عجاج المسك

الجزء 06

ﻳﺎﺳﻴﻦ ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﺟﻤﺎﻝ .. ﺩﻱ ﺍﺣﺴﻦ ﺧﻄﻮﺓ ﺗﻘﻮﻡ ﺑﻴﻬﺎ ﻓﻲ ﺣﻴﺎﺗﻚ .. ﻭﻧﺤﻦ ﻭﺍﻟﻠﻪ ﻟﻴﻨﺎ ﺍﻟﺸﺮﻑ ﺑﻴﻚ

ﻳﺎﻋﻤﺪﺓ .. ﻭﺍﻥ ﺷﺎﺀ ﺍﻟﻠﻪ ﻋﺎﺗﻜﺔ ﻣﺎﺗﻠﻮﻱ ﺭﺍﺳﻬﺎ .. ﻗﺎﻝ ﻟﻴﻬﻮ ﺑﺴﺲ ﺍﻧﺖ ﻻﺯﻡ ﺗﺪﻳﻬﺎ ﻓﺮﺻﺔ .. ﻭﺗﺨﻠﻴﻬﺎ ﺗﻔﻜﺮ

ﺑﻲ ﺭﺍﺣﺘﻬﺎ ﻭﺗﺪﻳﻚ ﺍﻟﺮﺍﻱ ..

ﻭﺟﻤﺎﻝ ﻭﺩﻋﻮ ﻭﻓﺎﺕ .. ﻭﺑﻘﻰ ﻣﻨﺘﻈﺮ ﻣﻨﻮ ﺭﺍﻱ ﻋﺎﺗﻜﺔ ..

ﺣﺼﻠﺖ ﺣﺎﺟﺔ ﻓﻲ ﺍﻟﻔﺘﺮﺓ ﺩﻱ ﺍﻟﻔﺘﺮﺓ ﺍﻟﻤﻨﺘﻈﺮ ﻓﻴﻬﺎ ﺟﻤﺎﻝ ﺍﻟﺮﺩ ﻣﻦ ﻋﺎﺗﻜﺔ ..

ﺟﻤﺎﻝ ﺣﺼﻠﺖ ﻟﻴﻬﻮ ﻣﺸﻜﻠﺔ ﻓﻲ ﺍﻟﺸﻐﻞ ..

ﻛﺎﻥ ﺍﺷﺘﺮﻱ ﻟﻴﻬﻮ ﻗﻄﻌﺔ ﺍﺭﺽ ﻛﺒﻴﺮﺓ .. ﻭﺍﻭﺭﺍﻗﻬﺎ ﻭﻛﻞ ﺷﻲ ﺗﻤﺎﻡ ﺍﻟﺘﻤﺎﻡ .

ﻭﻳﻮﻣﻮ ﺍﻟﻨﺰﻝ ﻓﻴﻬﺎ ﺍﻟﻄﻮﺏ ﻋﺸﺎﻥ ﻳﺸﻴﺪﻫﺎ .. ﺟﻮ ﺟﻤﺎﻋﺔ ﺳﺎﻳﻘﻴﻦ ﻛﻮﻣﺮ ..

‏( ﻧﻮﻉ ﻣﻦ ﺍﻟﺴﻴﺎﺭﺍﺕ ﺍﻟﻘﺪﻳﻤﺔ ‏) ﻭﻗﺎﻟﻮ ﻟﻴﻬﻮ . ﻟﻮ ﺳﻤﺤﺖ ﺍﻧﺖ ﻣﻨﻮ؟ ﻭﻋﺎﻳﺰ ﺗﺴﻮﻱ ﺷﻨﻮ؟

ﻗﺎﻝ ﻟﻴﻬﻢ ﺍﻧﺎ ﺻﺎﺣﺐ ﺍﻟﻘﻄﻌﺔ .. ﻭﻋﺎﻳﺰ ﺍﺑﻨﻲ ..

ﻗﺎﻟﻮ ﻟﻴﻬﻮ .. ﻣﺘﻴﻦ ﺑﻘﻴﺘﻮ ﻳﺎﻧﺎﺱ ﺷﻨﺪﻱ .. ﺑﺘﺴﺘﻮﻟﻮ ﻋﻠﻰ ﻗﻄﻊ ﺍﻟﻨﺎﺱ . ﻭﺗﺪﻋﻮ ﺍﻧﻬﺎ ﺣﻘﺘﻜﻢ ..

ﻗﺎﻝ ﻟﻴﻬﻢ . ﺍﻻﻭﺭﺍﻕ ﻓﺎﺻﻞ ﻟﻠﻨﻘﺎﺵ ..

ﻃﻮﺍﻟﻲ ﻃﻠﻌﻮ ﻟﻴﻬﻮ ﺍﻻﻭﺭﺍﻕ .. ﻭﺷﺎﻑ ﺍﻭﺭﺍﻗﻬﻢ ﻛﻠﻬﺎ ﺳﻠﻴﻤﺔ ﻣﻴﺔ ﻓﻲ ﺍﻟﻤﻴﺔ .. ﻣﺸﻰ ﻋﻠﻰ ﺍﻟﺒﻮﻛﺴﻲ ﻋﻨﺪﻭ

ﻓﻴﻬﻮ ﺷﻨﻄﺔ ﺳﻮﻣﺴﻨﺎﻳﺖ . ﻓﺘﺤﻬﺎ ﻭﺑﻘﻰ ﻳﻘﻠﺐ ﻓﻴﻬﺎ .. ﻭﻃﻠﻊ ﻟﻴﻬﻢ ﺍﻻﻭﺭﺍﻕ ﻛﻠﻬﺎ .. ﻭﻛﺎﻧﺖ ﺑﺮﺿﻮ ﺻﺤﻴﺤﺔ

ﻣﻴﺔ ﻓﻲ ﺍﻟﻤﻴﺔ ..

ﺑﺲ ﺗﺎﺭﻳﺦ ﺍﻻﻭﺭﺍﻕ ﺑﺘﺎﻋﺔ ﺍﻟﺠﻤﺎﻋﺔ ﺍﻗﺪﻡ ﻣﻦ ﺗﺎﺭﻳﺦ ﺍﻭﺭﺍﻕ ﺟﻤﺎﻝ .. ﻭﺍﻟﻤﺸﻜﻠﺔ ﻃﺎﻟﺖ .. ﻭﺍﺗﻔﺘﺤﺖ ﻓﻴﻬﺎ

ﺑﻼﻏﺎﺕ .. ﻭﺟﺮﺟﺮﺕ ﻧﺎﺱ .. ﻣﺤﺎﻣﻲ .. ﻭﺗﺎﺟﺮ .. ﻭﺳﻤﺎﺳﺮﺓ .. ﻭﻣﻮﻇﻒ ﻓﻲ ﺍﻻﺭﺍﺿﻲ .. ﻭﺣﻜﺎﻳﺔ ﻃﻮﻳﻠﺔ

ﻭﻋﺮﻳﻀﺔ ..

ﻓﻲ ﺍﻟﻨﻬﺎﻳﺔ .. ﻇﻬﺮﺕ ﻋﺼﺎﺑﺔ ﺗﺰﻭﻳﺮ .. ﻭﺍﺗﻜﺸﻔﺖ ﺟﺮﺍﻳﻢ ﺍﺧﺮﻯ .

ﻭﻛﺎﻧﺖ ﻗﺼﺔ ﻣﺸﻬﻮﺭﺓ ﻓﻲ ﺷﻨﺪﻱ ﻓﻲ ﺍﻟﺘﺴﻌﻴﻨﺎﺕ .

ﺍﻟﻤﻬﻢ ﻓﻲ ﺍﻟﻨﻬﺎﻳﺔ ﺟﻤﺎﻝ ﺭﺟﻊ ﺟﺰﺀ ﻛﺒﻴﺮ ﻣﻦ ﻗﺮﻭﺷﻮ ﺍﻟﺪﻓﻌﻬﺎ ﻓﻲ ﺍﻟﻘﻄﻌﺔ ..

ﻭﺍﻟﺒﺎﻗﻲ ﺍﻟﺠﻤﺎﻋﺔ ﺩﺧﻠﻮ ﻣﻌﺎﻫﻮ ﻓﻲ ﺗﺴﻮﻳﺔ .. ﻭﻫﻮ ﻃﺒﻌﺎ ﺭﺍﺟﻞ ﻓﺎﺿﻞ ﺍﺗﻨﺎﺯﻝ ﻋﻦ ﺍﻟﺒﺎﻗﻲ ..

ﺑﺲ ﺑﻲ ﺳﺒﺐ ﺍﻟﻤﺸﻜﻠﺔ ﺩﻱ ﺍﻧﻬﺎﺭﺕ ﺍﻛﺒﺮ ﻋﺼﺎﺑﺔ ﺗﺰﻭﻳﺮ .. ﻣﺮﺕ ﻋﻠﻰ ﻧﻬﺮ ﺍﻟﻨﻴﻞ .. ﻭﻣﻦ ﺍﻟﻴﻮﻡ ﺩﺍﻙ ﺗﺎﻧﻲ