البارت الاول ^*^
بصراخ: ما عندي شي لك تفهمييين ومن بكره تاخذين قشك وتنقلعين من هنا
كتفت يدينها بقهر: طيب بطلع بكرامتي بس امهليني اربع ايام
ناظرتها من فوق لتحت: اربع ايام بس
بتردد: طيب بس طلب صغير ممكن
رفعت حاجب بغرور: وشو ؟؟!!
بعد تردد: ابي فلوس
باستهزاء: كم تبين ؟؟
بتفكير: ثلاث ميه
بابتسامه سخريه: كم معك
بعصبيه خفيفه: تحقيق هو.. اوف ميتين بس
قامت وراحت عند خزانه فتحتها وطلعت مظروف حطت فيه كم ورقه من فئة الميه ومدتهم لها: خذي
اخذتهم : شكرا « وطلعت رايحه لصديقاتها
فتحت باب غرفه تسكن فيها وكانت متواضعه جدا
اربع سراير جنب بعض وخزانتين وثلاجه صغيره وتلفزيون موديل قديم
نطوا عليها صديقاتها باصوات متفاوته: وش تبي منك ، خير بشرينا ، يارب خير
قعدت وناظرتهم وحده وحده تنهدت وقالت بحزن: اربع ايام وشسموه اطلع من هنا
ناظروها بفجعه وبصوت واحد: تستهبليييينن
حاولت ما تبكي وتبين قويه: اصلا صار عمري 18 وصار لازم اطلع من الدار
اول وحده صارت تبكي: دانه مو منجدك كيف تروحين وتتركينا مالنا غيرك
الثانيه بغصه: اوف من هالمديره وقوانينها كيف بعيش بدونك يا اختي الكبيره « وضمتها تبكي
الثالثه بصدمه للحين مو مستوعبه: يعني بتروحين خلاص ؟؟؟ وما عاد فيه دانه بعد اليوم
دانه تهديهم: جود مشاعل اميره خلكم اقوياء وما يهزكم شي انا بتواصل معكم بالجوال لا تخافون
مشاعل بقهر: الله ينعلها من مديره اقول دنو شرايك اطلع معك خلاص انا باقي ست شهور يصير عمري18
دانه: لا طبعا واخلي جود واميره بدون سند انا اعتمد عليك يا مشاعل بعد الله
جود تبكي وضامه دانه: دنو قولي لها تجلسين لين نصير 18 ونطلع كلنا مع بعض
اميره: ايه ايه قولي لها
دانه: لا خلكم هنا لين تصيرون 18 واجي اخذكم
قامت بتعب: ابي انام تعبانه
مشاعل نزلت راسها بأسئ: نوم العوافي
جود واميره كانوا قاعدين ويناظروها بحزن
......♠
تعريف
دانه عمرها 18 طولها 158 نحيييفه شعرها طويل لين ظهرها لونه كستنائي عيونها كبار ووسيعين لونهم رصاصي حواجبها مقوسين وطوال ومرتبين انفها صغير شفايفها منفوخه لونهم وردي عندها غمازتين لون بشرتها حنطي غامضه حبوبه مرحه وكتومه
مشاعل عمرها 17 ونص طولها 155 جسمها انثوي بشكل مغري شعرها طويل لونه اسود عيونها وسيعين لونهم عسلي حواجبها مرسومه انفها عادي لون بشرتها قمحي حبوبه ومرحه وهبله مرره و فطينه
اميره عمرها 16 ونص طولها 157 نحيفه بس عندها معالم انثويه شعرها كاريه لونه اسود عيونها لوزيه لونهم بني انفها صغنطوط لون بشرتها ابيض عندها غمازه في دقنها حبوبه وفيها دلاخه مو طبيعيه ومع الخيل يالشقره وملقوفه
جود عمرها 16 ونص طولها 160 دبدوبه شوي شعرها كاري طويل لونه اسود عيونها زي عيون الغزلان لونهم زيتي انفها عادي لون بشرتها قمحي
حساسه وزعوله تبكي بسرعه
......♠
اكيد عرفتوا وش هالمكان الي يعيشون فيه بطلاتنا
{ دار الايتام } « الله يعوض كل يتيم ولقيط بالجنه
طبعا قوانين دار الأيتام تنص على الكثير ومنها اذا بلغ الشخص 18 سنه يطلع من الدار وبالذات مديرة الدار الي تعيش فيه دانه وهي اصلا شديدة وكرييهه طينه
كان اليوم يوم عيد ميلاد دانه وبدال ما يسوون لها حفله نادتها المديره الكريهه وقالت لها تطلع من الدار
اليوم الثاني الساعه 1 الظهر كانت قاعده تتغدى مع البنات الي بالدار
مشاعل تنهدت: دنو ابيك بسالفه بعد الاكل
اميره بلقافه: وش هي ؟؟
جود: ابوك ياللقافه ترا قالت دانه مو اميره
اميره بوزت فمها ورجعت تاكل « حتى لو تبهدلت تاكل
دانه ناظرت مشاعل: طيب « وكملت اكل
بعد نص ساعه رجعوا البنات لغرفهم
مشاعل اخذت دانه على جنب: دانه
دانه: هلا ميشو
مشاعل: كيف بتطلعين وما معك فلوس ؟؟!!
دانه: لا تخافين جمعت 800 ريال وامس طلبت من الكريهه ثلاث ميه بس عطتني خمسمية ريال
مشاعل: يكفيك طيب ؟؟!!
دانه: يكفيني كم شهر بس
مشاعل: طيب وملابس من وين تجيبينهم ؟!
دانه: اليوم المغرب بروح محل ال""
مشاعل فتحت عيونها: غبيه تستهبلين كيف تروحين والمكان بعيد وو
قاطعتها دانه: ميييششوو انتي بتجين معي خلاص
مشاعل حست بالانتصار: اي كيذا زيينن
جت جود وتكتفت: وش تتكلموون فيه بلحالكم ؟؟!
مشاعل: ياليل جود سواليف بس
جود: مو علي
مشاعل: اقول يالطويله بلا لقافه عدتك اميرووه
طلعت اميره من الحمام وراحت لهم: وش تساسرون بوه
مشاعل تبي تقهر اميره: جا عوض
اميره بقهر: عوض بعينك
جود: هههههههههههههههه
دانه: اخخخ بفقدكم يالربع وبفقد مناقرتكم
جود ضمت دانه شوي تبكي: بفقدك حيييل والله اهئ
دانه ضمتها بحنان: عورت قلبي يا جودت لا تبكي
جود ضربتها بخفه: جودت بعينك
مشاعل واميره: هههههههههه
جود تحسست: ماشي يضحك يالتبن انتي وهيا
الساعه 4 العصر كانوا قاعدين يلعبون سعودي ديل وفي بنات كثير بالغرفة
اميره: نوير يا غشاشه شفتك تسحبين ورقه مو ورقتك
نوره تكذب: لا ماغشيت طاحت بالغلط
دانه: يووهوو انتي وياها العبوا زين ولا قوموا
مشاعل: جا دوري يلا بلعب « طالعت الاوراق ابتسمت وبنذاله سحبت ورقه من اوراقها وحطتهم بالارض: اميره حبيبي معلييييشش الارض بزرفها
اميره بقهر: لااا لااا توني مافرحت فيهم
مشاعل: عندك بالمشمش او تبطي عظم حطي
اميره شوي تنفجر: جعلك تخسرين يا زق
دانه: ميري عييب شالكلام هذاا
اميره: اسفه يبا هي حدتني اسب
ملاك: يله دوري جا « سحبت ورقتين وبتسخط: اووف وش هالحظظ « وحطتهم بالبنك
جا دور جود سحبت ورقتين وفجاءه صارت تضحك زي المجنونه: اااهه ههههههههه ياربييهه والله بتروحون بخبر كان مني كلكم ووواااهه هههههاايي
نهاية البارت الاول ^*^
مافي اسئله طالما انه ببداية الروايه
وبالنسبه لطول البارت زين ولا اخليه أطول؟
