البارت الثامن عشر …♠
الساعه 11 كانت المحلات تقفل بالتدريج الا المطاعم والناس معظمهم يروحوا بيوتهم والموظفين واقفين ع حيلهم لاخر رمق في الدور الاول
بعضهم يسولف وبعضهم يكلم بالجوال و بعضهم يتعشى
نجي لابطالنا
يتمطمط بكسل: ودي اطير للشقه انسدح واناااامم
ابتسم: يا حبك للنوم يا هتان ماقد شفت انسان يعشق النوم كثرك
هتان بكل حب : اتزوج النوم لو كان انثى
سمعوا صوت ضحكه التفتوا قال هتان: ياخي ضحكة بدر تخقق كنها ضحكة بنت ولا خكري
دانه بوزت: هيه عاد وش خكري ذا
كان مقهور من غزل صاحبه في حبيبته قال بحده وكلام مزيف: بدر اترك عنك النعومه
دانه ناظرت راكان الي فهمت قصده وابتسمت: ابشر
هتان: علامك كذا عليه يا راكان ارفق بوه
بعد السوالف مرت ساعه وبدوا الموظفين يروحون بيوتهم جا سطام وسحب دانه بدون محد يلاحظ وراح بها لسيارته ،،
كانوا قاعدين قدام ودانه متكتفه ناظرها سطام بقلب محترق: دانه ليش تغيرتي علي كذا مو كنا اصحاب ؟!
دانه: سطام خلاص قلت مابي علاقات
سطام بقهر: وراكان شتسمي قعدتك معه ؟!
دانه بكذب: راكان متضره اقعد معه عشاني معه بالشقه
سطام حرك سيارته قال بحب: بس انا احبك دانه وربي
مابي راكان اذا درى انك بنت يحبك و ياخذك مني
دانه عضت ع شفتها: مدري شقولك والله
سطام بسرعه: لا تقولين شي بكره اخذك ونروح للمحكمة ونكتب عقد زواجنا
دانه طيرت عيونها بصدمه: تتكلم من جدك ؟!
سطام باستهبال: لا من عمي « بجديه: ايه منجد اتكلم
دانه باقي مصدومه وما تكلمت
سطام: بكره الساعه 2 الظهر امرك نروح المحكمه
دانه: بس انا ،،
قاطعها سطام بعصبيه: قررت وانتهى
وصلوا الشقق قال سطام وهو عاقد حواجبه: اشوفك بكره انزلي يله
دانه بقهر: سطام انت وش ما تحس ؟! انا انسانه مابيك ورديتك كثير ضروري تغصبني ع شي مابيه وتخليني اسمعك كلام مابيك تسمعه
سطام بألم وحرقه ناظرها: انزلي الوعد بكرهه
نزلت دانه بكره وقهر ودخلت الشقق
سطام ضرب الدريكسون بقوه: حمااار لو اني ماخذها بدون ماقول لها كان كل شي احسن
نروح لم دانه الي وضعها زفت دخلت الشقه تسحب نفسها تسحب وتبكي بقهر دخلت الغرفه تشاهق: مابي اتزوجك يالكريييه اكرهههككك يا سطااام اكككرهههك انا احب راكان وابيييه هو وهو اعترف لي اليوم انه يخاف علي يحبني يبيني اوووووف اككررهههكك سططاااااامم
ورمت نفسها عالسرير بدون ما تغير وصارت تبكي بحرقه لين غفت عيونها
عند راكان وهتان الي كانوا مروحين توهم
هتان: يا رجل شبلاك تلقاه روح من زمان
راكان بخوف: بس مع من يعني ؟!
هتان: امكن سطام اخذه
راكان عقد حواجبه: مير الله ياخذه هالسطيم
هتان: هدي انت لا رحنا الشقه ومير شفناه ارتاح وان ماشفناه نتصل عليه
راكان من قلبه: يارب نلقاها بالشقه
وصلوا الشقه ودخلوا راح هتان وفتح باب غرفة دانه وانفتح الباب وكان النور مفتوح ودانه مرتميه عالسرير بالثوب ورايحه بسابع نومه ابتسم هتان: ونايم بعد الاخ وانت خايف عليه وتحاتيه
راكان دخل وناظر في وجهها الي كان شاحب وباين انها كانت تبكي عص ع يده قال بباله : اكيد قالها شي هالزق
