حبيتها المجرمة

انتقال

نزلو من السيارة ومريم مرعوبة.. : فرح.. خلينا نروح الله يخليكي.. ما بدي انزل خايفة..
فرح بعصبية : خلص قلتلك لا تخافي... منشتكي عليه ومنطلع.
مريم: بس عم يقلك وثائق..
فرح: جنيتي انتي ؟؟ اكيد مزورة.. هلق بتشوفي.. لا تخلي الخوف يحدد مصيرك لو كل ما ننخاف منتراجع بيتاكل حقنا قدام عيونا وما منحكي وانا ما برضى حدا ياخد حقي مني..
مريم : بس يا فرح الساعة..
فرح : لو شو ما كانت الساعة بدي اشتكي..
دخلو المركز وطلعلهم عسكري وقال : تفضلي يا اختي خير؟؟
فرح بغضب : بدي اقدم شكوة.
العسكري: ثواني بس.
راح العسكري ورجع دخل طلال : انا الضابط طلال خير شو المشكلة.؟؟
فرح: بدي اقدم شكوة..
طلال حس نفسه سمعان هل صوت من قبل.. قال : عطيني اسمك الاول..
فرح: فرح عبد المحسن..
طلال : مو انتي اللي ابوك.. ؟؟
قاطعتو : بدي اقدم شكوة يا حضرة الضابط..
طلال: دقيقة وراجع..
مريم بهمس: فرح شو رايك ندق للضابط اللي كان عم يساعدنا.. من فترة..؟
فرح : ادم؟؟ مستحيل..
مريم : ليش؟؟.. عل الاقل هو بيعرفنا ورح يساعدنا.
فرح: لو شو ما كان مستحيل ندقلو.. ولا تحاولي معي لان ما رح ارد عليكي..
بوزمت مريم.
راح طلال عل مكتب ادم وقال : ادم ادم.
ادم للي كان متكتف ومغمض عيونو :همم.
طلال : احزر مين عنا.. ؟؟
ادم بعدم اهتمام: مين.. ؟؟
طلال: فرح بنت ابو فرح اللي انسجن قضية شرف..
ادم فتح عيونو وكان بدو يقوم بسرعة بس اتزحلق ووقع هو والكرسي..
طلال: بسم الله بسم الله.. شبك شو صرلك يا اخي شوي شوي.. ؟؟
ادم وهو متالم وحاطط ايدو عل ضهرو : شو بدها ليش جاي بهاد الوقت..؟
طلال : قال بدها تقدم شكوة..
ادم تعدى طلال بسرعة وهداك منصدم منو راح وقف عند مكتبه زر الجاكيت.. وظبط شعرو ولبس قبعته.. وراح لمكتب طلال..
ادم : السلام عليكم..
التفتت فرح وشافتو وغمضت عيونها بقوة.. و قالت: وعليكم..
ادم: خير شو المشكلة؟؟
فرح : الضابط اللي كان هون وينو؟؟
ادم: هاد مكتبي..
فرح وهي عم تقرا الاسم: بس هون مكتوب طلال وانت ادم..
نكزتها مريم وقالت: خلص يا فرح قوليلو هو بيساعدنا..يلا
دفشتها فرح.. وزورتها..
ابتسم ادم وقال بصوت حنون:شو المشكلة.؟
تنهدت فرح وقال: عمي تعدى علينا في بيتنا وقلعنا وقال انو هاد البيت بيتو.. وطردنا منو..
ادم : عمك؟ اخو ابوكي..
فرح : اي..
ادم تذكر يوم المحكمة لما دق ابو فرح عل شخص رد عليه بقسوة قال بصوت منفعل: قوليلي اسمو...
قالت لاسم..
ادم : وينو هلق بتعرفيه شي مكانو.. ؟
فرح: ببيتنا..
ادم : انا رايح دقايق وجاي.. وانتو خدو راحكتم هون ما حدا رح يدخل عل هي الغرفة..
اخد مذكرة التوقيف وطلع.. راح عل بيتهم وطرق الباب بقوة وانفتح وطل منو رجال باين عليه النوم..
ادم بصوت مقهور : انت....
ابو راين: اي نعم انا.. خير. ؟؟
ادم : انت موقف بشكوة..
ابو الراين بحقد : اش الشكوة.. ؟؟
ادم : بنات خوك..
اببو الراين : بنات الكلب..
تماسك ادم واخدو معو عل السيارة وتمنى لو يحطو ويقتلو بارضه بس ما بيقدر.. وصلو عل المركز..
وابو الراين تطلع بفرح: اشتكيتي يا فرح.؟؟
فرح: ليكون بدك ياني اسكت عن حقي.. ؟؟
ابو الراين : والله لا..
قاطعهم ادم : سكوت واي كلمة تانية بحطكم بلحبس..
وبعد نص دقيقة.. : عطيني هويتك لو سمحت..
عطاه ياها.
ادم بحزم : في شكوة من فرح ومريم عبد المحسن.. انو انت اعتديت عليهم في بيتهم وطردتهم من بيتهم.. بحجة انو البيت الك صحيح اولا.. ؟؟
ابو الراين : اولا انا.. ما..
ادم بصراخ: صحيح او لا.. ؟؟
ابو الراين بخوف: صحيح..
ادم : ممكن اشوف الثبوتات.. ؟؟
قدم الاوراق لادم..
فرح بانفعال: كلهم تزوير.. وانت جاي تتبلى علينا..
ادم : الاوراق كلها صحيحة وما فيها شي. مزور..
فرح وقفت : كيف يعني؟؟.. انا متاكدة انو هاد البييت بيتنا... هو عم يتبلا..
ضرب ادم اطاولة بايدو : لو سمحتي. احكي بهدوء
ابو الرين : بقدر اطلع مو.. ؟؟
ادم : اي بتقدر..
فرح: لا لا كيف بيقدر يطلع.. ادم لا تخليه يروح هو قلعنا من بيتنا.
ادم : اهدي يا فرح الورق مو مزور وبلفعل البيت الو..
فرح قعدت وحطت ايديها عل راسها: بس كيف هيك ابوي ولا مرة ما قال ان البيت مو ملكنا.. ؟
ادم : والله ما بعرف شو بدي اقلك بس هاد اللي صار..
فرح : شو يعني.. ؟؟
ادم بهدوء : هو معو اوراق تثبتلو انو البيت الو.. انا مصدقك انو البيت بيتك بس القانون معو... واقف معو.. انتي ما معك اثباتات انو البيت ملكك..
فرح بصدمة من هل مصيبة للي نزلت عل راسها: حسبي الله.. قومي يا مريم..
ادم : لحظة فرح؟؟
فرح : نعم.. لسا في قانون ما تطبق..
ادم بطولة بال : وين رايحين.؟؟
،فرح : ما بعرف..
مريم : كيف يعني وين ننام.. ؟؟
فرح : شششش ولاكلمة..
سكتت مريم من عصبية اختها..
ادم: فرح لا تتهوري.. قعدي شوي..
فرح : ما بدي اقعد يا اخي ما لك دخل فيني..
ادم : طيب بس دقيقة الساعة 2 الفجر..