Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Naka-alalay ka sa bawat hakbang Na aking tatahakin ..... Sa bawat oras ng aking pagkakadapa Sa bawat maling aking nalilikha Ay siya namang iyong pag-alalay at Pagtama sa aking mga pagkakamali.
Sa mga oras na yaong ako'y nalulumbay Sa bawat pahid ng iyong malalambot na kamay Sa mga luhang lumalandas sa aking pisngi Sa iyong mga higpit na iyong yakap Sa bawat dampi ng halik sa mapupulang labi Ramdam ko, Ramdam ko ang iyong pagmamahal...
Tuwing nariyan ka sa aking tabi Ramdam kong protektado ako lagi Sa mga asal kong pangbata At sa mga oras na ika'y aking nakakalimutan Dulot ng mga ala-alang ayaw ng balikan pa Ngunit ikaw pilit mo lang itong iniintindi Na para bang walang nangyari...
Pasensya na.. Pasensya na kong pilit kitang binabalewala Na para bang bula. Pasensya na sa mga hindi pagsagot sa mga Tawag mo sa akin.. Pasensya na kong nagiging sutil akong anak Pasensya na sa mga nagawa kong mali Pasensya na sa lahat aking ina.
Salamat aking ina sa walang sawa mong Pagmamahal sa amin Salamat sa mga panahong ako'y iyong inaruga Salamat sa mga salita mong siyang nagpatibay sa akin Salamat sa mga kwento mong walang sawa mong inilalathala Salamat sa walang sawa mong Suporta sa akin Salamat at ika'y naging aking ina...
Mahal kita ina.. Hindi ko man araw araw sinasabi Ngunit aalahanin mo sanang Lagi kang nasa puso at isip ko Napakaswerte ko at ikaw ang aking naging ina Letrang aking nilikha nawa'y iyong mabasa Nagungulila sa iyong piling ina Darating ang araw na ikaw ay aking paglilingkuran Muli salamat sa lahat aking ina..
At sa pagtatapos ng aking tula Binabati ko ang mga inang naging tulay Upang kami'y mabuhay Salamat sa mga nanay na nagsakripisyo Hayaan niyong batiin ko kayo ng "HAPPY MOTHER'S DAY " Kayo ang unang nakilala naming babae sa mundo At naging unang naging kaibigan.. Salamat sa lahat lahat mga mahal naming ina..
