عجاج المسك

الجزء 09

ﺍﻫﺎ ﺍﻻﺗﻨﻴﻦ ﺷﺮﺑﻨﺎ ﺍﻟﺠﺒﻨﺔ ﻣﻊ ﺑﻌﺾ .. ﻭﻗﻤﻨﺎ ﻃﻠﻌﻨﺎ ﻭﻣﺎﺷﻴﻦ ﺑﻲ ﻛﺮﻋﻴﻨﺎ ﻛﺪﺍ ﻋﻠﻰ ﺟﻴﻬﺔ ﺣﻲ ﺍﻟﻜﻮﺑﺮﻱ

‏( ﻛﺒﺮﻱ ﺣﻨﺘﻮﺏ ‏) ..

ﻟﻘﻴﻨﺎ ﻟﻴﻨﺎ ﺣﺘﺔ ﻋﻠﻰ ﺟﻴﻬﺔ ﺍﻟﺒﺤﺮ ﻛﺪﺍ

ﻗﺎﻟﻲ ﻧﻘﻌﺪ ﻫﻨﺎ ﺗﺤﺖ ﺍﻟﺸﺪﺭﺓ ﺩﻱ ﻭﻧﺤﻜﻲ . ﻋﺠﺎﻳﺐ ﺍﻟﺪﻧﻴﺎ ..

ﻋﺎﺭﻑ ﻳﺎ ﺍﻟﻌﺒﻴﺪ ﺍﺧﻮﻱ .. ﺍﻧﺎ ﻭﻛﺖ ﻣﺮﻗﺖ ﻣﻦ ﺍﻟﺒﻠﺪ ﺻﻤﻤﺖ ﺍﻧﻮ ﻣﺎ ﻣﻤﻜﻦ ﺍﺭﺿﻲ ﺍﺑﻮﻱ ﺍﻻ ﺍﺟﻲ ﻣﺎﻟﻲ

ﻳﻤﻴﻨﻲ ﻣﺎﻝ .. ﻭﺩﻩ ﻛﺎﻥ ﻫﺪﻓﻲ . ﻭﻣﺎﻛﺎﻥ ﻋﻨﺪﻱ ﻧﻴﺔ ﻣﺮﺍﺓ ﻭﻻﺯﻭﺍﺝ .

ﻟﻜﻦ ﻛﻠﻬﺎ ﻗﺴﻢ ﻭﺍﻗﺪﺍﺭ .. ﺯﻱ ﻣﺎ ﻗﺎﻟﻮ ﻋﻠﻰ ﻛﻒ ﺍﻟﻘﺪﺭ ﻧﻤﺸﻲ ﻭﻻﻧﺪﺭﻱ ﺑﺎﻟﻤﻜﺘﻮﺏ ..

ﺍﻫﺎ ﺍﻭﻝ ﻣﻦ ﻣﺮﻗﺖ ﻣﺸﻴﺖ ﻋﻄﺒﺮﺓ . ﻋﻨﺪﻱ ﻧﺎﺱ ﺑﻌﺮﻓﻬﻢ ﻛﺎﻧﻮ ﺷﻐﺎﻟﻴﻦ ﻓﻲ ﺳﻮﻕ ﺷﻨﺪﻱ . ﻧﺎﺱ ﻭﺩ ﺍﻟﻮﻛﻴﻞ

ﺍﻛﺎﻥ ﺑﺘﺘﺬﻛﺮﻫﻢ . ؟

ﺍﻟﻨﺎﺱ ﺩﻳﻞ ﻣﺸﻴﺖ ﻟﻴﻬﻢ ﻗﺎﺑﻠﻮﻧﻲ ﻣﻘﺎﺑﻠﺔ ﺷﻴﻨﺔ ﺧﻼﺹ ﻭﻣﺎﺭﺣﺒﻮ ﺑﻲ ﻧﻬﺎﺋﻲ ﻭﺍﻟﺴﺒﺐ ﺷﻨﻮ ﻣﺎﻋﺮﻓﺘﻮ ..

ﻭﻗﻠﺖ ﺍﺻﻠﻲ ﻣﺎﺑﺨﻠﻴﻬﻦ ﺍﻻ ﺍﻋﺮﻑ ﺳﺒﺐ ﺍﻟﻤﻌﺎﻣﻠﺔ ﺩﻱ ﺷﻨﻮ؟

ﻟﻘﻴﺘﻬﻢ ﺷﻐﺎﻟﻴﻦ ﻓﻲ ﺍﻟﺴﻮﻕ ﻓﻲ ﻋﻄﺒﺮﺓ . ﻭﻛﺎﻥ ﺍﻟﻤﻔﺮﻭﺽ ﺍﻟﻘﻰ ﻟﻲ ﻣﻌﺎﻫﻢ ﺷﻐﻞ ﻛﻮﻳﺲ .. ﻟﻜﻦ ﻣﻘﺎﺑﻠﺘﻬﻢ

ﻃﻤﻤﺖ ﺑﻄﻨﻲ ..

ﺍﻫﺎ ﻓﻲ ﻭﺍﺣﺪ ﺑﻘﻮﻟﻮ ﻟﻴﻬﻮ ﻭﺩ ﺍﻟﻤﻔﺘﺶ .. ﺭﺍﺟﻞ ﻳﻮﺯﻥ ﻗﺒﻴﻠﺔ . ﺑﻌﺮﻓﻬﻢ ﻣﻌﺮﻓﺔ ﻟﺼﻴﻘﺔ .. ﻣﺸﻴﺖ ﻟﻴﻬﻮ ﻓﻲ

ﺩﻛﺎﻧﻮ .. ﻭﻗﻌﺪﺕ ﻣﻌﺎﻫﻮ ﻭﻗﺖ ﻟﻴﻬﻮ ﺍﻧﺎ ﻣﻦ ﺷﻨﺪﻱ . ﻭﺟﻴﺖ ﻛﻴﺖ ﻛﻴﺖ ..

ﻭﺩﺍﻳﺮﻙ ﺗﻌﺮﻑ ﻟﻲ ﺍﻟﻨﺎﺱ ﺩﻳﻞ ﺍﻧﺎ ﻏﻠﻄﺖ ﻋﻠﻴﻬﻢ ﺑﺸﻨﻮ؟

ﻗﺎﻝ ﻟﻲ ﺑﺎﻛﺮ ﺗﻌﺎﻝ ﻟﻲ ﻫﻨﺎ ﺍﻧﺎ ﺑﺪﻳﻚ ﺍﻟﺨﺒﺮ ﺍﻻﻛﻴﺪﺓ ..

ﻛﻞ ﺍﻻﻳﺎﻡ ﺩﻱ ﻛﻨﺖ ﺑﺒﻴﺖ ﻓﻲ ﻟﻮﻛﺎﻧﺪﺓ ﻓﻲ ﺍﻟﺴﻮﻕ .. ﺍﺳﻤﻬﺎ ﺍﺳﻤﻬﺎ ﻟﻮﻛﺎﻧﺪﺓ ﺍﻟﻤﻄﺒﻌﺠﻲ .. ﺍﻇﻦ ﺧﻤﺴﺔ ﻳﻮﻡ

ﺍﻧﺎ ﺍﻟﻤﻌﺎﻱ ﺗﺐ ﺷﺒﻬﺖ ﺗﻨﻘﻄﻊ .. ﻭﺑﺎﻛﺮ ﻣﺸﻴﺖ ﻟﻮﺩ ﺍﻟﻤﻔﺘﺶ .

ﻗﺎﻝ ﻟﻲ ﺍﻟﻨﺎﺱ ﺩﻳﻞ ﺍﻧﺎ ﻣﺸﻴﺖ ﻟﻴﻬﻢ ﺍﻣﺲ ﺍﻟﻤﺴﺎﺀ ﻭﺳﺄﻟﺘﻬﻢ .. ﻗﺎﻟﻮ ﺍﻟﻤﺸﻜﻠﺔ ﻛﻠﻬﺎ ﻣﻦ ﺍﺑﻮﻙ ﻣﺎ ﻣﻨﻚ ..

ﺍﺑﻮﻙ ﻗﺎﻟﻮ ﺳﻤﻌﻬﻢ ﻛﻼﻡ ﻣﺎﻳﺎﻫﻮ .. ﻭﺍﺗﻬﻤﻬﻢ ﺑﺎﻟﺴﺮﻗﺔ .. ﻭﻫﻢ ﺭﺣﻠﻮ ﻣﻦ ﺷﻨﺪﻱ ﺑﻲ ﺳﺒﺐ ﺍﻟﻜﻼﻡ ﺩﻩ .. ﻻﻧﻮ

ﺍﺑﻮﻙ ﻋﻤﺪﺓ ﺑﻠﺪ .. ﻭﻫﻢ ﻣﺎﻫﻢ ﻗﺪﺭﻭ ﻋﺸﺎﻥ ﻳﺴﻮﻭ ﻣﻌﺎﻫﻢ ﻣﺸﺎﻛﻞ ..

ﻟﻜﻦ ﻳﺎﻣﺤﻤﺪ ﺍﻧﺎ ﺑﺨﺪﻣﻚ ﻟﻮﺟﻪ ﺍﻟﻠﻪ .. ﻻﻧﻚ ﻣﺎﻋﻨﺪﻙ ﺫﻧﺐ ﻓﻲ ﺍﻟﻤﺸﻜﻠﺔ ﺍﻟﻌﻤﻠﻬﺎ ﺍﺑﻮﻙ ..