ﻋﻤﻚ ﺍﻟﻌﺒﻴﺪ ﻗﻌﺪ ﻋﻠﻰ ﺣﻴﻠﻮ ﻗﺒﻞ ﺍﻟﻔﺠﺮ .. ﻭﻣﻨﺘﻈﺮ ﻟﻲ ﻣﺘﻴﻦ ﺍﻟﻮﺍﻃﺔ ﺗﺼﺒﺢ .. ﺻﻠﻰ ﺍﻟﺼﺒﺢ ﻓﻲ ﺍﻟﺰﺍﻭﻳﺔ
ﺍﻟﺠﻤﺒﻬﻢ ﻭﺟﺎ .. ﺑﺲ ﺧﻼ ﺍﻟﻮﺍﻃﺔ ﻭﺿﺤﺖ ﺷﻮﻳﺔ .. ﻣﺮﻕ ﻋﻠﻰ ﺍﻟﺪﻳﻮﺍﻥ .. ﻟﻘﻰ ﻳﺎﺳﻴﻦ ﻟﺴﻪ ﻧﺎﻳﻢ . ﻭﻳﻮﻧﺲ
ﻃﻠﻊ .
ﺻﺤﺎ ﻳﺎﺳﻴﻦ ﻗﺎﻝ ﻟﻴﻮ ﻳﺎﺳﻴﻦ ﻗﻮﻡ ﻋﻠﻴﻚ ﺣﻴﻠﻚ ﺃﺏ ﺩﻓﺴﺔ ﺩﻩ .. ﺑﺲ ﻓﺎﻟﺢ ﻟﻲ ﻓﻲ ﺍﻟﻨﻮﻡ ﻗﻮﻡ ﺻﻠﻲ ﻭﺗﻌﺎﻝ
ﺍﺭﺳﻠﻚ ..
ﻗﺎﻡ ﻳﺎﺳﻴﻦ ﻳﺘﻤﻐﻰ ﻭﻳﺘﻄﻠﻖ ﻭﻣﺸﻰ ﺍﺗﻮﺿﺄ ﻭﺻﻠﻰ .. ﺩﺍﻳﺮ ﻳﺸﺮﺏ ﺍﻟﺸﺎﻱ ﺍﺑﻮﻫﻮ ﻗﺎﻟﻴﻬﻮ .. ﻗﺒﻞ ﻣﺎ ﺗﻜﺐ
ﺍﻟﺸﺎﻱ ﺩﻩ .. ﺍﻣﺸﻲ ﻟﻲ ﺟﻤﺎﻝ ﻧﺎﺩﻳﻬﻮ ﻟﻲ .. ﻣﺸﻰ ﻃﻮﺍﻟﻲ ﻳﺎﺳﻴﻦ ﻳﻜﺸﺖ ﺑﻲ ﺷﺒﺸﺒﻮ ﺍﻟﻤﺨﻔﻮﺝ
ﺑﺎﻟﺠﻨﺒﺎﺕ .. ﻳﺎﺳﻴﻦ ﺑﻤﺸﻲ ﻳﺘﻘﺪﻝ ﻭﻳﻜﺸﺖ .. ﻋﺸﺎﻥ ﻛﺪﺍ ﺗﻠﻘﺎ ﺷﺒﺎﺷﺒﻮ ﺯﻱ ﺍﻟﻮﺍﻗﻊ ﻓﻮﻗﻦ ﻗﻨﺪﺭﺍﻥ .
ﻟﻤﻦ ﻭﺻﻞ ﻟﻲ ﺟﻤﺎﻝ . ﻗﺎﻝ ﻟﻴﻬﻮ ﻋﻤﻚ ﺩﺍﻳﺮﻙ ﺳﺮﻳﻊ .. ﺍﺗﻜﺎﻣﻞ ﺍﺗﺨﺎﺭﺝ ﺍﺭﺡ ﻣﻌﺎﻱ .. ﻗﺎﻝ ﻟﻴﻬﻮ ﺑﺲ ﺍﻧﺎ
ﻃﺎﻟﻊ ﻋﻨﺪﻱ ﻣﻮﺍﻋﻴﺪ ﺿﺮﻭﺭﻳﺔ ..
ﻗﺎﻝ ﻟﻴﻬﻮ ﺑﻼ ﺿﺮﻭﺭﻳﺔ ﺑﻼ ﻛﺮﻭﺭﻳﺔ .. ﺍﺭﺡ ﻗﺖ ﻟﻴﻚ ﻭﺗﻌﺎﻝ ﺳﺮﻳﻊ ﻻﻧﻮ ﺷﻜﻠﻮ ﺍﻟﻤﻮﺿﻮﻉ ﻣﺎ ﺳﺎﻫﻞ ..
ﺟﻤﺎﻝ ﻗﺎﻝ ﻟﻴﻬﻮ ﻃﻴﺐ ﻟﺤﻈﺎﺕ ﺑﺲ .. ﺍﻟﻤﻬﻢ ﺧﻤﺲ ﺩﻗﺎﻳﻖ ﻭﺟﺎ ﻃﺎﻟﻊ ﻣﻌﺎﻫﻮ .. ﺟﻤﺎﻝ ﻣﺎﻛﻠﻢ ﺍﻣﻮ ﻭﺍﺧﻮﺍﺗﻮ
ﺑﻲ ﻣﺮﺳﺎﻝ ﻋﻤﻮ .. ﻭﻻﻫﻦ ﻋﺎﺭﻓﺎﺕ ﻳﺎﺳﻴﻦ ﺟﺎ .
ﺍﻟﻤﻬﻢ ﻣﺸﻰ ﻟﻴﻬﻮ .. ﻭﺳﻠﻢ ﻭﺻﺒﺢ ﻋﻠﻴﻬﻮ .. ﻭﺟﻤﺎﻝ ﻗﻌﺪ . ﻋﻤﻮ ﻗﺎﻝ ﻟﻴﻬﻮ ﺷﺮﺑﺖ ﺍﻟﺸﺎﻱ؟ .. ﻗﺎﻟﻴﻬﻮ ﺍﻳﻮﺓ
ﺍﻟﺤﻤﺪ ﻟﻠﻪ ﻫﺴﻲ .. ﻗﺎﻝ ﻟﻴﻬﻮ ﻛﺐ ﺍﺷﺮﺏ ﺗﺎﻧﻲ .
ﻭﻋﻤﻚ ﺟﺎﺩﻱ ﻭﻭﺷﻮ ﻣﻜﺮﻓﺲ ﺯﻱ ﺍﻟﺰﻭﻝ ﺍﻟﺪﺍﻳﺮ ﻳﺴﺄﻟﻚ ﻣﻦ ﻏﻠﻄﺔ ..
ﻗﺎﻝ ﻟﻴﻬﻮ ﻳﺎﺟﻤﺎﻝ ﻧﻌﻞ ﻣﺎﻙ ﻣﺴﺘﻌﺠﻞ . ؟
ﻗﺎﻝ ﻟﻴﻪ ﻭﺍﻟﻠﻪ ﻣﺴﺘﻌﺠﻞ ﻭﻋﻨﺪﻱ ﻣﻮﺍﻋﻴﺪ ﺿﺮﻭﺭﻳﺔ ..
ﻗﺎﻝ ﻟﻴﻬﻮ ﺍﻧﺎ ﺩﺍﻳﺮ ﺍﺣﻜﻲ ﻟﻴﻚ ﺍﻟﻜﻼﻡ ﺍﻟﻜﻨﺖ ﺩﺍﻳﺮ ﺍﻗﻮﻟﻮ ﻟﻴﻚ ﻳﻮﻡ ﻭﻓﺎﺓ ﺑﺖ ﺍﻟﻤﻨﻰ ..
ﻭﻻﺯﻡ ﺍﻗﻮﻟﻮ ﻫﺴﻊ ..
ﺟﻤﺎﻝ ﻗﺎﻝ ﻟﻴﻬﻮ ﺧﻼﺹ ﺍﻧﺎ ﻣﻮﺍﻋﻴﺪﻱ ﺑﺨﻠﻴﻬﺎ .. ﺩﺍ ﻇﺮﻑ ﺧﺎﺹ ﻣﻤﻜﻦ ﺍﻣﺸﻲ ﻟﻴﻬﺎ ﺑﻜﺮﺓ ..
ﺍﺻﻼ " ﻣﺎﺷﻲ ﻟﻲ ﻟﺰﻭﻝ ﻓﻲ ﺣﻠﺔ ﻗﺮﻳﺶ .. ﻋﻨﺪﻱ ﻣﻌﺎﻫﻮ ﺑﺎﻗﻲ ﺣﺴﺎﺏ .. ﻭﻣﺎﺧﺪ ﻣﻮﺍﻋﻴﺪ ﺍﻟﻠﻴﻠﺔ .. ﻟﻜﻦ ﻣﺎ
