ﺍﻟﻤﻬﻢ ﻳﺎﺟﻤﺎﻋﺔ ﻭﻛﺖ ﺟﻤﺎﻝ ﻣﺎﻟﻘﻰ ﺍﻟﺨﺒﺮ ﺍﻟﺪﺍﻳﺮﻭ ﻣﻦ ﺣﺎﺝ ﺍﻟﻄﺎﻫﺮ .. ﻓﺎﺕ ﻋﻠﻰ ﺍﻫﻠﻮ .. ﻭﻛﻤﻞ ﺭﻗﺪﺗﻮ
ﺍﻟﺮﺍﻗﺪﻫﺎ ﺩﻳﻚ .. ﺍﻟﻐﺮﻳﺒﺔ ﺍﻧﻮ ﺟﻤﺎﻝ ﻣﺎ ﺍﻫﺘﻢ ﺑﻲ ﻣﻮﺿﻮﻉ ﺍﻧﻮ ﻋﻤﻮ ﺍﺳﺘﻐﻼ ﺍﻟﻮﺍﻟﺪ .. ﻟﻴﻪ؟ ﻻﻧﻮ ﺍﻟﻬﻢ
ﺍﻟﺸﺎﻳﻠﻮ ﺍﻛﺒﺮ ﻣﻦ ﻗﺼﺔ ﻭﺍﻃﺔ ﻭﻏﻴﺮﻭ .. ﻟﻜﻦ ﺑﺼﺮﺍﺣﺔ ﻳﺎﺟﻤﺎﻋﺔ .. ﺟﻤﺎﻝ ﻛﺎﻥ ﺑﺪﺍﻓﻊ ﺍﻻﺣﺴﺎﺱ ﺍﻟﻤﺮ ﻛﺘﻴﺮ ..
ﻭﺩﺍﻳﻤﺎ " ﺑﻔﻜﺮ ﻓﻲ ﺣﻴﺎﺗﻮ ﺍﻻﻳﺠﺎﺑﻴﺔ .. ﻭﻛﻞ ﻣﺎﻳﺠﻴﻬﻮ ﺗﻔﻜﻴﺮ ﺍﻧﻮ ﺟﻴﺘﻮ ﻓﻲ ﺍﻟﺪﻧﻴﺎ ﻛﺎﻧﺖ ﻏﻠﻂ . ﻭﻫﻮ ﻏﻴﺮ
ﺭﺍﺿﻲ ﺑﺤﻴﺎﺗﻮ .. ﻳﺘﺬﻛﺮ ﺍﻻﻧﺴﺎﻥ ﺍﻻﺣﺘﻀﻨﻮ . ﻭﺿﻤﺎﻫﻮ ﺑﻲ ﺣﻨﺎﻧﻮ .. ﺍﺑﻮﻫﻮﻣﺤﻤﺪ . ﻭﻛﻴﻒ ﺍﻧﻮ ﻫﻮ ﺑﺆﺩﻱ
ﻟﻴﻬﻮ ﻓﻲ ﻭﺍﺟﺐ ﺍﻟﻮﻓﺎﺀ .. ﺗﺠﺎﻩ ﺍﺳﺮﺗﻮ . ﻭﺑﻨﺎﺗﻮ .. ﻻﻧﻮ ﻓﻌﻼ ﺟﻤﺎﻝ ﻋﻴﺶ ﺍﻣﻮ ﻭﺍﺧﻮﺍﺗﻮ ﻣﻠﻜﺎﺕ .. ﻻﺑﺴﺎﺕ
ﺍﺣﺴﻦ ﻟﺒﺲ .. ﻭﻣﺎﻛﻼﺕ ﺍﺣﺴﻦ ﺍﻛﻞ ..
ﺍﻫﺎ ﺍﻟﺼﺒﺎﺡ ﻭﻫﻮ ﺑﻠﺒﺲ ﻃﺎﻟﻊ ﻋﻠﻰ ﺍﻟﺸﻐﻞ .. ﺟﺎﺗﻮ ﻣﺎﺟﺪﺓ ﻭﻗﻔﺖ ﺟﻤﺐ ﺍﻟﺒﺎﺏ .. ﻗﺎﻟﺖ ﻟﻴﻬﻮ ﺍﻟﻠﻴﻠﺔ ﻣﺎﻟﻚ
ﻃﺎﻟﻊ ﺑﺪﺭﻱ ﻛﺪﻱ؟ ..
ﺍﻧﺎ ﺣﺎﻟﻲ ﺩﻩ ﺑﺠﻬﺰ ﻟﻴﻚ ﻓﻲ ﻓﻄﻮﺭ ﺻﺒﺎﺣﻲ ﻛﺪﻱ ﻳﺮﺑﻂ ﻟﻴﻚ ﻛﺒﺪﺗﻚ ..
ﻗﺎﻝ ﻟﻴﻬﺎ .. ﺗﻌﺎﻟﻰ ﺗﻌﺎﻟﻲ ﺍﻧﺎ ﺳﺎﺳﺎ " ﺩﺍﻳﺮﻙ ..
ﺍﻣﻲ ﻭﻳﻦ؟ ﻗﺎﻟﺖ ﻟﻴﻬﻮ ﺧﻠﻴﺘﻬﺎ ﺑﺘﻤﺴﺢ ﻓﻲ ﺍﻟﺪﻭﻻﺏ ﻣﻦ ﻏﺒﺎﺭ ﺍﻟﺒﺎﺭﺡ ﺩﻩ ..
ﻗﺎﻝ ﻟﻴﻬﺎ ﺗﻌﺎﻟﻲ ﻧﺘﻜﻠﻢ ﻗﺒﻞ ﻣﺎ ﺗﺠﻲ ﺗﻜﺒﺴﻨﺎ .. ﻣﺴﻜﻬﺎ ﻣﻦ ﻳﺪﻳﻬﺎ ﺍﻻﺗﻨﻴﻦ .. ﻭﻗﻌﺪﻫﺎ ﻓﻲ ﺍﻟﺴﺮﻳﺮ ﺑﺘﺎﻉ
ﻏﺮﻓﺘﻮ ..
ﻭﺟﺮ ﻃﺮﺑﻴﺰﺓ ﺻﻐﻴﺮﺓ .. ﻗﻌﺪ ﻓﻮﻗﻬﺎ ﻗﺪﺍﻣﻬﺎ ﻛﺪﺍ .. ﻗﺎﻝ ﻟﻴﻬﺎ ﺍﺳﻤﻌﻲ ﻳﺎﻣﺎﺟﺪﺓ ﺍﻧﺖ ﻃﺒﻌﺎ " ﺷﻔﺘﻲ ﺻﺎﺣﺒﻲ
ﺍﺣﻤﺪ .
ﻗﺎﻟﺖ ﻟﻴﻬﻮ ﺍﻳﻮﺓ ﺻﺢ ..
ﻗﺎﻝ ﻟﻴﻬﺎ ﻃﻴﺐ .. ﻃﺒﻌﺎ ﺍﺣﻤﺪ ﺩﻩ ﺍﺭﺟﻞ ﺭﺍﺟﻞ ﻻﻗﺎﻧﻲ ﻓﻲ ﺍﻟﺒﻠﺪ ﺩﻱ .. ﻻﺣﺪﻫﺎ .. ﻭﺍﻧﺎ ﺑﺮﻳﺪﻭ ﺍﻛﺘﺮ ﻣﻦ
ﻧﻔﺴﻲ .. ﻭﻃﺒﻌﺎ ﺑﻲ ﺳﺒﺒﻮ ﻫﻮ ﺍﻧﺎ ﺭﺑﻨﺎ ﻭﻓﻘﻨﻲ .. ﻫﻮ ﺍﻭﻝ ﺯﻭﻝ ﺩﻻﻧﻲ ﻋﻠﻰ ﺍﻟﺸﻐﻞ .. ﻭﺳﺎﻋﺪﻧﻲ ﻭﻛﻠﻢ
ﺍﺻﺤﺎﺑﻮ ﻳﻔﺘﺤﻮ ﻟﻲ ﺍﻟﺸﻐﻞ .. ﻳﻌﻨﻲ ﺍﻧﺎ ﻛﺎﻥ ﻋﻤﻠﺖ ﺷﻨﻮ ﻭﺷﻨﻮ .. ﻣﺎﺑﻘﺪﺭ ﺍﺟﺎﺯﻳﻬﻮ .. ﻭﺍﻟﺰﻭﻝ ﺩﻩ ﺑﺤﺘﺮﻣﻨﻲ
ﻭﺑﻘﺪﺭﻧﻲ .. ﺗﺘﺨﻴﻠﻲ ﺳﺎﻓﺮ ﻣﻦ ﻫﻨﺎ ﻣﺨﺼﻮﺹ ﻋﺸﺎﻥ ﻳﺸﻮﻑ ﻋﻤﻲ ﺍﻟﻌﺒﻴﺪ .. ﺍﻫﺎ ﻳﺎ ﻣﺎﺟﺪﺓ ﺍﻟﺰﻭﻝ
