#الضياع 🔞

قصه سماره /٤٠

#الضياع ٤٠
#قصه سماره@
...
بعد الحفله رجعنا لبيت عمو سعدون تقريبا بعد الساعة 10 بليل
الجو بارد كان بس بسام حاضنني بقوة طول الطريق محسيت ببرد
بس ماوصلنه دخلنه للبيت خجلت من  لهفه بسام عليّه بحيث ماخجل من الموجودين نهائياََ
سحب الطرحه من شعري وشمرها بالكاع وشالني وركض لغرفتنه
مااكدر اوصف مشاعري بس كنت أميره زماني سلمته نفسي بكل ثقه واطمئنان
لمجرد غلق الباب بدت محطه جديده من احلامي وامنياتي على مدى سنين مضت ..
بهرّني برجولته وملكني بحبه وشوقّه ورغبته ..
..
بحيث من اللهفه والشوگ حصرني بالسرير ماتأخر اقل من نص ساعة وطفر بسرعة تركني
متمدده خاف عليّه تأذيت
لبس الروب وفتح الباب صاح ماما وخالتو يجون دخلن يهلهلن وزينه بيدها دفّ وتهز وتركص وتغني الليله ياسمرة يسماره
واغنيه راغب علامة مغرم ياليل بسهر الليل ماتعبت من الهز والركص ...
لفيت جسمي بالفرشه خجلت من الكل
وشفت فرحه وبشرى بعيون الكل
دخل عمو سعدون خجلت أكثر لفيت نفسي وختلت ورة ماما
حضن بسام وبوسّه وباركله
اجه يمي باسني بكصتي وكلي
بارك الله بيج بابا رفعتي راسنه بيض الله وجهج
رغم ماخجلانه كنت بس فرحت لأن فعلا بيضت وجوههم ورفعت راسي بشرفي وعفتّي
...
««'تيقنت وتأكدت بأن البنت الشريفه اللي تحافظ على عذريتها حيكون نيشانها بليله زفافها وسام الها ورفعت راس لتربيتها واخلاقها كدام المجتمع والناس
شكثر تعرضت لمواقف من بدايه اعتداء عمو عماد ومحاولته اللي فشلت بسبب إدراك ووعيّ عندي
ورحمت ربي نجيّت منه
وبعدهه اشتغلت وتعرفت على رجال كثّر واحتكيت بالعمل بشباب ورجال مختلفين وسافرت دول ماضعفت ولاتنازلت وبقيت محافظه على نفسي لمثل هذا اليوم وفعلا صبرت ونلت وتكافأت أجمل واغلى مكافأة ..»»
..
ماما وخالتو اخذوني للحمام سبحت وبدلت قميص نوم يجنن وردي يلمع من زينه
وكل شويه يهلهن ورجعوني للغرفه شفتهم بدلو الفرشات والشراشف وزينه بدلتلي ومكيجتني مرة لخ
كأنما ملكة زماني بوقتها من كثر اهتمام الكل الزايد بيه
ظلينه تقريبا ساعه وحدنه بالغرفة خالتو جابت العشة وتعشينه سوه
وبسام بقه برة ماشفته بعد ظل ويه عمو سعدون وايمن تعشوا وحدهم بالصاله
زينه كل شويه تشاورني هيج سوي وهيج سوي صدگ خجلت
شفت ماما حليمه وجهه رجع احمر من الضحك والفرحه شكد كانت صفرة بالبداية
ومريضه بعد هالليله رجعت مثل قبل و ردّت روحها بعد ما ارتاحت وتطمنت عني ورجعت تضحك وتتشاقه
صارت الساعه بالـ 12 دخل بسام طردهن بمزح
كومن طلعن برة يله متشبعن من اللغي اريد انام ويه زوجتي حبيبتي ويّدفع بيهن
اني لفيت نفسي وتمددت اجه سحب الشرشف وكومني
بسام تعبت حباب الله يوفقك مابيه حيل بعد
كومني كوه ..
كومي سماره حبابه اروحلج فدوة
فتح الدولاب طلع كارتونه صغيره فتحه وشبكني وكعدني بحضنه
تدرين هاي شنو سمر !
ويبوس بيه
ضحكت شنو !
فتح الكارتونه طلع قفازات الثوب اللي لبسته من رحتله للفندق بسوريا والتراجي والكلادة اكسسواراتي اللي وكعت هناك
والورقه اللي كتبتله
"سامحني حبيبي اوعدك ارجع"
صدگ تعجبت
تفاجأت ...
.. لزمت صدري ودمعت عيوني
تأثرت ..
بعد من ضمن الأشياء اللي طلعها قراصتي البيضه اللي كان عمري ١٤ سنه ونزعها من شعري بالمطبخ !
حضنته وبجيت
كلي ..
اششش لاتبجين حبيبتي
بعد هالليلة ماكو زعل ولا اقبل تبجين ولا اسمحلج تعوفيني وتروحين لأي مكان لو تفكرين تتركيني بيوم من الأيام
مسحلي دموعي وباسني ونمت ليلتها بحضنه وعلى صدرة للصبح ..
الله ..
شكد دافي وحنون ورغم ماكان متملك ومتسلط بكلامه وتصرفاته سلمته نفسي وحبيت كلشي يسوي وكلشي يكوله اهم شئ صار هوه جزء مهم من حياتي ومستقبلي وأموت بدونه ..
..
بقينه كم يوم بالعسل خبلني بسام يتعارك وياي ويزعل اذا اعوفه دقيقة
عرفته ماخذ اجازة شهر من الجريده توسلتله نطلع لو نسافر أي مكان رفض كال خليني هنا اشبع منج واعوض سنين اللي هجرتيني بيها
زينه وايمن رجعوا للأردن
مرّ اسبوع مليت من كعدتنا بالبيت واخاف اطلب من بسام نطلع لونسافر يضوج ويزعل
لحد مانقذني بابا غسان من زارنه بالبيت وعزمنه على سفره لبيته بالجزائر على حسابه هديه زواجنه
صدگ فرحت لأن تعودت على السفر وبسام خنكني بالغرفه بذني الكم يوم وفرصه نتسلى
طلبت من ماما ترافقنه مقبلت كالت ماما عندي علاج ومراجعه لدكتوري وخاف اضايقكم انتو عرسان تونسوا اخذوا راحتكم
بس اتصلوا عليه بالانترنت وطمنوني على طول وخصوصاََ كان اتصال الأنترنت متتطور بين الدول بعد سنه الالفين
..
من الصبح ودعنه الكل واخذنه جنطنه والحاسبه وياي
وتوجهنه للميناء وكانت اول سفرة اللي ويه حبيبي بسام بالباخرة
كلشي محجوز مسبقا الغرفه كلش حلوة أجته من الله لبسام كضاها بس نوم ومخلصت منه بالعكس زاد بعد اكثر بحيث مخلانه نطلع لبرة ونشوف البحر
مااعرف بالبداية حبيت تصرفاته كعاشق جنوني وغيور
كلت يمكن لأن بالبداية ومفترقين سنين عذرته واحاول مابين اله بتصرفاتي لحد ما بده من يزعل يضوجني كلش أحسه داينتقم مني لو يعاملني كأني ملك إله ومن حقه يتحكم بيه ومن واجبي السمع والطاعه
حاولت اتجاهل اخطاءه ومااحاسبه
حتى لايسوي مشاكل وتخرب السفرة
وصلنه للميناء بالجزائر الأب غسان محضر كلشي سيارة نقلتنه لبيته والكل منتظرني هناك استقبلونه زوجاته واولاده وبناته وزوجات ابناءة واحفاده سلمت عليهم كلهم وفرحوا بينه
الاجواء كلش حلوة وبيتهم كبير وحدايق بي كثيرة مو حديقه واحده
قضينه اليوم كله بالتعارف والترحيب ومحضرين كيك وحلويات لأن وصلنه العصر
حسيته لـبسام كلش متضايق وممرتاح
غيران ومنزعج مااعرف شبي !!
رغم ماكان مكضيها بالباخرة بس نوم
طلبت من البنات يحضرلونه غرفه نستراح اخذتنه زوجته لبابا غسان دخلتنه للغرفه خلينه الجنط
بعدني ماسديت باب الغرفه
لزم ايدي بسام جرها وعصرها حيل فاجأني !
آااي بسام على كيفك شبيك !
حجه بهمس حتى لحد يسمع
هنا جنتي متخبية !
هنا سمر طول خمس سنين مخليتنه متخبلين علمودج
و ندور وراج ومحتركين عليج وانتي خاتله هنا !
...
يتبع ..
#قصه سماره@
بارت ٤٠
"""استطلاع للرأي ..
"ماهو رأيكم بالحوار بين الشخصيات من سرد وتفاصيل دقيقه
استمر بهالاسلوب
لو اختصر بالأحداث ؟""
..