البارت الخامس عشر …♠
في دار الايتام الساعه 7 الليل
دخلت اميره حطت اكياس جنب سريرها ورمت نفسها عليه بتعب: ااهخخ يا ظهري
جود ومشاعل ما كانوا موجودين اميره ببالها: فكه انهم طلعوا ولا نشبوا بحلقي وش شريتي ومع من طلعتي
انفتح الباب ودخلت جود ووراها مشاعل
جود ناظرت اميره: ما بغيتي تين من الساع خمسه طالعه للحين « ناظرت الاكياس وابتسمت: الله وش شريتي « وراحت عندها اما مشاعل تمددت عالسرير
اميره تفتح بالاكياس: شريت لنا واجد اشياء لي ولك
جود: ما شريتي حق ميشو شي ؟!
اميره: لا لاني ماعرف كم مقاسها « تكذب
جود: ايه هي نحفت واجد عن قبل بس برضو كان شريتي لها اي شي هديه كذا
اميره تصرف فتحت كيس وطالت بلوزه طويله بيضه وعليها صورة برج ايفل وكلمة باريس بالانجليزي مدتها لجود: هذي لك تفضلي
جود بفرحه: يالبيييه شكرا مره جميله
اميره ابتسمت وطالت بنطلون ستريتش اسود: وهذا بعد
جود ابتسما: شكرا اميره
اميره قعدت توريها بالملابس اما مشاعل بهدوء قاعده وتناظرهم ومبسوطه لجود وحزينه عشان اميره تغيرت عليها كثير تنهدت قامت اخذت بكيت دخان ودخلت الحمام وانتوا بكرامه وقفلت الباب بالمفتاح
عند دانه بنفس الوقت
في مطعم جهة العزاب قاعدين وياكلون
راكان باستهبال اخذ بطاطس ومدها لهتان وبصوت ناعن ونشاز: حبيبي افتح فمك
هتان فتح فمه: يسلموا حبيبتي اديش انتي رومنسيه
دانه ترمش وانفجرت ضحك: ههههههههههههههههههه
التفتوا عليها وضحكوا قال هتان: ترئ حنا كذا دايم
راكان كمل: والشباب يطالعون ويشكون بوضعنا
دانه: هههههههههههههه مالومهم والله انا انصرعت
هتان: ههههههههه « اخذ حبة بطاطس وراح لراكان حطها بفمه وباس خده: بالعافيه حبيبتي
راكان مسوي خجلان: يؤ حبيبي مو قدام الناس
دانه: هههههههههههههه « وحطت راسها عالطاوله من الضحك
راكان كان خاق على ضحكها ابتسم وناظر هتان وقال بالغلط: ماتت البنت هههههه
هتان رفع حاجب مستغرب راكان صحح غلطه بسرعه وقال: اختك يعني وكذا
هتان رفع حواجبه: اهاا ههههههههه « ناظر دانه: قوم بدير لا تموت علينا ضحك
دانه رفعت راسها ووجها احمر من الضحك : بروح اغسل وجهي واجي « وراحت
راكان بباله: وه بغيت اكشفها
هتان عقد حواجبه: ياخي في واحد يراقبنا من طلعنا من الشقق بس ماحبيت اقول قدام بدر
راكان باستغراب: اما عاد !! « صار يتلفت: وينه !
هتان بسرعه: لا تتلفت لا يشك اننا عرفنا
راكان علق نظراته بهتان بباله: الله لا يكون يراقب بدانه
نورح لم دانه بالحمامات وانتوا بكرامه: طلعت من التواليت وقعدت تغسل وجهها دخلوا شابين واحد دخل التواليت وواحد وقف جنبها يعدل شكله وملابسه
ناظر في دانه بالمرايه وابتسم لها دانه ابتسمت بغباء
الشاب: وش هالحلو مادريت ان في شباب كيوت زيك
دانه كشرت: كيوت اختك
الشاب: ههههههههههه حتئ مسبتك دلوعه
دانه: جب جب قاط الميانه الاخ
الشاب مد يده وقبص دانه من خدها: حليلها نوره عصبت ههههههه « وطلع قبل لا يسمع رد
دانه جت تطلع بس الشاب الاول ناداها: بدر
التفتت له واتسعت عيونها: لؤي ؟؟!!
لؤي ابتسم ومد يده يسلم عليها: ايه شلونك عساك طيب
دانه سلمت عليه وسحبت يدها بشويش: تمام بخير
لؤي: مع من جاي هنا ؟!
دانه: مع اخوياي مع من مثلا
لؤي حك راسه بفشله قال يرقع: عبالي مع خطيبتك ههه
دانه ببالها: سماجتك يا شييخخ ،، ضحكت تسلك له
لؤي: يله انا بمشي اصحابي بره « وطلع
طلعت دانه وراحت لم راكان وهتان وبعد ربع ساعه طلعوا وراحوا الشقه
يوم الاحد الساعه 1 الظهر
في دار الايتام
بعصبيه: مشاعل اكتبي رقمها هنا اخلصي عاد
مشاعل مكتفه يدينها بهدوء :ليش وش تبون فيها ؟!
ضربت الطاوله بعصبيه اكثر: اكتبيه وانتي ساكته
مشاعل كتبت الرقم على الورقه ببالها: يارب ماترد
اخذت الورقه ورفعت راسها تناظرها: خلاص روحي
طلعت مشاعل وراحت للغرفه شافت جود واميره قاعدين جت جود عندها: وش تبي حصيص منك ؟!
مشاعل بهدوء: ابد بس تهزء عشان شكلي وشعري
اميره من بعيد: بعض الناس تجيب الكلام لنفسها
جود طنشت ذبة اميره: ما عليك منها « قعدت: شرايك نطلع طفشانه
مشاعل بضيقه ما بينتها: خليها يوم ثاني مالي نفس احين
راحت جود وقعدت عند اميره تكمل سواليف اما مشاعل كانت سرحانه وتفكر في دانه
نرجع لدانه بنفس الوقت
كانت داخله منتداها المفضل وتطقطق عليه قطع عليها صوت جوالها شافته رقم غريب وردت: الو
صوت رجال: انت بدر ؟! « وبضحكة استهزاء: او دانه زي ما نعرف !!
دانه دقات قلبها صارت تدق بقوهه: ها ايه من انت !!
الرجال: افا ما عرفتي الي سوالك جميل واكرمك بهويه
دانه بصدمه بلعت ريقها قالت بتأتأه: الامير ط طل طلال
الامير بضحكه خبيثه: ايه يا حياتي
دانه بحقد من كلمته: امر طال عمرك اي خدمه ؟!
الامير: حلو انك بترجعيلي الجميل بس انا بلباقه اقولك في سيارة سوده بتجي تاخذك لعندي جهزي نفسك
دانه بخوف وصدمه: بس اي مكان بتجيني السياره ؟!
الامير طلال: شارع ال*** حي ال*** تكونين هناك اليوم الساعه 5 المغرب
دانه بلعت ريقها: ابشر « طووطط قفل السماعه
دانه ببالها: الله يلعن هالمديره وهالامير الي ورتطني فيه
صوت من وراها: من هالامير الي تكلمينه ؟؟ ووين بتروحين ؟؟!
بجمود لفت راسها وناظرته كان مكتف يدينه ومعصب بس بهدوء: ها راكان !! انت سمعت « نزلت راسها وقالت بحزن: سالفه طويله « تنهدت
راكان قعد قدامها وناظر فيها: اسمعك
نروح لمكان ثاني
قاعد وحاط رجوله عالطاوله وبخبث: بتروح تجيبها انت
هز راسه بنعم: ابشر طال عمرك
يلعب بالجوال: وانتبه يشوفك احد مابي احد يتكلم علي انت تعرف سمعتي عند الشعب الكريم وش هي
الرجال: افا عليك هذا الي ننتبه منه كثير « وطلع
رفع حاجب وابتسم بخبث: الليله رومنتيكيه هههههههه
نرجع لدانه وراكان
راكان واقف مصدوم ويناظر بدانه: طيب هو الحين هو وش يبي منك ؟؟؟!!!
دانه تمسح دموعها بضعف: مدري خايفه راكان
راكان بحزن عليها قعد جنبها وضمها: هدي دانه مارح يصير الا كل خير
دانه بخجل من حركته: طيب شنسوي
راكان استوعب الي سواه بس كان مبسوط فضمها اكثر وبقوه: ابحميك من كل شر وانا وعدتك
دانه بخجل: شكرا راكان
راكان بعد عنها وناظر بعيونها بتردد: دانه انا
دانه تناظر فيه وفوق راسه علامة استفهام: وش
راكان من قلب صادق: اا احح « بلع ريقه: احبك
دانه تدور وين تحط وجهها من الخجل نزلت وجهها ابتسم ومسك يدينها وقال بصوت حنون: دنو
دانه تناظره بخجل: ها
راكان ابتسم: لا لا مو ها قولي لبيه
دانه بحراره خجل: ل ، لبي ،لبيه
راكان شاق الوجه: ما بغيتي هاذا وانا ما قلت لك قولي حبيبي بس يله نخف عليك شوي
دانه من قوة الخجل مسكت مخده جنبها وضربتها بوجهه: جب
راكان ضحك بقوه وفرك عينه: هههههه اي عورتيني دوبه شوي شوي علي
دانه قامت: احسن
راكان شدها من يدها: وين يبا ؟!
دانه: بروح اغير لبسي واجهز نفسي وراي بلاوي الله يستر منها
راكان وقف واشر بالسبابه: علي بالحرام ما تطلعي الا وانا معك وخله يصيب شعره من جسمك
دانه: بس اخاف يسوولك شي
راكان بابتسامه تذوب: تخافين علي
دانه لفت ومشت لغرفتها دخلت وقفلت الباب
دخل راكان غرفته يغير لبسه وهو مبسوط
نهاية البارت الخامس عشر ^*^
رايكم يهمني
وش توقعاتكم يالبئ
سبحان الله وبحمده
