البارت الخامس …♠
البنات بصدمه ناظروا المديره ودانه قمطت بقوه من شافتها
المديره: شلونكم يا بنات ؟!
البنات: الحمدلله
المديره ناظرت دانه: تعالي ابيك « وطلعت
طلعت وراها دانه وقلبها قايل الله يستر والبنات وراها الف علامة استفهام فوق روسهم
دانه بخوف مخفيته: امري
المديره: الأمير وافق يوم شاف توقيعك « طلعت يدها من ورا ظهرها ومدت لها ملف: هذا فيه اوراق من الأمير نفسه شوفيه وان ماعجبك شي فيه رجعيه وبقولك اليوم صلي المغرب وتعالي مكتبي عشان توقعين على خروجك من هنا واطلعي بعدها
اخذت دانه الملف باستغراب هزت راسها بنعم ودخلت الغرفه راحت لخزانتها وحطت فيه الملف ورجعت للبنات تقعد معهم بس بالها مو معهم ابد
جود: بنات شفيكم سحبتوا على الكيكه ما سويتوها
نوره: سويتها مع اماني وملاك وسهام وجبناها
اميره: والله حلوو وينها طيب ؟!
سهام: تركناها تبرد شوي
قامت اماني: بروح اجيبها
دانه تهمس لمشاعل بدون ماحد ينتبه: ميشوا حبيبي روحوا من هنا لغرفة البنات ابي اغير لبسي
مشاعل بدون ما تسئلها قالت: طيب
دانه قامت قالت مشاعل: بنات شرايكم حنا نجي عندكم ؟
ملاك: ايه ياليت لان غرفتكم كتمه
قاموا البنات وراحوا غرفة نوره وشلتها
بغرفة دانه مشاعل متكتفه: دانه وش ذا الملف ؟!
دانه تقرا باول ورقه وكانت الهويه: الاسم دانه ، العمر 18 ، الجنسيه سعوديه
ووهويه تحتها: الاسم بدر ،العمر 18، الجنسيه سعودي
استغربت من الهويه الثانيه: وش ذي
فتحت الورقه الثانيه وكانت ورقه فيها كلام كثير وتوقيع من الامير طلال بن سعود ال##
قفلت الملف وهي مستغربه راحت للمديره: السلام عليكم ترئئ شسمه هالورقه مافهمت شي منها وهوية بدر وش تسوي عندي ومن ذا بدر
المديره تنهدت: شوي شوي هويتك ذي مزوره بس ماحد بنتبه لانها موقعه من الامير طلال والهويه الثانيه نفس الشي عشان تستخدمينها للحاجه والورقه الثانيه هذي بتسمح لك تسوين اشياء كثيره اذا عطيتيها لاي شخص وشافها بسوي الي تبين من فوق خشمه
وبغرور ورفعة خشم: بس لا تغترين فيهم تذكري انك بدون جنسيه وبدون عائله
دانه انصدمت من كلامها تجمعت الدموع بعيونها بس تحكمت فيهم ماينزلوا: طيب « جت تطلع بس نادتها المديره التفتت لها بحقد: نعم
المديره: اي شي اسمعه عنك بنسحب منك كل ذا تفهمين
دانه راحت وهي حاقده وتدعي على المديره من قلب
دخلت الغرفه وحطت الملف في الشنطه
راحت لغرفة البنات استجمعت قوتها وابتسامتها ودخلت
نوره: شفيك كل ذا تأخير
اميره جت وقعدت عندها وضمت يدها: خلها تاخذ راحتها اليوم اخر يوم نشوفها فيه
نوره بغيره: شعليها
مشاعل كانت تاكل قلبها من الاسئله ودانه مو معطيتها وقت اما جود استسلمت للامر الواقع وان دانه حتختفي من حياتهم واميره كانت ماسكه العبره
اماني مسكت صحن فيه كيكه: دانه تفضلي
اخذت دانه الكيكه قسمت قطعه واكلتها: يمي لذيذه
جود: كان ودي اشارك فيها
نوره بغرور: لاني سويتها اكيد لذيذه
اماني: وانا وملاك وسهام نسيتينا
نوره تصرف: ايه صح دانه اليوم بتطلعين خلاص ؟!
دانه: ايه
نوره: حظك بترتاحين والله
مشاعل: لا بترتاح ولا هم بطيخ
اماني: بالعكس وناسه حريه وراحه
دانه خلصت القطعه حطت الصحن ناظرت الساعه وكانت 6: متى بأذن المغرب ؟!
اماني: دحين يأذن
نوره بغيره: مستعجله عالطلعه
دانه تبي تحرها: لا بس المديره قالت صلي وتعالي
سهام: شرايكم نلعب بعد الصلاة سعودي ديل
البنات بحماس ماعدا مشاعل ودانه: اييهه ، يليت
بعد شوي أذن المغرب صلوا البنات وقعدوا يلعبوا اما دانه راحت للمديره ومشاعل كانت تنتظرها بره
المديره مدت لها ورقه: وقعي هنا انك استلمتي الملف
وقعت دانه قامت المديره اخذت ظرف ورمته بوجه دانه: هذا الظرف من الامير لك
دانه باستغراب: وش ذا ؟؟
المديره بدون نفس: فلوس « اشرت على مكان بالورقه: وقعي هنا بعد انك اخذتي الظرف والفلوس كاملين
دانه: كم فيه ؟؟
المديره من دون نفس : عشر الاف
دانه فتحت عيونها عالاخر: ايييشش عشر الاف ريال
المديره: ايه يا بنت الفقر وقعي وانتي ساكته
وقعت دانه وهي مذهوله عشر الاف ووهويه وجنسيه حتى لو كان مزور كيييفف صار كذاا اكيد في ان
طلعت دانه ومشت وراها مشاعل: وش هالظرف ؟؟
دانه بنفس الصدمه: فلوس عشر الاف ريال
مشاعل طلعت عيونها من الصدمه: وووااوو ماشاءالله وش ذاا كله لك لو اطلع يصير معي زيك وااوو
دانه ضحكت عليها: هبله ميشو
دخلو الغرفه حطت دانه كل شي مهم في جيبه خاصه جوا الشنطه قفلتها ناظرت مشاعل: نادي البنات
راحت مشاعل وبعد شوي كانوا عندها جود واميره
دانه ضاقت الدنيا عليها وتجمعت الدموع: احم شسمه جود اميره مشاعل انتوا اقوياء صح
اميره بس قالت دانه هالكلام وانفجرت تبكي اما جود كانت تناظر فيها ومشاعرها تلخبطت ومشاعل مو اقل منهم ،، دانه جمعت قوتها: الحين انا بروح وبفقدكم والله لكن الله كريم ما تدرون متى اللقئ ونشوف بعض تاني
اميره وهي ميته بكي: الله ينعل كذا عيشه لييهه لييه كذا
جود تبكي بصمت: الله يوفقك وين مارحتي
مشاعل: .......
دانه لبست عبايتها ولفت الشاله: سامحوني وحللوني
اميره انهارت تبكي وضمت دانه بقوه وجود ضمت دانه وهي تبكي دانه ناظرت مشاعل الي واقفه وماسكه الدمعه: تعالي ولا مارح تشتاقين لي ولا تفقديني
ضمتها مشاعل وهي صامته ماتبكي « وهذي اسوء ردة فعل عند مشاعل ورح تسسب لها مشاكل نفسيه
وبعد البكي والتوصي والنصايح طلعت دانه من الغرفه
دانه ناظرت مشاعل وقلبها مو مرتاح لهدوءها
لفت وجهها وكملت طريقها لخارج الدارماتدري وين تروح الساعه 7 الليل الوقت متأخر حيل ناظرت يمين ويسار الشارع فاضي الا من بعض السيارات الي صافطه عند بيوتها
جت تمشي الا وفجأة تسفط سيارة قدامها وينزل واحد اسمراني مررهه خافت منه ويوم جت تروح ناداها: انتي دانه ؟!
دانه بصدمه ناظرته: ايه
الرجال بابتسامه: الليله بتجين تباتين في شقه اجرها لك الامير طلال ومن بكره دبري نفسك
فتحت عيونها بصدمه: الامير طلال اجر لي شقه ؟!
كانت تكلم نفسها بصوت عالي قال بابتسامه جافه: ايه والحين يلا اركبي
ركبت بعد تردد وكان فيه شغالتين فلبينيات ورى
وحده منهم بابتسامه: سلامو اليكوم ( السلام عليكم )
دانه بادلتها الابتسامه: وعليكم السلام
مشى السايق وكان طول الطريق هدوء
وصل السايق المكان وكان عباره عن حي راقي وفخم والفلل الي فيها من اجمل ما يكون نزلت دانه ووحده من الفلبينيات معها اخذت شنطتها ودخلوا الشقه
نروح للبنات في الدار
مشاعل على حالها سرحانه وما تبكي ابد
جود بيأس: ميشو حبيبي والي يعافيك خلاااص ترئ ما ماتت البنت بترجع لنا
اميره بشهقه حزن: مشاعل حنا صرنا ضعيفات بدون دانه وانتي تخلينا أضعف بشكلك هذا
مشاعل بدون رد دفنت نفسها بالبطانيه ونامت
جود بتأفف: يوووهه منك
اميره سحبت جود وقعدوا على سرير دانه: جود لازم نغير من نفسيتها الشينه مستحيل كل ذا زعل على دانه
جود بنص عين: يا شيخه يعني في سبب ثاني تحب مثلا وحبيبها مات
اميره طقتها على راسها: جب وش حبيبها انتي لا اقصد يمكن هي متعلقه في دانه مررهه وفقدتها
جود بنظرة غبيه: باللهي يعني مشاعل بويه وتحب دانه
اميره ماقدرت تمسك نفسها وفطست ضحك: ابوك يالتوقع الغبي ههههههههههههه
جود بقهر: ع تبن مافهمتك كل ماقلتي شي جبت لك توقع
اميره: تدرين شي حتئ انا مافهمت
جود : شكلها دانه اخذت عقلك معها
نرجع لدانه اخذت غرفه ورمت نفسها على السرير والعامله في غرفه ثانيه
جت الفلبينيه: مادام يبغا عشاء ؟
دانه: لا شكرا ميدا
ميدا بابتسامه: افوان << عفوا ،، وطلعت
دانه سرحت وش رح تسوي بكره ووين رح تروح ببالها: انا لازم اشتغل باي شي ودام الاخ الامير زور لي هوية ولد ومدري كيييف قبل من حصيص الدبيبه واكيد وراها بلا ذي الا اتوقع بلاوي ما علينا بكره بروح اشوف لي شغله واشتغل وعالله نتوكل
نهاية البارت الخامس ^*^
توقعاتكم ،،،
استغفر الله واتوب اليه 💓
