البارت العاشر …♠
عشر دقايق كانت بالمول راحت لقسم الموظفين وقعت حضور وراحت تشرف عالموظفين
دانه: اووه شلونك اياس
اياس: تمام بابا انتا كيفك
دانه: بخير « قعدت على كرسي من الكراسي وصارت تكتب بعض الملاحظات عن بعض الموظفين
جوا بنات ووقفوا جنبها
بنت من البنات بمياعه : ياربييه شوفوا هذا يخقق
وحده ثانيه: انتي شوفي غمازاته تحسين انك لا بستيهن تغوصين فيهن
الثالثه: ااهه مقدرر خلااص يجنن ودي اخطفه
رفعت دانه راسها وناظرت البنات
الاولى بهبال: لا لا يا عيونه عذبتني
دانه جتها الضحكه كتمتها وقالت: مضيعين شي بوجهي!
الاولى : مضيعه غمازتي بخدودك
الثانيه بجرأة: باختصار نبي رقمك
قامت دانه وكانت نفس طولهم بالضبط: معليش رقمي مو للبيع «غمزت لهم ومشت وهي تضحك على اشكالهم
الاولئ بقهر: وع بشكلك يالقصير
الثانيه بنفس القهر: اصلن شكله زي البنات خكري
الثالثه ميته ضحك على صديقاتها: الحين صار قصير وخكري هههههههه وقبل طايحين غزل فيه
الثانيه: اقول امشي مسويه طالعه منها
نروح لدانه الي حست انها سوت شي عظيم يوم فجرت جبهات البنات وقفت عند مطعم هرفي تطلب لنها كانت جوعانه: لو سمحت ابي تشيلي هوت برقر دجاج وبطاطس كبر راسك
الفلبيني: وات بابا
كان في واحد واقف جنبه: هههههههههه
ناظرت دانه فيه وكان طويل ونحيف ومكدش ابتسمت له : دومم الضحكه
الشاب: فديت عيونك يالخكري
دانه كشرت: خكري اخوك « اخذت البرشوته وراحت تنتظر يخلص طلبها
نروح لمكان ثاني عند راكان بالثمامه
راكان وهو يتمشئ مع ابوه وبعد المقدمات قال: يبا محتاج اسافر للندن لبعض الامور تكفئ يبا
سعد: شعندك هناك طيب ؟!
راكان: امور شخصيه
سعد: وامورك الشخصيه هذي تخفيها عني
راكان: والله مو قصدي يبا بس شسموه يعني ،،
قاطعه سعد بضيقه: سافر وخذ راحتك
راكان لاحظ ضيقة ابوه بس ماهتم باس راسه: مشكور
نرجع لدانه الي اخذت وجبتها وصارت تاكل ماحست الا بشخص يجي ويقعد جنبها: بدور
دانه لفت عليه وتأففت: هلا سطام
سطام: الحين مشوارك طلع هنا هههه « قرب من دانه وهمس لها: ادري انك ،،
نروح للبنات في الدار
جود ومشاعل يناظرون التلفزيون واميره تكلم ياسر بالجوال فجاءه قامت: بنات بروح البقاله تبون شي ؟!
مشاعل: انتبهي احد يقفطك
اميره: لا تحاتين « لبست عبايتها بفرحه ونزلت
شافت سياره بيضه واقفه راحت ودخلت فيها
اميره بخوف: ياسر
ياسر بابتسامه: هلا اميره مابغيتي والله
اميره: مقدر اطول قلت لك بس نشوف بعض ثمن انزل
ياسر: علامك مستعجله
اميره: خلاص وقت ثاني نلتقي باي « ونزلت راحت البقاله شرت لها كم شغله ورجعت الدار
اما ياسر كان حاط تفكيره ومخططاته عالهادي
نرجع لدانه
سطام: الحين مشوارك طلع هنا هههه « قرب من دانه وهمس لها: ادري انك بنت وفي اشياء كثيره تدل علئ كلامي تبين اقولك هما
دانه دقات قلبها زادت بصدمه بلمت في الطاوله
سطام بتهديد متواري: نصير اصحاب ولا ؟!
ناظرت فيه وهي توحيه بقوتها: وش تقول انت واذا انا طلعت بنت بتاخذني للاداره تقول بدر طلع بنت واكيد انسجن بسبب هالشي وش تستفيد طيب برايك ؟
سطام حط عيونه بعيون دانه: نصير اصحاب ونتعامل بالطيب مع بعض لك الخيار
دانه تبي تبرد الجو: ولك البندوره
سطام ابتسم: بالعافيه يا حلوتي تبي شي بروح
دانه: لا سلامتك
قام سطام وهو يحس بالانتصار وراح
اما دانه قالت ببالها اتعامل معه بالطيب ما بخسر شي
الساعه 9 الليل
دانه وقعت على خروجها ويوم جت تطلع لقت سطام واقف ينتظرها وكنه عرف انها بتطلع هالوقت
وقفت وابتسمت بغصب: هلا سطام
سطام: امش اوصلك
دانه كانت بتعتذر بس ما عطاها مجال لنه فتح الباب الي جنب السايق
مشئ سطام بالسياره باتجاه الشقق: شسمك؟!
دانه فهمت قصده: كيف عرفت ؟!
سطام ناظرها وابتسم: جاوبي علئ سؤالي اجاوبك
دانه: دانه
سطام: اسمك حلو زيك
دانه: شكرا الحين جاوب علئ سؤالي
سطام: الاجابه غبيه شوفي في ولد يحط حلق باذنه طيب في ولد يقعد بدون ما يفاحز رجوله عن بعض وفي ولد يستحي اذا احد مدحه « قال بغباء: هو فيه يعني عيال يستحون بس انتي وجهك يصير طماطم وبعدين فيه عيال يا دلخه بريئين كثر برائتك !!! هاه شرايك اقنعتك ولا باقي هو صحيح ماشفت جسمك باقي ،، ماكمل كلامه الا شاف علبة مناديل بوجهه
سطام: هههههههههههه شايفه وهذا دليل بعد
دانه بقهر: طيب يا فهيم
سطام بنبرة غريبه: وش حادك تسوين كذا ؟!
دانه تنهدت تنهيده طويله ومن قلب وبعد صمت دام دقيقتين سطام شجعها عالكلام وبدت تقوله قصتها
نتركهم شوي ونروح مكان ثاني
بعد ما وصلوا للبيت استئذن من ابوه وركب سيارته ومشئ للشقق يبي ينام ويرتاح
قطع فهاوته صوت جواله ورد: هلا هتان
هتان: اخبارك ركون
راكان: تمام ولله الحمد وانت عساك طيب
هتان: بخير والله الا بسئلك راكان انت بالشقه ؟!
راكان: لا توني رايح لها
هتان: طيب اسمع لا وصلت رح لغرفتي وافتح خزانتي والدولاب الي تحت افتحه وطول منه ملف ولمن تلقاه كلمني اوك
راكان: طيب لا وصلت اكلمك
هتان: يالله شوكرا حبيبي
راكان: ماسويت شي يالخويي
هتان: يالله سلام
راكان قفل الخط ومع تقفيلته الخط كان واصل الشقق نزل بعد ما صفط السياره وطفاها ويوم جا يطلع لقئ دانه وسطام واقفين يسولفون
نهاية البارت العاشر ^*^
توقعاتكم 😊
سبحان الله وبحمده سبحان الله العظيم
