البارت الحادي عشر …♠
راكان من شاف سطام قلب وجهه: السلام عليكم
دانه وسطام: وعليكم السلام
راكان يناظر دانه بعيونه النعسانه: شفيكم واقفين هنا
دانه: ابد وصلني وكنا نسولف
سطام لوئ شفته: يله استئذن انا « وراح
راكان: كيف واقف مع هالمعاق
دانه حكت راسه: والله الواحد احيانا ينجبر باشياء
راكان مافهم قصده: تعال بس خل نرقا تعبان انا
طلعت دانه مع راكان للشقه وكل واحد راح يغير
بعد شوي طلعت دانه وكانت لابسه جكيت ازرق وبنطلون واسع ابيض ولابسه قبوع من البرد
اما راكان كان لابس بنطلون اسود وبلوزه بيضه وفوقها جكيت اصفر
قعد راكان عالكنبه يقلب التلفزيون بس شده شكل دانه البريئ وقعدتها ووجها الصغير وملامحها الفاتنه بباله: استغفر الله ياربي وش فيني خاق عالولد « تنهد
ناظرته دانه: شفيك ! ضايق ؟
راكان ناظرها وعلقت عيونه بعيونها وقلبه صار يدق بقوه: هاه لا ولا شي
سرح راكان بملامحها وعيونها الي باين فيها البراءه
قطع سرحانه صوت دانه الي تكلم بالجوال: هلا ،، الحمدلله بخير وانت ،،، ايه ،،، ههههه لا ويينن ،، شب بس ،،،
راكان فها مع كل كلمه وضحكه وماعرف وش دانه كانت تقول صحئ من افكاره عليها وهي تقوم: بنام انا
راكان وقف وصار طولها عند صدره: وانا بنام بعد
وافترقوا كلن بتفكيره
وهذي الاحداث مجملا الي صارت مع ابطالنا
ومر اسبوعين علئ ابطالنا
دانه و سطام صداقه لا اكثر
راكان ودانه كل ما شافوا بعض وقعدوا مع بعض قلوبهم تنبض دانه كانت معجبه فيه وهو كان كل ما فكر فيها يستغفر الف مره كيف يفكر بولد زيهه « باعتقاده
هتان علئ وضعه ماتغير شي وصداقته مع دانه قويت ولا لاحظ ان دانه ممكن تكون بنت مو ولد زي مايعرف
مشاعل كل مالها وتزيد نفسيتها تدهور
اميره حبت ياسر كثير وياسر متهيأ لتنفيذ خطته
جود علئ حالها مافي شي جديد
****
يوم الخميس الساعه 5 المغرب عطله وفله
في المول الي متوظفين فيه ابطالنا
دانه قاعده عالكرسي وتسولف مع سطام الي يسولف معها وبنفس الوقت يحضر الطلبات
دانه: حلوو والله طيب ليه ماتسافر
سطام: لا مابي وبعدين مابي اطلع من ديرتي
دانه: والله انك غبي
قطع كلامهم صوت راكان: شباب عبدالله يبيكم تعالوا
قامت دانه ومشت ورئ راكان الي خاقه معه وسطام يمشي جنبها وصلوا عند مكتب المدير وكان فيه موظفين ثانيين: السلام عليكم
عبدالله: وعليكم السلام « اخذ ملف: بدر بغير مكانك وتصير فوق عند المطاعم بالركن اللبناني وسطام انت بتصير بمحل دبنهامز مؤقت وبعدها ترجعون لمكانكم
سطام كان بعترض بس يوم قال مؤقت هون
اما دانه كانت مبسوطه انها بتفتك من سلطام كم يوم
راكان: وانا بتغير ولا ؟!
عبدالله: انت لا ماحد يستغني عن يمينه
ابتسم راكان لعبدالله وطلع يكمل شغله وكان تفكيره بدانه
بعد ربع ساعه كانت دانه تتمشى بالدور الثاني وشافت واحد وعنده وحده وقفت مصدومه ضاق صدها كثير ولفت طالعه من المول والدنيا ضايقه عليه
طلعت ضايقه الدنيا عليها وقعدت في الحوش المقابل للمول وسرحت بافكارها بعيد
بمكان ثاني بنفس الوقت
بدلع: انت مره حلو
بثقل: مشكوره
بدلع: ممكن نتبادل ارقامنا
بثقل: لا معليش فيه عقوبات للترقيم والمغازله وانا هنا موظف يعني عقوبتي تكون اشد
البنت: مايدرون اهم
تنهد بطفش: فيه كميرات مراقبه خافي يا بنت « لف رايح يكمل شغله و تاركها بقهرها
سمع واحد يناديه وقف وناظره ابتسم: هلا ثامر
ثامر يسحب نفس: ياولد الحق فيه واحد متهاوش مع عسكري تعال ماحنا قادرين نفكهم
عقد حواجبه: اما عاد وش صاير
ثامر مسك يده : راكان مو وقت اسئلتك تعال اخلص تعرف السالفه هناك
وراح راكان مع ثامر يشوفون الهوشه
اول ما وصلوا انصدم راكان من كمية الناس الموجوده حول الهوشه
راكان صفر بقهر: وخروا يا ناس وش هالجمهره وش صاير انت وياااه
واحد من الشباب فيه دم علئ شفته قال بانفعال: ذا العسكري وقح تعدا على اختي
واحد ثاني: قلة حيا عيني عينك يغازل خواتنا
راكان ناظر بالشباب المجتمعين: انتوا شعندكم هنا روحوا يله « ناظر بالشاب: كيف تعدا على اختك
الشاب: مر جنبها ومد يده وحط ورقه بيدها وانا مصدوم كيف تجرأ ومسك يدها من الاساس
راكان ناظر العسكري: حسين !! « بباله: مو بعيده عنك
حسين بدفاع كاذب: انت صدقته بعد ؟!
الشاب الثاني بصراخ جا يهجم عليه يضربه بس راكان مسكه: خلاص انت تاخذ حقك بس مو كذا
الشاب الاول: يكذب بعد عيني عينك « ناظر باتجاه اخته: شرووق تعالي وريه هذا رقمه ولا لا
شروق جت وعطته الورقه راكان قرا الرقم ووجهه تغير : خلاص يصير خير نتفاهم بالاداره تفضلوا معي للاداره « ناظر حسين: وانت امش معي
راحوا الشابين مع راكان وحسين وبعد الاجراءات كتبوا حسين مخالفه وحرمان من الراتب شهر
نهاية البارت الحادي عشر ^*^
~
توقعاتكم يالبئ
