البارت الثاني عشر …♠
عند دانه فزت يوم شافت شباب مع عسكري وسيارة جيب هيئه راحت لهم وناظرت بواحد: وش صاير ؟!
الولد: العسكري ذا متحرش ببنت وخوانها صادوه
دانه: أها « ناظرت بالمكان وشافته عقدت حواجبها وصدت عنه ماتبي تشوفه ودخلت المول
قبل لا توصل الاسنصير ماحست الا بيد تشدها: ايي عما ماتشوف اوجعتن « وانصدمت بالي قبالها: سطام
سطام: وينك مختفي لي نص ساعه ادورك
دانه: آآآآ كنت مشغول
سطام: طيب ماتشوف الساعه صارت 11 ونص والمحلات تقفلت اخلص نوقع خروج واوصلك الشقه
دانه باستسلام: طيب جاي
نروح مكان من زمان ما رحنا له بنفس الوقت هذا
كانت بالحمام وضايقه تشفط وتنفخ. ،، سمعت صوت الباب يندق: مشاااعل اطلعي
مشاعل بتأفف فتحت الشفاط ورشت عطر وفتحت الباب تكتفت: كاني فتحته
تنهدت: وبعدين يعني وش هالاهمال وصلتي للدخان
مشاعل: ميري حبيبي خلك بعيده عن تصرفاتي اوكيه
اميره بيأس: طيب تعالي نامي ارتاحي
مشاعل: طيب بيبي « وراحت تنام
اما جود كانت تحت البطانيه تبكي لان حال صديقاتها ما عجبها ابد وحده تدخن وحركات بويات والثانيه تكلم وتواعد وتحب واحد غمضت عيونها بألم ونامت
اليوم الثاني في شقة دانه
قامت من السرير ناظرت سرير هتان ولا لقته راحت غيرت لبسها وطلعت راحت المطبخ تدور اكل وشافت راكان معه كاسة حليب وصامولي ياكل
وقفت وقلبها يخفق بقوه بس تذكرت الي سواه امس وصدت عنه فتحت الثلاجه واخذت حليب
راكان ناظرها: يابو الشباب الواحد يسلم ويصبح
دانه ببالها: شكثر اني غبيه هو وش يدريه اني بنت وكيف بهتم بمشاعري « لفت عليه باحراج: صباح الخير معليش صاحي ادور الاكل هههههههه
راكان فها على ضحكته: شكلك نايم بالجوع
قعدت دانه قدامه تسوي ساندوش جبن وبدون تفكير قالت: امس شفتك ترقم وحده افا يالعيب
راكان رفع حاجب: اما عااد انا بحياتي مارقمت « تذكر الموقف وضحك: هههههه اذا عالبنت فانت فاهم غلط هي الي رقمتني بالاصح وانا صديتها
دانه انبسطت قالت بدون شعور: كفوو والله كذا تعجبني
راكان فتح فمه: هااا ؟!!
دانه استوعبت الي قالته: اقصد يعني انك ذيب ماترقم
راكان: الحمدلله نعمه هذي تلقئ شاب مايرقم
دانه: صادق والله
راكان: انت ترقم اتوقع على جمالك ذا البنات هم الي يرقمونك ويتغزلون بك
دانه تذكرت البنات الثلاث وضحكت: ههههههه لا ويين « قالت بغباء وتوتر: وبعدين شسمه ما شاءالله ماتشوف نفسك كيف صاروخ « ببالها: وش قلتي يالغبيه😐
راكان بصدمه حس بحراره بجسمه بباله: يتغزل فيني لاااع خلااص لا احين احشره واعلمه كيف يتغزل جد « يخوف 😂😂
دانه قامت: بتروح لم اهلك اليوم ؟؟
راكان: ايه 2 اطلع واروح لهم
دانه: ايه زين « وطلعت من المطبخ وراحت الغرفه
اما راكان سرح بدانه وكيف اول مره كذا يسولفون
بعد نص ساعه نزل راكان وصدم بالغلط في واحد:ما تشوف ياخي « ناظر فيه وتافف: سطيم وش جايبك هنا
سطام سوا زي راكان: بروح اشوف دا آآ اقصد بدر
راكان: بدر طلع من الصبح
سطام بقهر: لا كيييييف يا شيييخ مواعده امس نطلع مع بعض اوووف بتصل عليه اشوفه ليش سحب
راكان بكذبه: قالي اعتذر لسطام جوالي مسكر وبروح لم ربعي من زمان ما رحت لهم
سطام بباله: شكلها راحت للدار تشوف صديقاتها « ناظر في راكان: طيب مشكور « وراح
راكان بسرعه فتح البيبي وارسل لدانه رساله وبعدها نزل وشغل سيارته رايح لاهله
تحت قاعد بسيارته والشر بعيونه ويناظر هالشخص وهو يركب سيارته ومشئ فيها جت بباله خطه بس عقد حواجبه وقال بنفسه: يا خوفي اموت وهو ينجو خلها من فكره زفته اشوف شي ثاني يبعد راكان عن دانه
ومشى بسيارته رايح لاصحابه
في دار الايتام
البنات كل وحده لاهيه بشي
مشاعل تقلب بالتلفزيون وتاكل فشار
جود قاعده جنبها وتلعب بالابتوب
اما اميره كانت تكلم ياسر: ايه بشوف اليوم اطلع معك
ياسر يكتب بخبث: ياليت مشتاق لعيونك
اميره بكل حب ضمت الجوال «بعض البنات اغبياء😥
ياسر: وين رحتي اميرتي
اميره: افكر بخطه كيف اطلع واجي
مشاعل ناظرت اميره وقلبها ناغزها: ميري
اميره ناظرتها: هلا ؟
مشاعل تبي تسحب فيها: ليش وجهك تلخبط من ناديتك
اميره تسوي نفسها طبيعيه: تتوهمين
مشاعل: جيبي جوالك طيب
اميره خافت بس قالت بعصبيه: خير امي من متئ تمسكين جوالي وتبين تفتشينه
مشاعل بهدوء غريب: قلت جيبيه
اميره طلعت من البيبي وعطتها اياه: خذي
مشاعل حطته على جنب ورجعت تتابع المسلسل
اميره بقهر راحت لخزانتها تتلهى فيها عشان ما تبين لمشاعل انها خايفه وتخفي شي بجوالها
الساعه 5 المغرب في شقة الشباب كانت دانه بتطلع وتروح للبنات بس فجاءه سمعت صوت الباب يدق قامت وناظرت من العين ولقته سطام تأففت
فتحت الباب وابتسمت: هلا سطام
سطام بدون مقدمات: غريبه مارحتي لم صديقاتك
دانه رفعت حاجب : كلموني وقالوا اليوم مشغولين
سطام: اها لان راكان قالي انك طالعه لهم
دانه بفهم: اها
سطام: مارح تدخليني ؟!
دانه هزت راسها: لا يخلوا رجل بامرأه الا والشيطان « رفعت يدها واشرت بثلاث اصابع: ثالثهما
سطام عص ع يده: وراكان وش وضعه ؟!
دانه: لا تستهبل محد يدري اني بنت غيرك
سطام: طيب خل نطلع كوفي نتمشئ بالسياره
دانه وهي تفكر: طيب بلبس واجي ثواني « وقفلت الباب
بعد شوي طلعت دانه وكانت لابسه ثوب وجاكيت رصاصي والقبوع على راسها: مشينا
سطام ابتسم على شكلها: مشينا
،،،،،،،
نهاية البارت الثاني عشر ^*^
توقعاااتكم يالبئ 😍
