البارت الثاني "♠
لا تجعلوا الروايه تلهيكم عن ذكر الله ..
جا دور جود سحبت ورقتين وفجاءه صارت تضحك زي المجنونه: اااهه ههههههههه ياربييهه والله بتروحون بخبر كان مني كلكم ووواااهه هههههاايي
دانه بنص عين: دوري وراك خلصي ابي العب
جود حطت ورقه عالارض وسحبت: ميشوو بيبي غفوه
مشاعل: لااا ياززففتتت
بنذاله حطت ورقه ثانيه: ميري وحده تكفيك
اميره: ووهه اهون منك يا ميشو ههههههههه
جود حطت ورقه اخيره: ملاك معليييشش الارض ذي باخذها
ملاك: ليييييهه باقي ارض وافوووزز لااااعع
دانه ونوره ابتسموا وكانهم يقولوا اشوه ماجت علينا
دانه سحبت ورقتين: يارب يارب « ناظرتهم وبفرحه: يييسسس حبيب البي واللهي « حطت الورقه على مجموعه ارض كامله: لا يحوشك يالبيييهه ارض وافوز
وبعد اللعب المتواصل والنذاله وبعض الغش فازت دانه
قامت ملاك ونوره: يله بنات بنروح غرفتنا
جت وحده صغيره وتعلقت في ملاك: بدوح معت « بروح معك «حملتها ملاك
قالت نوره: يله سهام ريمه اماني بنروح غرفنا
طلعوا البنات ومابقى غير بطلاتنا الاربعه
دانه وهي تلبس عبايتها : ميشو اسرعي نروح السوق
اميره بصدمه: يااهووو منجدكم عااد
دانه بعصبيه خفيفه: مييريي انا بروح اشتري ملابس باقي يوومين بس واطلع من هنا
اميره بغصه ماردت عليها وراحت السرير وتغطت بالبطانيه وصارت تبكي
دانه راحت لها وبحنان: اميره حبيبتي انتي من متى كذا ضعيفه ؟؟!!
جود دافنه نفسها بزاويه وتبكي قالت بصوت مبحوح : ابشرك من الحين ضعفنا
دانه ماتدري تراضي مين ولا مين حبست دموعها: ميري قومي حبيبي تكفين « التفتت على جود: يكفيني عذاب فراقكم تجون توروني دموعكم وضعفكم !!!!
مشاعل ماسكه الدمعه قالت بصراخ خفيف: خلاص انتي وياها من جد بزران وين الي يقول انا قويه واتحمل اي شي يصير هذا ودانه بتروح عنا ماتحملتوا وسويتوا كذا شلو،،
قاطعتها دانه: خلاص مشاعل حرام عليك « شالت البطانيه عن اميره وضمتها: قومي بتجون معي ولكم احلى عزومه مني
اميره بفرحه نطت على دانه: يالبييهه دنو بنطلع معك
جود من الفرحه جت تركض من بعيد ونطت على دانه وباستها من خدها: الله ياخذ مفرق الجماعات « تقصد المديره
مشاعل بابتسامه: قوموا البسوا طيب
خمس دقايق كان الكل لابس ونزلوا وقفوا تاكسي وراحوا لمكان فيه مجموعة محلات تبيع فيه ملابس جمله ومفرد وجزم وبوات « وانتوا بكرامه
نزلوا ودخلوا محل محل يشترون « طبعا دانه الي تشتري مو هم
مشاعل: دنوو شوفي هالجاكيت يجنن
دانه ناظرت فيه وكان جاكيت شتوي لونه ازرق ومن الداخل ابيض وماركة اديدس مخيطه بيد اليمين فوق
دانه بابتسامه: واااو يخقق « ناظرت راعي المحل: كم ذا لو سمحت ؟!
راعي المحل: اربعين ريال
مشاعل: حلو سعره
جود كانت ماسكه بلوزه اعجبتها مره بس ماحبت تحرج دانه فسكتت والي لاحظ هالشي »دانه«
طلعوا من المحل لمحل ثاني ومحل ثالث وكل ماطلعوا لازم يكون معهم كيس فيه بلوزه او بنطلون
وبعد مرور ساعتين طلعوا وراحوا لمطعم هرفي و كان قريب منهم
جود وتحس انها ميته جوع: متى يجي الطلب
اميره وكانت تحوس بالجوال: بنات شوفوا هذا واحد ضايفني عالبيبي اقبل اضافته ؟؟
دانه: ميري حبيبتي انتي تعرفين البنت الي تصادق شباب وش تصير سمعتها
اميره بخجل: ايه صح
جود ضربتها على راسها خفيف: لا تصيرين خفيفه
اميره: ياليل انا مو خفيفه بس كذا حبيت اطقطق
جا القراسون من ورى الستار « احم الطلب يامدام
دانه طلعت واخذت الطلبات: شكرا
كل وحده اخذت وجبتها وبدوا ياكلون
جود: ابي بطاطس بعد
اميره: يالييل ام كرشه ماتشبع
مشاعل بنص عين: بدينا !!
دانه كانت تاكل وسرحانه ومو لمهم ابد «ندخل عقلها ونشوف وش تفكر فيه
دانه بباله: ااه ياربي وين اروح لا طلعت من الدار كيف اصرف على نفسي وين انام اااهخخخ
اميره تلوح بيدها: دااانه يبا وين وصلتي ؟!
دانه ناظرتها: ها لا اكل بس
جود: ترا لنا من ساعه نناديك وانتي سرحانه
دانه ولمعت براسها فكره: اووه ليه ماجتني هالفكره من زمااان !؟؟
مشاعل رفعت حاجب: وش هالفكره ؟!
دانه: خلصتوا اكل ولا لا ؟؟!
اميره: انا خلصت باقي الببسي
جود: انا باقي البطاطس واخلص
مشاعل خلصت اخر لقمه من البرقر: وانا خلصت
دانه قامت: حلو قوموا نغسل ابي اروح اشتري شي
جود بلقافه: وش هالشي ؟؟
دانه: بعدين تعرفون
طلعوا البنات بعد ما غسلوا وكانوا يمشون ورا دانه الي مشيتها سريعه قطعت الشارع ووصلوا محلات رجاليه ناظرت محل محل وشافت محل فاضي تقريبا
دخلت ومعاها البنات: السلام عليكم
راعي المحل مبلم فيها: هلا وعليكم السلام اختي
كان فيه ثلاث شباب يشترون ووقفوا مبلمين في البنات
دانه وهي تفكر: بغيت اشتري ثوب لاخوي اصغر مني لكنه طولي كذا بس اسمن شوي
راعي المحل وعلامات استفهام فوق راسه: ابشري بس كم مقاسه اخوك ؟؟!
دانه تفكر قاطعت تفكيرها مشاعل وهي ماتدري ليش دانه تبي ثوب: مقاسه 16 « مقاس دانه 14
دانه: ايه اتوقع كيذا
جود بغباء تهمس: اخوك من ؟!
اميره بنفس الغباء: اي والله مالها اخ اصلا
مشاعل ودها تضربهم قالت دانه تصرف: وابي شماغ له
راعي المحل اخذ مجموعة ثواب مقاس 16 وشماغ مقاس 12 حسب طلب دانه: تفضلي شوفي وش يناسبه
دانه تناظر ثوب ثوب وبالاخر قررت تاخذ ثوب ابو قبه وكبك : كم ذا وكم الشماغ ؟؟
راعي المحل: كلهم بعطيك اياهم بميتين
مشاعل: ماتراعينا طيب !
راعي المحل: خذيهم بميه وسبعين تستاهلين
دانه: شكرا « اخذتهم وطلعت من المحل
جود : ليه كذبتي ماعندك اخ يا دانه
اميره: وليه شريتيهم !؟؟
دانه بغموض: الدنيا حدتني اكذب واشتريهم
رجعوا البنات عالدار وكانت الساعه 8 ونص
جود واميره من التعب ناموا
اما مشاعل تسدحت وقعدت عالجوال تطقطق فيه ودانه صارت تجرب بالملابس الي شرتهم وبس خلصت قعدت وصارت تعد بالفلوس وتحسب ببالها: ما بقى معي من ال1300 الا 900 وهذا كلها ملابس واكل بكره لا طلعت من هنا ومامعي غير هالمبلغ مارح يتم معي الا لكم شهر بس ااههخخ ليه كذا ياربي وين ابوي وامي توفوا ولا باقي عايشين اذا عايشين ليش رموني بدار الايتام يعيشوني بهم وغم وتعب « ناظرت جود واميره: مسكينات لقيطات ومايندرئ عن اهلهم ولا مشاعل الي اهلها الي رموها بسبب شي واحد واحتمال الدكتور الغبي ممكن لا كبرت تصير معاقه وهذي هي ما شاءالله جمال واخلاق حسبي الله عليكم كلكم
مشاعل ناظرت دانه: دنو شفيك ؟!
دانه بغصه: ابد بفقدكم
مشاعل ماقدرت تمسك دموعها: شكلي بشرد من هنا واجي معك
دانه بعصبيه خفيفه: جربي تسويها ولا لاشدك من شعرك وارجعك هنا شوفيني كيف مهمومه وين بروح
مشاعل: انا لو بيدي كان اخذت جود واميره وطلعنا من هنا بس القوانين ال### هي السبب
دانه: لا تقولين هالكلام واصبري ماتدرين وش بعد هالصبر وش ننول
مشاعل بفراغ عاطفي: ابوي وامي اكرههم من قلب والله ما اسامحهم ابد ولا رح اسامح اهل جود واميره عشان شهوتهم الله يحرقهم بجهنم رموهم لقطاء
دانه ماتحملت وصارت تبكي: ميشو ليش كيذا سووا هم تدرين انا المصيبه مدري من وين جيت او كيف عالاقل انتي تدرين سبب جيتك هنا وجود واميره نفس الشي بس انا « ناظرت مشاعل بغبنه ودموع تحرق: من وين جيت وكيف ؟؟!!
مشاعل خانقتها العبره وتبكي بقوه: لا دانه لا تبكين كذا اول مره اشوفك تبكين كيذا وبهالطريقه
صحت اميره على صوتهم وشافتهم يبكون بخوف: ميشو دنو شفيكم تبكون ؟!
دانه تهديها: ولا شي ميري ارجعي نامي
مشاعل: لا تخافين بس مجرد كآبه صابتنا
اميره عرفت انهم يكذبون تسدحت وغطت نفسها بالبطانيه بس بدون ما تنام
مشاعل بخنقه : تدرين دانه انا يوم القيامه مارح اخلي ابوي وامي يدخلون الجنه بالي سووه فيني
دانه تمسح دموعها وتنزل غيرهم: لاتصيرين حقوده كذا
مشاعل بنفس البكيه: جود واميره حراام والله عشان شهوة ابوهم وامهم رموهم كذا ليييش قولي ليييش ؟!
سمعوا صوت شخص يبكي من تحت البطانيه
دانه وخرت البطانيه عن اميره وضمتها: خلاص ميري حبيبي لا تبكين بناخذ حقنا من اهلنا وحق اللقطاء
اميره جلست وهي تبكي: انا ابي بس اسئلهم ليش سوا كذا فينا بس وان جابوا سبب مقنع بسامحهم
فجاءه سمعوا جود تقول وتبكي من تحت البطانيه : مستحيل اسامحهم والله لاخليهم بالنار ابد الابدين
وبعد كلام طويل وبكاء راحوا بسابع نومه والدموع مصاحبة وجوههم البريئه ،،
نهاية البارت الثاني ^*^
احس هالبارت اطول من الي قبله بس انشاءالله ينول اعجابكم وتسذا
تتوقعاتكم ......
استغفر الله واتوب اليه
