عجاج المسك

الجزء 02

ﺍﻫﺎ ﺟﻤﺎﻝ ﻣﻌﺼﻠﺞ ﺗﺐ ﻣﺎﺑﻲ ﻳﻤﺸﻲ ﻟﻠﺤﻜﻴﻢ .. ﻗﺎﻝ ﻟﻴﻬﺎ ﻳﻤﺔ ﺍﻟﺤﻤﻰ ﺩﻱ ﻣﻲ ﺩﺍﻳﺮﺍﻻ ﺣﻜﻴﻢ .. ﺳﻮﻱ ﻟﻲ

ﻣﻮﻳﺔ ﻟﻴﻤﻮﻥ .. ﻫﺴﻊ ﺑﻘﻮﻡ ﺯﻱ ﺍﻟﺤﺼﺎﻥ .. ﺍﻟﺤﻜﻤﺎ ﺩﻳﻞ ﺑﻜﺠﻨﻦ ..

ﻗﺎﻟﺖ ﻟﻴﻬﻮ ﺍﺻﻠﻮ ﻣﺎﺑﺨﻠﻴﻚ ,, ﻗﺎﻝ ﻟﻴﻬﺎ ﻧﺤﻦ ﻣﺎﻋﻨﺪﻧﺎ ﻗﺮﻭﺵ ﻟﻠﺤﻜﻴﻢ ﺩﻩ ..

ﺍﻟﺪﻭﺍ ﺑﺎﻟﺸﻲ ﺍﻟﻔﻼﻧﻲ . ﺣﻘﻨﺘﻮ ﺯﺍﺗﻬﺎ ﻏﺎﻟﻴﺔ ..

ﻛﺪﻱ ﺍﻧﺘﻲ ﺍﺻﺒﺮﻱ ﻟﻲ ﻟﻐﺎﻳﺔ ﺍﻟﻌﺼﺮ ﺍﻧﺎ ﻟﻮ ﻣﺎ ﺍﻧﻔﻜﻴﺖ .. ﺑﺮﺍﻱ ﺑﻤﺸﻲ ﻟﻠﺤﻜﻴﻢ ..

ﺍﻣﻮ ﻣﺸﺖ ﺩﻗﺖ ﻟﻴﻬﻮ ﻗﺮﺽ . ﻭﺧﻠﻄﺘﻪ ﺑﺰﻳﺖ ﺍﻟﺴﻤﺴﻢ .. ﻭﺳﻮﺕ ﻟﻴﻬﻮ ﻛﺒﺎﻳﺔ ﻟﻴﻤﻮﻥ .. ﻭﺟﺎﺕ ﻗﻠﻌﺖ ﻟﻴﻬﻮ

ﺍﻟﻌﺮﺍﻗﻲ ﺧﻠﺘﻮ ﺑﻲ ﺳﺮﻭﺍﻟﻮ ﺑﺲ ﻭﻣﺴﺤﺘﻮ .. ﺑﺎﻟﻘﺮﺽ ﻭﺍﻟﺰﻳﺖ . ﻭﺍﺩﺗﻮ ﻛﺒﺎﻳﺔ ﺍﻟﻠﻴﻤﻮﻥ ..

ﻗﺎﻟﺖ ﻟﻴﻬﻮ ﺩﻳﻞ ﻧﺴﻮﺍﻥ ﺍﻟﺤﻠﺔ ﺩﻳﻞ .. ﺍﻟﻠﻪ ﻻﻏﺰﺍ ﻓﻴﻬﻦ ﺑﺮﻛﺔ . ﻋﻴﻨﻬﻦ ﺗﻜﺴﺮ ﺍﻟﺤﺠﺮ .. ﺍﻻ ﺍﻗﻮﻡ ﺍﺟﻴﺐ ﻟﻚ

ﺑﺨﺮﺍﺕ ﻣﻦ ﺷﻴﺨﻨﺎ ﻫﺴﻊ ..

ﻗﺎﻝ ﻟﻴﻬﺎ .. ﻭﺍﻟﻠﻪ ﺩﻱ ﺑﺨﺮﺍﺕ ﻛﻤﺎﻥ .. ﺍﻧﺎ ﻣﻦ ﺯﻣﺎﻥ ﻛﻠﻤﺘﻚ ﻗﻠﺖ ﻟﻚ ﺑﺨﺮﺍﺕ ﺷﻴﺨﻚ ﺩﻱ ﻣﺎﺗﺪﺧﻞ ﺑﻴﺘﻨﺎ

ﺩﻩ .. ﻣﺎﻭﺭﻳﺘﻚ ﺍﻟﺘﺴﻄﻴﺮ ﻭﺍﻟﻜﻼﻡ ﺍﻟﻔﺎﺿﻲ ﺍﻟﻤﻜﺘﻮﺏ ﻓﻴﻬﺎ ﺯﻣﺎﻥ ﻭﻛﺖ ﺍﺑﻮﻱ ﻛﺎﻥ ﻋﻴﺎﻥ ؟

ﻭﻫﻮ ﺑﺘﻜﻠﻢ ﻣﻊ ﺍﻣﻮ ﻭﻣﺎﺷﻲ ﻣﺘﻐﻄﻲ ﺑﺎﻟﺒﻄﺎﻧﻴﺔ .. ﻭﻣﻦ ﺗﺤﺖ ﺍﻟﺒﻄﺎﻧﻴﺔ ﻗﺎﻟﻬﺎ ﻗﺖ . ﻟﻚ ﺍﺻﺒﺮﻱ ﺍﺻﺒﺮﻱ ﻟﻲ

ﻟﻠﻌﺼﺮ .. ﻛﺪﻱ ﺍﻟﻨﺸﻮﻑ ﻣﺴﻮﺣﻚ ﺩﻩ ﺑﺴﻮﻱ ﺷﻨﻮ؟

ﻗﺎﻟﺖ ﻟﻴﻬﻮ ﺍﻧﺖ ﺑﻼ ﻗﻮﺓ ﺭﺍﺳﻚ ﺩﻱ ﻭﺍﻧﻜﺎﺭﻙ ﻓﻲ ﻓﻲ ﺍﻟﺸﻴﻮﺥ ﺷﻴﺘﺎ ﻣﺴﻮﻳﻬﺎ ﻓﻴﻚ ﻣﺎﻓﻲ .. ﻭﻛﺸﺖ ﻛﺸﺖ

ﻣﺸﺖ ﻣﻦ ﺟﻨﺒﻮ ..

ﺍﻟﻜﻼﻡ ﺩﻩ ﻗﺮﻳﺐ ﻭﻛﺖ ﺍﻟﻔﻄﻮﺭ .. ﻭﻣﺎﻓﻲ ﺯﻭﻝ ﻣﻦ ﻧﺎﺱ ﺍﻟﺤﻠﺔ ﻋﺎﺭﻑ ﺟﻤﺎﻝ ﻋﻴﺎﻥ ..

ﻭﻛﺖ ﺻﻼﺓ ﺍﻟﻀﻬﺮ ﻛﺪﻱ ﻗﺎﻡ ﺻﻠﻰ ﻟﻘﺎﻫﺎ ﻋﺎﻣﻠﺔ ﻟﻴﻬﻮ ﺷﻮﺭﺑﺔ . ﺷﺮﺑﻬﺎ ﻭﺭﻗﺪ ﺗﺎﻧﻲ ..

ﻗﺎﻡ ﺍﻟﺒﺎﺏ ﺩﻗﻪ ﺍﻣﻮ ﻓﺘﺤﺖ ﺍﻟﺒﺎﺏ ﻟﻘﺘﻮ ﺩﻩ ﻳﺎﺳﻴﻦ .. ﻗﺎﻝ ﻟﻴﻬﺎ ﺟﻤﺎﻝ ﻓﻲ ﻳﺎ ﺧﺎﻟﺘﻲ؟ .. ﻗﺎﻟﺖ ﻟﻴﻬﻮ ﻳﺎﻫﻮ ﺩﺍﻙ

ﺟﻮﺓ ﻗﺎﻋﺪ ﻣﺘﻜﻤﺴﺪ ﺗﺤﺖ ﺍﻟﺒﻄﺎﻧﻴﺔ .. ﻋﻴﺎﻥ ..

ﻗﺎﻝ ﻟﻴﻬﺎ ﻋﻴﺎﻥ ﻣﺘﻴﻦ؟ ﺍﻟﺒﺎﺭﺡ ﺑﺎﻟﻠﻴﻞ ﺟﺎﻧﻲ ..

ﻗﺎﻟﺖ ﻟﻴﻬﻮ ﺟﺎﻙ ﻟﺸﻨﻮ ﺗﺎﻧﻲ؟ ﻧﻌﻞ ﻣﺎ ﺍﺗﺪﻳﻦ ﻣﻨﻚ ﺗﺎﻧﻲ؟ ﻭﺟﺎﻱ ﺗﻨﻜﻔﻨﺎ ﻓﻲ ﻗﺮﻭﺷﻚ .. ؟