حبيتها المجرمة

طلاق..

طلع ادم من عند عمتو وهو مفور منها..
سيف : خلص استهدي بالله..
ادم : انا ما رح ارتاح لحتى اعرف من الحقير اللي عمل هل عملة الوسخة.. وقسما بالله لاقتو واشرب من دمو..
سيف بعصبية : كيف يعني لتقتلو.. مو حضرتك شرطي.. في شرطي بيقتل..؟؟ بنت عمتك هي الوسخة هي اللي ورطت حالها هي كبيرة وبتعرف مصلحتها ما حدا ضربا عل ايدها... خليها تصحى وبعدين منحكي باللي صار وكيف بدنا نخفي هل فضيحة..
هز راسو ادم بعدم اقتناع وراح عل المستشفى لعند مرتو..
دخل قالت فرح بخوف : خير ادم.. كل شي تمام.؟؟
ابتسم ابتسامة صفرا.. وما حب يرعبها فقال : ولاشي حبيبتي لا تشغلي بالك مشكلة بسيطة مع زوج عمتي وانحلت..
ام سيف : اكيد ابني انحلت؟؟
ادم : اي امي انحلت..
تطلعت مريم بسيف اللي كان واقف خلف ادم.. وحست انو في كذب بلموضوع.
طلعت لبرا وقالت: سيف ممكن تجي معي لتساعدني نجيب قهوة للكل..
سيف هز راسو ولحقها..
مريم : شو صاير؟؟
سيف : متل شو؟؟
مريم : ما بعرف انت قلي.. انت مو عل بعضك..
سيف تنهد.. فكملت مريم : معناها في شي؟؟ شو صاير؟
حكا سيف لمريم كل شي.
شهقت مريم بصدمة من كل هل قصة.. وقالت: يعلي عليك يا عمي... حسبي الله ونعم وكيل.. طيب ليش ما قلتو لخالتي يمكن تزعل اذا ما قلتولا.. ؟؟؟
سيف :بدنا نقلا بس ما حبينا نحكي امام فرح ولدانة جديد ورح ياثر عليها اقل شي..
هزت راسها باقتناع.. حل الصمت لدقايق.. خلال مشيهم.. لحتى قطع عليهم صوت انثوي... : سيف... ؟؟
التفتو تنيناتهم.. وشافو خطيبة سيف القديمة نرجس..
سيف بصدمة: شو عم تعملي هون؟؟
اختفت ابتسامتها واعتدلت بوقفتها وهي عم تطلع بمريم... : جيت ابارك لفرح..
سيف: طيب غرفتها بهداك الكوريدور..
نرجس : طيب ممكن نحكي كلمتين عل انفراد.. ؟؟
سيف : مو هلق مو فاضي.
نرجس: وين رايح انت هلق؟؟
سيف : اجيب قهوة
نرجس بابتسامة: لكن بروح معك..
سيف تافف بملل.. ومشي بهدوء... ولحقتو نرجس اللي تطلعت بمريم نظرة حسستها انو هي دخيلة..
مريم قلبها وقف من القهر.. وقالت بسرعة : لكن انا رح ارجع عل الغرفة.. بانتظارك هنيك...
سيف وقف وتطلع فيها.. وقعت عينها بعينو.. بس صدم مريم لما قال : اوكي
وكمل مشي ولا كانو كانت...
رجعت مريم عل الغرفة وهي ممتلية بلخيبة..
قعدت بين الناس بس كانت مغيبة.. عم يحكو حولها وما عم تسمع... عقلها معو.. شو عم يعمل؟؟ شو عم يحكو؟؟ ليش هيك عمل؟؟ ولسا بيلومني لما بكون جافة معو.
انقطعت سلسلة افكارها لما دخل سيف ونرجس..
تطلعو الكل بصدمة..
وما حدا علق.. قربت نرجس من فرح وبوستها وقالت: حبيبتي يربى بعزكن ودلالكن...
ابتسمت فرح بحرج وقالت: تسلمي..
قعدت نرجس جنب ام سيف.. وهي عم تاخد وتعطي.. وكلشي..
مريم تطلعت بسيف شافتو جامد ما عم يحكي شي.. ولا تطلع فيها ولا قال شي.. يمكن فقد اهتمامو فيها.. او هي كانت عم تتخيل انو كان مهتم فيها... ما عاد تعرف هي شو عم تحس..
انتبهت فرح لحزن اختها بس حبيت تخبي الموضوع ليكونو لحالهم..

راين كان عم يدخن سيجارة والكاس جنبو... ومعصب..
راين : ما صار شي.. ما صار شي.. ما حدا عم يحكي شي..
مازن: اتصل فيها
راين : اتصلت ما عم ترد ش صار معها يا ترى.. المفروض يكونو قتلوها وينحطو بلسجن..
مازن : اتصلت فيها؟؟
راين: ما عم بترد الحقيرة..
دخل شغيل عندو باسرع ما عندو.. وقال: معلم عرفت مكان البنت... هي هلق بلمستشفى.. عملت حادث مع الزبون الاخير.. وابوها لما عرف مات.. وولاد خالها هنن اللي متكفلين بلقصة..
وقف راين بحماس وابتسامة شيطانية مزينة وجهو.. : صار وقت التخريب..