البارت الثالث …♠
اليوم الثاني الساعه 3 العصر بعد ما تغدوا رجع كل على غرفته " في غرفة بطلاتنا "
اميره كانت قاعده تطقطق بالجوال وجود فاتحه ايميلها تسولف مع صديقاتها ومشاعل كانت تحضر دروسها ودانه فاتحه التلفزيون تقلب فيه
اميره نطت فجاءه: بنات شوفوا هذا نفسه الي امس رفضت اضافته رجع ضافني شسوي !!
دانه: ميري تعالي اشوفه انا اتصرف
راحت اميره وعطتها البلاك بيري دانه ناظرت النك " استاحشك " قبلت اضافته: خليه علي اميره زين
اميره: طيب « ورجعت مكانها
مشاعل وهي تكتب: اميرووهه لا كلمك خلك قويه ها
اميره: افا عليك لا توصين حريص
جود بنص ابتسامه: اشك والله
اميره رمتها بالمخده: كلي تبن انتي
دانه قامت وبعيونها لمعه غريبه راحت لم دولاب خزانتها اخذت شي منه ودخلت الحمام
اميره كانت بتقول لها انه ارسل بس يوم شافتها دخلت الحمام طنشت الموضوع
استاحشك: السلام عليكم
اميره المزيونه: وعليكم السلام
استاحشك: شلونك ؟
اميره: تمام وانت ؟
وبعد السلام والسؤال عن الحال ، استاحشك: ليش رفضتي اضافتي امس ؟
اميره: شدخلك جوالي وحره فيه اقبل الي ابي وارفض الي ما ابي
استاحشك: ايه صادقه الا شسمك ؟!
اميره: مالك دخل
استاحشك: ههههههههه اميره اسمك على نكك يا غبيه
اميره: كل تبن زين « طلعت وحذفت المحادثه
بعد شوي طلعت دانه وهي لافه فوطه " منشفه " على راسها راحت لم الدولاب رجعت الشي الي خذته وراحت قعدت عالتلفزيون
مشاعل ناظرتها: دنو مو امس متروشه ليش غسلتي شعرك الحين ؟!
دانه بغموض ابتسمت: بس كذا
جود: وانتي شعليك منها خليها تسوي الي تبي
مشاعل: تعرفين قوانين المديره الغبيه
جود بعصبيه: الله يلعنها هي واهلي
مشاعل ضحكت: امين
اميره بتردد: ااءء شسممهه ذاا
البنات ناظروها ومن نظراتهم قمطت قالت بكذبه: حذفته وسويت له بلوك
دانه: احسن ماسويتي
مشاعل بشك: هاتي اشوف يمكن حذفتيه بدون بلوك
اميره: لا اعرف مو جاهله انا « عدلت قعدتها وغيرت نكه ل" ملاك " ببالها: ابي اعرف وش تاليها معوه وبعدها احذفه هالغبي
مرت ساعتين على حالهم ماش اي شي جديد
دانه تسوي اندومي لانها جاعت مشاعل وهي تدور ناظرت دانه تبي تقول لها شي بس انصدمت بالي شافته: دانه وش سويتي ؟؟!
دانه ببراءه: اندومي !!
مشاعل بصدمه اكبر مسكت شعرها: هذا لي صار كذا مو كانه كان طويل كيف صار لين اذونك ؟؟
دانه استوعبت وابتسمت: الدنيا حدتني اسوي كذا
مشاعل ماتحملت وفجاءه طرررااااخخ عطتها كف وقالت بخنقه: ماخليتي شي الا وقلتي كلمتك الي ترن باذني الدنيا حدتني « عصت ع شفتها: كلنا نفس وضعك ماسوينا زيك لييييش قصيتيييهه ؟!
دانه ببرود وبقلبها زعلانه من مشاعل الي عطتها كف اخذت الاندومي وقعدت عالكرسي
مشاعل تغلي بقلبها: دانه تغيرتي كثييير وهذا بس بيومين « باستهزاء: هه اجل لو غبتي اكثر عنا شتسوي
بنفس المكان واقفين مصدومين من دانه الي قصت شعرها كاري بوي ومشاعل الي عطتها كف
جود بخوف: وش صاير لكم اول مره تسوون كذا
اميره برجفه خفيفه: بنات هدو كله شعر ترا
مشاعل بعصبيه راحت لسريرها ودفنت نفسها بالبطانيه
جود راحت لدانه وقعدت: دنو شسمه لاتزعلين من مشاعل هي بس انقهرت
اميره قعدت: دنوي لا تاخذين بخاطرك
دانه ببرود غامض: ماصار شي
اميره: دنو شسموه بتخلين مشاعل زعلانه عليك
دانه ناظرتها وابتسمت: لا حبيبتي انا مو من النوع الي ينهان واراضي الي اهانني
اميره وجود بصدمه ناظروا بعض قالت جود: انتي من متى كنتي كذاا ؟؟
جود تبكي بترجي: دنو تكفين ليه تغيرتي علينا
اميره ضمت دانه وصارت تبكي
فجاءه سمعوا شهقاتها تطلع ناظروها وكانت دموعها تنزل قالت بغصه: انا ماتغيرت والله بكره اخر يوم اشوفكم فيه وبعدها بطلع بفقدكم حيييل « تشاهق بقوه: جود اميره مشاعل والله مالي بالحياة هذي غيركم لكن الدنيا سوت بي كيذا الله يخليكم لا تزعلون مني «تشاهق
جود واميره وهم يبكون :لاتبكيين
وبعد ساعه من البكاء تراضوا
« مروا هاليومين حزن على بطلاتنا هل سيتغير الحال ام سيبقى ام انها ستحدث اشياء قد تغير مجرى الاحداث
الساعه 9 الليل كانوا جالسين مع البنات الي جوهم قبل يسولفون ويستهبلون ويضحكون
ملاك: ايييهه ههههههههههه اتذكر يوم طاحت قسم شكلها توووحفه
جود تضرب فخذها من قوة الضحك: هههههههههاااايي
اميره متشققه ضحك: حسبي الله بطني هههههههههههه
دانه تضحك: ليتها وقفت على طيحتها وبس الا كملت وخبطت بباب المحل عبالها مفتوح ههههههههههههه
اماني بفشله: الله ياخذكم لازم تمسكونها سنه
سهام: ههههههههه ياقلبي نمسكها عليك دهر مو سنه
سمعوا صوت الباب يندق قامت وفتحت دانه: هلا استاذه
المشرفه من ورى خشمها: المديره تبغاك « وراحت
دانه بقلبها: الله يستر « ابتسمت: دقايق واجي
مشاعل عدلت جلستها واختفت الابتسامه قالت ببالها: الله يستر لا تجيب لها شي كايد
طلعت دانه مع المشرفه الدبه ودخلت مكتب المديره دانه بلعت ريقها: السلام عليكم
المديره طالعت المشرفه: تقدرين تطلعين
طلعت المشرفه قالت المديره: اقعدي ابيك بسالفه
نهاية البارت الثالث ^*^
توقعاتكم !!
وش تبي المديره من دانه ؟
ومن بكره بتطلع من الدار او لا ؟!
سبحان الله وبحمده
