البارت الثالث عشر …♠
بمكان اخر بنفس الوقت كان قاعد بالحديقه مع اهله
سعد: انا قايل لك من الاول لو تشتغل معي بس انت الله يهديك مدري وش مخك
راكان: لا يبا انا بأسس لي شركه خاصه لي بعد ما اجمع لي كم مبلغ كذا من عرق جبيني
سعد: يا يبا لو اشتغلت معي وعطيتك راتب اكثر يكون نفس الوضع الفلوس من عرق جبينك
اسيل: خليه حبيبي على راحتو لا تضغط عليه
سعد مد يده: صب لي قهوه يا عمر
عمر يصب قهوه لابوه وعطاه: تفضل يبا
فرح جت: يبا يما شوفوا تعرفت على صديقات جدد
اسيل بابتسامه: اهم شي انك تنبسطي حبيبتي
سعد ابتسم: ما شاءالله على بنيتي الاجتماعيه زي امها
اسيل بخجل من تحت النقاب: وزي ابوها مرحه
راكان بباله: وبدوا مغازله 😏 « قام: يبا خالتي اسمحولي انا بروح
بعد ما سلم عليهم ركب سيارته ومشى راجع الشقه يرتاح لانه حس بصداع عجيب
الساعه 7 الليل في مول من المولات
كانت قاعده وهو قبالها وماسكين يدين بعض
بشوق كاذب: شكثر تمنيت اشوفك يا اميره واخيييراا
اميره بخجل: وانا بعد زين جتني فرصه التقيك
كان يناظرها نظرات شينه وهو خاق بنفس الوقت على ملامحها ما خاف عليها كثر ما خاف تفشل خطته عص على يدينها يوحيلها بالامان: جعلني مفقدك اميرتي
اميره بخجل: ولا افقدك اقول ياسر ترا تأخر الوقت لازم اروح احين اخاف يعرفون وكذا
ياسر: طيب حبيبتي معاك حق وانا هالشي كله مابيه
وقاموا طلعوا من المول متجهين لدار الايتام
قبل ثلاث ساعات من الان في دار الايتام
واقفه وتناظر جود ومشاعل: بطلع مول اتمشى مليت هنا
مشاعل: بكيفك بس احذرك لو دريت بشي شين ما يردني عنك الا ذبح فاهمه
اميره بتريقه: اقول اهتمي بنفسك يالايمو ثمن تعالي حاكيني وهدديني اوكي
مشاعل بقهر قامت وعطتها كف: انتي من وين جبتي ايموا هذا !! ومن قالك اني اذا قصيت شعري وصبغته صرت ايمو !! غبيه انتي حماااررهه !! يا اختي انا مليت من شعري الطويل ويتصاقط قمت قصيته وصبغته كتغيير لا اكثر يا زباله فهمتي وثاني شي انا نفسيتي زفت بسبب دانه انها طلعت تجين تزيدينها علي
جود تجمعت الدموع بعيونها قال تهديهم: بنات خلاص شفيكم كذا كنتوا اجمل صديقات شفيكم قلبتوا وين عهدنا ووعدنا على صداقتنا للابد « ومسحت دموعها
مشاعل قعدت: انا من قهري ضربتها وخوفي عليها قلت لها كذا
اميره كانت عاشقه ياسر الا ادمنته عشان كذا كان معميها عن كل شي حتى صديقاتها قالت باستهزاء: ههه يا قلبي انتي كثير خايفه علي « بصوت حاد: خلني اشوفك ماده يدك علي او لمستي شي من اغراضي « وراحت بقهرها تشوف شي تلبسه لحبيب قلبها الخبيث
نرجع لواقعنا الساعه 10 الليل
صف سيارته ونزل مشى لقئ عند الباب سطام ودانه عص ع يده من الغيض: السلام عليكم
دانه قلبها صار يدق من سمعت صوته قالت مع سطام: وعليكم السلام
سطام ناظر دانه: اشوفك بعدين سلام « وراح
راكان كتف يدينه وناظر بدانه الي كان شكلها اكثر من خقه: بدر ممكن سؤال ؟!
دانه بقلب يدق حطت عيونها بعيونه: امر
راكان بقلبه: يطعني على هالفيس استغفر الله « كح: الا وش معجبك في سطام كل شوي القاه معك ؟! « بباله: غبببيي شدخلك فيه يصاحب الي يبي شعليك انت
دانه حطت يدها ع رقبتها: مدري الصراحه هو ينشب لي احيانا وبغيت اشكرك على انقاذك لي الصباح
راكان عقد حواجبه: ما فهمت ؟! اي انقاذ هذا ؟؟!
دانه: يومنك ترسلي انك صرفت سطام
راكان تذكر: اييهه انقهرت منه ياخي وكذبت عليه
دانه: بس للاسف هو رجع الساعه 5 واخذني الكوفي
راكان وهو يسبق دانه للشقق: نشبه اعوذ بالله
دانه لحقته: صادق هههههه
بمكان ثاني بعيد عن الرياض
قاعد مع اهله عالبحر ويسولفون
_: والله يا وليدي لو تجي هنا تشتغل مو احسن لك من الرياض وقريب علينا
_: الله يهديك يما تراها اربع ساعات اصير عندكم وبعدين انا مرتاح بالشغل هناك وراكان صديقي الروح مقدر ابعد عنه :)
امه : الله يسهل لك امورك ويفتح عليك ويرزقك
_: امين ي رب
سمع صوت من بعيد يلهث: هتااان
هتان لف وناظره: هلا علاوي
علي: تعال اسبح معنا ترا الجو يهههببلل
هتان: لا لا مابي
علي وهو يرجع: بكيفك
صوت انثوي: هتوني ودي اروح الرياض معك
هتان ابتسم لها: بس يا الريم وين بتقعدين ؟!
الريم: ابي لو كذا ثلاث ايام اشوف الرياض وترجعني
هتان وهو يفكر: استخير ثمن اقولك رايي
اليوم الثاني السبت الساعه 12 الظهر
طلعت من غرفتها وهي تتمطط ورمت نفسها عالكنبه ومانتبهت لراكان الي قاعد وانصدم بالي شافه
عدلت قعدتها وهي تمسح وجهها ناظرت مكان راكان وانصدمت بوجوده وقلبها وقف
راكان فرك عيونه يمكنه غلطان: بدر ؟!
دانه قامت وشردت للغرفه وهي تلوم نفسها: غببيييهه كيف لابسه بجامة ميكي ماوس ومو لابسه المشد ااخخ غباااء خلاااص ابصم لك بالميه انه عرف حقيقتي
عند راكان بباله: ليش جسم بدر تغير ؟!! معقوله « عقد حواجبه: لا لا يمكن اني غلطان « قام ودق باب غرفة دانه: بدر اطلع ابيك بشي
طلعت دانه وهي لابسه جكيت والمشد: هلا
راكان مسك راسها راكان مسك راسها وجا يوخر الشعر عن اذنها لكنها بحركه سريعه قعدت عالارض ومسكت بطنها: آآي بببططططنننيييي « تتصنع الالم
راكان بخوف مسك كتف دانه ورفع راسها: بدر بدر شفيه بطنك بسم الله عليك قوم قوم اوديك المشفئ
دانه شوي تموت من اهتمامه فيها وخوفه: بشرب بندول يمكن يخف آآآي يعور
راكان ساعدها عالوقوف وقعدها بالصاله: اقعد هنا بجيب لك انا البنادول والماء « راح وجا معه البندول والماء مدهم لدانه: خذ بسم الله عليك خوفتتي يا رجل
دانه بلعت البندول وشربت الماء عشان ما يشك قالت ببالها: الحمدلله ان هالفكره جتني ولا هالذيب ما فاته يشوف اذني اني بنت او ولد « فديته الذيب :$ « 😏
راكان تربع ع الاريكه: بدر ممكن سؤال
دانه ناظرت فيه وبلعت ريقها: هلا
راكان بدون مقدمات : ،،
نهاية البارت الثالث عشر ^*^
معليش اذا كان البارت قصير 😄
بس هذا الي طلع معاي 😊
توقعاتكم يالبئ 😍😻
~
سبحان الله وبحمده سبحان الله العظيم
