ﺟﻤﺎﻝ ﺑﻘﻰ ﻳﻘﻮﻝ ﻳﺎﺭﺑﻲ ﺍﺟﻌﻠﻮ ﺧﻴﺮ .. ﻳﺎﻣﺜﺒﺖ ﺍﻟﺠﺒﺎﻝ ﺛﺒﺘﻨﺎ .. ﻭﻗﻒ ﺍﻟﻌﺮﺑﻴﺔ ﻭﺣﺲ ﺑﻲ ﻗﻠﺒﻮ ﺛﺒﺖ ﺷﻮﻳﺔ
ﻛﺪﺍ .. ﻭﺑﻘﻰ ﻣﺴﺘﻌﺪ ﻳﺘﻠﻘﻰ ﺍﻱ ﺧﺒﺮ ﻣﻬﻤﺎ ﻛﺎﻥ ..
ﻧﺰﻝ ﻋﺎﺩﻱ .. ﺯﻱ ﺍﻟﻜﺎﻧﻮ ﻋﺎﺭﻑ ﺍﻟﺤﺎﺻﻞ .. ﻋﺎﻣﻞ ﻓﻴﻬﺎ ﺛﺎﺑﺖ ﻃﺒﻌﺎ .. ﻟﻜﻦ ﻣﻦ ﺟﻮﺍﻫﻮ ﺧﺎﻳﻒ ..
ﺍﻗﺮﺏ ﺯﻭﻝ ﻭﺍﻗﻒ ﺟﻤﺐ ﺍﻟﺒﺎﺏ .. ﻗﺎﻝ ﻟﻴﻬﻮ ﺍﻟﺤﺎﺻﻞ ﺷﻨﻮ؟ ﺍﻥ ﺷﺎﺀ ﺍﻟﻠﻪ ﺧﻴﺮ ..
ﻗﺎﻝ ﻟﻴﻬﻮ ﻭﺍﻟﻠﻪ ﻛﻞ ﺧﻴﺮ .. ﻗﺒﻞ ﺷﻮﻳﺔ ﺳﻤﻌﻨﺎ ﺯﻏﺮﻭﺩﻩ ﻃﺎﻟﻌﺔ ﻣﻦ ﺑﻴﺘﻜﻢ .. ﻗﻠﻨﺎ ﻳﻤﻜﻦ ﺟﻤﺎﻝ ﻋﺮﺱ
ﻭﻣﺎﻛﻠﻤﻮﻧﺎ .. ﺍﻟﺤﻠﺔ ﻛﻠﻬﺎ ﺍﻧﻜﺴﺮﺕ .. ﺟﻴﻨﺎ ﻟﻘﻴﻨﺎ .. ﺍﺧﻮﺍﻟﻚ ﺟﻮ .. ﻭﺍﻣﻚ ﺯﻏﺮﺩﺕ ﺑﺎﻟﻔﺮﺣﺔ ..
ﺟﻤﺎﻝ ﻗﺎﻝ ﻟﻴﻬﻮ ﻋﻠﻴﻚ ﺍﻟﻠﻪ ؟ .. ﺑﺎﻟﺠﺪ ﻏﺮﻳﺒﺔ ﺍﺧﻮﺍﻟﻲ ﺟﻮ ﻭﺍﻣﻲ ﺗﺰﻏﺮﺩ ﺑﺎﻟﻔﺮﺡ .. ﺩﻩ ﺷﻨﻮ ﺍﻟﻜﻼﻡ ﺍﻟﻤﻠﺨﺒﻂ
ﺩﻩ ؟؟
ﺍﻟﺰﻭﻝ ﻗﺎﻝ ﻟﻴﻪ ﻟﻴﻪ ﻳﻌﻨﻲ ﻣﺎﻣﻤﻜﻦ ﺗﻔﺮﺡ ﺑﻲ ﺟﻴﺔ ﺍﺧﻮﺍﻧﻬﺎ؟؟ .. ﻟﻴﻬﺎ ﻛﻢ ﺳﻨﺔ ﻣﺎﺷﺎﻓﺘﻬﻢ ..
ﺟﻤﺎﻝ ﻗﺎﻝ ﻟﻴﻬﻮ ﻻﻻﻻ .. ﺍﻳﻮﺓ ﺍﻳﻮﺓ ﻛﻼﻣﻚ ﺻﺢ .. ﻭﺩﺧﻞ ﻃﻮﺍﻟﻲ ﻣﻄﻴﺮ ﻋﻴﻮﻧﻮ .. ﻟﻘﻰ ﺟﺪﻭ .. ﻭﺍﻟﻌﺒﻴﺪ ..
ﻭﺍﺧﻮﺍﻟﻮ ﺍﻻﺗﻨﻴﻦ ﺍﻟﻜﺒﺎﺭ .. ﻧﺼﺮ ﺍﻟﺪﻳﻦ ﻭﻋﻤﺮ ..
ﺑﺘﻮﻧﺴﻮ ﻭﺑﻀﺤﻜﻮ ﻭﻣﻌﺎﻫﻢ ﻧﺎﺱ ﻣﻦ ﺍﻟﺤﻠﺔ ..
ﺳﻠﻢ ﻋﻠﻴﻬﻢ ﻋﺎﺩﻱ ﺑﻲ ﻛﻞ ﻓﺮﺣﺔ .. ﻣﺼﻄﻨﻌﺔ ﻃﺒﻌﺎ .. ﻭﺍﻻﺳﺘﻐﺮﺍﺏ ﻣﺎﻟﻲ ﻗﻠﺒﻮ ..
ﺩﺧﻞ ﺟﻮﺓ ﻋﻠﻰ ﺍﻣﻮ .. ﻟﻘﻰ ﻣﻌﺎﻫﺎ ﺣﺮﻳﻢ ﻣﻦ ﺍﻟﺤﻠﺔ ﺑﺮﺿﻮ ..
ﻧﺎﺩﺍﻫﺎ ﻳﻤﺔ ﺩﻗﻴﻘﺔ ..
ﺟﺎﺗﻮ ﺩﺧﻠﻬﺎ ﻋﻠﻰ ﺍﻟﻤﻄﺒﺦ .. ﻗﺎﻝ ﻟﻴﻬﺎ ﻓﻲ ﺷﻨﻮ ﺑﺎﻟﻀﺒﻂ؟؟ ﺍﺣﻜﻲ ﻟﻲ ﺍﻟﺤﺼﻞ .. ﺍﻧﺎ ﻣﺎﻗﺎﺩﺭ ﺍﺳﺘﻮﻋﺐ ..
ﻗﺎﻟﺖ ﻟﻴﻬﻮ ﺍﻟﺤﺼﻞ ﻛﻠﻮ ﺑﻲ ﺳﺒﺒﻚ ﺍﻧﺖ .. ﺭﺑﻨﺎ ﻳﺨﻠﻴﻚ ﻟﻲ ﻳﺎﻭﻟﺪﺓ ﺍﻟﺮﺿﺎ ... ﺗﻌﺎﻟﻲ ﻟﻲ ﺟﺎﻱ .. ﺍﺳﻠﻢ ﻟﻴﻚ
ﻓﻮﻕ ﺭﺍﺳﻚ ﺩﻩ ..
ﻗﺎﻝ ﻟﻴﻬﺎ ﻳﻤﺔ ﺍﺣﻜﻲ ﻟﻲ ﻋﻠﻴﻚ ﺍﻟﻠﻪ ﺍﻧﺎ ﻣﺎﻓﺎﻫﻢ ﺍﻱ ﺷﻲ ..
ﻗﺎﻟﺖ ﻟﻴﻬﻮ ﻧﺎﺱ ﻧﺼﺮ ﺍﻟﺪﻳﻦ ﺟﻮ .. ﻗﺒﺎﻟﻚ ﺑﻲ ﺳﺎﻋﺔ .. ﻭﻛﺖ ﺩﻗﻮ ﺍﻟﺒﺎﺏ .. ﻓﺘﺤﺖ ﻟﻴﻬﻢ ﺍﻟﺒﺎﺏ ﺍﺧﺘﻚ
ﻧﺠﻮﻯ .. ﻗﺎﻟﻮ ﻟﻴﻬﺎ ﻟﻴﻬﺎ ﺍﻧﺘﻲ ﻣﻨﻮ ؟
ﻗﺎﻟﺖ ﻟﻴﻬﻢ ﺍﻧﺎ ﻧﺠﻮﻯ ﺑﺖ ﻣﺤﻤﺪ .. ﺍﺧﺖ ﺟﻤﺎﻝ .
ﻋﺎﻳﻨﻮ ﻟﻴﻬﺎ ﻛﺪﺍ ﺑﻲ ﺣﻨﻴﺔ ﺷﺪﻳﺪﺓ ..
ﻗﺎﻟﻮ ﻟﻴﻬﺎ ﻧﺤﻦ ﺩﺍﻳﺮﻳﻦ ﺟﻤﺎﻝ ﺍﺧﻮﻙ .. ﻗﺎﻟﺖ ﻟﻴﻬﻢ ﺟﻤﺎﻝ ﻣﺎﻓﻲ ؟
