#الضياع 🔞

قصه سماره /٤٩

#الضياع ٤٩
#قصه سماره@..
....
يالله...
شكد تلهفت لشوفت حبيبي بسام
...
استقبلنه الرجل زميل عمو سعدون دخلّنه لبيته بس ماما حليمه بقت بالسياره كانت غاضبه على بسام من بعد اللي صار
الرجل لبناني كبير بالعمر
فرح بينه وطلب من عدنا نبقى للعشه كعدّنا بالصالة
كتله عمو بدي روح لغرفه بسام لو سمحت
يابنتي  هلا بروح وانطيه خبر بزيارتكم
كمت... لا عمو دليني بمكانو بدي روح لحالي
بلييز ..
اشرله عمو سعدون اخذني ورحت وياه
بعد ما اتحمل احس بنفسي اذا مااشوفه گلبي يتوقف عن النبض 
ماادري شلون تحملت خمس سنوات راحت بعيده عنه
وصلّني الرجل وراح فتحت الباب بلا ما اطرقها شفته كاعد بالكاع دا يكتب وأوراقه مطشرة
شال رأسه شافني تفاجأ !
كام وكف
ركضت بلهفه شبكته بقوه
وشبعّته تبوس
ملخته من شعره ظل يضحك وينافت
مجنونه شلون اندليتي !
بسته بشفايفه بوسه طويلة شكد مشتاقتلك ليش عفتني
شاف كصتي دنك وخجل مني
لا بسام حبيبي مابيه شي
بعدين تعال انته طلعت شكد قاسي لوتحبني متتركني
شلون تعوفني وحدي ؟
وخر مااحبك بعد
خله راسي بحضنه مو كتلج لاتكولين مااحبك اموت سمر
اسم الله عليك حبيبي
شكد مشتاقه لصوتك وكلامك وحضنك احبك احبك احبك
حرام عليك ليش عفتني !
سمر ... شفت نفسي دا أذيج خليني ابتعد عنج بلكي ترتاحين وتنجحين بحياتج اللي تأخرت وياي
جريت ايده تعال
وين سمر !
دا اكولك تعال ...
طلعنه من الغرفه
للصاله وكف وجر ايدي
مقبل يكمل من سمع صوت عمو سعدون سماره ماروح انتي متدرين شسوو بيه علمودج
بسام اذا مترجع وياي ابقه يمك هنا معليه
اااخ منج شبكني وحجه بهمس شكد مجنونه واعشقج
تعالي لزم ايدي
رحنا للصاله عمو سعدون غضبان من بسام دار وجهه
زميله لعمو كام ياهلا وسهلا بالناقد الصحفي وزوجتو الجميله كيفكم ياعمو
بسام تشكر منه على ضيافته
وراح لعمو باس راسه
سامحني بابا اعتذر
شفت عمو فرح وكام حضنه كأنما كان منتظر منه هالاعتذار
صدگ فرحت كتله عمو بسام حيرجع واذا مارجع ابقى هنا
الرجل كال ياميت اهلا وسهلا بيكم تنيناتكم
عمو سعدون شكره وصافحه وكله نزورك بالفرح خيو ماقصرت
بسام رجع جمع اوراقه وغراضه بسرعه
وطلعنه بقيت لازمه زنده وفرحانه يربي الفرحه متوسعني تتمها عليه مابيه بعد يصير شئ وتخربها الدنيا عليه
دخيلك الهي ...
صعدنه بالسيارة ماما بالمقدمه كاعده بسام كام باسها برأسها واعتذر منها ظلت تتدلل عليه وكلتله هالمرة مسامحيك لخاطر سمر افتهمت
شبكني وكلهم سماره روحي وعمري شكولاتي وبقه يبوس بيه ويشمني
ماما مقبلت عليه بس يماما لاتنسى نفسك هنا اصبر شويه
ضحك بسام سامحيني سماره احاول اعوضج عن كل شي حبيبتي 
لمجرد مادخلنا راح لخالتو وباسها واعتذر منها خطيه بجت الله يعينها شكد تتحمل معاناة فراك سمير وهسة بسام
دخلنه لغرفتنه بسام قفل الباب وبدينه لحضات رومانسيه تجنن بدون كلام ولا مقدمات ولاعتاب
شكد حلوه كانت حتى احلى من ليله زواجنه
شكثر مشتاقين لبعض
عوضنه ليالي الفراك الراحت
...
لحد ماتعبنه اثنيننه ونمنه بدون عشه
...
الصبح كعدت على صوت باب الغرفه دا تندك انتبهت للساعه بال 6 لازم اروح من وكت للشغل بس المشكله بسام شلون ملحكت احجيله عن نظام الشغل ووقته
اخذت ملابسي وجنطتي وطلعت بهدوء لايحس
بقى نايم لان دوامه بال 8
طلعت ماما حليمه حبيبتي محضرتلي الفطور سبحت وفطرت بالمطبخ ووصيتها تفهمه لبسام عن شغلي وطلعت بال 7 تجي السيارة الخاصه اللي توصلني
بعد ما وصلت للكنيسة بقيت مشغوله بالعمل وعندي برامج جديدة وبابا غسان طلب مني اترجم مجلات فرنسيه بالحاسبه
انشغلت ومتصلت ببسام بس بقيت اتذكر كل لحظة قضيناهة البارحه وخايفه من رده فعله اليوم خايفه يزعل مني وارجع لعذاب فراكه لو يتعارك وياي
يووو شوكت ارتاح ياربي
...
بس حصلت فرصه بعد الظهر اتصلت بي بنقاله مارد عرفته زعلان
رجعت اتصلت بماما كالت بعده نايم بالغرفه ماطلع تتطمنت عنه
رحت لبابا غسان اتفقت وياه اخذ الشغل المستعجل وياي احاول اكملهم بالبيت ووعدته مااتاخر بشغلي
ماريد اقصر ويه بسام
تساهل وياي الله يوفقه لو ماهو يساعدني جان تبهذلت
طلعت بالسيارة وصلني السايق لباب البيت دخلت غراضي بصندوگ
الساعه بال 3 الظهر ماتغديت سألت خالتو كالت بسام ماقبل يتغده
دخلت بهدوء للغرفه لكيته يتحرك بالسرير عرفته كاعد نمت بصفه
حضنته ..
زعلان كالعاده يتعزز ويتدلل ولازم ارضيه بطريقتي الخاصه واخبله وأصالحه ...
....
كملنه وسبحنه وتغدينه سوه بالمطبخ وبقينه نتعاتب ..
بالاصح بقه هو يعاتبني
حاولت مااتذمر ووعدته ماقصر وياه وماخلي يحس بأهمال مني لو انشغالي عنه بالعمل ..
كلي سماره حبيبتي اريد طفل !
وهالمره لازم نروح دكتوره نسائيه مختصه اني وياج ونتابع الحاله ...
شفت كلامه جّدي تقريبا مرّ على زواجنا ثلاث شهور
وافقت بس كتله خليها لنهايه الاسبوع بالاستراحه وماما تاخذنه مااعرف لهالشغلات ..
مرتّ الأيام ...
بديت اشوف نظرة حزن وفراغ عده لبسام يتابع كل برامج الاطفال بالتيفي
دائما ساكت مومثل قبل يحجي هواي ويتذمر ..
حاولت بكل جهدي ماخلي محتاج شئ داريته بماي عيني ودللته دلال مضاعف
مابين شغلي ومسؤؤليتي بالبيت
لنهايه الاسبوع اخذتني ماما ورحت للمستشفى وسويت فحوصات وتحاليل للحمل
الدكتورة كالت ماكو شئ يمنع الحمل كلشي سليم وطبيعي عندي وطلبت مني نظام خاص اتبعه وارجع اكرر فحص ...
بسام فرح وكال لازم تلتزمين وكان ملهوف للحمل اكثر مني مااعرف يمكن باعتقاده الحمل حيقربني منه اكثر لو اعوف الشغل لخاطر الطفل !
ماادري شنو تفكيره بالضبط بس صار ملهوف أكثر من قبل حتى أحمل ..
...
يتبع..
#قصه سماره@
بارت ٤٩