بسم الله الرحمن الرحيم
قصتى المرادي ابطالها مش جداد كل الابطال معروفين ولكن عشان الدنيا مستمره والدنياصغيره كل ابطال القصص بتعتي هيقبلو بعض وهيدور بينهم أحداث ومشاكل وقضايه وحب وأوقات حلوه وصدقات عاوزين تعرفه ايه اللي هيحصل تابعو الدنيا صغيره
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#الدنيا_صغيرة
الحلقه : { 69 }
مازن : هو بأيدي ، انا اول ماشفتها لقيت قلبيه بينبض وعيني مش عاوزه تنزل من عليها ، ولا ودني راضيه تسمع حاجه غير صوتها ، طريقتها وهي بتتكلم متعرفش دي كلاس أوي ولا واحده من الشارع ولا رقيقه ولا معلم ولا ايه ، لذيذه وخيالها واسع وجدعه اوي ، لما داخلت على النت وحاولت اجيب معلومات عنها لقتها ست ناجحه جدا وهى اللي بنت نفسها من الصفر
مراد : مين الست الحديديه دي ؟
مازن : مش مهم بقى مانا بقولك متجوزه ، ربنا يسعدها
مراد : طب ألحمد لله أنك عارف انها متجوزه ، يبقى نشوف حالنا بقى ، نتجوز كدا ونشوف واحده موزه ومدملكه كدا تعرف تدلعك
مازن : لازم اكون بحبها يا بابا وانا قلبي محدش خطفه كدا غير اللي بكلمك عليها دي
مراد : تعرف انا أتجوزت أمك بس ماكنتش بحبها يعني كنا جيران وأمك زمان كانت ايه فرسه هههههه
_ أه والله وكانت تعمل شعرها كدا وترسم عنيها بالكحل كدا والله كنت افضل مستني في الشارع لحد ما تيجي من الجامعه واشوفها
مازن : الله مانته لسه قايل أتجوزتها ومكنتش بتحبها أوي ، ازاي بقى كنت بتفضل مستنيها
مراد : مانا كان عيني منها ، وروحت قولت لأمي بقى الله يرحمها ماما انا عاوز اخطب مريم واتجوزها , وقوام قوام أتجوزنا وسافرنا وهناك بقى في لندن عرفت أد ايه اني أخترت صح وحبيتها من قلبي
_ أمك دي حنينه وطيبه وياما وقفت جنبي ست أصيله ربنا يخليكي ليه يا مريم يا رب
مريم : ( بنرفزه وصوت عالي ) انتو فييين منك لله
مازن : ههههههههههههههه
مراد : في ايه مالك ؟
مريم : واقفين أنتم الجوز في البلكونه وفتحين الباب ومش عملين السلك خليتو الناموس يدخل الشقه وهجم عليا جوه ومص دمي
مراد : مانتي متغطيه وانا بنفسي مشغلك الجهاز بتاع الناموس
