عجاج المسك

الجزء 24

ﻃﺒﻌﺎ ﻭﻛﺘﻴﻦ ﺟﻤﺎﻝ ﻋﻤﻞ ﺗﻬﺪﻳﺪﺍﺕ .. ﻗﺪﺍﻡ ﺣﺒﻮﺑﺘﻮ .. ﻭﻗﺎﻝ ﻟﻴﻬﺎ ﺍﻧﺎ ﺑﻤﺸﻲ ﺍﺟﻴﺐ ﺍﻣﻲ ﻭﺍﺧﻮﺍﺗﻲ ..

ﻭﺍﻟﻨﺸﻮﻑ ﺍﻟﺮﺍﺟﻞ ﻓﻴﻨﺎ ﻣﻨﻮ؟ . ﺣﺒﻮﺑﺘﻮ ﻋﺎﻳﻨﺖ ﻟﻴﻬﻮ ﻓﻲ ﻭﺷﻮ .. ﻟﻘﺖ ﻓﻲ ﻋﻴﻮﻧﻮ ﺷﺮ ﻣﺎﻋﺎﺩﻱ .. ﻭﻏﻀﺐ

ﻏﺮﻳﺐ .. ﻗﺎﻟﺖ ﻟﻴﻬﻮ ﺍﺳﻤﻊ ﻳﺎﺟﻤﺎﻝ .. ﺍﻧﺎ ﻋﻨﺪﻱ ﻟﻴﻚ ﻓﻜﺮﺓ ﺳﻤﺤﺔ ﺧﻼﺱ .. ﺍﻣﺸﻲ ﻧﺎﺩﻱ ﺟﺪﻙ ﻭﺗﻌﺎﻝ

ﻟﻲ ..

ﻗﺎﻝ ﻟﻴﻬﺎ ﺍﻟﻔﻜﺮﺓ ﺷﻨﻮ ﻳﻤﻪ؟ .. ﺑﺲ ﺍﻧﺘﻲ ﻗﻮﻟﻲ ﻟﻲ .. ﺍﻧﺎ ﺑﺸﻮﻓﻬﺎ ﻛﺎﻥ ﻧﺎﻓﻌﺔ ﻭﻻﻻ .. ﺣﺒﻮﺑﺘﻮ ﻭﻛﺘﻴﻦ

ﺳﻤﻌﺖ ﻣﻨﻮ ﻛﻠﻤﺔ ‏( ﻳﻤﺔ ‏) ﺑﻜﺖ .. ﻗﺎﻟﺖ ﻟﻴﻬﻮ ﺫﻛﺮﺗﻨﻲ ﺍﻣﻚ ﻳﺎﺟﻤﺎﻝ .. ﺣﺘﻰ ﻛﻠﻤﺔ ﻳﻤﺔ .. ﺍﻣﻨﺔ ﺑﺘﻲ ﺑﺘﻘﻮﻟﻬﺎ

ﻛﺪﻱ .. ﻛﺪﻱ ﺍﻣﺸﻲ ﻧﺎﺩﻱ ﻟﻲ ﺟﺪﻙ ..

ﻗﺎﻝ ﻟﻴﻬﺎ ﺣﺎﺿﺮ ﻣﺸﻰ ﺑﻲ ﻏﺎﺩﻱ .. ﻟﻘﻰ ﺟﺪﻭ ﻗﺎﻋﺪ ﺑﺮﺍﻫﻮ ﺑﺲ ﻓﻲ ﺷﺎﻓﻊ ﻫﻨﺎﻙ ﻗﺎﻋﺪ ﺑﻠﻌﺐ ﻟﻴﻬﻮ ﺑﻲ

ﺧﺸﺒﺔ ..

ﻗﺎﻝ ﻟﻴﻬﻮ ﻳﺎﺟﺪﻱ . ﺣﺒﻮﺑﺘﻲ ﻗﺎﻟﺖ ﺩﺍﻳﺮﺍﻙ ﺿﺮﻭﺭﻱ ..

ﺟﺪﻭ ﻗﺎﻝ ﻟﻴﻬﻮ ﺍﻱ ﻭﺍﻟﻠﻪ .. ﺑﻤﺸﻲ ﻟﻬﺎ ﺍﻟﻤﻠﻜﺔ .. ﻗﺎﻡ ﻃﻮﺍﻟﻲ ﻟﺒﺲ ﻣﺮﻛﻮﺑﻮ .. ﻭﻟﻔﺢ ﺗﻮﺑﻮ . ﻭﺟﻮ ﻣﺎﺷﻴﻦ

ﺍﻻﺗﻨﻴﻦ ﺳﻮﺍ ..

ﻗﺎﻝ ﻟﻴﻬﻮ ﻳﺎﺟﻤﺎﻝ ﺳﻠﻤﺖ ﻋﻠﻰ ﻧﺎﺱ ﺛﺮﻳﺎ ﻭﺳﻠﻤﻰ ؟

ﻗﺎﻝ ﻟﻴﻬﻮ ﺩﻳﻞ ﻣﻨﻮ ﻳﺎ ﺟﺪﻱ؟ .. ﻗﺎﻝ ﻟﻴﻬﻮ ﺩﻳﻞ ﻧﺴﻮﺍﻥ ﺧﻴﻼﻧﻚ .. ﺩﻳﻞ ﺑﺎﻗﻴﺎﺕ ﻟﻲ ﺍﻛﺘﺮ ﻣﻦ ﺑﻨﺎﺗﻲ ..

ﻭﺟﻤﺎﻝ ﻣﺮﺍ ﻣﻌﺎﻫﻮ ﻋﻠﻴﻬﻦ ﺳﻠﻢ ﻋﻠﻴﻬﻢ ﻭﻗﺎﻝ ﻟﻴﻬﻦ ﺩﻩ ﻭﻟﺪ ﺑﺘﻲ ﺍﻣﻨﺔ .. ﺳﺎﻛﻨﻴﻦ ﺷﻨﺪﻱ .. ﺯﻭﻝ ﻣﺎﺷﺎﺀ ﺍﻟﻠﻪ

ﺭﺟﻞ ﺍﻋﻤﺎﻝ .. ﻭﻋﻨﺪﻭ ﺷﺮﻛﺎﺕ ﻗﺪﺭ ﺍﻟﻠﻴﻠﺔ ﻭﺑﺎﻛﺮ ..

ﻭﺟﻤﺎﻝ ﺑﺴﻠﻢ ﺑﻲ ﻛﻞ ﺍﺩﺏ ﻭﺗﻬﺬﻳﺐ .. ﻭﻣﺪﻧﻘﺮ ﻓﻲ ﺍﻟﻮﺍﻃﺔ .. ﺗﺸﻮﻓﻮ ﺗﻘﻮﻝ ﻗﺮﺵ ﻣﺎﻋﻨﺪﻭ ..

ﺍﻫﺎ ﻳﺎﺯﻭﻝ ﻣﺸﻰ ﻟﻲ ﺣﺒﻮﺑﺘﻮ ﻣﻌﺎﻫﻮ ﺟﺪﻭ .. ﺟﺪﻭ ﺑﺘﻜﻠﻢ ﻣﻊ ﺍﺍﻟﻤﺮﺍﺓ ﺑﻲ ﺍﺩﺏ ﻏﺮﻳﺐ .. ﺳﺒﺤﺎﻥ ﺍﻟﻠﻪ ..

ﻣﺎﺑﺘﻘﻮﻝ ﺯﻭﺟﺘﻪ .. ﺍﻟﺘﻘﻮﻝ ﺑﺎﻟﻠﻪ ﺍﻣﻮ ﺍﻟﻮﺍﻟﺪﺍﻫﻮ ..

ﺍﻭﻝ ﻣﺎ ﺩﺧﻞ .. ﻗﺎﻝ ﻟﻴﻬﺎ ﻛﻴﻔﻚ ﻳﺎ ﺍﻟﻤﻠﻜﺔ ﺑﺖ ﺍﻟﻤﻠﻮﻙ .. ﺍﻥ ﺷﺎﺀ ﺍﻟﻠﻪ ﺣﺎﺳﺔ ﺑﻲ ﺍﻧﻚ ﺍﺧﻴﺮ ﻫﺴﻊ ؟ ﻗﺎﻟﺖ

ﻟﻴﻬﻮ ﻃﻴﺒﺔ ﻳﺎ ﺍﻟﺤﺎﺝ .. ﻳﻄﻴﺒﻦ ﺍﻳﺎﻣﻚ ..

ﺩﺍﻳﺮﺓ ﺗﻘﻮﻡ ﻋﻠﻰ ﺣﻴﻼ .. ﺟﺪﻭ ﻗﺎﻝ ﻟﻴﻬﺎ ﻻﻻﻻ .. ﺧﻠﻴﻚ ﺭﺍﻗﺪﺓ ﺑﺲ ﻛﻮﻋﻲ .. ﻭﺍﻧﺎ ﻭﺟﻤﺎﻝ ﺑﻨﻘﻌﺪ ﻭﻧﺴﻤﻊ