ﻳﻮﻧﺲ ﺭﻛﺐ ﻣﻊ ﺟﻤﺎﻝ ﻭﻣﺎﺷﻴﻦ ﺍﻟﺤﻠﺔ . ﻭﺑﺘﻜﻠﻤﻮ . ﻗﺎﻝ ﻟﻴﻬﻮ ﻳﺎ ﻳﻮﻧﺲ ﻳﺎ ﺍﺧﻮﻱ ﻧﻬﺎﺩ ﺩﻱ ﻃﺎﻟﺒﺔ ﻫﻨﺎ .
ﻭﻭﺍﻟﺪﻫﺎ ﺻﺪﻳﻖ ﻋﺰﻳﺰ ﻋﻠﻲ . ﻭﺧﻼﻫﺎ ﻟﻲ ﺍﻣﺎﻧﺔ . ﻭﻣﻦ ﺍﻟﻴﻮﻡ ﺍﻟﺸﻔﺘﻬﺎ ﻓﻴﻬﻮ ﻣﻊ ﺍﺑﻮﻫﺎ .. ﺗﺎﻧﻲ ﻣﺎﻻﻗﻴﺘﻬﺎ ..
ﺑﻌﺪﻳﻦ ﻳﺎ ﺍﺧﻮﻱ ﺍﻳﻮﻩ ﻫﻲ ﺟﻤﻴﻠﺔ ﻭﺍﻱ ﺣﺎﺟﺔ .. ﻟﻜﻦ ﺍﻟﺠﻤﺎﻝ ﺩﻩ ﻣﺎﻛﻞ ﺷﻲ .. ﻳﻌﻨﻲ ﺍﻧﺎ ﻣﺎﺑﻌﺮﻑ ﻋﻨﻬﺎ ﺍﻱ
ﺣﺎﺟﺔ .. ﺍﻧﺎ ﻣﺎﺑﻘﻊ ﻓﻲ ﻭﺍﺣﺪﺓ ﺍﻻ ﺍﻛﻮﻥ ﺑﻌﺮﻑ ﻋﻨﻬﺎ ﻣﻦ ﻫﻲ ﻃﻔﻠﺔ .. ﻗﻮﻝ ﺭﺑﻨﺎ ﻳﻘﺴﻢ ﻟﻨﺎ ﺍﻟﺨﻴﺮ .. ﻗﺎﻝ
ﻟﻴﻬﻮ ﺍﻫﺎ ﻳﺎ ﺍﺳﺘﺎﺫ ﺍﻭﻉ ﻳﻜﻮﻥ ﻏﻴﺮﺕ ﺭﺍﻳﻚ ﻣﻦ ﻋﺘﻮﻙ ﻋﻮﺩ ﺍﻟﺸﻮﻙ ؟؟ ﻳﻮﻧﺲ ﻳﻘﺼﺪ ﻋﺎﺗﻜﺔ ﺍﺧﺘﻪ ..
ﺟﻤﺎﻝ ﻗﺎﻝ ﻟﻴﻬﻮ ﻫﻮﻱ .. ﺩﻱ ﻋﻤﺔ ﺍﻟﺮﺳﻮﻝ .. ﻋﻠﻰ ﺍﻻﻗﻞ ﺍﺣﺘﺮﻡ ﺍﻻﺳﻢ .. ﻳﻮﻧﺲ . ﺍﻛﺒﺮ ﻣﻦ ﺟﻤﺎﻝ ﺑﻲ
ﺷﻮﻳﺔ . ﻭﻳﺎﺳﻴﻦ ﺍﺻﻐﺮ .
ﻗﺎﻝ ﻟﻴﻬﻮ ﻧﻬﺎﺩ ﺩﻱ ﺯﻭﻟﺔ ﺟﻤﻴﻠﺔ . ﻳﺎﻳﻮﻧﺲ . ﻓﻲ ﺍﻟﺼﻮﺭﺓ .. ﻭﺩﻩ ﺷﻲ ﻣﺘﻔﻖ ﻋﻠﻴﻬﻮ .. ﺑﺲ ﻳﺎﺭﺑﻲ ﺭﻭﺣﻬﺎ ﺗﻜﻮﻥ
ﻛﻴﻒ .. ﺩﻩ ﺍﻟﻤﻮﺿﻮﻉ ﺍﻻﺳﺎﺳﻲ .. ﺍﻧﺎ ﻏﺎﻳﺘﻮ ﺩﻩ ﻓﻬﻤﻲ ﻓﻲ ﺑﻨﺎﺕ ﺣﻮﺍﺀ .. ﻳﻮﻧﺲ ﻗﺎﻝ ﻟﻴﻬﻮ ﻛﻼﻣﻚ ﺻﺎﺡ .
ﺑﺘﺘﺬﻛﺮ ﻋﺒﺪﺍﻟﻤﻨﻌﻢ ﻳﺎﺟﻤﺎﻝ ؟ ﺟﻤﺎﻝ ﻗﺎﻟﻴﻬﻮ .. ﻋﺒﺪﺍﻟﻤﻨﻌﻢ ﺍﻟﺠﻘﺮ؟ ﻭﻻﻣﻨﻮ؟
ﻗﺎﻝ ﻟﻴﻬﻮ ﺑﺲ ﻳﺎﻫﻮ .. ﻋﺎﺭﻑ ﻳﺎ ﺟﻤﺎﻝ ﻋﺒﺪﺍﻟﻤﻨﻌﻢ ﺩﻩ ﺍﺗﺰﻭﺝ ﻟﻴﻬﻮ ﻣﺮﺍﺓ ﺍﻳﺔ ﻓﻲ ﺍﻟﺠﻤﺎﻝ .. ﻣﺎﻗﺪﺭ ﻳﻌﻴﺶ
ﻣﻌﺎﻫﺎ ﺷﻬﺮﻳﻦ .. ﻃﻠﻘﻬﺎ . ﺍﻧﺎ ﻻﻗﻴﺘﻮ ﺳﺄﻟﺘﻪ ﻣﺎﻟﻚ ﻳﺎﺯﻭﻝ ﺑﻄﻠﻖ ﺍﻟﻤﺮﺍﺓ ﺍﻟﺰﻱ ﺍﻟﻘﻤﺮﺓ ﺩﻱ ؟
ﻗﺎﻝ ﻟﻲ ﺍﻋﻮﺫ ﺑﺎﻟﻠﻪ ﻣﻨﻬﺎ ﺩﻱ ﻳﺎﺡ .. ﻣﺎﺗﺬﻛﺮﻧﻲ ﻟﻴﻬﺎ . ﺩﻱ ﺍﺳﻮﺀ ﺑﺸﺮ ﻋﻠﻰ ﻭﺟﻪ ﺍﻻﺭﺽ . ﻧﺪﻣﺖ ﻋﻠﻰ ﺍﻧﻲ
ﺳﺄﻟﺘﻪ .. ﻭﺍﻟﻠﻪ ﺍﻟﺰﻭﻝ ﺩﻩ ﺍﻧﻔﻌﻞ ﺍﻧﻔﻌﺎﻝ ﻭﻓﺘﺢ ﻛﻠﻮ ﻛﻠﻮ ﺍﺑﺎ ﻳﺴﻜﺖ ..
ﺟﻤﺎﻝ ﻗﺎﻝ ﻟﻴﻬﻮ . ﻋﺸﺎﻥ ﻛﺪﺍ ﺍﻧﺎ ﻣﺴﺘﺤﻴﻞ ﺍﻧﺤﺸﺮ ﻟﻲ ﻓﻲ ﻋﻼﻗﺔ ﻣﻊ ﻭﺍﺣﺪﺓ ﻣﺎﻟﻢ ﺍﻋﺮﻑ ﻋﻦ ﺗﺮﺑﻴﺘﻬﺎ
ﻭﺍﺧﻼﻗﻬﺎ .. ﻭﺍﻧﺎ ﺣﺎﺳﻲ ﺍﻧﻮ ﻧﻬﺎﺩ ﺩﻱ ﻭﺭﺍﻫﺎ ﺳﺮ ﻛﺒﻴﺮ .. ﻛﺪﻱ ﺻﺒﺎﺣﺎﺕ ﺍﻟﻠﻪ ﺑﻲ ﺧﻴﺮﺍ .. ﻭﺑﺎﻛﺮ ﺑﻤﺸﻲ
ﺍﻟﻤﺪﺭﺳﺔ ﺍﺷﻮﻑ ﺍﻟﺤﺎﺻﻞ ..
ﺍﻟﻤﻬﻢ ﻭﺻﻠﻮ ﺍﻟﺤﻠﺔ . ﻭﺟﻤﺎﻝ ﻭﻋﺪ ﻳﻮﻧﺲ .. ﻗﺎﻝ ﻟﻴﻬﻮ ﺑﻌﺪﻳﻦ ﺑﺎﻟﻠﻴﻞ ﺍﻧﺎ ﺑﺠﻲ ﻟﻲ ﻋﻤﻲ ﻭﺍﺗﻜﻠﻢ ﻣﻌﺎﻫﻮ ﻓﻲ
ﻣﻮﺿﻮﻋﻚ .. ﺑﺲ ﺍﻧﺖ ﺧﺎﺭﺝ ﻟﻲ ﻳﺎﺳﻴﻦ .. ﻭﺧﻠﻮﻧﺎ ﺑﺮﺍﻧﺎ .. ﺍﻧﺎ ﺑﻌﺮﻑ ﺍﺗﻜﻠﻢ ﻣﻌﺎﻫﻮ ﺑﻲ ﻳﺎﺗﻮ ﻃﺮﻳﻘﺔ ..
