بسم الله الرحمن الرحيم
قصتى المرادي ابطالها مش جداد كل الابطال معروفين ولكن عشان الدنيا مستمره والدنياصغيره كل ابطال القصص بتعتي هيقبلو بعض وهيدور بينهم أحداث ومشاكل وقضايه وحب وأوقات حلوه وصدقات عاوزين تعرفه ايه اللي هيحصل تابعو الدنيا صغيره
نجوى : ( داخلت وقعدت ومازن قفل الباب وجه قعد جنبها وبقى وشهم في وش بعض ) زي ما قولتلك انا عاوزه اتكلم معاك ، بس الاول عاوزه تفسير للي شفته أمبارح في المطعم
مازن : محصلش حاجه يا نجوى احنا كنا بنرقص على الاغاني محصلش حاجه
نجوى : انا شوفتها بتبوسك ، شفتك وأنته أيدك عارف كنت حاطتها على أيه ؟
نجوى : انا طول الليل بفكر ، مازن انته ياما سافرت وياما شوفت ليه تعمل كدا دلوقتى ؟
مازن : والله ما عارف جرالي أيه ؟
نجوى : تعرف انا ليه أبن أخت اسمه مصطفى ، مصطفى دا في أبتدائي لسه صغير ، بس هو بيحب بنت في الفصل وكان هيتجنن عليها وجه قالي أنه بيحبها بس مكسوف يروح يقولها ، وهو شايفها أموره وزي الملاك ورقيقه
انا نصحته بقى انه يروح ويتعرف عليها ويقرب منها ، لان الواحد والحاجه بعيده عنه بيشوفها حلوه وجميله وبيتمنها أنشالله يحارب على شانها بس المهم يوصلها ، ولاكن لما الحاجه دي تبقى قدام عين الانسان بيشوفها على حقيقتها فا بيرجع يقول انا ازاي كنت معجب بالحاجه دي
_ ودا اللي حصل معاك ، أنته لما سمعتني في الطياره بهزر وبضحك مع صهيب أعجبت بيه وأتمنتني ، وعشان انا كنت بعيد ومع غيرك أعجابك بيه زاد اكتر ،
