الحلقه { 153 }
أيمن : ( أيمن ومعه عبد الرحمن وشاف شمس وعمر بيسرح لها ) أيه دا ؟
شمس : هااااااا بابا ؟
سهر : تعالي يا أيمن شوف عمر والله يجنن
أيمن : هو اللي بيسرح للبنات وأنتي قعده كدا ؟
سهر : أه دا الولد موهوب يا أيمون ، على فكره الولد دا لما يكبر هيكون كوافير يجنن
عبد الرحمن : ( واقف مدايق أن اختها حد مسك شعرها فا من غيظه زق شمس ) أمشي أنجري أطلعي فوق أنا هربيكي
شمس : اه براحه يا عبد الرحمن
أيمن : ( مسك أيدو ووقف قدامه ) أيدك الجمدة دي عشان تحمي أختك مش توجعها فاهم ولا لأ ؟
عبد الرحمن : يعني يا بابا عجبك اللي هي عملتو سايبه شعرها لراجل غريب ؟
سهر : ( بأستغراب ) راجل غريب ؟ دا عمر 11 سنه دا لسه عيل دي شمس أكبر منه
عمر : والله يا أنكل انا مش قصدي حاجه وحشه انا بحب أسرح الشعر حتى شوف شعر سناء
سناء : شوف يا عمو ؟
أيمن : (شاف شعر سناء لقه فعلا حلو وكأن كوافير محترف هو اللي عامله ) حلو يا حبيبي مافيش حاجه ، يلا يا شموسه نطلع
شمس : ( وهي خايفه ) حاضر ( وطلعت تجري على السلم )
أيمن : وأنته قدامي ( وطلع هو وعبد الرحمن على السلم وهما طلعين ) بتزق أختك وانا واقف ؟
عبد الرحمن : يعني يا بابا عاوزني أشوف الغلط وأسكت ؟
أيمن : داين تداني يا عبد الرحمن ، داين تدان حط الكلمه دي في دماغك ، واللي الواحد بيعملو مع بنات الناس بيتردله في أهل بيته
( ولما طلعو الشقه فوق )
عفاف : في أيه يا أيمن شمس داخلت تجري على جوه ؟
أيمن : مفيش يا فوفه انا هدخل لها ( وسابها ودخل لشمس الاوضه بتعتها )
عفاف : في أيه يا بيدو ؟ مالك ؟
**** ( بقلم : هند محمد ) ****
أيمن : ( خبط ) ممكن ادخل ؟
شمس : ( فتحت الباب ) أتفضل يا بابا ( وبعدت كام خطوه لورا وأيمن دخل وقفل الباب وراه ) بابا أنته هتضربني ؟
أنت تقرأ
الدنيا صغيرة
Romanceبسم الله الرحمن الرحيم قصتى المرادي ابطالها مش جداد كل الابطال معروفين ولكن عشان الدنيا مستمره والدنياصغيره كل ابطال القصص بتعتي هيقبلو بعض وهيدور بينهم أحداث ومشاكل وقضايه وحب وأوقات حلوه وصدقات عاوزين تعرفه ايه اللي هيحصل تابعو الدنيا صغيره