البارت السادس عشر …♠
الساعه 4 العصر في دار الايتام
مشاعل وجود واميره كعادتهم ما عندهم شي
اميره مواعده ياسر ، مشاعل وجود يا بيطلعون او عند نوره وشلتها
جود تلبس جاكيت فرو من البرد ناظرت مشاعل: ميشو
مشاعل وهي تلعب بجوالها: ها ؟؟
جود: اليوم بنروح مع البنات الحديقه صح ؟
مشاعل: مدري
جود التفتت على اميره: بتجين معنا ميري ؟!
اميره: ميري بعينك انطقي اسمعي عدل لا ما بجي
مشاعل بقهر: جود لا تحتكين بالحمير
اميره بقهر قامت وضربتها ع راسها: انتي الحماره اوك
مشاعل تقهرها: ما قلت أميره حماره قلت حمير بس كلن يعرف قدره
اميره تتريق: اجل صفي جنبها يالملاك
مشاعل تقوم وتوقف جنب جود: ها كذا زين هه
« ورجعت مكانها: الحمدلله والشكر ناس مجنونه
اميره بقهر زايد هجمت على مشاعل وصارت تضرب فيها ومسكت شعرها وتفت في وجهها: كلي تبن يا عبدة النار يالايمو
جود بشهقه: هيييه انتوا صلوا ع النبي « صارت تفك في اميره بس ما قدرت
مشاعل تضحك وتكلم جود: انتي يالطويله ساعديني
جود: مسكت يد اميره ودفتها بعيد: خلاص يالدفشه
اميره قامت وراحت اخذت جوالها وطلعت من الغرفه
مشاعل عدلت قعدها: شفيها هاي كذا صايره ؟!
جود تضرب كفيها ببعض: والله من طلعت دانه وحده باعت شكلها وتدخن ووحده انجنت وتواعد !!
مشاعل بصدمه: تواااععدد ؟!
جود: ايه ذاك الي كذبت وقالت انها حذفته لا حذفته ولا بطيخ تكلمه وحبته وتواعده
مشاعل بنفس الصدمه: حبها عبد انشالله
نرجع لدانه الي كانت مع راكان بالسياره وكانوا واصلين المكان
دانه تفرك يدينها بخوف ناظرت الساعه وكانت 4 ونص: الله يستر من هالامير وحصيص
راكان بخوف ع دانه: توكلي عالله خلال ربع ساعه ما دقيتي علي انا بتصل عالشرطه واقولهم المكان
دانه ناظرته: تستهبل انت وش شرطه مانبي مشاكل
راكان بحنان: حبيبي دنو لا مشاكل ولا هم من اجيب الشرطه وتمسك هالامير الزق مع حصيص ع قولتك ترتاحين وارتاح معكك توكلي عالله
قاطعه صوت جواله ناظر الشاشه "تؤام روحي " ابتسم ورد: هلا هتان
هتان: وينك عن الشغل يولد عبدالله يبيك
راكان: اعتذر لي اليوم منه ووقع لي غياب جاني شغل ضروري وماقدر أأجله
هتان: وشو هالشغل الضروري
راكان: يارجل شغل حق الوالد ،،
دق جوال دانه ناظرت الشاشه وكان رقم الامير طلال ناظرت راكان بخوف وردت: الو
الامير طلال : وينك يا حلوه ؟!
دانه بكرهه: كاني جايه المكان المحدد « فتحت الباب نزلت ومشت بعيد عن سيارة راكان ووقفت
راكان بقلبه: يارب سترك ع هالبنيه ي رب
هتان يقطع تفكيره : طيب طيب عبدالله ماراح يقول شي
راكان: مشكور هتوني
هتان: هتوني بعينك يله سلام اييه صح الا بدر وينه ؟
نروح لم دانه الي وقف جمس اسود مظلل بالكامل ركبت وقلبها قايل يا ستار استر
مشت السياره ووراها سياره راكان من بعيد يلاحقهم خمس دقايق وصل الجمس عند فله دورين
نزلت دانه ودخلت الفيلا وكانت عباره عن شقتين بالدور الاول والدور الثاني شقه دقت الباب مرتين
وينفتح الباب ناظرت بالي فتح الباب وتنحت فيه
ببالها : هذا الامير طلال
الامير طلال بابتسامه تذوب: يا هلا بالحلا
دانه بلعت ريقها: كاني جيت
الامير طلال وخر عن الباب: تفضلي
دخلت دانه وهي ترتجف وش يبي مني هالزفت
قعد بصاله اثاثها من افخم ما يكون ولون الكنب عسلي على بني محروق والستاير عسلي فاتح
الامير طلال: اقعدي يا دانه
دانه قعدت قدامه: للحين ما عرفت سبب دعوتي !!
ابتسم جنابي: حليلها مستعجله الحلوه « غير نغمة صوته: حصه ما قالت لي انك هالكثر جميله !
دانه بقلبها: تف عليك وبعد لك عين تعرف جميله لو لا
الامير طلال ناظر ساعته 5:10 وتنهد: الوقت بدري عالمرح والاستكانه ،، اكلتي شي يا دانه ؟!
دانه بقلبها: اي مرح يقول عنه ،،: ايه اكلت
الامير طلال: هممم ، دق جواله ورد بدون م يناظر الاسم: الو ،، بخير ،، « ناظر بدانه وابتسم بخبث: جت ،، انتظركك « قفل الخط
نتركهم شوي ونروح لراكان الي له عشر دقايق ينتظر سمع صوت القزاز يندق ناظر وعقد حواجبه فتح الباب ونزل: سطام ؟؟؟!!! وش جايبك هنااا ؟!
سطام بكذبه: شفتك مع بدر بالسياره كنت بكلمكم بس ما لحقت عليكم ولحقتكم
راكان: اها كان دقيت علئ بدر بدال مانت لاحقنا لهنا
سطام: شعنده بدر نزل من سيارتك وركب جيب اسود ؟
راكان بكذبه: شغل وقال انتظرني هنا
سطام ما صدق بس مشاله الكذبه: مطول داخل ؟!
راكان بملل: مدري
سطام: ايه تعال امس شفتك مع بدر وهتان بهرفي وراكم ما تكلموني اجي معكم
راكان بباله ،،اجل طلع هذا الي يراقب: والله ماجيت ع البال وان جيت على بالهم انا ما بجي دامك بتجي
سطام: ع زق يا شيخ ،، انا رايح « ومشئ
ركب راكان سيارته وقعد ينتظر دانه: وراها طولت !!
نرجع لدانه بعد عشر دقايق سمعوا صوت الباب قام الامير وفتح الباب وبترحيب كاذب: يا هلا بحصه
دانه من سمعت الاسم طيرت عيونها
دخلت حصه بغرور وناظرت دانه: هلا بالي ما هلا فيه
دانه بكره عادت كلامها: هلا بالي ما هلا فيه
الامير طلال: عيب يا بابا احترمي الكبار
حصه: بنت شوارع كيف تبيها تحترم الكبار
دانه ماردت عليهم وصارت تناظر بالغرفه
الامير اعجبه اسلوب دانه وشكلها بس تذكر انه جابها هنا لشي وبس: حصه ودي دانه تلبس ملابس بدل هالثوب الي متشحتته فيه
عقدت دانه حواجبها: ماني متحركه من هنا وللحين انا ماعرفت وش سر جيتي
الامير طلال بخبث: لا تستعجلين على رزقك
حصه قامت واخذت دانه بالزور ودخلتها الغرفه تلبس بس طبعا دانه بدون تفكير دقت على راكان وقفلت
هنا دخل الامير وابتسامة خبث وشرار ع وجهه مسك يد دانه ولزقها بالجدار دانه بألم: آآآآيي شتسويي انت !!؟
الامير شدها اكثر وقرب منها اكثر واكثر ،،
نهاية البارت السادس عشر ^*^
رايكم يهمني
توقعاتكمم
استغفر الله
