البارت التاسع …♠
اميره تطق الباب بقوه بخوف: مشاااععل افتتححيي
فتحت مشاعل بطفش: شتبين يالمزعجه
اميره عقدت حواجبها: اشم ريحه شينه
مشاعل ناظرتها بحده: شب انتي قفلي الباب وروحي نادي نوره والبنات نلعب معهم بلوت او سعودي ديل
جود :انا انا بروح « وطلعت
نرجع لدانه واقف يناظرها: انت يا بدر طلعت تحب !!
دانه براحه :هاه لا وش احب ههههههههه
راكان قعد جنبها: توني اسمعك تقول اه يا مشاعل وش سويتي من مشاعل ذي !!؟
دانه بلبكه: ااءء ذي شسموه وحده من بنات جيراننا نعتبر بعض خوان
راكان ما صدقه: لا يا شيخ سبيكه انا تكذب علي
دانه ببراءه: والله شفيك ياخي
راكان ضربها على راسها : لا تحلف طيب
دانه ناظرت بعيونه: وش فيهم عيونك كل شوي لون
راكان حط عيونه بعيونها: كذا من ربي
دانه رفعت حاجب: هههههه باللهي
راكان خق على شكلها وهي تضحك وعلى غمازاتها: يا جمالك لو انك بنت تزوجتك وش هالحظ المقرود
دانه حمرت خدودها غيرت الموضوع: وين هتان ؟!
راكان: سافر الدمام عند اهله
دانه: والله متئ ؟!
راكان: عالفجر سافر
دانه: الله يوفقه
راكان قام: انت بتروح مكان ؟!
دانه: يمكن ماطلع وانت ؟!
راكان: بروح ازور ابوي وعياله « فتح باب الشقه: باي
دانه قامت بعد ما تأكدت ان راكان قفل الباب دخلت الغرفه اخذت بلوزه بناتي عليها ميكي ماوس وبنطلون اسود سترتش وعبايتها وحطتهم في كيس
طلعت من الشقه بعد ما قفلتها زين ونزلت شافت تاكسي ركبت معه و وصفته المكان الي بتروحه
بجهه اخرى مقابله قاعد بسيارته ويوم شافها ركبت مع تكسي قرر يلحقها: هذا بدر وين بروح وهو قايل مابطلع
مشئ ورا التكسي بدون ما يشعرون وكان مصمم يعرف وين رايح بدر او دانه مثل مانعرف
بمكان آخر كانوا البنات قاعدين يلعبون متحمسين
اميره: مشاعل بلا غش هاي ورقتك مو ذي
مشاعل: بس ذي الورقه شينه اووف
جود وهي تسحب ورقه وتغمز لنوره شريكتها
نوره سطله ما فهمت لمحتها مشاعل وقالت: كنت
اميره: يياااسسس فزززنا هاااايي
انفتح الباب وناظروا من دخل وانصدموا
جود قامت بفرحه: دداااانننههه « وضمتها بقوه
مشاعل بصدمه وقفت وفجاءه هجمت عليها وضربتها
الكل مصدوم من مشاعل
مشاعل تبكي: ليش جيتي ليكون جيتي تقلبين المواجع
دانه بهدوء ضمتها وبصوت مخنوق: اشتقت لك
مشاعل دمعت عيونها: ليه كذا دنو وربي فقدناك حيل
دانه تضم اميره الي ضمتها: مشتاقه لكم حيييل وربي
اميره: ليش كذا ذبلانه دنو يومين وصرتي كذا
مشاعل تناظر بعيونها: عيونك تعبانه مو حرام عليك
نوره تسلم عليها: وش فيك كذا كنك ميته
دانه ماردت عليها: ميشو وش هالي مسويته بنفسك
مشاعل: مالك دخل
دانه بمزح: الا لي دخل انا عمتك نسيتي
مشاعل تقلدها: عمتك « رجعت لصوتها قالت بقهر والم: عجبتك قصة شعري شرايك بالصبغه بعد
دانه فهمت قصدها من نبرة صوتها ربتت علئ كتفها قامت: تعالي عندي لك سوالف قد البحر
اميره وجود: نجي معكم
دانه: اكييد مشتاقه لكم انا
في مكان اخر باحدئ الشوارع قبل هالوقت بنص ساعه ضرب الدريكسون: اووف كيف ضيعته كنت وراه
تنهد وحرك السياره رايح لابوه الي تأخر عليه
نرجع للواقع بعد ما وصل كان قاعد مع اخوانه وابوه ومرة ابوه بالصاله
عمر: يبا ودنا الثمامه نلعب مع راكان من زمان ما رحنئ معه تكفئ يبه
فرح: ايه يبا والله ننتظر راكان يجي عشان نروح نلعب
ام عمر اسيل: آي حبيبي وديهم غير جوهم
ابو راكان سعد: طيب ربع ساعه لو ماجهزتوا ابطل
عمر وفرح فزوا يتجهزوا وراكان قام يسوي شاهي اما اسيل كانت فرحانه لهم قالت بدلع: سعد حبيبي
سعد خق معها: ياعيون سعد
اسيل بابتسامه: بدي اسافر عند اهلي للاردن اتطمن عليهم واشوفهم ازا ماعندك مشكال
سعد بادلها الابتسامه: ابشري حبيبتي بس بجي معك عاد مقدر علئ فراقك
اسيل وردت خدودها بخجل: تؤبرني حبيبي
جا راكان حط شنطة الطلعه قعد وناظر ابوه ومرته الي باين عليهم الراحه والحب: جهزت قهوه وشاهي وتمر
اسيل: حبيبي راكان يسلمو يا عمري
جا عمر وفرح: خلصنا بابا
قام سعد: يالله نتوكل عالله
اسيل قامت: بلبس عبايتي عبال ما تشغل سيارتك
وطلعوا الكل واسيل راحت تلبس عبايتها
في دار الايتام كانوا البنات مستاتسين عشان دانه عندهم وداخلين جو بالاحداث الي صارت لها
مشاعل: وووهه شكله راكان مزه على وصفك
اميره: انا هتان دخل مخي يالبييهه لو اشوفه
جود: انا سطام اعجبتني شخصيته
دانه: ووعووه مالقيتي غير سطام المغرور
جود: مدري بس احس عجبني
دانه: ماعلينا كم الساعه الحين ميشو ؟!
مشاعل تناظر الساعه: 4 ونص
دانه: خلاص كفايه لازم اروح تأخرت واحمد الله ماجت وشافتني الدبيبه حصيص
جود: لا خلك بعد شوي
مشاعل: ليه وش وراك تروحين ؟!
اميره: ماشبعنا منك
دانه: والله انا بعد ماشبعت منكم لازم اروح ابي اسوي بعض الاشياء وكذا اشوفكم بعدين
بعد خمس دقايق طلعت دانه واتصلت على نفس التاكسي يجي ياخذها ويرجعها للشقق
وصلت الشقق ونزلت وكانت لابسه ثوب اخذته معها جت تدخل العماره بس وقفها صوت يناديها: بدر
لفت عليه و بدون نفس ردت : هلا سطام
سطام مد يده: شلونك يا حبيب
دانه بعد تردد سلمت عليه وسحبت يدها بسرعه: تمام
سطام بقهر : دوم وانا بخير
دانه: دوم انشالله
سطام: ما جا راكان ؟!
دانه: مدري ماعرف
سطام: طيب هتان فيه ؟!
دانه: سافر الدمام الفجر
سطام: أهاا
دانه: ليه شتبي فيهم ؟!
سطام: لا حبيت اقعد عندكم نلعب بلاي
دانه: لا جو تعال « جت تروح بس قال: افا ومافي تفضل ولا حياك طرده كذا
دانه تصرف: انا جاي اخذ غرض من الشقه ثمن اروح
سطام بيأس: طيب طيب بوقت ثاني باي « وراح
طلعت دانه الشقه ودخلتها قفلت الباب زين راحت غيرت ولبست شورت وبلوزه فضفاضه
تمددت عالكنبه فتحت التلفزيون وصارت تقلب بالقنوات
فجاءه سمعت صوت دق على باب الشقه
قامت وهي تتأفف ناظرت من العين وكان سطام
دانه راحت لبست ثوب وحطت الشماغ على راسها راحت فتحت الباب: هلا سطام
سطام بخبث: كنت بقولك شي بس انت ماخليت لي مجال
دانه لوت فمها: شعندك قول اسمعك
سطام: لا شكلك بتطلع ما بأخرك
دانه: ابي البس الشوز اسمعك قول « ودنقت تلبس البوت عشان توهمه انها من جد بتطلع
سطام: بس حبيت اقولك انتبه من الي اسمه راكان
دانه تعرف ان هذي ممكن تكون كذبه قالت: ليش ؟!!
سطام: يعني مجرد تحذير
دانه وقفت وناظرته بحده: خذها من الاخر انا مو جاي ادق صحبه انا جاي اكسب لقمة عيشي ويالله باي « قفلت الباب بالمفتاح ومشت قدامه ونزلت عالدرج توهمه انها طلعت ودخلت تحت بيت الدرج
سطام حقد عليها بشكل مو طبيعي وتوعد لها بالشر
بعد ما شافت دانه الاسنصير نازل طلعت لشقتها ودخلت بشويش قفلت الباب وخلت المفتاح بالباب ورجعت لوضعها قبل
نروح لمكان أخر في الثمامه قاعدين علئ فرشه كبيره وحاطين الغداء
راكان: يبا بعد الغداء ابيك بسالفه شخصيه
سعد: طيب يا وليدي
عمر: والله الجو روووعهه ليت كذا جو السعوديه
سعد بمزح: لو كان كذا جو السعوديه كان ما صارت صحراويه وجمال وبر
عمر: اييهه صح والله « غير نبرة صوته: بس عادي اهم شي جو وخضره تفتح النفس
فرح: ايه ومطر كل يوم زي ابها وااو
اسيل: شو اديش انتوا طماعين كل هاد بدكن ياه
عمر: يما اصلن انتي بلادك جنه مشالله
اسيل: هلأ حرب ماكليتها بجزورها « اللهم انصر جميع بلاد المسلمين يارب العلمين ☺
سعد يغير الموضوع قام: الحمدلله وين الماء اغسل
بعد شوي الكل قام عن الغدا
سعد: تعال يا راكان نتمشئ بعد هالغدوه
راكان فهم قصد ابوه: لا يبه بعدين تغدئ وتمدئ
قعد سعد وبدوا يسولفون عن كل شي
نرجع لدانه كانت تناظر فلم اجنبي وتاكل فشار
{_: ايها الوغد سأقطع رقبتك
_: اصمت انت ايها ال### كيف تجرؤ
_: ### سميث اخرس لقد ضقت ذرعا بك
_: ولكن ياسيدي هو من بدأ }
قطع اندماج دانه صوت جوالها ردت بدون ماتناظر الشاشه: الو
صوت رجولي: هلا بدر شلونك
ناظرت الشاشه ورجعت الجوال لاذنها: هلا عبدالله تمام
عبدالله: فاضي ولا مشغول ؟!
دانه: فاضي
عبدالله: حلوو اجل تعال مول ال** اشرف عالموظفين
دانه بكسل: ابشر طال عمرك مسافة الطريق
قفل منها عبدالله قامت تتمطمط: اوووه تعبانه ليش ما تعذرت منه بس يله وراها فلوس ذي
قامت لبست ثوب وحطت الشماغ على راسها مع العقال رشت عطر ولبست جكيت عشان البرد وطلعت
نهاية البارت التاسع ^*^
توقعاتكم يالبئ :)
سبحان الله وبحمده سبحان الله العظيم
