ﻃﺒﻌﺎ ﺍﺧﻮﺍﻝ ﺟﻤﺎﻝ ﺍﻻﺭﺑﻌﺔ ﻟﺒﺴﻮ .. ﻭﻃﻠﻌﻮ ﻣﻊ ﺑﻌﺾ ﻭﻫﻮ ﺑﻌﺎﻳﻦ ﻟﻴﻬﻢ ﻧﺎﺱ ﺑﺘﺸﺎﺑﻬﻮ ﺯﻱ ﺍﻟﺼﻴﻨﻴﻴﻦ ..
ﻭﻟﻴﻬﻢ ﺷﻨﺒﺎﺕ .. ﻭﺑﻠﺒﺴﻮ ﺍﻟﻌﻤﻢ ﺑﻄﺮﻳﻘﺔ ﻣﺘﺸﺎﺑﻬﺔ .. ﺍﻻﺗﻨﻴﻦ ﺍﻟﻜﺒﺎﺭ ﺍﻋﻤﺎﺭﻫﻢ ﻗﺮﻳﺒﺔ ﻟﻲ ﺑﻌﺾ .. ﻓﻲ ﻋﻤﺮ
ﺍﻟﺨﻤﺴﻴﻨﺎﺕ .. ﻭﺍﻻﺗﻨﻴﻦ ﺍﻟﺼﻐﺎﺭ ﺑﺮﺿﻮ ﺍﻋﻤﺎﺭﻫﻢ ﻗﺮﻳﺒﺔ ﻟﻲ ﺑﻌﺾ .. ﻓﻲ ﺍﻻﺭﺑﻌﻴﻨﺎﺕ .. ﺍﻟﻤﻬﻢ ﻛﻠﻬﻢ ﺍﻛﺒﺮ ﻣﻦ
ﺍﻣﻨﺔ ﺑﺖ ﺧﺎﻟﺪ ..
ﺍﻟﻤﻬﻢ ﺍﻟﻨﺎﺱ ﺩﻳﻞ ﺷﻜﻠﻬﻢ ﻣﺘﻔﻘﻴﻦ ﺍﺗﻔﺎﻕ ﻏﺮﻳﺐ .. ﻭﻣﺘﻀﺎﻣﻨﻴﻦ ﺗﻀﺎﻣﻦ ﻣﺒﺎﻟﻎ ﻓﻴﻬﻮ .. ﻭﺩﻩ ﺷﻲ ﻣﻦ
ﺍﺷﻜﺎﻟﻬﻢ ﻇﺎﻫﺮ .. ﻟﻮ ﻓﻲ ﻭﺍﺣﺪ ﻏﺸﻰ ﺍﻟﻤﺰﻳﺮﺓ ﻳﺸﺮﺏ ﻣﻮﻳﺔ .. ﺍﻟﺘﻼﺗﺔ ﺑﻘﻴﻔﻮ ﻳﻨﺘﻈﺮﻭﻫﻮ .. ﻋﺸﺎﻥ ﻳﻤﺸﻮ ﻣﻊ
ﺑﻌﺾ ..
ﻭﻋﻴﻮﻧﻬﻢ ﺩﻱ ﻇﺎﻫﺮ ﻓﻮﻗﻬﺎ ﺍﻟﺸﺮ .. ﺑﻄﺮﻳﻘﺔ ﻭﺍﺿﺤﺔ ﺷﺪﻳﺪ ..
ﻋﻠﻰ ﺍﻟﻌﻜﺲ ﺟﺪﻭ .. ﻛﺎﻥ ﺷﻜﻠﻮ ﺯﻭﻝ ﻃﻴﺒﺎﻥ ﻟﺪﺭﺟﺔ .. ﻭﻋﻴﻮﻧﻮ ﺫﺍﺗﻬﺎ ﻋﻴﻮﻥ ﻃﻴﺒﺒﺔ .. ﻭﺷﻜﻠﻮ ﺯﻭﻝ ﻣﺴﺎﻟﻢ
ﻻﻣﻦ ﻣﺴﻜﻴﻦ ..
ﺍﻫﺎ ﻫﻢ ﻃﺎﻟﻌﻴﻦ ﻛﺪﺍ ﺍﺩﻭ ﺟﻤﺎﻝ ﻧﻈﺮﺓ ﻛﺪﺍ .. ﻓﻴﻬﺎ ﺳﺘﻴﻦ ﺍﻟﻒ ﺗﻌﺒﻴﺮ .. ﻭﻛﻠﻬﻢ ﻧﻈﺮﻭ ﻣﺎﻭﺍﺣﺪ ﻭﻻ ﺍﺗﻨﻴﻦ ..
ﻭﺟﻤﺎﻝ ﻓﻬﻢ ﻣﻦ ﻧﻈﺮﺗﻬﻢ ﺍﻧﻬﻢ ﻗﺎﻟﻮ ﻟﻴﻬﻮ .. ﻭﻻﺗﻔﻜﺮ ﺗﻔﻜﻴﺮ .. ﺗﺮﺟﻊ ﻋﻼﻗﺔ ﺍﻣﻚ ﺑﻴﻨﺎ ..
ﻻﻧﻪ ﺟﻤﺎﻝ ﻓﺎﻫﻢ ﻛﻞ ﺣﺎﺟﺔ ... ﻟﻜﻦ ﻫﻞ ﺍﻟﻔﺎﻫﻤﻮ ﺟﻤﺎﻝ ﻛﻠﻮ ﺻﺤﻴﺢ .. ﺗﻌﺎﻟﻮ ﻧﺸﻮﻑ ﺍﻟﺠﺪ ﺑﻘﻮﻝ ﻟﻴﻬﻮ
ﺷﻨﻮ ..
ﺑﻌﺪ ﻣﺎ ﺍﻟﺠﻤﺎﻋﺔ ﻃﻠﻌﻮ .. ﺟﺪﻭ ﻗﺎﻝ ﻟﻴﻬﻮ ﻗﺮﺏ ﻋﻠﻲ ﺟﺎﻱ .. ﻳﺎﺟﻤﺎﻝ ﻭﺩ ﺍﻣﻨﺔ ..
ﺍﻫﺎ ﺍﻣﻨﺔ ﻛﻴﻔﻨﻬﺎ ؟ ﻧﻌﻠﻬﺎ ﻣﻲ ﺯﻋﻼﻧﺔ ﻣﻨﻲ . ؟ ﻧﻌﻠﻬﺎ ﻣﺎ ﺑﺘﺸﺘﻤﻨﻲ ﻟﻴﻜﻢ؟ ..
ﺟﻤﺎﻝ ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﺟﺪﻱ ﻣﺎﺣﺼﻞ ﺟﺎﺑﺖ ﺳﻴﺮﺗﻚ ﺍﻻ ﺑﺎﻟﺨﻴﺮ .. ﻭﺩﺍﻳﻤﺎ ﺗﺘﺬﻛﺮﻙ ﺍﻧﺖ ﻭﺣﺒﻮﺑﺘﻲ ..
ﻭﺩﻣﻮﻋﻬﺎ ﻳﺴﻴﻠﻦ ..
ﻟﻜﻦ ﺍﻟﺤﺎﺻﻞ ﺷﻨﻮ ﻳﺎﺟﺪﻱ؟ .. ﺍﻧﺘﻮ ﺍﻟﻈﺎﻫﺮ ﺑﻴﻨﻜﻢ ﻓﻲ ﻣﺸﻜﻠﺔ ﻛﺒﻴﺮﺓ .. ﻭﺍﻣﻲ ﺍﺻﻼ " ﻣﺎﺣﻜﺖ ﻟﻲ ..
ﺟﺪﻭ ﻗﺎﻝ ﻟﻴﻬﻮ .. ﻭﻃﻴﺐ ﻫﺴﻊ ﺍﻧﺖ ﻭﻛﺖ ﺟﺎﻱ ﻣﺴﺎﻓﺮ .. ﻣﺎ ﺣﻤﺘﻚ؟
ﻗﺎﻝ ﻟﻴﻬﻮ ﺍﺑﺪﺍ " ﻣﺎﺣﻤﺘﻨﻲ .
ﻗﺎﻝ ﻟﻴﻬﻮ ﺧﻼﺹ ﻗﻠﺒﻬﺎ ﻣﺎﺕ .. ﻭﻧﺴﺖ ﺍﻟﺴﻮﺗﻮ ﻓﻴﻨﺎ .. ﻛﺎﻥ ﻗﻠﺒﻬﺎ ﻣﺎﻣﺎﺕ ﻣﺎﺑﺘﺨﻠﻴﻚ ﺗﺠﻲ ﻭﺗﻌﺮﻑ ﺍﻟﺤﺎﺻﻞ ..
