عجاج المسك

الجزء 27

ﻃﺒﻌﺎ ﻋﺒﺪ ﺍﻟﻤﺎﺟﺪ ﻣﺸﻰ ﻭﻫﻮ ﺑﺘﻜﻠﻢ ﺑﺮﺍﻫﻮ .. ‏( ﻧﺸﻮﻑ ﻛﻼﻣﻚ ﺩﻩ ﻳﺎ ﺟﻤﺎﻝ ﺣﺪﻭ ﻭﻳﻦ ؟ ‏)

ﻃﺒﻌﺎ ﺟﻤﺎﻝ ﺑﺎﻟﻄﺮﻳﻘﺔ ﺍﻻﻧﺎ ﺷﺎﻳﻔﻬﺎ ﺩﻱ .. ﻭﺭﻁ ﺭﻭﺣﻮ ﻓﻲ ﺣﺎﺟﺔ ﻫﻮ ﻓﻲ ﻏﻨﻰ ﻋﻨﻬﺎ .. ﻭﻛﺎﻥ ﻋﻨﺪﻭ ﺧﻴﺎﺭﺍﺕ

ﻣﺘﻌﺪﺩﺓ .. ﺍﻟﻤﻔﺮﻭﺽ ﻳﺨﺘﺎﺭ ﻣﻨﻬﺎ .. ..

ﻣﻤﻜﻦ ﻛﺎﻥ ﻳﻘﻮﻝ ﻟﻴﻬﻮ .. ﺍﻧﺎ ﺑﻌﺮﺱ ﻟﻴﻬﺎ ﺍﻱ ﺯﻭﻝ .. ﺍﻭ ﻋﻨﺪﻱ ﺻﺎﺣﺒﻲ .. ﺍﻭ ﺍﺧﻮﻱ ﻭﺩ ﻋﻤﻲ .. ﺍﻭ ﺍﻱ

ﺍﻧﺴﺎﻥ ﻳﻨﻘﺬ ﺳﻤﻌﺔ ﺍﻟﺒﺖ .. ﻟﻜﻦ ﺍﻧﺎ ﺫﺍﺗﻲ . ﻣﺎﻋﺎﺭﻑ ﻓﻲ ﺭﺍﺳﻮ ﻓﻲ ﺷﻨﻮ؟

ﺍﻟﻤﻬﻢ .. ﺍﻟﺤﺎﺟﺔ ﺍﻟﻤﺤﻴﺮﺍﻧﻲ ﻓﻲ ﺍﻟﻤﻮﺿﻮﻉ ﺍﻧﻮ .. ﻧﻬﺎﺩ ﻣﻮﺍﺻﻠﺔ ﺩﺭﺍﺳﺘﻬﺎ

. ﻳﻌﻨﻲ ﺍﺑﻮﻫﺎ ﻣﺎﺩﺍﻡ ﺷﺎﻛﻲ ﻓﻲ ﺳﻠﻮﻛﻴﺎﺗﻬﺎ .. ﻭﻣﺎ ﻣﻄﻤﺌﻦ ﻋﻠﻴﻬﺎ .. ﻛﺎﻥ ﻳﻄﻠﻌﻬﺎ ﻣﻦ ﺍﻟﻤﺪﺭﺳﺔ ﻭﻳﺴﻮﻗﻬﺎ

ﺍﻟﺒﻴﺖ .. ﺩﻩ ﺍﻟﺸﻲ ﺍﻟﻤﻨﻄﻘﻰ ﻟﻲ ﺗﺼﺮﻑ ﺍﻱ ﺯﻭﻝ ﻣﻦ ﺍﻟﺒﻠﺪ ﺩﻳﻚ ..

ﺍﻟﻤﻬﻢ .. ﺟﻤﺎﻝ ﻃﻠﻊ ﻣﻦ ﻣﺤﻠﻮ ﺩﺍﻙ .. ﻭﻣﺸﻰ ﺍﻟﺒﻘﺎﻟﺔ ﻭﺳﺄﻝ ﻣﻦ ﺑﻴﺖ ﻧﺎﺱ ﻣﻌﺰ .. ﻭﺻﻔﻮﻫﻮ ﻟﻴﻬﻮ ..

ﻭﻣﺸﻰ ﺩﻕ ﺍﻟﺒﺎﺏ ﻋﻠﻰ ﻃﻮﻝ .. ﻭﺳﺄﻝ ﻣﻨﻮ ﻗﺎﻟﻮ ﻟﻴﻪ ﻣﺎﻓﻲ .

ﻗﺎﻝ ﻟﻴﻬﻢ ﻗﻮﻟﻲ ﻟﻴﻬﻮ .. ﺟﻤﺎﻝ ﺧﺎﻝ ﻧﻬﺎﺩ ﺟﺎﻙ ﻫﻨﺎ . ﻭﻗﺎﻝ ﻟﻴﻚ ﺗﺼﻠﻮ ﻓﻲ ﺍﻟﻤﺤﻞ . ﻟﻜﻦ ﻟﻐﺎﻳﺔ ﻧﻬﺎﻳﺔ ﺍﻟﻴﻮﻡ

ﻣﻌﺰ ﻣﺎﺟﺎﻫﻮ .. ﻭﻗﺎﻝ ﺍﺩﻳﻬﻮ ﻓﺮﺻﺔ ﻟﻲ ﺑﻜﺮﺓ ..

ﻭﺟﻤﺎﻝ ﻭﻛﺖ ﺭﺟﻊ ﺍﻟﺤﻠﺔ ﻣﺎﺟﺎﺏ ﺍﻟﺴﻴﺮﺓ ﺩﻱ ﻻﻱ ﺍﻧﺴﺎﻥ .. ﻻ ﺃﻣﻮ ﻭﻻ ﺃﺧﺘﻮ .. ﻭﻃﺒﻌﺎ ﻳﻮﻧﺲ

ﻣﺎﻓﻴﺶ .. ﺳﺎﻓﺮ ﺍﻟﺨﺮﻃﻮﻡ ﺷﻬﺮ ﺍﻟﻌﺴﻞ ..

ﻭﺟﻤﺎﻝ ﻣﺎ ﻣﻬﺘﻢ ﺑﻲ ﻣﻮﺿﻮﻉ ﻧﻬﺎﺩ ﺑﺲ ﻓﺮﺣﺎﻥ ﺑﻲ ﻧﺎﺱ ﺟﺪﻭ ﻭﻛﻞ ﻳﻮﻣﻴﻦ ﺗﻼﺗﺔ ﻳﻀﺒﺢ .. ﻭﻳﻌﺰﻡ ﺍﻟﻨﺎﺱ ,,

ﺍﻫﺎ ﻓﻲ ﻭﺍﺣﺪ ﺷﻐﺎﻝ ﻓﻲ ﺍﻟﻤﺤﻞ ﺍﻟﻔﻲ ﺍﻟﻤﻨﻄﻘﺔ ﺍﻟﺼﻨﺎﻋﻴﺔ .. ﺍﺳﻤﻮ ﺍﻟﻐﻴﺘﻮﻧﻲ .. ﺍﻟﺼﺒﺎﺡ ﻛﺎﻥ ﻗﺎﻋﺪ ﺧﺎﻟﻒ

ﻛﺮﺍﻋﻮ ..

ﺟﺎﺗﻮ ﻧﻬﺎﺩ ﺑﺘﺴﺄﻝ ﻣﻦ ﺟﻤﺎﻝ ..

ﻗﺎﻝ ﻟﻴﻬﺎ ﻭﺍﻟﻠﻪ ﺟﻤﺎﻝ ﺩﻩ ﻣﺎﺟﺎ .. ﻟﻜﻦ ﺑﻤﺮ ﻋﻠﻲ ﻫﻨﺎ ﺯﻱ ﺍﻟﺴﺎﻋﺔ 2 ﺩﻩ ﺣﺎﺟﺔ ﺍﻛﻴﺪﺓ ..

ﻗﺎﻟﺖ ﻟﻴﻬﻮ .. ﻛﻮﻳﺲ ﺍﻧﺎ ﺑﺠﻴﻬﻮ ﺑﻌﺪﻳﻦ .. ﻗﺎﻝ ﻟﻴﻬﺎ ﻭﺍﻟﻠﻪ ﻣﺎﺑﺘﻤﺸﻲ ﺍﻻ ﺗﺸﺮﺑﻲ ﺣﺎﺟﺔ .. ﺍﻟﻐﻴﺘﻮﻧﻲ ﺷﻜﻠﻮ

ﻋﻨﺪﻭ ﺭﺍﻱ .. ﻳﻌﻨﻲ ﻫﻮ ﺍﺻﻼ ﻣﺎﺯﻭﻝ ﻋﺰﻳﻤﺔ .. ﺍﻟﺮﺷﺎﻗﺔ ﻟﻴﻬﻮ ﺷﻨﻮ؟

ﺍﻟﻤﻬﻢ ﻗﺎﻟﺖ ﻟﻴﻬﻮ ﻣﺎﻓﻲ ﺩﺍﻋﻲ ﺗﺤﻠﻒ .. ﺧﻼﺹ ﺟﻴﺐ ﺍﻱ ﺣﺎﺟﺔ ﺍﻧﺎ ﻣﺴﺘﻌﺠﻠﺔ ..