فارس كان عمال يقول بصوت واطي منك لله يا نجوى انتي السبب
فجر : معلش عشان امه ماتت ، زعلان عليها
حبيبه : بس هى مش السبب يا دادي ، وبعدين هي مظلومه
فجر : أن شاء الله انا هعمل كل اللي أقدر عليها وهخرجها
حبيبه : لا مش بس تخرجها وتطلعها برائه
فجر : أن شاء الله
**** ( بقلم : هند محمد ) ****
( وفي البيت )
سامح : لقيت الولاد عند أروى ومنى هناك
حبيبه : أيه وداكي عند أروى ؟
منى : أعمل ايه انا قولت أودي شويه عند أروى وشويه أوديهم عند صحبتك دي اللي اسمها قمر ، ملقتش قمر ولقيت أروى
هي مسكت فيه أشرب شاي ، وشويه لقيت امهات العيال جات واخدوهم ، وانا فضلت قعده أدردش معاها ، دي طلعت لذيذه أوي
حبيبه : انا هدخل أنام لحسن تعبانه اوي
أم مي : هي أم فجر لسه في المستشفى ؟
حبيبه : أه مقدرتش تسبهم
سامح : بكرا الصبح نروح لهم
حبيبه : لا انا هروح لنجوى
مي : طب والعيال يا حبيبة
حبيبه :ممكن اوديهم عند أي حد
أم مي : وديهم عند روكا هي فاضيه ومعندهاش غير بنت واحده
حبيبه : خلاص هوديهم لروكا
سامح : انا مش هروح الشغل هقعد بيهم انا بلاش ندايق حد
منى : دي من امتى الشهامه دي ؟
سامح : ( بصلها مردش عليها )
حبيبه : يلا يا سامح عشان مش قادره
سامح : حاضر ادخلي أنتى وانا جاي وراكي
**** ( بقلم : هند محمد ) ****
( وتاني يوم الصبح بدري طلع تصريح الدفن وفارس أخد أمه وأخواته وسافره البلد ، وفي المقابر في نجع حمادي )
ألهام : كفايا يا تقى مش كدا
تقى : كل حاجه حلوه راحت خلاص ، ماما مش هنشوفها تاني
أم فجر : الله يرحمها أدعلها
أم عامر : منه لله اللي كان السبب منه لله
نعيمة : اللهي لا يكسب ولا يربح
الهام : هما مين دول يا شوقية انا بشبه عليكم الستات دي ؟
شوقية : دول الجيران ، من ساعت الحنه بتاعت نجوى والستات الكبيرة بتتقابل وتود بعض
الهام : اها فهمت
**** ( بقلم : هند محمد ) ****
أم صهيب : ميجو ميجو
ميجو : نعم مدام ؟
ام صهيب : مين في الغرفه هاد ؟
ميجو : مستر صهيب ، أجه فجراً
أم صهيب : صهيب ( وجريت على الغرفه بتعته )
صهيب : ( نايم على السرير في نفس الغرفه اللي نجوى كانت فيها وحاضن المخده بتاعتها وعينه مدمعه)
أم صهيب : هلا هلا ، ماقولتش انك جاي
صهيب : حسيت اني مخنوق ، فا جيت
أم صهيب : مالك في أيه ؟
صهيب : انا طلقت نجوى ، نجوى خنتني
أم صهيب : أيه ، نجوى ؟ مستحيل
صهيب : لسه بتكلم جوزها الاول ، وبيقولها أمتى هنرجع لبعض
أم صهيب : انا مش فهمه حاجه ، وضحلي
صهيب : أمبارح في رقم بعتلي المكلمه دي أسمعي ( وبعد ما سمعت المكلمه ) شفتى لسه بتحن لجوزها الاول
أم صهيب : مين اللي باعتلك المكلمه دي ، وهدفه ايه انك تعرف أن نجوى بتخونك ؟
صهيب : مش مهم مين مش مهم هدفه ، انا حبيت واحده متستهلش دا غير انها حامل وانا شاكك انه مش ابني
أم صهيب : حامل ؟
"
"
لازم تعرف يا صهيب مين اللي باعتلك المكلمه دي و هدفه ايه
_ مش يمكن يكون حد عاوزك تطلق نجوى عشان كدا شكك فيها
صهيب : ماما انا مش قادر أفكر ، بس انا هدمرها ، هرجعها تاني شحاته ، انا حرقتلها كل المحلات بتاعته والمخازن بتاعتها ، ولسه هخلي كل المطاعم والمحلات اللي بتوردلها الحاجات بتاعتها يرفعه عليها قضايه ويطلبوها بتعويض
أم صهيب : انا مش بحب الازيه يا صهيب ، وبعدين أنته بتقول حامل
صهيب : أكيد مش أبنى ، بس لما تولد هعمل تحليل ولو طلع ابني والله ما هخليها تشوف شعرايا منه
**** ( بقلم : هند محمد ) ****
فله : أيه وقفه ورا الباب كدا ليه ؟
ميجو : في مشكله كبيره ، مستر صهيب طلق مس نجوى ، وبيقول أنها خانته
فله : أيه ؟ ، أزاي؟
ميجو: أهو حتى اسمعي معايا
**** ( بقلم : هند محمد ) ****
حبيبه : صباح الخير يا نجوى ؟
نجوى : ( وهى بتعيط واديها الشمال متكلبشه في السرير ) هو فين الخير دا خلاص يا حبيبه كل حاجه راحت
حبيبه : دادي جابلك التوكيل ، فين التوكيل يا دادي ؟
فجر : اهو خودي امضي عشان الحق اوثقه
نجوى : ( مضتلو وهي بتعيط ) خرجني من هنا انا لازم اخرج ألنهارده
فجر : لو خرجتي من المستشفى هترجعي القسم لحد ما تتحولي للنيابه
نجوى : خرجني بكفاله ولا بأي فلوس اعمل إي حاجه
فجر : حاضر ، حبيبه لو جه العسكري اللي باره ومشاكي أمشي شويه وأرجعي تاني
حبيبه : حاضر يا دادي
فجر : شويه وجاي سلام ( ومشي )
حبيبه : انا جبتلك اكل يا حبيبتي
نجوى : ما ليش نفس
حبيبه : لا لازم تاكلي عشان النونو
نجوى : متقوليش لحد اني لسه حامل ، انا نزفت والبابي نزل
حبيبه : طب ليه
نجوى : عشان أحرق قلب صهيب على ابنه ، زي ما حرق قلبي على ماما
( داخلت أمال ومعاها الدكتور تبع المستشفى )
أمال : صباح الخير
نجوى : دكتوره أمال شفتي اللي حصل
أمال : ماما قالتلي في التليفون ، البقاء الله
ألدكتور: دكتوره أمال انا مدخلك على مسؤليتي لو سمحتى أطمنى على الحاله ولو سمحتى ، هي حالتها كويسه بس المحامي قالي أقول أنها تعبانه عشان تفضل في المستشفى
أمال : متشكرا أوي يا دكتور انا بس هطمن عليها ، وهمشي
ألدكتور : أوك ، أيه دي ؟ أنتى مين ؟
حبيبه : انا حبيبه
الدكتور : لو سمحتى اطلعي باره ممنوع
أمال : معلش معلش سبها معاها معلش
الدكتور : بس يعني مينفعش
حبيبه : أنا أختها الصغيره حرام عليك سبني معها
الدكتور : طب انا هسيبك معاها بس لو حد من النيابه أو القسم جه قوليلها انك ممرضه
حبيبه : حاضر
الدكتور : اوك ( وخرج )
أمال : ( كشفت عليها ) مانتي كويسه اهو ، اومال ماما بتقولي عندك نزيف ليه ؟
نجوى : هقولك ، وأنتي كمان لازم تقولي لكل اللي يسألك عليا أنى نزلت البابي
امال : طب ليه ؟
**** ( بقلم : هند محمد ) ****
أنت تقرأ
الدنيا صغيرة
Romanceبسم الله الرحمن الرحيم قصتى المرادي ابطالها مش جداد كل الابطال معروفين ولكن عشان الدنيا مستمره والدنياصغيره كل ابطال القصص بتعتي هيقبلو بعض وهيدور بينهم أحداث ومشاكل وقضايه وحب وأوقات حلوه وصدقات عاوزين تعرفه ايه اللي هيحصل تابعو الدنيا صغيره