#الضياع ٨
#قصة سماره@
أحلى شي بحياة الإنسان الرفقه المثيرة والحلوة
واحلى مرحله للبنية من تحب لأول مرة وتفتح عينها اول ما تبلغ على شاب ناضج ومميز ووسيم ..
جنت اشوف ميشال أمير واني الأميرة ..
مثل القصص والروايات
حبيت كل تفاصيله وقضيت وياه احلى ساعات واحلى ايام بالمدرسه
على طول متلازمين ايدينه
ومنعوف بعضنا
ومن ارجع للبيت اخلص دروسي ركض وانتهز الفرصه حتى اخابرة مرات ابو يرد عليه واظل منتظرة علما يخابرني هوة بس
احس بفرحه وعاطفه تغمرني
شكد ماجنت انطوائيه ومااحب اسولف بس ميشال غير شكل جنني وملأ كل فراغات بحياتي سوالفة ماتنمل ومتجددة
حتى انشغلت عن ذكرياتي التعيسة
رغم مااشوف ماما تتضايق مرات من الموضوع
تتقصد تجي يمي
تتنصت وتحاول تسمعني عن شنو احجي ويه ميشال لو تبقى
تحقق وياي متصدگ بعلاقتي بريئة وياه وماعدنه غير شي
بهالفترة قطعت علاقتي ببيت خالتو حنان واولادها ماما تروح وحدها
واني احصل فرصه اقضي الوقت كله اخابرة بالتليفون وادردش وياه بكلشي نحجي هواي مواضيع نغني ونقرة شعر ونسولف بسواليف جديدة وحلوة بس منتجاوز الحد بغير أمور
الله ...
شكد حلو الحب والاحلى اذا يكون متبادل
وجنت متأكدة ميشال يبادلني الإحساس
ماهمني الطائفة والدين والجنسية
ميشال لبناني واني عراقيه بالإضافة إنه مسيحي
اصلا مااتكلم عراقي وياه نفس لهجته نتحاور واشوفه فرحان بيه
فد يوم اجت زينه تزورنه ودخلت لغرفتي وبدت تحجيلي عن خطيبها ايمن وهواي شغلات عرفت من كلامها ماما موصيتها تحذرني
متجادلت وياهة بالعكس حبيتها تسولف أكثر عن تجربتها حتى استفاد واتعلم
بس احسها تلف تلف وترجع انو اني بعدني صغيرة والحب بالجامعه احلى تكلي تكبرين وتنضجين ...
كتلها راح نظل اني وياه سوة وندخل نفس الجامعه
تعجبت لأصراري وتعلقي بميشال !
طلبت مني اروح وياهة تشتري كم غرض من جهاز عرسها بدلت وطلعت تسوگنه وافترينه بالمحلات تعبت رجعنا بالباص لبيت خالتو تضايقت ماريد اشوف بسام وسمير بس اضطريت انزل وياهة
شفت بسام بالباب لزم ايدي من دخلنه
عصرها حييل خفت منه
زينه دخلت كدامي
ظل يخنزر عليه ومقبل يعوف ايدي
حجيت بصوت ناصي اااخ
بسام ايدي !
اشرلي بيده الثانيه أششش
وبعده يخنزر !
اجت خالتو حنان شافتنة يالله هدني
اااي ايدي شبي هذا تخبل توجعني ظلت وتألمت وظليت اباوعه بحقد
شبي هذا ليش هيج سوه !!
دخل جوة
خالتو كالت ليش واكفه بالباب ماما دخلي اشتقنالج سماره الحلوة شبكتني
ودخلتني جوة
كالت هسة نخابر ماما اليوم تباتين يمنه
فزيت من مكاني لا خاله فدوة مااكدر
سمير اجه من غرفته
هلا هلا هنا سماره
اشرقت وانورت
بسام كعد ويسوي نفسه مشغول بكتاب ويعاينلي بطرف عينه
بس زينه صعدت غراضها لغرفتها
وعمو سعدون طالع
كتلهم ماما راح تقلق عليه هواي لازم ارجع
كالت مالج علاقه هسة اخابرها واطمنها وفعلا خابرت ماما واني بالي يم ميشال بس لا يخابرني وماما تطلع على الخط تهينه لو تسمعه كلمه تجرحه
دخلت للمطبخ اغسل واشرب مي
حسيت احد وراي
التفت صار بسام ببوجهي
اول مرة احس باحساس غريب خوف ورهبة وتوتر مااعرف شنو !
مثل اللي مسوي جريمه وانكشف !
فززني بلعت ريگي وگوة حجيت بصوت ناصي كلش
ببببسام شبيك ليش هيج تسوي شوف ايدي شلون توجعني كسرتها لويش هيج تسوي؟؟
اقترب مني وشاورني واكسر راسج اذا اشوفج ويه ميشال
فتحت عيوني متعجبه !!
شششنو ؟
صاحتني خالتو دفعته وطلعت من المطبخ
اويلي يربي شگد رعبني !
كعدت يمها ظلت تحجيلي عن تجهيزات عرس زينه ولازم اساعدهم باختيار الكيك والبوفيه والمناديل وتزيين الطاولات
تعشينه وطول الوقت بسام يخنزر عليه
عيونه تخوف
وعدت خالتو ازورهم منا ورايح
اجه عمو سعدون وصلني لبيتنه وراح
رجعت تعبانه ركضت لماما من فتحت الباب شبكتها وبوستها
ظلت تضحك وحضنتني
طلع عمو عماد من المطبخ يباوعلي صفح بس شفته انسدت نفسي كتلهم تصبحون على خير ودخلت لغرفتي وقفلت الباب انتظرت علما يدخلون غرفتهم اروح للتلفون اخابر ميشال اشتاقيتله
بدلت ملابسي وتمددت بالسرير
تأخر الوقت
حتى ماسمعت التلفون دگ !
نمت ماحس الا والصبح طالع
غسلت وبدلت سريع ورحت للمدرسة
صعدت بالسيارة كعدت يم سمير
وخايفه من نظرات بسام كلش
ظل يلعب بشعري ويتحارش بيه من ورة الكرسي وهاي أول مرة يسويها !
كل ثانيه يسوي حركة جديدة لو ينفخ باذاني !!
عشت سنين وياهم ماشفت تصرف من بسام ضايقني بالعكس
كان دائما المحامي والمدافع عني
مأمنه وياه ومحسيت منه بأذيه
هالمرة أحسه غير شكل يخوف غضبان ويتعمد يسوي حركات تضايقني غيران من ميشال يمكن
نزلنه ودخلنه للمدرسه اجه بصفي يمشي شلونج اليوم سماره !
وكفت كباله
سمير جرني امشي سماره راح يدخل الاستاذ
بسام كله امشي لك روح هسة تلحگك
لفّ ايديه وصار يهزّ براسه
كولي ست سماره شعدج
رفعت اصبعي ببوجهه
بسام انته مو طبيعي هالايام
شبيك بلة ليش تتصرف بهالاسلوب !
خلة عيونه بعيوني وصار يحجي بعصبية
لأن أنتي بت خالتي ومن واجبي احميج
افتهمتي
تحميني !
جريت ايدي من ايدة
بلة من منو !
من نفسج
ومن أي ولد يريد ياخذج ممـ ..
تحسر وسكت
دگ جرس الحصص عفته واكف ورحت للفصل
دخلت ميشال عاتبني
شو بكي يءلبي مو عادتك تتأخري !
بعدين بحكيلك ميشال مو هلا
كملنه الحصه بالفرصه ظليت بالفصل مطلعت
الطلاب يدخلون ويطلعون مكدرت اطلع حتى لااشوف بسام بس شفت سمير طلع لزمت ايد ميشال
سامحني حبيبي بلييز
يا روحي شو صايرلك !
اولاد خالتي عم يراقبوني ويشكوني لـلماما ارجوك يقلبي لاتزعل
شو سببتلكي مشاكل واحراج !
طيب والعمل !
سكتت شال راسي خلينه نطلع للكافتريا نتروء انا وياكي جعان
مابقدر ميشال سامحني هالكم يوم
طيب ..خليني بلا ترويئة مشانك
ضحكت وحضنت زنده شكد حنون وبراءة عنده يجبرني احبه
قضيت اليوم كله بالفصل حتى مااشوف بسام ويسببلي مشاكل
مرت الايام واحلى علاقه بريئة بيننا اني وميشال كل يوم انعجب بي اكثر من قبل واتمنى نكون عشاق مثل الأفلام
واحاول اتجنب بسام رغم ما ع طول عيونه تلهب نار كلما يشوفني ويه ميشال !!
يتبع..
قصة سماره@
أنت تقرأ
#الضياع 🔞
Romanceقصة سماره بنت عراقيه بريئه تلاطمت بها الآثام والشهوات في مجتمع متعدد الأديان والأفكار
