البارت الرابع …♠
قعدت دانه وقلبها يدق بقوه : امري
المديره: دانه بدخل بالموضوع على طول في امير اعرفه يسوي اي شي لك تبينه خلال ساعات فقط
دانه بفرحه مخفيتها: والمطلوب ؟؟
المديره بخبث: ابيك توقعين هنا
دانه كشرت: وش مكتوب انجليزي مافهم
المديره براحه وخبث: كل خير حبيبتي
قامت دانه: طيب افكر واجيك
المديره بسرعه :لا الحين يبيه هو قبل لأحد يشغله
دانه تفكر وبعد شوي اخذت القلم ووقعت
طلعت دانه والمديره شاقه الوجه بقلبها: ووه اخذت الي ابيه وهي عاد الله يعينها من الجاي
رجعت دانه للغرفه وكانوا البنات يسئلونها وش تبي قالت لهم وماحد اهتم غير مشاعل الي اجلت نقاشها لين مايروحون البنات
ملاك: بنات شرايكم بكره نسوي كيكه ؟؟
اماني بحماس: ايه حلوو
جود: نسويها شوكولاطه
ملاك: الي تبون عاد
نوره: فكره زينه شرايك دانه
دانه كانت سرحانه هزت راسها بدون ماتفهم: ايه
مشاعل قرصت دانه خفيف: شفيك
دانه حكت مكان القرصه: ايي حيوانه ماشي فيني
مشاعل: نتفاهم بعدين
نوره لاحظت همسات مشاعل ودانه قالت: بنات تأخر الوقت الساعه 11 يله نمشي
ملاك: ايه صح والله وانا تعبت بنام
اماني قامت: نجيكم بكره
وطلعوا البنات من عندهم
دانه قبل لا تجي مشاعل تكلمها نقزت عالسرير وغطت نفسها تنام ماتبي وجع الراس
جود: شفيها ذي نامت ؟!
مشاعل بحقد: يا زفته قومي وراك سالفه انتي
اميره: يمكن تعبانه ونامت لاحد يضغط عليها خلاص
مشاعل بقلبها: اوريك يا كلبه بكره «وقعدت عالجوال
اما جود كانت مرهقه ونامت واميره قعدت عالبيبي
مشاعل: اقول ميري
اميره ناظرتها: هلا
مشاعل: تدرين ودي اهج من هنا شرايك
اميره فتحت عيونها عالاخر: منجدكك ؟؟!
مشاعل ببلاهه: لا من عمي ايه من جدي
اميره بغباء: بس كيف وبعدين بمسكونا
مشاعل: لا نشرد ونغير ارقامنا ونروح نعيش بشقه
اميره رفعت حاجب: اقول هينا حنا مستورات لا طلعنا ماتدرين من عيال الكلب الي برا وش يسوون فينا
مشاعل ودها تصفقها: انتي تحجريلي ليش
اميره: اقعدي وانتي ساكته يبا هنا مرتاحين ماتشوفين دانه مهمومه ومتغيره وحالتها حاله احمدي ربك عاد
مشاعل بقهر: كلي تبن انا غبيه اني جيت قلت لك
اميره بقلبها: الا ثوره طال عمرك
ومشى الوقت وجا اليوووومم الاخير لدااانه في الدار
الساعه 2 الظهر في غرفة البنات
كانت دانه تزبط في الملابس وتحطهم في الشنطه وحولها جود واميره ومشاعل يسولفون عندها
دانه: يبااا دوشتوني سولفوا بعيد عني خل ارتب زين
اميره: الله واكبر يالترتيب تراهم على بعضهم بلوزتين ونص وش ترتبين فيه
دانه ناظرت الملابس الي اغلبها ولادي سبورت وكم بلوزه بس عليها رسومات انوثيه: الموهيم فيها ملابس
مشاعل: اقول دنو وين بتروحين تعيشين
دانه باستهبال: في بيتنا « ناظرتها: مدري مافكرت
جود: دانه شرايك تاخذينا معك
دانه ملت منهم: حبيباتي لمن تصيرون 18 اجي اخذكم
جود: مع من بتجين ؟؟!
دانه :مع خيالي
اميره: ههههههههههه دانه شفيك مو طايقتنا
دانه: من الصبح تقرقرون فوق راسي
مشاعل تذكرت سالفة امس: تعالي وش قالت لك الكريهه امس ؟!
دانه جت تتكلم بس اندق باب الغرفه قامت جود وفتحت الباب: هلا
المشرفه بغرور: تعالوا تغدوا « وراحت
جود قفلت الباب: ياشيييننههاا
اميره: اطيب وحده فيهم منال اما المديره حصيص والمشرفه عايده وسماح وهند اعوذ بالله كريهات طينه
مشاعل: ذي الي اسمها قماشه قسم ودي امسك جلدها اخيطه واكتب عليه اوم ابط معرق
دانه: هههههههههههههه
جود: هههههههه صادقه والله دايم قمصانها تلقين عند ابطها مويه ولا الريحه تسبقها من مترين
اميره: ههههههههههههههه يماااهه بطني
دانه وهي تضحك: اتذكر يوم رحت اقول لها المديره تبيك واشم ريحتها وربكم كنها ريحة صرصور ميت
البنات: هههههههههههههههههههههه
مشاعل وهي تضحك: قوموا ناكل ميته جوع انا
طلعوا البنات ودخلوا غرفة كبيره للطعام عباره عن طاولات وكراسي كثييررهه
كل وحده اخذت مكان وقعدوا سموا بالله وبدوا ياكلوا
دانه كانت تاكل وسرحانه بكلام المديره والورقه الي وقعتها ببالها: معقوله بالورقه شي يضرني بس هي قالت كل خير « برمت شفتها: كلها بلا منين بجي الخير
مشاعل رفعت حاجب: من هي البلا هذي ؟!
دانه انتبهت انها قالتها بصوت مسموع: ابد ماشي
مشاعل بقهر: يالييل اتفاهم معك بعدين
ناظرتها دانه: انتي كل ماسمعتي شي قلتي نتفاهم بعدين
مشاعل نزلت راسها ووطت صوتها: لا ننطرد الحين
دانه ناظرت قدام لقت المشرفه السمينه ببالها: يمه تخوف مدري ليه اسمها سماح المفروض اسمها تمساح « وهنا ماقدرت وصارت تضحك عالهزاز
البنات الي حولها ناظروها باستغراب وصاروا يتساسرون: شكلها انهبلت ، الظاهر انجنت ، تضحك مع نفسها ،، المشرفه بحده: هدوووء
دانه سكرت فمها بيدها وقامت استئذنت وطلعت كان ودها تضحك بصوت عالي بس خافت من المشرفات
جود حكت راسها: شفيها هالدلخه ؟؟!
اميره متنحه: شكلها انهبلت
مشاعل ببالها: من شافت سماح والضحكه مسكت معها
بعد شوي فضت غرفة الطعام من البنات وكلن راح غرفته مع شريكاته
مر الوقت بسرعه عالبنات وهم يسولفون ومشاعل ماقدرت تسحب كلام من دانه بحكم ان نوره وربعها عندهم بالغرفه .. اخذهم الوقت وصارت الساعه 5 المغرب وهناا دخلت المديره بدون ما تدق عالباب
نهاية البارت الرابع ^*^
المديره وش سر دخولها عالبنات !
ودانه بتطلع من الدار او لا ؟!
سبحان الله وبحمده سبحان الله العظيم
