الدنيا صغيرة

الحلقه { 108 }

الحلقه { 108 }
نجوى : اه فاضيه احكي
سلامه : انا يا ستي لما خلاصة جامعه طبعا مالقتش شغل
نجوى : اه طبعا دا متوقع
سلامه : حاولت ادور ملقتش ودا العادي
نجوى : الطبيعي
سلامه : قولت بقى اسافر واسيب البلد ولقيت واحد بيسفر الشباب ايطاليا عن طريق البحر
نجوى : وسافرة ايطاليا
سلامة : لا ما هو قالي عاوز 30 الف عشان أسفرك فضلت اشتغل كل حاجه واي حاجه عشان اكون ال30 الف ، المهم في يوم كنت زهقان وقرفان قولت ادخل على النت واروش شويه ههههههه
نجوى : ههههه تمام وبعدين
سلامه : دخالت كلمت واحد كنت فكرو بنت بس طلع راجل
نجوى : ازاي يعنى كان بيشتغلك ؟
سلامه : لا اصله كان كاتب اسمه بالانجليزى كان اسمه أيمن وانا قرتها أيمان ههههههههه
نجوى : اممممم مدارس حكومه بقى وكدا هههههه
سلامه : طبعا . المهم كنت حاكيت موضوع السفر وايطاليا وكدا ، فا قالي وليه تسافر وتعرض نفسك للموت فى البحر مانته عندك اكتر من 30 دوله ممكن تسافر لها بكل سهوله من غير ما تدفع ولا مليم وكمان هتسافر بطريقه شرعيه
قولتله ازاي
قالي بقى ان في دول ممكن تديك الفيزا واقامه 3 شهور عشان تشجع السياحه وكدا
نجوى : اه انا كمان لسه عارفه الموضوع دا قريب بتاع السفر دا

سلامه : تمام ، المهم قولتلها شكرا اوي يا ايمان واتمنى نكون اصحاب
قالي ايمان مين انا اسمي ايمن
نجوى : اكيد اتصدمة
سلامه : بصراحه اه هههههه بس بعدها فضلت ادعيلو والله ان ربنا يكرمه 
نجوى : أمين
سلامه : وبعدها بقى سافرت الاردن بعد اسبوع والحمد لله لقيت شغل وسنه وزهقت فضلت اسافر بقى من هنا لهنا في الدول اللي من غير فيزا دى لحد ما جيت من 5 سنين هنا في ولايه في الشمال ومنها بقى جيت هنا بطريقه غير مباشره لحد ما جيت نيويورك
نجوى : و أتعرفت بمستر ايزاك ازاي ؟
سلامه : تعرفي مطعم بركوته ؟
نجوى : اه دا بتاع بيري اللي انا رايحلها دلوقتي
سلامه : انا بقى اشتغلت هناك كنت بغسل اطباق و مدام بركه لما عرفت اني مهندس كلمت مستر ايزاك عليا وبدء يشغلني لحد ما عملتلو اول مشروع و الحمد لله المشروع كسر الدنيا
نجوى : الحمد لله طب بقالك اد ايه منزلتش مصر
سلامه : لا كتير حوالي 7 سنين اصل انا قبل ماجى امريكا كنت في استراليا
نجوى : اممممم طب اهلك موحشكش ؟
سلامه : انا ابويا وامي ماته
نجوى : مكنش عندك اخوات ؟
سلامه : كان عندي اخت واحده "
"
"
"
بس ماتت هي كمان
نجوى : الله يرحمها
**** ( بقلم : هند محمد ) ****
انجي : الله هو الباب مش بيفتح ليه ؟
نور : لسان الكالون بيفتح اهو
محمد : دا شكل الكالون اللي فوق هو اللي مسكوك
أنجي : الله وايه اللي قفله دانا من ساعت ما سكنا هنا مقفلتوش خالص ؟
محمد : طب هنعمل ايه دلوقتي
نور : انا عاوزه انام ، هننام على السلم يعني ؟
انجي : انا مش معايا مفتاح الكلون دا ، محمد كلم ابوك وقوله معاكش المفتاح ؟
محمد : ههههههه انتي بتضحي بيه يا انجي انتي عاوزاني اكلم بابا واقوله بابا انا وماما روحنا الفرح وكسرنا كلمتك ايزي بقى هات المفتاح
أنجي : يووووو اكيد هو اللي فقل الباب
نور : انا هروح اجيب المفتاح منه
محمد : لا بلاش بدل ما ينفخك
نور : في حد ينفخ بنته لا طبعا وبعدين انا هدخل عليه داخله كدا هخلي قلبه يحن
أنجي : طب روحي بسرعه وهاتي المفتاح
**** ( بقلم : هند محمد ) ****
مشيرة : اهلا ازايك ايه القمر دا ؟
نور : بجد يا ماما مشيرة انا حلوه
مشيرة : الله ماما مشيرة حلوه اوى ، قوليلي كدا على طول ممكن ؟
نور : بس كدا عيوني ، هو بابا فين ؟
مشيرة : فين ايه ما علي في الشقه عندكم
نور : بجد ؟
مشيرة : دا بقالو حوالي ساعتين
**** ( بقلم : هند محمد ) ****
(  وعلى السلم أنجي قعده . ومحمد ساند على الباب وعلي طبعا وأقف ورا الباب بيسمع هما بيقوله ايه )
محمد : يا رتنا ما كنا رحنا
أنجي : يعني احنا رحنا عملنا ايه ما احنا فضلنا قعدين
محمد : ماشي بس خوديلك بقى تهزيق وكلام من بابا
أنجي : اهو هيتكلم شويه ويسكت ، وبعدين انا زمان كنت بسكت عشان ماكنش ليه غيره لاكن دلوقت لقيت خالتي
محمد : وخالتك دى هتعمل ايه هتصرف علينا ولا هتدفع مصاريف المدرسه لنور ولا مصاريف الجامعه بتعتي ؟
أنجي : ما دا المصبرني على ابوك والله لولا كدا انا كنت اطلقت منه
( وصلت نور تجري على السلم )
أنجي : ايه اخرك كدا ؟
نور : يا دوب عقبال ما روحت وجيت
محمد : جبتي المفتاح من الارشدوك
نور : اخرس متقولش على بابا كدا
محمد : دا ايه الادب اللي نزل عليكي مره واحده دا
نور : انا متربيه غصب عنك
أنجي : عيب يا نور متقوليش لأخوكي كدا
(  علي فتح الباب مره واحده راح محمد واقع علي الارض )
علي : قوم يا حليتها قوم
محمد : يا ليله سودا ، بابا ؟
علي : لا وانته الصادق انا الارشدوك
انجي : علي انته هنا من امته ؟
علي : من زمان من أيام مانتي صبره بس عشان المصريف
أنجي : علي انته فهمني غلط
علي : لا انا فهمك صح ، تمام يا أنجي من دلوقتي كل اللي يربطنا ببعض هي المصريف تمام
نور : بابا والله احنا اسفين
علي : ودي الدخله عشان قلبي يحن يا ست نور ؟
انا قلبي بيحن للناس اللي بتحبني عشاني انا مش عشان فلوسي
أنجي : كل اللي حصل بينا دا وكل السنين دي وفي الاخر عاوز تقول اني عايشه معاك عشان الفلوس ؟
علي : مش انا اللي قولت انتي اللي قولتي
على : العموم وجبي نحيتكم هعملو عشان ربنا مايحسبنبش ، وحقك كا زوجه لو عاوزه هدهولك بس فلوس لاني مقدرش اكون مع وحده محبتنيش 
(  وسابهم ونزل )
محمد : هنعمل ايه دلوقتي ؟
أنجي : يومين وهصلحه ويروق يلا يلا ندخل عشان ننام
**** ( بقلم : هند محمد ) ****
حامد : ايه يا ميوش هتفضلي مكسوفه كدا ؟
مي : انا مكسوفه اوي وخايفه
حامد : في حد يكون معه حبيبو ويخاف ؟
مي : ههههه لا
حامد : طب تبجي نلعب ؟
مي : ماشي بس هنلعب ايه ؟
حامد : نلعب سبت حد بس المعدله
مي : ازاي ؟
حامد : ( قرب منها اوى وهما الاتنين علي السرير ومسك اديها الاتنين )
بصي انا هقول سبت وهبوس خدك الشيمال
وانتي تقولي حد وتبوسي خدي اليمين ونفضل نبوس خدود بعض لحد ما نوصل ليوم الجمعه واللي يقول جمعه يبقى هو الفائز
مي : والفائز بقى يعمل أيه ؟
حامد : كل اللي في نفسه والخسران لازم ينفذ الاوامر ويستسلم
مي : ماشي يلا نلعب
حامد : سبت أموووووه
مي : حد اموه
حامد : اتنين امووووووه
مي : ثلاثاء اممموه
حامد : اربعاء اموووووه
مي : هههههههههه خميس اموووووه
حامد : جمعه انا اللي كسبت انا اللي كسبت
مي : بص بص بص انته بتوترني
حامد :ايه فرحان بالفوز
مي : فوز ايه هو انته جبت جون ؟
حامد : جون ايه بس دانا دلوقتي هجيب ضربات جزاء وركلات ركنيه وراميت تماس وضربات حره غير مباشرة ، يلاه بقي ادي اشارة بدء المبارة
مي : ههههههه
حامد : والله احلى من صفارة الحكم
**** ( بقلم : هند محمد ) ****
مشيرة : مالك يا علي ؟
علي :"
"
"
"
مشيرة : انته اتخانقة مع أنجي ؟
علي : انا هنام ومش عاوز صوت ومش عاوز حد يصحبني ممكن
مشيرة  : ممكن حاضر ، بس انته كويس يا حبيبي
علي : حبيبك ؟ هااا اه انا كويس
( ونام وغطى نفسه و فضل يفكر ويقول لنفسه ) { حبيبك عشان انا وانتي شركه اكيد لو اتخانقنا سوى هتقوليلي زى الهانم التانيه انا صابره عشان الفلوس والشركه اللي بنا ، هو خلاص مابقاش في حب مابقاش في اخلاص كلو مصالح وفلوس وبس }
**** ( بقلم : هند محمد ) ****
(  و تاني يوم الصبح )
ننوسه : (  واقفه في شباك اوضتها وشافت  داليا وعبد الرحمن ونغم وشمس و اكتر من حد من الجيران بيجرو لحد ما شافت عز ) عز يا عز واد يا عز
عز : ايه يا ننوسه عاوزه ايه ؟
ننوسه : انتم بتجرو كدا ليه ؟
عز : بنعمل رياضة الصباح بنخس
ننوسه : تخس دانا هنزل اخسس امها النص دلوقتي
( راحت نحيت الدلاب ولبست ترنج ونزلت تجري معاهم ) انا هوريكي يا بنت منى مش كفايا امك اسمها منى وسكتين
( بدأت تجري لحد ما وصلت لعبد الرحمن و داليا و دخلت ما بنهم عشان تفصل ما بنهم ) مقولتليش يعني انكم عندكم مارسن وهتجرو ؟
عبد الرحمن : محمود اخوكي ما قالكيش ؟
ننوسة : لا طبعا وهو من امته محمود بيقولي حاجه
عبد الرحمن : انا اتفقت انا و ولاد الجيران ان كلنا نجري كل يوم عشان نخس
ننوسه : وامتي تم الاتفاق دا بقى ؟
عبد الرحمن : و انتي بترقصي مع محمد علي
ننوسة : اها دانته بتغير بقى
عبد الرحمن : وهغير ليه ربنا يتمم بخير ، يلاه يا دودي ناقص لنا لفتين
داليا : معاك اهو
ننوسة : كفايا انا تعبت
عبد الرحمن : انا بكلم داليا مش بكلمك انتي ( وجري هو وداليا وباقي الولاد وسابوها واقفه )
ننوسة : ماشي يا عبد الرحمن انا هوريك انته وبنت منى دي
  **** ( بقلم : هند محمد ) ****
جودي : بتعمل ايه يا جدو
فجر : عندي شغل يا حبيبتي روحي العبي مع اخواتك
جودي : اخواتي بيجرو وبيعملو رياضه وانا مكسله اجري معاهم
فجر : ماشي يا جودي سبيني بقى عشان بشتغل
جودي : مانا جيالك في شغل ، خد يا جدو دول 200 جنيه عوزاك ترفعلي قضيه
فجر : ( اخد الفلوس وهو مستغرب وفي نفس الوفت فرحان ) اااااه ارفعلك قضيه على مين يا جودي ؟
جودي : على عمو القاضي الوحش الرخم ، بابا راحله امبارح وقاله جودي عاوزه تغير اسمها فا القاضي مرضيش
فجر : اه وانتي بقى عاوزه تغيري اسمك ليه ؟
جودي : زى بابا ، وغير ان جودي دا مش عاجبني
فجر : اممم تمام بس 200 جنيه دول قليلين اوي يا جودي
جودي : مانا بنت بنتك بقى اعملي خصم
فجر : ههههههههههه هههههههههه ( شالها وحطها على رجله ) ماشي اعملك خصم ، قوليلي بقى عاوزه تغيري اسمك لأيه ؟
جودي : سندريلا
فجر : امممم جميل ، ماشي انا هرفعلك القضيه بس ليه شرط عشان اعملك الخصم
جودي : ايه هو يا جدو
فجر : عاوز حضن كبير اوي اوي وبوسه كبييييره
جودي : بس كدا عيوني يا جدو يا حبيبي حضن كبير اوى اهو وبوسه امممموووووه
**** ( بقلم : هند محمد ) ****
أدم : ماما هما قالو جايين امته ؟
رباب : الساعه 2 بعد الصلاه
أدم : ومالو مستعجل كدا ليه هو دا معاد حد يطلب فيه ايد حد
**** ( بقلم : هند محمد ) ****
داليا : اعمل ايه مانته مش فاضي الساعه 6 عندك كتب كتاب الساعه 8 عندك برنامج الساعه 10 عندك مش عارفه ايه قولت الصبح بقى وانته فاضي
فريد : يا داليا انا مش عاوز وبعدين دى طخينه اوي
داليا : هو انا مقولتلكش
فريد : لا مقولتيش .
داليا : بتروح لدكتور تغذيه وبتخس يعني عقبال ما توضب الشقه ونشتري الشبكه واوضت النوم هتكون باقت موزه
فريد : هو مين دا اللي هيشتري شبكه واوضت نوم
داليا :حضرتك مش اي عروسه لازم يتجبلها شبكه وكمان اوضة النوم 
فريد : ليه هي بنوته ولا ايه ؟ اكبلها أوضت نوم جديده ؟
داليا : والله هي تعتبر بنوته دى اتجوزة 3 شهور بس وبعد سنه اطلقت
فريد : 3 شهور ، وليه بقى اطلقت ؟
داليا : كان بيضربها اخر مره ضربها بالحزام وكانت حامل في اول شهر
فريد : دا كان مجنون دا ولا ايه
داليا : لا كان ظابط وكان عصبي فا سابو بعض بقى يعنى تقدر تقول هى مش بنوته اوى بس استعمال طبيب هههه
فريد : ماشي يا داليا انا هنزل اصلي ولما ارجع هخدك ونروح ، بس لازم تعرفي انا هتجوز بس عشانك ، عشان تسليكي وانا مش موجود
داليا : وكمان تسليك وانا ناااايمه
فريد : اه منك انتى باقيتي رخمه
**** ( بقلم : هند محمد ) ****
مي : ( فتحت عينها لقت حامد نايم جنبها  ) ما اجرب احمل زى ما حبيبه قالتي
( قربت منه وباسته في خده )
حامد : ايه دا ايه حصل ؟
مي : حصل كدا ( وباسته تاني ) صباح الخير يا حبيبي
حامد : صباح النور يا قلبي ، تعالي في حضني شويه
مي : مش هتقوم من النوم ؟
حامد : لا هنام سويه
مي : ههههه بطل بقى قوم عشان تصلي الجمعه
حامد : اوووووه اوك هقوم بس لما ارجع هجيلك
مي : ايه هنلعب سبت حد زى امبارح ؟
حامد : لا هنلعب شد الكبس
**** ( بقلم : هند محمد ) ****
هدير : وكانت احلى ليله يا عزة
عزة : ربنا يسعدك يا رب ويهنيكى ويهدهولك يا رب
هدير : عزة انا نفسي أعمله مفاجأة كدا بس مش عارفه اعملو ايه ؟
عزة : غدير كل اللي عاوزه منك انك تحبيه وبس وهو الله اكبر مش شايف غيرك
هدير : لا بس برضو نفسي اسعدو اكتر واكتر
عزة : اقولك اطبخيلو الاكل اللي بيحبو
هدير : وكدا هيكون سعيد ؟
عزة : اه طبعا مش بيقوله قلب الراجل في معدته
**** ( بقلم : هند محمد ) ****
أدم : اهلا يا شيخ فريد
فريد : اهلا بيك يا حبيبي بلاش شيخ دي قولي بابا زى داليا
أدم : بابا ، ممكن اقولك يا عمي
فريد : برحتك اللي يريحك
داليا : بس انا هقول لماما رباب يا ماما ، و انا وانته هنبقى اخوات
أدم : اه طبعا مانتي اكبر مني بسنه صح
داليا : اه انا راحه تانيه تجارة انجلش
أدم : وانا هروح اولى شرطه ان شاء الله
فريد : ان شاء الله ، طب ندخل في الموضوع انا جاي أطلب ايد مدام رباب
أدم : اه مانا عارف ، بس انا بصراحه أخاف اجوزها و جوزها دا يعمل فيها حاجه
فريد : وانا مش ممكن اعمل فى مراتي حاجه تأذيها ، انا شيخ حافظ كلام ربنا وعارف شرع ربنا كويس
أدم : طب انا ليه طلبات
داليا : كل طلباتك اوك قول عاوز ايه
أدم : .
.
.
.
تفتكرو ايه هي طلبات أدم ؟