#الضياع ٤٥
#قصه سماره@
ّ..
أحلامي متداخله مع بعضها ماادري شنو شفت بمنامي لمجرد فزّيت من النوم نسيت كلشي حلمت بي بس بالي بقى مشوش ودايخه راسي يوجعني
وعيّت أكثر وانتبهت لكيت ماما حليمه غافيه بصفي
الغرفه ظلمه نزلت من السرير وتلمست الساعه بال 2 بليل بعد وكت
تسحبت بهدوء كلت أرجع غرفتي خطيه بسام اكيد محترگ هسه مقهور وغاضب لأن عفته واكيد متحلفلي
شلت هم شلون حراضيه أدري بي صعب يتراضه
فتحت باب الغرفه دا أنزل
سمعت صوت رجلين أحد دا يصعد للسطح !
زين الدنيا ليل والجو بارد منو هذا !
بس لا بسام حبيبي !!
رجعت بسرعه اخذت مشمر صوف من ماما لفيته فوك ثوبي كنت لابسه ثوب رصاصي ردن طويله والثوب هم طويل
وطلعت من الغرفه صعدت شفت واحد متلفلف ببطانيه حتى رأسه
ومتوجه للسياج مال البالكونه يعاين للشارع والشجر
تقربت اكثر حس بيه والتفت
استغربت من شفته وحجيت بهمس
سمييير !!
كأنما فرح من شافني فتح ايديه واشرلي اجيت يمه شبكني بلهفه
ولفني وياه بالبطانيه
الجو بارد كلش بشهر آذار بالنهار ربيع بس بليل برد ومرات مطر بس الليله الحمد لله ماكو مطر
بس غيم سودة متفرقه وبرد
المهم ..
بعد ما تلفلفت وياه بالبطانيه
شبكني وظل ينافت ويشم بيه راد يبوسني !
وخرت عنه وجنت احجي بهمس خفت أحد يصعد ويسمع
سمير فدوة لا ...لاتسوي هالتصرفات شنو معناها ..لا ...لاتبوسني ....
ارجوك
وخرته ..خلينه هيج بيننا بس احترام واخوّة
عصرني وانقهر من كلامي
كلي سماره مشتاقلج بجنون تدرين شسويتي بيه من رحتي !
توترت وخجلت منه
ماادري شصار بيه بس صارت عندي رغبه وياه
حاولت اسيطر على نفسي
سمير ارجوك انسى الماضي اني احبه لبسام ومستحيل اخونه
هه بسام اللي عافج وتزوج الامريكيه !!
وانتي خطيبتي صرتي بوقتها يعني لو متزوجين تدرين كم طفل عدنه هسه ! دفعته لأن لزگ بيه كلش وخفت منه وخفت من نفسي اضعف كدامه
اصلاََ اني ضعفت وبقيت ارجف
سمير الله يخليك انت تدري كلش زين اني احبه لبسام من البداية وگلبي ملك اله من هذاك الوقت اللي خطبتني بي اقصد دبرولنه ها لارتباط
ولحد هسة اعشقه اموت عليه
ولو كنا متزوجين صدكني مترتاح وياي لأن گلبي ويه غيرك دا تفهم !
سحبني وخله كصته على كصتي
تحسر
ااااخ منج سماره دمرتي حياتي بكل الأحوال سواء تزوجنه أو لا
وخرت عنه ورجعت لورة بعد مااكدر ابقى يمه
...
لا ...
لا سمير اسفه سامحني ..
عيش حياتك والله يعوضك ....
عفته ورحت ركض نزلت الدرج وگلبي بي سكينه مغروزه واحس بنغزة موتتني
كلت هسة اكيد جرحته بس لازم اتصرف هالتصرف احسن النه اثنيننه لانرتكب خطأ يدمرنه ويضيعّنه ...
فتحت باب غرفتي ودخلت بهدوء شفت منظر بسام نايم عريان ومطشر المخاديد
بالكاع خطيه حبيبي اكيد انتظرني ويأس
نزعت ملابسي ورغبت بي كلش
وخاصه بعد تصرف سمير وياي حرك عندي مشاعر غريبه نمت بصفه وبديت امرغله وابوّسه انتبهلي وكلب على بطنه وظل يتدلل ويتعزز
بس عرفت شلون ارضّيه خبلته بحيث ظل متفاجأ من لهفتي عليه .. بقينه الليله كلها للفجر متفاعلين
عوضت حرماني ورغبتي
وكلمات سمير وآهاته وانفاسه ببالي وخصوصا قبل خمس سنوات من كلي اني بنظرج جاهل ومااكدر ارضي رغبتج الجامحه..!!
كل كلمه ببالي ومانسيت اي شي من الماضي تمنيت لو ما اعشقه لبسام جان سلمت نفسي لسمير خطيه تعذب بسببي وميستاهل هالعذاب ..
بعد الليله هاي بسام تعود على الدلال واني مقصرت وياه بالعكس اتفنن بأغراءة ومتعته...
كلي بعد كل ليله صعدي يم خاله حتى تجيني هيج مشتاقه وملهوفه لو يدري شنو سبب لهفتي عليه رغم حبي اله بس سمير أثر بيه وحسسني بشعور غريب ..
الصبح بسام جابلي الفطور للغرفه
كعدني كوّه
نعسانه حبيبي عوفني حباب
إجه شبكني وظل يبوس كومي حتخلص اجازتي وشبعي نوم من اروح للعمل
تجاني على المخاديد وراي
وخله الصينية كدامي بيها عصير برتقال وقيمر ومربه وصمون توست
كلي أميرتي انتي وحبيبتي
حتى فطورج شوفي جاهز
وبده يوكلني بيده وكل لكمه يبوسني وفرحان من اللي صار بيننا البارحه حتى ماعاتبني لأن شمرت المناشف ببوجهه ونمت بغرفه ماما !
بس اني كنت احس بضيق وممرتاحه سألته منو برة موجود لأن بعدني ما طلعت حتى للحمام ماريد اشوفه لسمير بعد كلامنه واللي صار البارحه
جان دا ياكل وياي ويحجي
حبيبتي ماكو احد بابا بالعمل وماما بالمطبخ وخاله بالمدرسة
استغربت !
وسمير وزوجته !
طلعوا من الفجر الظاهر سمير حاجز من الليل
بحيث رجع بسرعه وملحكنه نودعه
من كال هيج نمرد قلبي مّرد
وحسيت بتأنيب بداخلي ...
...يتبع ...
#قصه سماره@
بارت ٤٥
أنت تقرأ
#الضياع 🔞
Romansقصة سماره بنت عراقيه بريئه تلاطمت بها الآثام والشهوات في مجتمع متعدد الأديان والأفكار
