البارت السادس …♠
يوم الخميس الساعه 2 الظهر طلعت دانه من الشقه بما انه خلص وقت الايجار وراحت قعدت في حديقه كبيره وناس واجد يتمشون فيها بما ان الدنيا بداية الشتاء والكل طالع والجو يهبل
شافت عيال صغار يلعبون بحماس قامت شمرت ثوبها وراحت لهم بصوت تحاول تثخنه: واخباركم يا حلوين
العيال: بخير ، تمام
دانه: شرايكم نلعب في ذا العجل نركب عليه وواحد يدفنا
العيال بحماس: اييه ، حلوو ، هياا
ركبت دانه ومعها ثلاثه عيال وضل ولد دبي يدفهم
الولد الدبي: ادفكم ؟
دانه والعيال: اييهه
وبدا الولد الدبي يدف فيهم وهم يضحكون بحماس < ودي العب 😁
بعد شوي جا رجال كبير: يا علي يا حمد تعالوا تغدوا
علي الي كان راكب والدبي حمد: يله جايين
وقفهم حمد: يله علووي نروح
نزل علي وراح مع اخوه حمد
وضلت دانه مع الباقي: وش اساميكم يا ابطال
الاول: فهد
الثاني: محمد
دانه بابتسامه: عاشت الاسامي انا بدر
فهد: اسمك حلو
محمد بغرور: مو احلئ من اسمي
دانه ابتسمت عليهم وقامت: يله شباب انا بروح الحين
جا شاب عمره 19 كذا وناظر فهد: فهودي حمودي يله تعالوا تغدوا
فهد ومحمد راحوا مع اخوهم اما دانه حست بالجوع اخذت شنطتها وراحت عند بياعه تشتري شي تسد في جوعها: لو سمحتي وش تبيعين !؟؟
البياعه: ورق عنب جريش شاورما فلافل
دانه: عطيني ،،
قاطعها فهد الي جاي يركض وحامل صحن: بدر بدر
دانه نست ان اسمها بدر قالت البياعه: كنه يناديك
لفت دانه عليه: هلا فهد ؟!
فهد: هذي من ماما حطتوه لك كبسه لذيييذه
دانه بخجل تاخذ الصحن: مشكور وقلها يقولك شكرا ويعطيك العافيه
فهد بحماس: حتئ اخوي لؤي يقول خله يجي يتغدا معنئ
دانه بربكه: لا يسلموا خلاص يكفي كذا شكرا
راح فهد وهو مبسوط دانه ناظرت البياعه: مشكوره
راحت دانه قعدت مكانها وصارت تاكل ومع كل لقمه تتمنئ تغوص بالاكل: ااهه قلبي طعموووهه خيال
فجاءه حست بشخصين يقعدون جنبها ناظرتهم: فهد محمد !! تغديتوا ؟!
محمد: لا جبنا اكلنا ناكل معك
دانه بفرحه: يالبيه فرحتوني والله
فهد: لؤي قال روحوا كلوا معه
دانه جت تتكلم بس لؤي قاطعها: السلام عليكم
ناظرته دانه واحمرت خدودها: هلا وعليكم السلام
قعد لؤي: معليش لو فهد ومحمد ازعجوك
دانه: لا بالعكس ونسوني
لؤي ناظر بدانه وحس انها تشبه البنات كثير: شسمك ؟
دانه: بدر
لؤي: وانا لؤي
سكتوا شوي قال لؤي: كم عمرك ؟!
دانه وهي تاكل: 18 وانت ؟
لؤي بصدمه: ماشالله عبالي بتقول 14 باين صغير انا 19 قريب ال20
دانه بخجل: العمر كله
فهد بصدمه: اووه عبالي انه كبري
محمد: اي والله ههههههه
لؤي: غريبه جاي لحالك وين اهلك
دانه شرقت بالاكل: كح كح « قالت بتفكير: ماتوا
لؤي بأسف: اسف ماكنت داري الله يرحمهم
فهد: شرايك تسكن معنا ماعندنا خوات وابوي توفا بحادث وامي موجوده
لؤي انحرج من اخوه قالت دانه: لا فهود اعيش مع اصحابي بشقه وكذا بس هم سافروا مع اهلهم بالاجازه هذي الي عطانا ياها الملك الله يحفظه
لؤي: حلو يعني شباب لحالكم تعيشون
دانه تكمل الكذبه: ايه حنا اربعه
دق جوال لؤي ورد: هلا يمه ،، ابشري « وقفل منها: معليش بروح مع امي اتمشئ وارجع لكم
قامت دانه: انا لازم اروح الحين استئذنكم
قامت دانه شالت عن راسها قبوع الجاكيت وتلثمت بالشماغ من البرد وراحت عنهم
نروح لدار الايتام بالتحديد بغرفة البنات
مشاعل بهدوء غريب: اميره رتبي سريرك ترا من قمتي وهو معفوس
اميره بملل: بعدين
مشاعل بنفس الهدوء: قومي قلت
قامت اميره وهي تتافف ورتبته
جت جود: مشاعل شوفي جكيتي من هينا تمزع
مشاعل: من الدفاشه الله وكيلك مالي دخل فيك
جود بقهر: اوووف بس تقهرين
اميره تمددت وصارت تكلم " استاحشك " تذكرتوه اكيد: هلا ياسر معليش تو ادخل البيبي
ياسر: لا عادي خذي راحتك
مشاعل بخفه سحبت جوال اميره ورمته عالارض بدون ماتناظر الشاشه
اميره طيرت عيونها :خيييييررر اانننتتتييي
مشاعل بهدوء ينرفز: مانكسر شوفيه
جود: ليش سويتي كذا طيب ؟!
مشاعل بشهقه ودمعت عيونها: ابي دانه كل شي صار كئيب ابيها وانتوا صرتوا مملات
جود دمعت عيونها وضمت مشاعل: هدي ميشو بترجع لنا لا تبكين
اميره ضمت مشاعل: خلاص لا تبكون انتوا تعالوا نشغل شي نتنكس عليه يكفي نكد تكفون
مشاعل ابتسمت: اوك
وشغلوا اغاني يتنكسوا عليها « معلومه ماحط اسماء اغاني عشان ماحد يدورها ويقعد يسمع فيها وأخذ آثام ..
الساعه 4 العصر كانت تدور على شغل وراحت لعدة اماكن بس كانت تفكر ومايعجبها وتطلع تدور غيره لين وصلت مول كبير ومشهور بالرياض
دخلته وراحت لشرطي: لو سمحت
ناظرها: هلا اخوي
دانه: بغيت اسئلك ابي اتوظف هنا وين مكتب الاداره توظفني ؟! :)
الشرطي: والله يا طويل العمر شوف امش سيدا « وقف كلام وناظره: اقولك تعال معي
راحت دانه مع العسكري ووقفوا قدام واحد باين من هيئته انه مشرف او مدير ،قال العسكري: السلام عليكم
الرجال ناظره: وعليكم السلام
العسكري: طال عمرك هذا يبي يتوظف هنا
الرجال ناظر بدانه ورفع حاجب: انت !
دانه استحقرته ببالها: ياشينك عالتكبر: ايه انا
الرجال بابتسامه جانبيه: طيب وش مؤهلاتك ؟!
دانه فتحت الشنطه وطالت الملف ومدته له
الرجال اخذ الملف وفتحه وكان فيه هوية بدر وورقه قراها ويوم خلص ناظر بدانه: طيب يا بدر تفضل معي
دانه كانت مبسوطه انها غصب عن خشمه بوظفها وهي ماتدري للحين وش مكتوب بالورقه ،، مشت وراه للمكتب وبعد ما خلصوا الاجراءات
الرجال: انا هنا نائب المدير العام اسمي عبدالله
الحين روح بدل ملابسك بملابس الشغل وبتروح قسم الكوفي الي بالدور الاول مع الفلبيني تشرف عليه وكذا
دانه بحماس: ابشر طال عمرك بس متئ بداية الدوام ؟
عبدالله بسخريه مخفيها: عندك من الساعه 2 الظهر الئ 5 ونص المغرب ومن 6 المغرب الئ 11 الليل
دانه وهي تفكر: ماعندي شي طول اليوم اصلا فما تفرق معي اي وقت اشتغل
عبدالله مل منها: خلاص ابدا شغل من 6 الئ 11
دانه: انزين
عبدالله: وقع هنا وبعدها روح غير لبسك وانتظر لين يجي وقتك وروح ابدا
دانه: من يشتغل وقت الظهر للمغرب ؟!
عبدالله: سطام والحين هو بالكوفي روح خله يعلمك
التفت علئ العسكري: هتان خذه وده للمكان
هتان: ابشر طال عمرك
هتان اخذ دانه وراحوا الكوفي
نهاية البارت السادس ^*^
توقعاتكم !!
بالنسبه لطول البارت كذا زين ولا لا ؟!!
استغفر الله واتوب اليه
💃 💕
