#الدنيا_صغيرة
الحلقه : { 11 }
عفاف : بتعملي ايه يا سهر ؟
سهر : (بتريقه وهي قعده قدام المرايه وبتحط ميكأب ) بصتاد سمك أصطدلك نص بلطي ونص بوري ؟
عفاف : هههههه لا انا وأيمن بنحب الماكريل والمكرونه
سهر : لا الدرج دا مش برابي فيه ماكريل ممكن اطلعلك بربوني ههههههههههه
عفاف : يامثبت العقل في الدماغ يا رب ، انتي يا بنتى امبارح كنتي
سهر : كنت هبله وعبيطه وبحب واحد بيشتغلني ، الواطي ياخد مني فلوس عشان يشتري شقه لمراته ، دا مفيش مره أشترالي كيس شيبسي
عفاف : يعني خلاص يا سهر ؟ عادل خرج من دماغك ؟
سهر : دماغي وقلبي وحياتي كلها ، بصى أعتبريه كان بلغم على صدري وتفيته خلاص
عفاف : يع كتك القرف ، أنتى مش عارفه أزاي اخت أيمن ازاي ؟
_ انتي بتحطي مكياج ليه أصلا انتي مش هتروحي الشركه ؟
سهر : لا مش هروح هريح انهاردة
عفاف : طيب اعملي حسابك تيجي معانا عند عمر وقمر في شقتهم الجديده
سهر : هتروحه الساعه كام ؟
عفاف : لما أيمن يرجع من الشركه ، يلا قومي عشان تفطري
سهر : حاضر هحط بس روج وأجيلك
عفاف : هو دا واقت مكياچ يا سهر ؟
سهر : هقولك نصيحه ، لما تكوني مدايقه ومتنكده وحسه ان الدنيا سودا قدامك وكلو سواد فى سواد والمستقبل منهار قدامك ، احسن حل تدخلي تستحمي وتسرحي شعرك تسريحه حلوه كدا وتحطي مكياچ هتحسي أن الدنيا مزهزها معاكي
عفاف : انا راحه أفطر ايمن يا سهر وهسيبك عشان انا عندي عيال عاوزه أربيها ( وسابتها وخارجت )
سهر : اااااااااااه ( وراحت مشغاله الاغنيه دي على الموبايل ) << أيام و بنعيشها ... هنعمل ايه يا قلبى فى ناس ماهماش ناس مفيش احساس ومش بيحسوا بجروحنا دى دموعنا هنحوشها عشان مش صح نبقى ضعاف >> الله عليك يا هضبه والله مافيش منك ، الاغنيه بقالها 20 سنه ووالله تجنن كأنها معموله عشاني ، الهضبه هضبه برضه أمال أيه ؟
أنت تقرأ
الدنيا صغيرة
Storie d'amoreبسم الله الرحمن الرحيم قصتى المرادي ابطالها مش جداد كل الابطال معروفين ولكن عشان الدنيا مستمره والدنياصغيره كل ابطال القصص بتعتي هيقبلو بعض وهيدور بينهم أحداث ومشاكل وقضايه وحب وأوقات حلوه وصدقات عاوزين تعرفه ايه اللي هيحصل تابعو الدنيا صغيره