الحلقه { 132 }
علي : الحمد لله يا رب الحمد لله
مشيرة : في أيه يا علي ؟
علي : بصي يا مشيرة أروى واقفه لوحدها بصي سيف لسه باعتلي صورتها
مشيرة : يا حبيبتي يا أروى ، الحمد لله ربنا عالم بيها يا علي
علي : ( عينو دمعت ) كان نفسي اوي اكون معاها وكمان ماما وبابا كانو بيحلمو انها تمشي وتجري وهي صغيرة
ماما عرضتها على داكتره كتير بس مكنوش بيقدرو يعملولها حاجه
مشيرة : لما ربنا أذن بالشفا يا علي
شوف الحمد لله هي كانت مش عاوزه تروح تتعالج ، عملت حادثه وراحت وهي مش دريانه والحمد لله اهو واقفه على رجلها
علي : الحمد لله يا رب الحمد لله
مشيرة : لازم تطلع فلوس يا علي لله
علي : أكيد هعمل كدا
وكمان هقوم اصلي ركعتين شكر لله
مشيرة : هصلي معاك هروح اتوضى استناني ها
علي : ماشي روحي
يا حبيبتي يا أروى
**** ( بقلم : هند محمد ) ****
سيف : << هي دي هي فرحة الدنيا دق يا قلبي غني يا عنيه ابتسامتها ويه رقتها وردة بتفتح يا حلاوتها و انت يا قلبي ياللي حبيتها >>
أروى : ( وهي على عجله في الشقه ) ايه الروقان دا كلو ؟
سيف : فرحان بيكي يا عسليه
أروى : يا راجل ؟ اطلع من دول
سيف : ههههههه والله فرحان عشانك
أروى : فرحان بيه ولا عشان دعاء هتتجوز ؟
سيف : أنتي فهماني أوي كدا أزاي ؟
أروى : عيب يا أبو عيالي دي عشره عشره 11 سنه
سيف : يعني داخلين على 12 سنه يا رب عقبال ما نتم 25 سنه كدا
أروى : يا حبيبي يا سيف ، بس يعني بتحب دعاء اوي كدا يهمك ايه يعني تتجوز ولا متتجوزش
سيف : ما هي لما تتجوز هتغور من الشركه خليكي ناصحه ههههه
أروى : امممم فهمت
سيف انا زهقانه أوي ما تيجي نخرج
سيف : ماشي بس هنروح فين متقوليليش مطعم بركوته
أروى : لالا نروح أي مكان أنشاله نتمشي في الشارع
سيف : طب والله فكره ، بصى احنا نتمشى مناخدش الكرسي
أروى : طب مانا اكيد همشي يا دوب كام خطوه وهتعب يا سيف انا بقف بالعافيه لسه يا حبيبي لسه مش دلوقت امشي اصبر ان الله مع الصابرين
سيف : و نعمه بالله ، خلاص تعالي لما افسحك ونشوف اماكن جديده
**** ( بقلم : هند محمد ) ****
شوقيه : انتي كنتي خارجه و لا ايه ؟
نجوى : اه كنت هسافر عندي فرح بكرا في اسكندرية
بوسي : طب ماروحتيش ليه ؟
نجوى : المفروض كنت هروح مع ناجي ، وناجي النهارده مش فاضي ، خطب بقى وهيخرج مع خطبته ، فا قالي نروح الفرح بكرا وخلاص
شوقية : دانا كمان عندي فرح في اسكندرية بكرا
نجوى : بجد ، فرح مين ؟
شوقية : فرح ابن اخو دكتور فجر و بنت اخته
نجوى : دا نفس الفرح اللي انا رايحه على فكره بس بنت اخته مين ؟
شوقية : منى ما هي هتكتب كتابها بكرا وكلمتني وعزامتني
نجوى : خلاص نروح بكرا سوى
ناردين : واحنا هنروح الفرح معاكم ؟
شوقية : اه طبعا كلنا هنروح نفرفش شويه
بوسي : بقولك ايه يا نجوى هو انا ينفع استلف منك مبلغ كدا
نجوى : يا سلام عيني
عاوزه كام ؟
بوسي : عاوزه ربع مليون
شوقية : هااااا يا حزني ربع مليون هتعملي بيهم ايه يا بوسي ؟
بوسي : اصل انا بفكر اعمل مشروع جنب الشركه بتاعت مهنى
نجوى : طب ما شغل بشغل يا بوسي ومشروع بمشروع ما تشتغلي معايا وبدل ما تستلفي ، تاخدي عموله ومكسب ؟
بوسي : انا مش بفهم في تربية الفراخ
نجوى : وانا مش عوزاكي تربي فراخ انا عوزاكي تربي زبون وتعملي عقود توريد
شوقية : انا مش فهمه حاجه ؟
نجوى : هفهمكم تعالو نقعد جنب بعض عشان اشرحلكم
( قعدو ال3 على الكنبه ونجوى في النص )
نجوى : بصو الشغل على محوارين المحور الاول هي تزويد اعضاء على الابلكيشن
شوقية : انا عملت عضويه ولحد دلوقتي عامله 600 نقطه
نجوى : شطرة يا شوقيه
الشطارة بقى انك تجيبي اعضاء تحتيكي وتعمليلهم عضويه وتشرحلهم الموضوع ماشي أزاي
شوقية : طب مانا هكسب نقط مش هكسب فلوس يا نجوى
نجوى : ما دا يا بت بالنسبه للعضويات الضعيفه لاكن لو عملتي 20 تحتيكي هتتحولي عضويه ذهبيه بتخدي على كل حاجه يشتروها 5% من ثمنها
شوقية : بجد دانا هضيف كل أصحابي على النت والكمبوند والنادي
بوسي : وانا هفضل اشتغل على النت ؟
نجوى : بقى بوسي هانم تشتغل على النت لالا طبعا هو هيبقى نت بس بطريقه تانيه
بوسي : أزاي ؟
نجوى : انتي ومهنى كل شغلكم في الاوتلات و الفنادق
انا بقى عوزاكي تجبيلي عقود اورد لهم منتاجات ، وكل عقد تجبهولي هديكي 20 % مكسب ، دا غير مرتبك كل شهر
بوسي : بس الاوتلات والفنادق في القاهره بتبقى متعقده مع موردين
نجوى : مش لازم القاهرة ، اي محافظه اي اوتيل حتى لو هياخد كرتونة فراخ كل شهر بس
بوسي : وهتديني مرتب كام ؟
نجوى : انتي وشطرتك بقى كل ما تجيلي اعضاء تحتيكي اكتر هتخدي فلوس اكتر
- ها اعملك عضويه تجاريه ؟
بوسي : ماشي اعملي وعلميني على النت اعمل ايه
نجوى : ماشي
**** ( بقلم : هند محمد ) ****
ابتسام : باركلي يا رامز
رامز : مبروك يا بسبوسه بس على ايه ؟
ابتسام : كملت 10 اعضاء وباقيت عضويه فضيه
رامز : ليه هو انتي كنتي عضويه خشابيه ؟
ابتسام : انا كنت ليدر
لاكد دلوقتي انا ليدر فضيه يعنى هكسب اكتر وفاضلي 10 اعضاء وابقى عضويه ذهبيه واكسب فلوس كل شهر
الله مش انته اللي حاطط السيستم ؟
رامز : اه انا بس اصلي مش مركز
ابتسام : ليه مالك في ايه ؟
رامز : ابدا والله مافيش حاجه
ابتسام : اقوم اعملك العشا ؟
رامز : يا ريت
**** ( بقلم : هند محمد ) ****
حبيبة : انا معرفش ان العروسة تبقى بنت اختك ؟
ريم : صدفه حلوه يا حبيبه والله فرحت لما شفتك
على فكره يا جماعه حبيبه في الكمبوند هي البونبونايه بتاعتنا
هناء : هو في زي حبيبه دي حبيبت قلبي
حبيبه : حبيبتي يا طنط هناء انا كمان بحبك اوي
ريم : هما الولاد فين
حبيبه : بيلعبو فوق السطوح متخفيش فجر ابني عاقل وبيخلي باله من اخواته
ريم : طيب تمام
فاطمه : فين الحنه يا هناء ؟
أم فجر : مش لما تيجي الست اللي بترسم الحنه الاول
دعاء : طب هي هتيجي امته دي أتأخرة أوي
أم فجر : وهو مش المفروض انتم متفقين مع ست بتاعت الحنه ، مش ليلة الحنه على العروسه ولا ايه ؟
ماجدة : تكون على العروسه لما العروسه تكون في بيت ابوها ، لكن احنا في البيت بتعكم يعنى احنا ضيوف
أم فجر : ولو برضو الاصول بتقول
ماجدة : لا بقى لو على الاصول يبقى ننزل القاهرة والعريس بكرا يجي ياخد عارسته من بيت ابوها ،
يلاه يا بنات نمشي
هناء : تمشه فين بس ماما متقصدش
أم فجر : لا اقصد يا هناء أقصد
حبيبه : خلاص يا نانا الجوازه هتبوظ
أم فجر : ياختي بلا نيله
كوثر : معلش يا مدام محصلش حاجه ماما اصلها عصبيه شويه
ريم : اقعدي يا ماجدة محصالش حاجه
دعاء : لا ريم الا الكرامه
ريم : بس محصالش حاجه الحجه بتقول المفروض نتفق مع بتاعت الحنه
مفيهاش حاجه
ماجدة : انا قولت يلا يا بنات
ريم : استني بس
حبيبه : نانا متقصدش
فاطمه : في ايه يا جماعه داحنا هنبقى اهل
أيمان : والله مانتم ماشيين ولو على حد بيرسم حنه انا هكلم حد من البيوتي سنتر اللي بارحله يجي يرسم
حبيبه : وليه نرسم اصلا ما تيجو نعمل تاتو
ريم : انا بحب التاتو
ماجدة : التاتو حرام لانه بدعه
منى : انا عندي اقتراح لا حنه ولا بتنجان احنا نهيص شويه وننده العيال يهيصه و خلاص
حبيبه : اه يا منى ونرقص
ام فجر : بس انا كنت عاوزه احني رجلي
منى : مينفعش يا تيته عشان الركور
**** ( بقلم : هند محمد ) ****
ناجي : انا مش مصدق انا مع منى رجب وكمان خطبتي
منى : عارف يا ناجي انا في الاول كنت قلقانه عشان فرق السن
بس دلوقتي لما عرفتك حسه انك انته اكبر مني
ناجي : مش بالسن يا منى بالعقل
وانا اتمرمط كتير و انا صغير ، بس كان نفسي اكون حد محترم فا لما جاتلي الفرصه مع نجوى مسكت فيها والحمد لله انا دراعها اليمين واعرف كل اسرارها
منى : ربنا يكرمها
قولي بقى لما نتجوز عاوز نخلف على طول ولا نستنى ؟
ناجي : لا طبعا نخلف دانا نفسي اخلف وادخل عيالي مدارس اجنبي ويطلعه يتكلمو فرنساوي
منى : اشمعني فرنساوي
ناجي : اصل الناس اللي بتتكلم فرنساوي دول تحسي كدا انهم ولاد ناس وشيك
منى : ههههه طب واللي بيتكلمه انجليزي ؟
ناجي : لا تحسي انهم فرافير
منى : والله عندك حق
انا جعانه اوي ما تيجي نروح نضرب فته وكوارع في الحسين ؟
ناجي : كوارع و فته ؟
دانا قولت هتقوليلي نتعشا بيتزا ولا برجر
منى : ليه يعنى ، يابني انا من شبرا
ناجي : اجدع ناس ههه
أنت تقرأ
الدنيا صغيرة
Romanceبسم الله الرحمن الرحيم قصتى المرادي ابطالها مش جداد كل الابطال معروفين ولكن عشان الدنيا مستمره والدنياصغيره كل ابطال القصص بتعتي هيقبلو بعض وهيدور بينهم أحداث ومشاكل وقضايه وحب وأوقات حلوه وصدقات عاوزين تعرفه ايه اللي هيحصل تابعو الدنيا صغيره