ﺟﻤﺎﻝ ﻟﻤﻦ ﺳﻤﻊ ﻛﻼﻡ ﻋﻤﻮ .. ﺟﺎﻫﻮ ﺍﺣﺴﺎﺱ ﻣﺘﻌﺎﻛﺲ .. ﺍﻭﻻ ﺍﻧﺪﻫﺶ ﻣﻦ ﻣﻮﺍﻓﻘﺔ ﻋﻤﻮ ﻋﻠﻰ ﺍﻻﺧﺘﻼﻁ
ﺑﻲ ﺍﻣﻮ ﻭﺍﺧﻮﺍﺗﻮ .. ﻭﺩﻱ ﺣﺴﺴﺘﻮ ﺑﻲ ﻓﺮﺣﺔ .. ﺍﻧﻮ ﻫﻢ ﻗﺪ ﻳﺼﺒﺤﻮ ﺟﺰﺀ ﻣﻦ ﺍﻟﻨﺴﻴﺞ ﺍﻻﺳﺮﻱ ﻟﻠﻌﺎﺋﻠﺔ
ﺍﻟﻜﺒﻴﺮﺓ .. ﺑﻌﺪ ﻣﺎ ﻛﺎﻧﻮ ﻣﻤﻜﻦ ﻳﻔﻘﺪﻭ ﺍﻟﻬﻮﻳﺔ .. ﺍﻟﺤﺎﺟﻮ ﺍﻟﺘﺎﻧﻴﺔ ﺍﻟﺤﺴﺎ ﺑﻴﻬﺎ .. ﺍﺣﺴﺎﺱ ﺑﻲ ﺍﻧﻮ ﺍﻟﻌﻢ ﻋﺎﻳﺰ
ﻳﻌﺎﻛﺲ ﺑﺲ .. ﻭﻫﻮ ﻋﺎﺭﻑ ﺍﻧﻮ ﻻﻫﻮ ﻭﻻﻭﻟﺪﻭ ﻳﻮﻧﺲ ﻣﺎﻓﻲ ﺯﻭﻝ ﺟﺎﻫﺰ .. ﺑﺲ ﺍﺣﺘﻤﺎﻝ ﻋﻤﻲ ﻋﺎﻳﺰ ﻳﻔﺸﻞ
ﺍﻟﻤﻮﺿﻮﻉ ﺩﻩ ﻭﺧﻼﺹ .. ﻭﺍﻟﻠﻪ ﺍﻧﺎ ﺫﺍﺗﻲ ﻣﺎﻋﺎﺭﻑ ﺍﻟﺼﺢ ﺷﻨﻮ؟
ﻋﻤﻚ ﺍﻟﻌﺒﻴﺪ ﻗﺎﻟﻴﻬﻮ ﻣﺎﻟﻚ ﻳﺎﺟﻤﺎﻝ؟ ﺳﺎﻛﺖ ﻣﺘﺒﻮﻡ ﻛﺪﻱ؟ ..
ﻗﺎﻝ ﻟﻴﻬﻮ ﺟﺪﺍ .. ﺧﻼﺹ ﻳﺎﻋﻤﻲ .. ﻳﻌﻨﻲ ﺡ ﺍﻗﻮﻝ ﻟﻴﻚ ﺷﻨﻮ ؟ ﺍﻧﺎ ﺑﺎﻛﺮ ﺑﻤﺸﻲ ﺍﻛﻠﻢ ﺍﺣﻤﺪ .. ﺍﻗﻮﻝ ﻟﻴﻬﻮ
ﻣﺎﻋﻨﺪﻧﺎ ﻟﻴﻚ ﻣﺮﺍﺓ .. ﻭﺑﻘﻮﻝ ﻟﻴﻬﻮ ﺍﺧﺘﻲ ﺩﺍﻳﺮﻫﺎ ﻭﺩ ﻋﻤﻬﺎ ﺑﺲ ﻓﻲ ﺣﺎﺟﺔ ﻣﻬﻤﺔ ﻳﺎﻋﻤﻲ .. ﻻﺯﻡ ﺗﺤﺎﻭﻝ
ﺗﺼﻠﺢ ﺍﻟﻌﻼﻗﺔ ﻣﻊ ﺍﻣﻲ . ﻻﻧﻮ ﺑﺎﻟﻄﺮﻳﻘﺔ ﺩﻱ ﺍﻟﻤﻮﺿﻮﻉ ﻣﺎﺑﺘﻢ ..
ﺍﻟﻌﺒﻴﺪ ﻗﺎﻝ ﻟﻴﻬﻮ .. ﻭﺍﻟﻠﻪ ﻛﻤﺎﻥ ﺧﺒﺮ . ﻧﺤﻦ ﻣﺘﻴﻦ ﺑﻘﻰ ﻋﻨﺪﻧﺎ ﺭﺍﻱ ﻋﻨﺪ ﺍﻟﺤﺮﻳﻢ ..
ﻗﺎﻝ ﻟﻴﻬﻮ ﺧﻼﺹ ﻣﺎﺗﺰﻋﻞ ﻧﻔﺴﻚ .. ﺍﻧﺖ ﻣﻮﺵ ﻋﺎﺭﻑ ﺍﻟﺰﻋﻞ ﻣﺎﺑﻨﻔﻊ ﻣﻌﺎﻙ ؟
ﺍﻟﻤﻮﺿﻮﻉ ﺩﻩ ﺧﻠﻮ ﻋﻠﻲ ﺍﻧﺎ ﺑﺮﺍﻱ ﺑﺤﻠﻮ .. ﻭﺑﺨﻠﻴﻚ ﻫﺎﺩﺉ ﺍﻟﺒﺎﻝ ﻭﻣﺮﺗﺎﺡ .. ﺑﺲ ﻫﺴﻲ ﻧﺤﻦ ﺍﻭﻝ ﺣﺎﺟﺔ
ﺍﻟﻤﻔﺮﻭﺽ ﻧﻘﻮﻡ ﺑﻴﻬﺎ .. ﻧﻤﺸﻲ ﻧﻄﻠﻊ ﻳﻮﻧﺲ ﻣﻦ ﺍﻟﺴﺠﻦ .. ﻭﻧﺸﻮﻑ ﺭﺍﻳﻮ ﻫﻮ ﺫﺍﺗﻮ ﻓﻲ ﺍﻟﻤﻮﺿﻮﻉ ﺷﻨﻮ؟ ..
ﺑﻌﺪ ﺩﺍﻙ ﻧﺸﻮﻑ ﺭﺍﻱ ﻣﺎﺟﺪﺓ .
ﻗﺎﻝ ﻟﻴﻬﻮ ﻣﺎﺟﺪﺓ ﻣﺎﻋﻨﺪﻫﺎ ﺭﺍﻱ ﻣﻌﺎﻧﺎ . ﺍﻟﺮﺍﻱ ﺭﺍﻱ ﺍﻧﺎ .. ﻭﻭﻟﺪﻱ ﻣﺎﺑﺘﻌﺪﺍ ﻛﻼﻣﻲ .
. ﺟﻤﺎﻝ ﻣﺎﺣﺐ ﻳﺘﻨﺎﻗﺶ ﻣﻌﺎﻫﻮ ﻛﺘﻴﺮ ... ﻣﺸﻰ ﻣﻦ ﺟﻤﺒﻮ .. ﻭﻫﻮ ﻣﺴﺘﻐﺮﺏ ﻓﻲ ﺍﻟﻘﺮﺍﺭ ﺍﻻﺧﺪﻭ ﺍﻟﻌﺒﻴﺪ
ﺩﻩ ؟ .. ﻭﺑﺮﺍﻫﻮ ﺑﻘﻮﻝ ﻳﺎﺭﺑﻲ ﻋﻤﻲ ﻫﺪﻓﻮ ﺷﻨﻮ ﻓﻲ ﺍﻟﻤﻮﺿﻮﻉ؟ .
ﺑﻌﺪﻳﻦ ﻳﺎﺟﻤﺎﻋﺔ ﻋﺎﺗﻜﺔ ﺑﺖ ﺍﻟﻌﺒﻴﺪ . ﻗﺒﻴﻞ ﻭﻛﺖ ﻛﺎﻥ ﺍﺑﻮﻫﺎ ﺑﺘﻜﻠﻢ ﻣﻊ ﺟﻤﺎﻝ .. ﺟﺎﺕ ﻋﻠﻰ ﺍﻟﺪﻳﻮﺍﻥ .. ﻭﺍﻟﺤﻘﻴﻘﺔ
ﻫﻲ ﻣﺎﻛﺎﻧﺖ ﻋﺎﺭﻓﺔ ﺟﻤﺎﻝ ﻣﻊ ﺍﺑﻮﻫﺎ .. ﻭﺟﺎﺕ ﺗﻐﺮﻑ ﺍﺯﻳﺎﺭ ﺍﻟﺪﻳﻮﺍﻥ .. ﻋﺸﺎﻥ ﺗﻜﺐ ﻓﻴﻬﻦ ﻣﻮﻳﺔ ﺟﺪﻳﺪﺓ ..
ﺑﺲ ﻟﻤﻦ ﺳﻤﻌﺖ ﺍﺑﻮﻫﺎ ﺑﺘﻜﻠﻢ ﻣﻊ ﺟﻤﺎﻝ ﺭﺟﻌﺖ ﻃﻮﺍﻟﻲ .. ﻋﺸﺎﻥ ﺍﺑﻮﻫﺎ ﻣﺎﻳﺤﺲ ﺑﻴﻬﺎ ﻳﻘﻮﻡ ﻳﻄﺮﺑﻖ ﻓﻮﻗﻬﺎ
