عجاج المسك

الجزء 12

ﻭﺍﻟﻌﺒﻴﺪ ﻣﻮﺍﺻﻞ . ﻳﺮﻗﻲ . ﻗﺎﻟﻴﻬﻮ . ﻃﺒﻌﺎ ﺑﻌﺪ ﺩﺍﻙ ﻳﺎﺟﻤﺎﻝ ﺍﻧﺎ ﺍﺗﻔﺎﺟﺄﺕ ﺷﺪﻳﺪ ﻣﻦ ﺍﻟﻘﺼﺔ ﺩﻱ . ﻭﺷﺎﻛﻠﺖ

ﻣﺤﻤﺪ ﺍﺧﻮﻱ . ﻭﻗﻠﺖ ﻟﻴﻬﻮ ﺍﻟﻤﺮﺍﺓ ﺩﻱ ﻏﺸﺘﻚ . ﺩﻱ ﻣﺮﺍﺓ ﻛﻀﺎﺑﺔ ﻭﻣﺠﺮﻣﺔ . ﻭﻟﺼﻘﺖ ﻓﻴﻚ ﻭﺩ ﺣﺮﺍﻡ ﻋﺸﺎﻥ

ﺗﺒﻘﻴﻬﻮ ﻋﻨﺪﻭ ﺍﻫﻞ .

ﻣﺤﻤﺪ ﺍﺧﻮﻱ ﻛﺎﻥ ﺯﻭﻝ ﺍﺧﻼﻗﻮ ﻣﻼﺋﻜﺔ . ﻣﺎ ﺍﺷﺘﻐﻞ ﺑﻲ ﻛﻼﻣﻲ .. ﺑﺲ ﻗﺎﻝ ﻟﻲ ﻻﻻ ﻳﺎ ﺍﻟﻌﺒﻴﺪ ﺍﺧﻮﻱ . ﺍﻧﺎ

ﻣﺼﺪﻗﻬﺎ . ﻭﺍﻧﺎ ﺑﻲ ﺭﻏﺒﺘﻲ ﻋﺎﻳﺰ ﺍﻟﻮﻟﺪ . ﻭﺍﺗﺰﻭﺟﺘﻬﺎ ﻋﻦ ﺣﺐ . ﻭﻣﺎﻧﺪﻣﺎﻥ .. ﻛﺪﻱ ﺧﻼﺹ ﺍﺭﺡ ﺍﻟﺒﻴﺖ .. ﻭﺍﻧﺎ

ﻃﺒﻌﺎ ﺯﻋﻼﻥ ﺯﻋﻞ ﺷﻴﺪ ﻭﻫﻮ ﻭﻻ ﻫﻤﺎﻫﻮ ﻳﺘﺒﺴﻢ .. ﺑﻌﺪ ﺩﺍﻙ ﻣﺸﻴﺖ ﻣﻌﺎﻫﻮ ﺍﻟﺒﻴﺖ . ﻭﺷﺘﻤﺘﻬﺎ ﻭﻧﺒﺬﺗﻬﺎ ﻟﻲ

ﺗﺎﺳﻊ ﺟﺪﻫﺎ .. ﺑﺎﻱ ﻧﺒﺬ ﻳﺠﻴﻚ ﻓﻲ ﺭﺍﺳﻚ . ﻭﻫﻲ ﻃﺒﻌﺎ ﺗﻌﺠﺒﻚ ﻓﻲ ﺣﻤﺎﻗﺘﻬﺎ ﺍﺳﺘﻌﺪﺕ ﻟﻲ ﺗﺐ . ﺑﺲ ﻣﺤﻤﺪ

ﻗﺎﻝ ﻟﻴﻬﺎ ﺍﻣﻨﺔ ﺩﻩ ﺍﻟﻌﺒﻴﺪ ﺍﺧﻮﻱ ﺍﻟﻜﺒﻴﺮ .. ﺍﻭﻋﻚ ﺗﺮﺩﻱ ﻋﻠﻴﻬﻮ ﺑﻲ ﻛﻠﻤﺔ .. ﺳﻜﺘﺖ ﺳﺎﻱ ﻟﻜﻦ ﻭﺍﻟﻠﻪ ﺣﺮﻳﻖ

ﻗﻠﺒﻬﺎ ﻇﻬﺮ ﻓﻮﻕ ﻭﺷﻴﻬﺎ .. ﻭﻣﻦ ﺍﻟﻴﻮﻡ ﺩﺍﻙ ﺍﻧﺎ ﻻﺑﺪﻭﺭﻫﺎ ﻻﺑﺘﺪﻭﺭﻧﻲ ..

ﺑﻌﺪ ﺩﺍﻙ ﻗﻠﺖ ﻟﻲ ﻣﺤﻤﺪ ﻧﻤﺸﻲ .. ﺍﻟﺒﻠﺪ ﻭﻫﻮ ﺍﺑﺎ ﻗﻠﺖ ﻟﻴﻬﻮ ﻋﻨﺪﻙ ﺣﻖ ﻓﻲ ﻭﺍﻃﺎﺕ ﺍﺑﻮﻙ . ﻗﺎﻝ ﺑﻴﻌﻬﺎ

ﻭﺭﺳﻞ ﻟﻲ ﺍﻟﻘﺮﻭﺵ .. ﻭﺣﺼﻞ ﺍﺷﺘﺮﻳﺘﻬﺎ ﻣﻨﻮ ﺑﺮﺍﻱ .. ﻭﺭﺳﻠﺘﻠﻴﻬﻮ ﺍﻟﻘﺮﻭﺵ ..

ﺑﻌﺪ ﺳﻨﺘﻴﻦ ﺍﻧﺎ ﺣﺼﻞ ﻟﻲ ﺣﺎﺩﺙ ﺍﻧﻘﻠﺐ ﺑﻴﻨﺎ ﻟﻮﺭﻱ ﺑﺎﻟﻐﺮﺏ ﻭﻫﻮ ﺟﺎ ﺳﻜﻦ ﻓﻲ ﺍﻟﺤﻠﺔ ﻧﻬﺎﺋﻲ .. ﻭﺍﻟﺴﺮ ﺑﻘﻰ

ﻣﺪﺳﻮﺱ ﻓﻲ ﻗﻠﻮﺑﻨﺎ ﻧﺤﻦ ﺍﻟﺘﻼﺗﺔ ..

ﺍﻫﺎ ﻳﺎ ﺟﻤﺎﻝ ..

ﺍﻧﺎ ﺣﻜﻴﺖ ﻟﻚ ﺍﻟﻘﺼﺔ ﺩﻱ ﻋﺸﺎﻥ ﺗﻌﺬﺭﻧﻲ .. ﻭﻣﺎﺗﻤﺸﻲ ﺗﻘﻮﻝ ﻟﻨﺎﺱ ﺍﻟﺤﻠﺔ ﻃﻠﺒﺖ ﺑﺖ ﻋﻤﻲ . ﻭﻋﻤﻲ ﺍﺑﺎ

ﻳﺪﻳﻨﻲ ﻟﻴﻬﺎ ..

ﺑﻌﺪﻳﻦ ﺍﻧﺖ ﻻﺯﻡ ﺗﻌﺮﻑ ﻫﻮﻳﺘﻚ . ﻭﺗﻌﺮﻑ ﻧﻔﺴﻚ ﺟﺎﻱ ﻣﻦ ﻭﻳﻦ .. ﻭﻻﺯﻡ ﺗﻜﻮﻥ ﻋﺎﺭﻑ ﺍﻧﻮ ﺍﻣﻚ ﺩﻱ ﻟﺼﻘﺘﻚ

ﻓﻴﻨﺎ . ﻭﻧﺤﻦ ﻣﺎﻋﺎﺭﻓﻴﻦ ﺍﺻﻠﻚ .. ﻭﺩﻱ ﺍﻟﺤﻘﻴﻘﺔ ﻳﺎﻭﻟﺪﻱ ﻭﻋﻤﺮﻭ ﺍﻟﺤﻖ ﻣﺎﺑﻨﺰﻋﻞ ﻣﻨﻮ ..

..

ﺟﻤﺎﻝ .. ﻃﺒﻌﺎ ﺳﻤﻊ ﺍﻟﻜﻼﻡ ﺩﻩ ﻛﻠﻠﻠﻮ . ﻭﻟﻤﻦ ﺍﻛﺘﺸﻒ ﺍﻧﻮ ﻫﻮ ﺍﻟﻄﻔﻞ ﺍﻟﻤﻘﺼﻮﺩ .. ﺍﻧﻬﺎﺭ ﻣﻦ ﺟﻮﺍﻫﻮ ﺍﻧﻬﻴﺎﺭ

ﻓﻮﻕ ﺍﻟﺤﺪ ﺍﻟﻤﻌﻘﻮﻝ ..

ﻟﻲ ﺩﺭﺟﺔ ﺍﻧﻮ ﻣﺎﻋﺮﻑ ﻳﻌﻤﻞ ﺷﻨﻮ .. ﺑﺲ ﻓﻲ ﺍﻟﻨﻬﺎﻳﺔ ﻗﺮﺭ ﺟﻮﺍﻫﻮ ﻳﺘﺼﺮﻑ ﺑﻲ ﻃﺮﻳﻘﺔ ﻏﺮﻳﺒﺔ ﺟﺪﺍ ..