البارت الرابع عشر …♠
راكان بدون مقدمات :انت بنت ؟!
دانه قلبها وقف: ها !!!
راكان: شوف بدر علي بالحرام لو عرفت انك بنت اني امثل اني ماعرف سرك لكن مابي تكذب علي تراي شاكك فيك من زمان اولا ثانيا هالحركه الي منشوي ما مشت علي تبي تعترف اعترف ولا مابي اخجلك
دانه بصدمه ببالها: ذييب وربي شسوي احيينن ؟!
راكان: بدر وين سرحت قول يله
دانه تفرك يدينها بخوف فجأه حست بضعف كبير وتجمعت الدموع بعيونها بس حبستهم قالت بصوت مخنوق: صدقني يا راكان الدنيا حدتني اسوي كذا
راكان ابتسم لانها على طول اعترفت مسك يدينها: شوفي انا وعدتك اني ما كشف سرك لاحد وعلي اني امثل اني ماعرف سرك ومارح اسئلك ليش سويتي كذا لان اكيد عندك ظروفك
هنا دانه ما تحملت ضمت راسها بين رجولها وصارت تبكي: وش ذنبي اذا مدري وين اهلي ومدري كيف جيت
راكان بحزن عليها: خلاص يا ،، شسمك لا تبكي قومي غسلي وجهك واوعدك اني بحميك من كل شي بعد الله
قامت دانه ووجهها احمر وراحت الغرفه اما راكان قعد يكلم نفسه: كيف وليش مسكينه صدق الدنيا بلاوي
دانه بعد ما غسلت وجهها جت تطلع بس متفشله من راكان طلعت من الغرفه وهي مدنقه راسها
راكان شافها وابتسم بحنان: تعالي
دانه قعدت قباله وهي على نفس الوضع
راكان بحنان: انتي احسن الحين ؟!
دانه هزت راسها بنعم قال راكان: خليك قويه لا تضعفين اوعديني يا
دانه: دانه
ابتسم: يالبى هالاسم عاشت الاسامي دانه
دانه ابتسمت وناظرت فيه وهنا قلوبهم صارت تنبض بقوه تلاقت عيونهم ومشاعر متلخبطه اعجاب اهتمام حب خفي
قام راكان وقلبه بنط من صدره: دانه انا بروح انقل اغراض هتان لغرفتي عشان تاخذين راحتك وو،
دانه: وايش ؟!
راكان: وشسمه عشان ما يكشفك
دانه ابتسمت بداخلها: طيب
بدار الايتام البنات كل وحده مع نفسها ومافي شي جديد
مشاعل تكتب واجباتها وجود تطقطق عالاب واميره تكلم ياسر
قامت مشاعل وماتعرف ليش قلبها ياكلها على اميره صحيح هم متزاعلات من بعض بس مهما يكون تبقى اميره صديقة مشاعل قعدت قبال اميره وبصوت مبحوح: اميره انا شسمه اسف عشان تصرفي امس
اميره كانت مروقه ناظرتها ورفعت حاجب: لا تذلين نفسك اكثر ما صار شي
مشاعل بصدمه تناظر اميره وكلامها ينعاد قدامها ما قدرت تنطق بحرف قامت ورجعت مكانها وهي على حالها جت جود وقعدت جنبها وضمتها: ميشو ضميني احس قلبي فارغ ابي شي يدفيني احس بتعب
مشاعل ضمتها بدون مشاعر لانها كانت سرحانه
قامت اميره وناظرتهم: بطلع تبون شي ؟!
جود ناظرتها: ميري حبيبي اجي معك طفشانه
اميره: لا مابي احد يجي معي اطلعي مع مشاعل
مشاعل بغموض: اجلسي جود مانبي الي مايبينا
اميره باستهزاء: ماحد يبيك يالايمو « وراحت لبست عبايتها وطلعت
جود بقهر: شوفي حتى الطرحه ما كلفت ع نفسها تلبسها
مشاعل بهدوء: جود حبيبي ما عليك منها
قعدت جود بقهر من حركات اميره اما مشاعل غسلت يدينها من اميره
نرجع لدانه الساعه 5 المغرب
يضمه بقوهه: اشتقت لك هتووننيي الحمدلله ع سلامتك
هتان ضمه: الله يسلمك ركوني
سلمت عليه وسحبت يدها بخفه: الحمدلله ع سلامتك
هتان ابتسم: الله يسلمك ،، بدر ترئ شفت سطام قاعد بالسياره تحت ويوم سلمت عليه سئلني عنك
دانه قبض قلبها قالت: والله اجل بنزل اشوفه « وقامت
راكان كان وده يلحقها بس ماقدر عشان هتان موجود
نزلت دانه وشافت سطام بسيارته دخلت السياره: شلونك
سطام كان متكي راسه عالكرسي وحاط الطاقيه بوجهه رفع الطاقيه وناظرها: دانه من بكره تروحين تفصلين من الشغل فاهمه
دانه بققت عيونها: خييييرر ؟! ليش ابووي
سطام: بس
دانه بجديه: صداقتي معك لحد هنا تنتهي قلنا اصحاب مو نتحكم في حياة بعض « جت تنزل بس وقفها لما ناداها بعصبيه: غبيه انتي وش تقولين اي صداقه اي خرابيط مافي بنت تصاحب ولد وتحكمي فيك لمصلحتك
دانه تنهدت: اسمع سطام حنا من زمان اتفقنا ع هالشي
سطام مسك يد دانه وبعيون تلمع: دانه انا احبك
دانه قلبها طاح برجولها االا انت يا سطام مابي حبك ابد عقدت حواجبها ونزلت من السياره ودخلت الشقق
سطام بقلبه: اوريك ان ما خليتك تعشقي ارضي يا دنووه
دخلت دانه الشقه وراحت لغرفتها بدون ما تناظر راكان عشان ما يشك لاحظ حركتها راكان وسرح
هتان ناظر الساعه 6 وربع: راكان انا بسير عالمول سريع اشوف عبدالله ابي منه شغله تجي معي !
راكان ادعى التعب: مشواااركك لا ما بجي انت جيب معك باسكن توفي واوريو لي ولبدر ولك
هتان وقف: ابشر يالحوب « وطلع
راكان راح لغرفة دانه ودق الباب: دانه
دانه طلعت وكانت لابسه بجامه بتنام: تو الليل وشوله تنامين والبسي عدل وتعالي بجيب هتان باسكن روبنز
دانه: اوكي « دخلت وبعد شوي طلعت لابسه بشت فوق ملابسها من البرد
راكان: دانه ممكن سؤال
دانه ناظرته: ايش ؟!
راكان: ليه وجهك تغير ورحتي الغرفه بسرعه كذا وش قايلك الي ما يتسمى
دانه: انهينا صداقتنا لانه يقهر وله حركات زفت وانا مالي بمصاحبة شباب
راكان انبسط بس ما بين لها: اها احسن لك وش تبين فيه
دانه قعدت عالكنبه الي جنبه: ممكن تتصل على هتان يجيب لنا عشاء
راكان قام وقعد قبالها وناظر بعيونها: جعانه ؟!
دانه نبضات قلبها زادت وحست بحراره: هاه ايه
راكان ابتسم: نروح مطعم شرايك !!
دانه بخجل: أأء بس شسموه هتان بجي مارح يلقانا
راكان: بتصل عليه ،،
قطع كلامه صوت جواله ناظر الشاشه وابتسم: هتان يدق « رفع جواله ورد: لبيه هتوني
هتان: وش تبون نكهات ؟!
راكان: تعال يا رجال بنروح مطعم جوعانين
هتان ابتسم: ابشرر قلبي جايك « وقفل منه
بعد عشر دقايق وصل هتان ونزلوا ركبوا سيارته ومشوا لمطعم يتعشون ،،
نهاية البارت الرابع عشر ^*^
توقعاتكم يالبى
سبحان الله والحمدلله ولا اله الا الله ❤
