#الضياع 🔞

قصه سماره/٤٤

#الضياع ٤٤
#قصه سماره@
...
وصلنه لبنان اجرنه تكسي
مااتصلنه بيهم حبينه تكون مفاجأة للكل
كنت فرحانه وملهوفه لرجعت سمير اكثر من فرحتي لرجعتي
بسام عنده مفاتيح فتح الباب وصلنه العصر
دخلنه ماما بغرفة زينه فوگ وخالتو وعمو سعدون بغرفتهم تصير مقابيل غرفتنه جوة
محد بالصاله فارغه
دخلنه الجنط
وظلينه نصرخ ماما وخالتو
اجوا مخترعين خطيه خالتو حنان تصرخ ظلت وشبكته لسمير
وتبجي تكله ليش ماما عفتني
نزلت على ركبها وكعدت انهد حيلها من الصدمه ظل حاضنها ويبوس بيها
عمو سعدون هم يبجي وحضنه
شكد انقهرت عليهم وخصوصا هجرة سمير جانت بسببي
بداخلي اندعيت بحسرة على عماد السافل اللي صار السبب
ماما حليمه سلمت على نادين واخذت الطفله من بجت انتبهت خالتو خذتها وبقت مدهوشه بيها ومتفاجأه
تضحك وتبجي خطيه من الفرحه
فرح الكل بجيته لسمير والفرحه الاكبر بزوجته وبنته والعجيب اسمها على اسمي ...
نسينه تعب السفر من كثر فرحتنه بشوفته لسمير
بقينه بالصالة نسولف ونضحك ونتعاتب بسام يندسّ بيه ندخل لغرفتنه وسمير يكله عوفها خليني اشوفها بكرا راجع
خالتو كلتله لا ماما حرام عليك ابقى كم يوم
كلها ماما صدكيني عندي دوام بالمعهد ماخذت اجازة غير مرة ازوركم مدام سمر رجعت حتكثر زياراتي للبنان
صدك فرحت لكلامه
خطيه خالتو حاضنته لسمير وتبوس بي وهو يبوس بيديها وبراسها ونادين ساكته كلشي ماحجت
ماما حليمه كالت سمر امشي دانرتب غرفه الضيوف فوك لسمير
بسام كال ادخل الجنط مالنه للغرفه واجي وراكم
صعدنه لفوك الغرفه مقابل غرفه زينه قديمه ومحد ساكن بيها سنين مهجورة وبيها اغراض قديمه
اول ماصعدنه ودخلنه ماما لزمتني
سمر !
احجيلي شسوة بسام !
تلعثمت بالرد
شكّتّ أكثر وبقت تلّح
وخرت عنها ورحت اشيل بالغراض وانكث بالشراشف
سمر احجيلي ماما شبيج حاسه اكو شئ مو طبيعي !
ضحكت ماكو شئ ماما صدكيني
اصلا بسام يجنن ويعشقّني
دخل بسام غمزلي وضحك سمعني
"اني من رديت على ماما بهالرد مكان قصدي اثير اعجابه لبسام بالعكس تحلفتله اشكي لماما وخالتو من كنا بالجزائر
بس بعد لقاءنه بسمير وتأثرنه بزواجه وبنته محبيت أثير مشاكل وخصوصا هسه سمير رجع والكل مشغول
بسام شبكني وباسني وشالني فرح من سمع كلامي ويه ماما
كال خاله سماره مو سمنانه شويه
ضحكت ماما
يلوكلها السمن خليها
لو تدرين شكد تبوگ اكل وتاكل
ويضحك
ضربته وتاليها بسام ليش هيج تحجي نزلني يلة ..
نزلني ..
ظل يتحارش بيه كل شويه كدامها لماما ويغمزلي
رتبنه الغرفه بسرعه فتحنه الشبابيك ورشيناها معطر وبسام راح جاب جنط سمير وزوجته من جوة
بعدها انشغلنه بالعشه
خالتو بقت يم سمير وعمو سعدون وكضوها سوالف وعتب
والعشه تعاوننه اني وماما وبسام لبس سدريه المطبخ وويانه يشتغل وكل شويه ويسأل ماما حليمه
خاله شوكت تحبل سمر ؟
تكله يماما بعد ماصارلكم شهر
ورة شويه ..
خاله شوكت يصير حمل !
آخر شئ جزعت منه ماما جرّت اذانه
يماما هلكتني !
سمر شلون متحملته هذا المجنون !
لحد ما كملنا العشه سوينه دجاج شوي بالفرن وسلطه لبن وخضروات
تعشينه والاكل طيب كلش
مابيه حيل بعد استاذنتهم رحت سبحت وارتاحيت بغرفتي
بسام راح يسبح كلي حبيبتي جيبي مناشف جدد ولحكيني
فتحت الدولاب دا اطلع المناشف
دخل سمير للغرفة اقترب مني
كتله سمير !
تعال فدوة ساعدني
المناشف عاليه بالخانه الفوگ رفعت رجليه دا اجيبهم مد ايده وحضني من وراي شالني
نزلهن وخله ايديه بيديه
ارتبكت ..
وكعن من أيدي بالكاع دفعني وشبكني حيل وظل يشم ببلعومي من وره
ويتنفس بسرعه
لزمت ايده د اوخرها عن جسمي
حجيت بهمس .. سمير شدا تسوي انته يمعود !
ظل يشم بيه ويتحسر
دفعته خفت احد يدخل ويشوفنه بهالحال
رجعت لورة استغربت من تصرفه
حجيت بصعوبة وبهمس
سمير ليش هيج تسوي ارجوك اهده ؟
بسام اذا شافك يذبحك
خله راسه على باب الدولاب وغمض ودمعت عيونه اجيت يمه لزمت متنه
سمير شبيك !!
وخرّ ايدي ونتر بيه نزّزني وحجه بصعوبة
روحي سماره لاتجين يمي
روحي...!!
دنكت اخذت المناشف من الكاع وطلعت من الغرفه ركض للحمام دخلت ظل بسام يدردم
ليش تأخرتي وشبيج لونج مخطوف !
شبيك ياعيني على كلشي تصير عصبي
شمرت المناشف ببوجهه وطلعت ظل يصيح وراي سمر .. سمر ...
...
تعبت مابي بعد اتحمل
رحت لغرفه ماما حليمه فوگ وحضنت المخده وكعدت ابجي
ماما كانت مشغولة ويه زوجته لسمير وسمورة الصغيرة
نمت بالسرير ماحس الا ماما  تمسد بشعري واسمعها تحجي بهمس مااعرف ويامن كنت مغمضه عيوني
سويت نفسي نايمه
كامت طبكت الباب ورجعت خلتني بحضنها ...
...
يتبع...
#قصه سماره@
بارت ٤٤