الدنيا صغيرة

الحلقه { 123 }

الحلقه { 123 }
سلامه : يا مستر الموضوع محتاج وقت مش اكتر
أيزاك : طب ليه مش قولتلي من الاول سلامه ؟
سلامه : الموضوع بقالو يومين بس وان شاء الله اول ما التحقيق يخلص هنرجع نشتغل في الارض تاني
أيزاك : مش تجدب عليا سلامه علي هو اللي قتل الشخصين دول ؟
سلامه :  لالا خالص علي مالوش علاقه
وبعدين الdna كشف مين هما الناس دي و الحمد لله علي مالوش علاقه خالص
أيزاك : طب مين قتلهم سلامه بالشكل الوحشي دا
**** ( بقلم : هند محمد ) ****
شفيقه : طب يعنى حنفي وسيد دول راحه فين ؟
نادر : في ايه يا شفشق منا بقالي ساعتين بقولك جاري البحث
شفيقه : طب روحتو بيتهم ؟
نادر : طبعا بس ملقناش حد والجيران بيقولو أمهم وأبوهم ماتو وهما سافره يشتغله باره
شفيقه : باره فين  ؟
نادر : محدش يعرف
شفيقه : طب كدا الوضع هيبقى ايه ؟
نادر : بصي لو التحقيق اثبت ان سيد وحنفي هما اللي عملوها هيخدو حكم غيايب ، لو التحقيق مأثبتش هتتقيد ضد مجهول
**** ( بقلم : هند محمد ) ****
حاتم : مجهول ايه يا بيري يعني الداكتره يموتو فطيس !
بركه : سبحان الله داين تدان
زي ما موته رضى يا عيني فطيس  ، الله يرحمك يا رضى
حاتم : الله يرحمه
بس اخواته دول متوحشين ازاي يجلهم قلب يعملو فيهم كدا انتي عارفه الطب الشرعي قال ماتو ازاي ؟
بركه : اه طبعا ماتو مخنوقين من الكيس اللي كانو مالفوفين فيه وهما جوه القوالب الجبس المدفونه تحت الارض
حاتم : يعني ماتو بالبطيق ، اتعذبه وهنا بيموتو
بركه : تعرف يا حاتم انا وقت القضيه دي سالت ستي قولتلها لو انا مكان رضى دا يا تيته ومت كنتي  هتعملي ايه ؟
تعرف قالتلي ايه ؟
حاتم : اكيد كانت هتبلغ
بركه : لا كانت هتاكل مصارنهم بإديها وسنانها
حاتم : ستك دي كانت متوحشه
بركه : اوعي تقول كدا على ستي دي كانت أعظم ست انته فاهم ولا لا ( ودموعها نزلت )
حاتم : طب بتعيطي ليه دلوقتي ؟
بركه : عشان ستي وحشتني اوي الله يرحمها كانت لما اعيط تاخدني في حضنها وتقولي لما ستك تموت تبقي عيطي
لاكن طول مانا عايشه اوعي عينك تدمع يا براكتي
حاتم : ( قام وقعد جنبها على ركبه على الارض ومسح دموعها وسند راسها على كتفه ) الله يرحمها ، طب ممكن  يا براكتي بقى ماشفش الدموع دي تاني طول مانا عايش عاوز اشوف ضحكتك وبس
بركه : انا حسه اني مقصره اوي مع ستي هي ربتني وياما عملت على شاني و انا معملتلهاش حاجه
حاتم : ازاي بس انتي مش عملالها صدقه جاره وكمان عملتلها عمره ؟
بركه : نفسي اعملها حاجه اكبر
حاتم : يبقى تبطلي عياط وتفكري تعمليلها ايه ، مش تعيطي زي الناس الهبله
بركه : انا هبله ، يا حاتم ربنا يسمحك
حاتم : مش عجبك هبله طب اقولك ايه اقولك سهوكه ؟
بركه : هههه هو يا هبله يا سهوكه ؟
حاتم : اها يا كدا يا كدا ،  ما تيجي تنسهوك شويه والله وحشاني
بركه : لا العيال صاحيين
حاتم : ما العيال بيلعبو و ومش واخدين بالهم
بركه : لا خليها بليل ونتسهوك برحتنا
حاتم : ماشي يا سهوكه ، حاتي بقى سكر تصبيره
بركه : اموووووه
**** ( بقلم : هند محمد ) ****
كلوني : ( وعن طريق الاسكايب ) ازاي تاتيانا يتم انشاء مصناعين لتحليت المايه واحنا مانعرفش ؟
تاتيانا : انا معرفش اما مسمعتش عنهم خالص مستر كلوني
كلوني : اومال الفلوس اللي بتخديها من الموساد دي ليه مش عشان من خلال المنظمه اللي انتي موديرتها تقوليلنا كل مسمار بيتبني في مصر فين صح ولا لا
تاتيانا : صح مستر كلوني انا بعتذر
كلوني : ساعه واحدا يكون عندي بيانات المصناعين دول ومين اصحبهم وايه هو نشاطهم الاساسي
تاتيانا : حاضر مستر كلوني
**** ( بقلم : هند محمد ) ****
فجر : ايه دا فاطمه وشوقي هنا اهلا اهلا
شوقي : حمدالله على السلامه يا حضرت النائب
فاطمه : مفيش فيكي شبر يا اسكندريه غير وفيه صورتك يا فجر
فجر  : يا رب بس يكون كل دا بفيده بس وادخل البرلمان
شوقي : هقولك كلمتين وانا زي اخوك الكبير  ولا هتزعل  ؟
فجر  : انته مش زي اخويا الكبير انته فعلا اخويا الكبير
حبيبه : انا دادي مش ممكن يزعل من الكلام الصح يا عمو
شوقي : يبقى بص يا فجر لو ربنا شاء وداخلت المجلس اتكلم بلسان الغلبان ، هات للغلابه حقهم يا فجر
والغلبان مش عاوز غير رغيف عيش و مكان يسكن فيه زى الخلق . ومدرسه يعلم فيه ابنه و مستشفي يتعالج فيها الغلبان مش عاوز غير كدا
فجر : وانا مش هترشح عشان الغلابه وبس
انا عاوز اغير نظرة الناس يا شوقي انته بتقول رغيف عيش و سكن ومدرسه ومستشفي 
ودا المفروض الدوله ملزومه توفره مش فضل منها ولاكن دا واجب عليه
بس في نفس الوقت مش معنى ان المواطن الغلبان انه غلبان انه ياخد حق مش من حقه زي انه ينجح ابنه بالغش
وابنه يطلع فاشل لا نافع في شغله او مشغله ويقول الدوله مش بتوظف ومفيش شغل
ومش معنى انه غلبان يبقى يخلف من غير حساب 5 او 6 عيال من غير ما يفكر هيأكلهم ازاي أو يوديهم مدارس فين
شوقي : و يعني عاوزهم ميخلفوش عشان هما غلابه ؟
فجر : بالعقل يا شوقي انته اهو مثلا مخلف 3 ليه مانته تقدر تخلف اكتر
فاطمه : انا عن نفسي جبت البنت والولد اخلف ليه تاني  ؟
شوقي : وكمان عشان اعرف اصرف عليهم واربيهم كويس
فجر : هو دا قصدي المعدله عشان تمشي صح وتحقق تفاعل لازم النسب تبقى مظبوطه
حبيبه : ممكن بقى ننزل نتعشا تحت بدل ما أشيل العشا واطلعه هنا
فاطمه : ماشي ننزل ، بس هي
ماما فين ؟
حبيبه : نانا في التصوير
شوقي :ربنا يكرمها كدا واشوفها زي ماما نونه ههه
فجر : هههه انته بتتريق ولا ايه هههه لا بس ماما هتشوف السنادي دي معروض عليها افلام ومسلسلات
فاطمه : ربنا يفتحها عليها والله انا فرحانلها
فجر : وهو انتم ايه جابكم غريبه يعني ؟
شوقي : جينا نشوف الشقه بتاعت منى اللي هتتجوز فيها
فجر : اها ولقتو ايه ؟
شوقي : حلوه على قدهم
فاطمه : بس صغيره
فجر : مش مهم تكون كبيره او صغيره المهم يكونو متفهمين ويحبه بعض
شوقي : صح عندك حق
**** ( بقلم : هند محمد ) ****
كلوني : هي دي كل المعلومات عن علي صلاح و ايزاك بلادمير وسلامه عبد الله ؟
تاتيانا : أيوه مستر كلوني
والمصنع التاني بتاع مجموعه من الشركاء متعونين مع بعض
كلوني : تمام المهم تتصرفي تاتيانا وتوقفي المشاريع دي
المصانع دي لو اشتغلت هيبقى في مشاكل وخطر كتير علينا
تاتيانا : انا مش فاهمه خطر ايه مستر كلوني ؟
كلوني : هيزرعه الارض بتاعتهم اللي احنا بقالنا سنين بنحاول نبوظها ونبوزها بالاسمده المسرطنه اللي بنبعتهالهم
وكمان هيشربو مايه نضيفه ومش هيجبهم امراض زي الفشل الكلاوي و فيروسات كتير
لازم  ارضهم تبور عشان و يجوعو وميلاقوش شغل واحنا اللي نبعت لهم الاكل واحنا اللي نشغلهم بطارقتنا
تاتيانا : الارض اللي في البحر الاحمر المفروض كان هيتبني عليها بورتو سياحي
كلوني : تمام بورتو اه لاكن مشروع يطلع منتج والمنتج يجيب فلوس وخير كتير لا
فهمه تاتيانا لا
تاتيانا : انا هاصرف مستر كلوني وهوقف المشاريع دي للابد
**** ( بقلم : هند محمد ) ****
أنجي  : يابني تعاله بات عندي في اوضه فاضيه
سلامه : انا اشتاريت شقه في اكتوير بالفرش كمان يبقى اجي ابات عندك ليه ؟
أنجي : عشان عوزاك جنبي اطمن عليك
سلامه : انا جنبك يا حبيبتي ، بصي كل يوم جمعه هاجي اصلي مع علي و محمد ونقضي اليوم سوي
أنجي : يا ريت يا سلامه يا ريت
**** ( بقلم : هند محمد ) ****
( وتاني يوم )
نجوي : يعني خلاص يا مستر أحمد كدا مش ناقص غير المكن يتركب ونجيب الطيور
أحمد : ايوه مش انته لما روحتي المزارع كانت المباني متشطبه ؟
نجوى : ايوه بس انا حسه انك خلاصت بسرعه احمد : ما هو دا شعار الشركه اتقان العمل والسرعه في التسليم
نجوى : برافو والله بجد ، طب كدا هتشارك في البيوت ولا هتكتفي ب ال 20 بيت والمزارع ؟
أحمد : لا انا مش هسيب المشروع دا غير والناس مرتاحه في بيوتها
نجوى : ربنا يكرمك يا رب
**** ( بقلم : هند محمد ) ****
صهيب : يعني هنرمي الاساسات امتى ؟
نبيل : احنا تقريبه خلاصنا حفر المبني الاساسي وهنرمي الاساس مع حفر المباني الملحقه بحيث منضيعش وقت
صهيب : طب تمام وانا هحول المبلغ اللي أتفقنا عليه للشركه
نبيل : برحتك انا مش مستعجل
**** ( بقلم : هند محمد ) ****
أم حمزة : والله البرنامج بتاعها حلو
تقى : امممم خلود شطره في المطبخ ، بس احسن حاجه في البرنامج دا ان كل المنتاجات اللي بتشتغل بيها خلود من كوكو واوا
أم حمزة : اه دا هيعمل دعايا للشركه
تقى : اه طبعا
دانا عاوزه ادخلك الموقع وأوريكي الناس عاجبها المنتاجات بتاعتنا ازاي
أم حمزة : هي خلود دي متجوزه ؟
تقى : لا مطلقه ، كانت متجوزه ولاكن محصلش حمل فا جوزها واهل جوزها ماصبروش جوزها قالها هتجوز عشان اخلف فا هي قالتله طلقني راح مطلقها
أم حمزة : طب ما رحتش لداكترة ؟
تقى : راحت وقالولها محتاجه علاج بس هيطول
بس جوزها بقى مصبرش
أم حمزة : كانت هي تصبر بدل ما تبقى مطلقه واهو ضل راجل وخلاص
تقى : طب وليه تيجي على نفسها وكرمتها وتستنى يجلها ولا مايجلهاش
ولو فرضنا تصبر وتتعالج وتخلف وقتها ابنها هيبقى ابوه متجوز غير امه واخواته اكيد مش هيحبوه
طب وليه كدا احسن ، عايشه برلحتها حره ليها مرتبها وشقتها وعربيتها تروح وتيجي وتشتغل وتنجح الجواز دا بقى مش مهم
أم حمزة : ااااااه يا تقى والله احنا ما كنا بنات الواحده مننا كان حلم عمرها تتجوز ويكون لها بيت
تقى : لو البيت دا هيبقى مصنع للنكد والغم وكبت الحريه والراجل زي قلتها وأناني ومش بيفكر غير في نفسه يبقى كل واحد يشوف مصلحته احسن
**** ( بقلم : هند محمد ) ****
سهر : ( قدام المرايه وعماله تغني ) الخميس هبقى عروسه قولو للعريس هات بوسه
عفاف : لو أيمن سمعك هيهخنقك
سهر : ههههههه ليه بس يا فوفه دانا هتجوز وفرحانه
قمر : ايوه افرحي وكل حاجه بس من غير بوس
سهر : صحيح يا مادمات قولولي بما انكم متجوزين بالكم كتير ، هو البوس حلو ؟
قمر : ههههه البوس هو اه حلو
عفاف : بس منك ليها بطلو قلت ادب 
سهر : الله مش أعرف و لا اتدبس
قوليلي يا قمر ايه تاني غير البوس في الجواز تاني حلو ؟
قمر : اااهااااا يا سهر الحضن اجمل حاجه الحضن الدافي الحنين
عفاف : انا مش قولت بس عيب كدا
سهر : هو ايه العيب دانا فرحي بعد بكرا ولازم افهم ، دا بدل مانتي اللي تفهميني انتي يا مرات أخويا
عفاف : افهمك ايه يا بجحه انتي
سهر : بعد الحضن الدافي الحنين اللي قمر قالت عليه بيتعمل ايه بقى ؟
عفاف : معرفش
سهر : معرفش ؟  طب ابسطهالك
يوم دخلتك على أيمن حصل ايه لما روحتم البيت ؟
عفاف : والله بجحه و عينك عاوز يندب فيها رصاصه
سهر : احساسي كدا بيقول أن اخويا لم يوفق في هذه الليله ، أقعدي انتي على جنب
قمر حبيبتي احكيلي انتي بيحصل ايه ؟
قمر : ااااااه هههههه
بصي تعالي فوق وانا احكيلك
عفاف : ما تبطلو قلت ادب انتم الاتنين عيب كدا
سهر : عيب ايه دي معلومات عما ، ثقف نفسك مفيهاش حاجه
**** ( بقلم : هند محمد ) ****
حبيبه : يلاه ادخلو غيرو هدمكم عقبال ما اعمال الغدا
أم مي : انا خلاصت الغدا خلاص
حبيبه : هاااااا طب ليه كدا يا ماما دانا كنت هرجع اعمله
أم مي : لقيت نفسي فاضيه وزهقانه قولت اتسلى
حبيبه : كدا تعبتي ازعل بقى انا كدا
أم مي : والله ما تعبت ، المهم جبتي حاجات المدرسة للولاد ؟
حبيبه : اه ودافعت المصاريف كمان تعالي لما اوريكي اشتارينا ايه ؟
أم مي : الله هي داليا ماجتش معاكم ليه ؟
حبيبه : منى قالتلها تعالي هنتغدا باره مع راغب عشان تتعود عليه يعني
فا خليت السواق يجبني وهيروح يودي داليا لمنى
أم مي : امممم ماشي فرجيني بقى جبتي ايه
**** ( بقلم : هند محمد ) ****
راغب : اجبلك حاجه مع البيتزا ؟
داليا : لا شكرا بيتزا وبيبسي حلو اوى كدا
راغب : بس انتي صغيرة يا داليا ليه لبسه حجاب ليه حجبتيها يا منى ؟
منى : انا ماكنتش عاوزه احجبها دلوقتي بس هي مصممه
راغب : ليه كدا يا داليا انتي لسه طفله
داليا : طفله ؟ انا راحه تانيه اعدادي وكمان عارفه الصح من الغلط والحرام من الحلال يعني باقيت رشيده يبقى المفروض محدش يشوف مني حاجه غير وشي وايدي
منى : انتي من ساعت ما اتعرفتي على شمس و نهال وانتي دماغك باظت
داليا : بالعكس انا فهمت حاجات كتير ما كنتش فهماها
راغب : بصي بدل انتي مقتنعه وحبه اللي انتي عملاه دا خلاص
داليا : اه طبعا
راغب : يبقى تمام ، احكيلي بقى بتقضي يومك ازاي ؟
**** ( بقلم : هند محمد ) ****
نجوى : انا مروحه يا ناجي
ناجي ناجي
ناجي : ايوه معلش ماختش بالي
نجوى : مالك مبحلق في التليفون كدا ليه ؟
ناجي : اصل في خبر كدا انا مش فهمه وكل مادخل جروب الاقي الناس بتتكلم على الخبر دا
نجوى: خبر ايه حاجه عننا ؟
ناجي : لا الحمد لله ، بس واحدا من بتوع الجولوجيين اللي بتوع حماية البيئه وكدا بتحظر وبتقول أن مياه البحر لو نقصة هتدمر الارض وهتموت الشعاب المرجانيه و هتخلي الجاذبيه تقل والكواكب هتخبط في بعض
نجوى : مين الهبله دي هو عمر البحر المايه بتاعته قلت ؟
ناجي : الخبر اهو دا حتى دي دكتوره من فرنسا
نجوى : دي هبله سيبك منها مايت بحر ايه اللي تخلص ولا كوكب ايه اللي تخبط في بعض ليه هي الكوكب ضربه ترامادول ؟
**** ( بقلم : هند محمد ) ****
روكا : وكمان المد والجزر هيضعف مما يسبب في اختفاء القمر عن الارض
منصور : يا ساتر يا رب ، وايه كمان يا روكا
روكا : ومكتوب كمان لازم نحافظ على البحار لان لو الشعاب المرجانيه ماتت من قلت المايه وقتها هتقف السياحه لان السياح بيحبه الغطس وكمان دي ثروه قوميه وأنسانيه لازم نحافظ عليها
منصور : صح يا روكا ، والله انا مش عارف احنا من غير الناس المتعلمه والمثقفه دي كنا هنعمل ايه
روكا : كنا هنروح في داهيه انا هشير الخبر عشان الكل يستافيد
منصور : وانا هشيرو من عندك
**** ( بقلم : هند محمد ) ****
كنان : انا اللي مدايقني ان القمر هيختفي
عبله : ما يختفي هو احنا بنعمل بيه ايه اصلا ؟
كنان : هاااااا اخص عليكى مش القمر دا بنعرف بيه رمضان أمتى  ؟
عبله : اه هو رمضان بس
كنان : وكمان انا بحبك في القمر
عبله : يا كنان بطل بقى ههههه
كنان : ابطل ايه ازاي ابطل أحبك طب تعرفي انا نفسي اجيب سفينة فضاء واخدك انا وانتي وبس ونطلع القمر ، ويبقى انا وانتي اول عاشقين طلعه القمر
عبله : انا مش محتاجه اطلع القمر المهم انك معايا وفي حضنى
كنان : عاوز اقولك سر
عبله : قول
كنان : بحبك
عبله : هااااااح
**** ( بقلم : هند محمد ) ****
حياه : ربنا يخليك ليه العربيه حلوه اوي
اناهيد : والله انته بتدلع يا صهيب عربيه مرسيدس للبنت تروح بيها المدرسه وكمان مفايمه
صهيب : وهي بنت حد قليل دي بنت صهيب عمران
أناهيد : كدا هتخليها تتغر وتشوف نفسها على اصحبها
حياه : لا يا ماما انا مش مغروره بس اعمل ايه ابويا غني يعني اروح المدرسه راكبه ميكروباص كل واحد ومستواه بقى
دي ارزاق موزعها الخلاق
صهيب : ايه ده جبتي الحكمه دي منين ؟
حياة : من نجوى
أناهيد : وانتي شوفتي نجوى فين ؟
حياه : لما كنا عند تيتا في السعوديه كانت بتتفرج على الفيلا وتقول يعني انتي يا وداد يا مقشفه قعده في قصر زي دا صحيح ارزاق مقسمها الخلاق
فاعجبتني
بس مفهمتش مين وداد دي ؟
صهيب : ( بغيظ من نجوى )  وداد دي ماما ستك يعني
حياه : ويعني ايه مقشفه ؟
أناهيد : قومي يلا نامي الساعه 12
حياه : طب قولي يعني ايه مقشفه دي ولا اكتب على جوجل واعرف ؟
صهيب : لا وعلى ايه ، مقشفه دي جايه من القشف والاستكشتف والغني يعني الناس اللي معاها فلوس فهمتي ؟
حياه : اه فهمت
**** ( بقلم : هند محمد ) ****
( وتاني يوم )
فجر : الحمد لله يعني نرجع نشتغل ؟
سلامه : انا بكلمك من الارض والكل شغال اهو
فجر : طب الحمد لله
اعمل 3 ورديات بقى عشان نعوض الايام اللي وقفناها
سلامه : اوك ماشي سلام يا علي هكلمك تاني
علي : اوك سلام
مرام : مستر كريم وصل
علي : داخليه
"
"
،
اهلا مرحبا
كريم : في ايه كلمتني وتعالى تعالي حصل أيه ؟
علي : حصل انك سبت اخوك ورايح تشتغل مع الغرب
كريم : { يا بنت الايه يا ريم طول عمرك خيالك واسع }
علي : انته منشكح ومبتسم على ايه ؟
كريم : فهمني بس حصل أيه ؟
علي : انته هتشتغل مع نجوى مصطفى وهتنقل لها مايه ؟
كريم : ايوه وكمان بعمل خزانات بلاستك في المصنع بتاعنا
علي : طب ليه ؟ مش انا اخوك اولي انك تقف جنبي وتنقلي انا المايه ؟
كريم : افهم وجهة تظري طيب قبل ما تتعصب
دلوقتي انا شركة الفناطيس الواحيده اللي في مصر اللي هتنقل المايه واللي متعقده معاها نجوى ودا هيخدمني وهيخدمك قولي ليه ؟
علي : ليه
كريم : بما ان انا اللي هنقل المايه معنى كدا ان نجوى مش هتقطع عليك
وكمان الخزانات احنا اللي عملنها و مش لنحوى بس ليك انته كمان مانا اللي هنقلك المايه بارضو
علي : بس انته ليه مقولتليش الكلام دا من الاول ؟
كريم : هو انا لازم اقول يا حبيبي احنا نصلحه واحده وبدل ما نجوى تقطع عليك وتنفسك
لا انا حتطها في جيبي وانا هوزع المايه بتاعتها في مكان وانته في مكان واحنا في الاخر المستافدين
ها قولت ايه بقى على تفكير اخوك ؟
علي : ههههه اقطع دراعي من هنا شوف من هنا ، ان دا تفكير وكلام ريم
**** ( بقلم : هند محمد ) ****
امال : عامر عامر اصحي
عامر : عاوزه ايه
امال : شوف الصوره دي
عامر : صورة ايه ؟
امال : مش دي تاتيانا
عامر : تاتيانا مين ؟
**** ( بقلم : هند محمد ) ****
كلوني : عرفتي هتعملي أيه ؟
تاتيانا : اكيد
كلوني : لازم نخسرهم
تانيانا : حاضر انا فهمت
**** ( بقلم : هند محمد ) ****
عامر : لالا مش شابها
أمال : انا بقولك هي
عامر : الخبر مكتوب اسمها سيلفا بوسن ومن فرنسا
امال : مش عارفه قلبي انقبض كدا لما شوفتها
لوووووووولى
عامر : سامعه في زاغريط
امال : ما اصل جارتنا هتتجوز بكر
عامر : يا بختها عقبالي يا رب
أمال : نااااااعم عقبالك ليه هو انا مش مراتك ؟
عامر : انتي روحي و قلبي والشريان من جوه
أمال : ايوه كدا أتعدل
**** ( بقلم : هند محمد ) ****
سامح : مالك يا دكتور شكلك  مزعوج ؟
فجر : مشاكل يا سامح
حبيبه : طب ما تقول يا دادي واحنا نحللك المشاكل دي
ام فجر : خير يا فجر وغوشت قلبي
فجر : رافضين يقبلو ورقي في المجلس
أم فجر : ليه كدا ؟
تفتكرو رافضين ورق فجر ليه ؟