الدنيا صغيرة

الحلقه : { 57 }

#الدنيا_صغيرة

الحلقه : { 57 }

حبيبه : طب الحاجات دي عند سامح يا منى ؟

منى : شيلو البت دي من هنا ، انا بتكلم بجد

مي : انا قدامك اهو أيه الحاجات دي قولي

مني : أهم حاجه يكون بيحس ، عندو أحساس ، وانتي زعلانه يطبطب عليكي ويوم متعيطي يمسحلك دموعك

حبيبه : والله سامح بيعمل كدا ، تعرفو لما بيزعلني مش بينيمني زعلانه ولازم يصالحنى

أم مي : ربنا يخليكم لبعض ـ الله يرحمك يا عادل كان كدا برضو

منى : وميكنش بخيل ، والبخل مش بس في الفلوس لأ البخل في كل حاجه المشاعر والاهتمام والاحتواء

ولازم وانتى مع قبل الجواز ، تقربي منه تشمي رحتو لقيتي رحته حلوه وبيستحمه ومهتم بنضفته يبقى تمام لقيتي رحته طالعه أبعدي عنه

حبيبه : الحمد لله سامح بيستحمه كل يوم الصبح وبليل

منى : اوففف الصبر من عندك يا رب

_ ركزي يا مي ، وتقربي من نفسه وهو بيتكلم وتشمي

حبيبه : لا بقى دا حبيبي بيغسل سنانه على طول

منى : قومي من جنبي يا بت هاخد فيكي 6 أشهر

حبيبه : خلاص خلاص بحسبك هتقولي حاجه مفيدة كنت هسمعك انا هقوم ارضع سمسمه جوة ( وقامت داخلت جوه وهي شيله سمسمه )

منى : كتك نيله وأنتي هبله

الجميع : ههههههههههه

منى : فترة الخطوبه بقى تركزي وتشوفي بيتعامل مع اهلو ازاي حنين عليهم ولا لا طيب ومحترم معاهم ولا لا

أسأليه أسأله وبعديها بكام يوم اسأليه تاني ولو غير من كلامه يبقى كداب

والدين بقى اهم حاجه شوفيه بيصلي ولا لا ، ومش بس كدا مفهومه للدين معتدل ومتفاهم كدا ولا منحرف ولا متشدد ومفاهيمه غلط

مي : كل الحاجات دي هعرفها من مقبلت بكرا ؟

منى : يا بت لما تتخطبي ، أقطع دراعي من هنا أن أم حامد عنيها منك