حبيتها المجرمة

شي مخيف

ام خالد :فرح انتي اهلك وين؟؟
فرح تطلعت بام سيف بصدمة.. ضحكت ام سيف ضحكة مضطربة وقالت: والله هنن د..
قاطعتها ام خالد : شو ليش فرح ما عم تحكي ولا هي خجلانة.. ؟؟
فرح : لا خالتو مو خجلانة لما يكون في ناس كبار بلمجلس عم يحكو شو في داعي انا احكي...
ابتسمت ام سيف عل ذكاء فرح.. بس ام خالد ما سكتت : اي انا سمعت سمعات مو منيحة عن والد.. شو؟؟ خبرينا...
ابتسمت فرح وباعتها وقالت: اللي موصلك الاخبار مو عرفان يوصلها..
انا والدي بلسجن ولمدة خمس سنين.. والتهمة جريمة قتل.. لانو كان عم يدافع عن شرفو.. وبنظري وبنظر المحقق اللي تولى القضية ويلي هو زوجي ادم ما في جريمة وكان ولازم يتكرم بدل ما ينسجن بس الدنيا هيك..
تبوزمت ام خالد وما عرفت شو بدها تحكي.. بس نطت بنتها روز الحقودة وقالت لفرح: اهااا يعني انتي وادم تعرفتو عل بعص بعد المشكلة.. اممم بيعني هاد الشي انو انتي اللي خليتي حالك متوفرة لحتى ادم تزوجك..
فرح : شو قصدك.. ؟؟
حطت روز رجل عل رجل وقالت بخبثنة: انتي اللي اغويتيه.. ؟؟
ام سيف : الله يهديكم شو هل حكي...؟
فرح بنت والنعم منها ادب واخلاق وبتنشرى بلالماس..
فرح فورت وما عرفت كيف سكتت حالها.. راحو عل السفرة.. وبلشو ياكلو وفرح كانت عم تاكل مجاملة لانو انسدت نفسها عن الاكل وفجأة تذكرت وقت اللي قلها ادم عن هي المواقف..
خلصو اكل وشربو شاي وقعدو يسولفوو.. وفرح واختها ما عادو حكو مع ام خالد وبناتها ابدا...
رن تلفون روز قامت لداخل..
وردتت.. : لك شوو حبيبي.؟؟
..: وينك اانتي يا عمري؟؟
روز : عند بيت جدي مو قلتلك هيك...
..: طيب انا شتقتلك..
ابتسمت بحلم : وانا اكتر يا روحي.. خلص بس يروحو الناس بحاكيك...
..: اوك بحبك..
روز: انا كمان..
وسكرت وابتسمت ورجعت عل الصالون. وشافت فرح عم تبتسم للعمة عناد وعم يحكو..
قربت وقعدت بينهم بلنص : اي شو بتحكولنا. ؟؟
قامت فرح بدون ما ترد.. فقالت روز بحقارة: ليكون انزعجتي ؟؟
فرح رسمت عل شفايفها ابتسامة صفرا والتفتت عليها : لا حبيبتي بس اول ما قعدتي جنبي اجتني ريحة كتيررر بشعة وما قدرت اتحمل فطالعة اخد هوا نضيف وارجع..
وعطتها ضهرها وطلعت.. وصلت عل الشرفة وحطت ايديها عل السور وضربتو بقوة.. طالعت تلفونها من جيبها وكانت رح تدق لادم بعدين غيرت رايها وقالت انو هي مو ضعيفة لحتى تلتجئ لحدا رجعت التلفون مكانو.. ورجعت شعرها لورا والتفتت لتدخل..
وفورا انخرطت بشي حديث رغم انو كانت معصبة بس تمالكت نفسها.
اجو الرجال.. وسلمو وقعدو شوي.. وبعدين راحو.. بس ادم حس انو فرح متغيرة عليه ليكون قالولها شي يزعلها هو يعرف عماتو.. وبيكره تصرفاتهم.. وما حكا ولا شي.. وطول الطريق للييت كان عم يتطلع بلمراي عليها وهي عم تطلع بلشباك بغضب..
ولما وصلو كل واحد راح عل غرفتو..
ادم بعد ما تروش.. قعد عل سرير وتطلع بفرح وقال: فرح.؟
فرح اللي كانت عم تمشط شعرها: امم
ادم : يعني انا حاسك مو عل بعضك..
فرح: ليش؟؟
ادم سكت شوي بعدي قال: قالولك شي مزعج شي.. ؟؟
حطت المشط عل الطاولة وقالت: لا.. بس قالولي ابوكي شو تهمتو.. وتعرفتي ع ادم بعد ما فات ابوكي عل السجن معناها اغويتيه.. ومن هاد الحكي..
ادم عض عل شفتو: انا بعتذر عنن.. هي طباعن بكرهها وما بيغيروها ابدا..
فرح قامت قربت لجنبو : اصلا انا اخر همي.
وانسدحا بلسرير تحت ناظر ادم اللي رفع الحرام واندس جنبها وضمها من الخلف..
مريم بعد ما تروشت وجهزت نفسها للنوم ..قامت لتجيب قنينة مي وتحط دواها جنبها..نزلت عل المطبخ بهدوء.. وفتحت البراد.. بس سمعت صوت حركة حولها ورفعت راسها عن لبراد وتطلعت بللي واقف عند الباب.. وعم يتطلع فيها بدون وعي..
مريم بتوتر: شو عم تعمل هون؟؟
هز راسو بحركة سريعة والتتفت: انا اسف.. بعتذر.. كان بدي اكل انا جوعان..
ما قصدي رعبك..
مريم بخوف بلعت ريقها وتطلعت حولها شافت منشفة طويلة اخدتها ولفت شعرها.. وقالت : فيك تفوت...
دخل.. وصار يطلع الاكل تحت نظرها وزعلت عليه لانو ما في شي متل العادة.. قربت وقالت : رح اعملك شي تاكلو..
سيف ابتسم: بكون ممنونك...
قعد علالطاولة وتاملها وهي عم تعمل اكل..
بعد ربع ساعة عدو عليه ربع دقيقة.. كانت سفرتو جاهزة.. قالت : صحة وهنا.. وتصبح عل خير.
سيف بلطف كبييير : وانت من اهلو..
وطلعت وهي بكل البراءة اللي جواها عم تتمثل امامها وكانت متطمنة لانو عل حسبتها خاطب..

تاني يوم صحي الكل.. وكلن كانو كسالة.. وتعبانين... فرح تعبانة من الناس وملت وقرفت من انو تبرر لحدا. وادم تعب من كتر ما عم يحاول يلاقي طريقة ما يحسسها بلغربة.. وام سيف تعبت من هل مناسبات اللي كفتت عليهن..وسيف تعبان من هل نار اللي عم تشعل بقلبو كل ما يشوف مريم.. اما مريم فهي الوحيدة الحيوية فيهم.. نزلت وسقت الورد.. وعملت الفطور مع الخدم
وقعدو عل طاولة الفطور كلهم.. ومريم متحمسة وهي عم تشرح لاختها عن اول يوم رح تقضي للجامعة..
فرح تركت المعلقة : شلون يعني بدك تروحي لحالك..؟؟ لا ما رح خليكي..
مريم تاففت: يعني صرت طالبة جامعية وانتي لسا بتعامليني متل الولاد..
فرح بنبرة حنونة: يا مريم انتي مسؤوليتي كيف بدك ياني اتركك بلكي صار معك شي..؟؟
مريم: شو بدو يصير يعني.. خلص فرح تركيني اتعرف عل الحياة لحالي..
فرح باستسلام : اعملي اللي بدك ياه..
سيف اللي ما علق ولا قال اي كلمة شجع نفسو وقال: مريم انا طريقي بمر من لمدينة الجامعية شو رايك وصلك بطريقي.. ؟؟
ابتسمت بحماس وقالت: شكرا كتيرر..
وبعد ما خلصو طلعت مريم وتجهزت..

اما عند مكان تاني بيت فيه تلات نسوان بس ما بينذكر فيه اسم الله الا بلحلفان..
روز كانت مستلقية عل سريرها وعم تلعب بشعرها وعم تحكي عل التلفون..
روز بدلع : اي خلص حبيبي.. خجلتني
..: يقبرني الخجول..
روز : حبيبي ايمت رح تجي تخطبني. ؟؟
.. : وحياة عيونك عم لمح لامي... بس ابوي معو مشاكل صحية بدي انتظر شوي بس لحتى تصير صحتو افضل... ان شاءالله اول شي رح اعملو انو اخطبك..
روز : رينو.. يعني اديش بدك وقت؟؟
راين: يعني شي شهر... بس وينك؟؟ خلال هل شهر ما بدي تحرميني منك.. بدي شوفك... اوك؟؟
ابتست : اوك...

ادم : اميييي
ام سيف : نعم.؟؟
ادم : تجهزو رح اخدكم بعد صلاة لضهر.. نانتي عاملة حفلة بمناسبة نجاح بنت عمتي..
ام سيف : مشي..
خبرت فرح اللي طبعا مزعوجة كتير لانو شو رح ياخدها وهي امبارح كانت مفورة.. من الكل.. واختها مو معها..
طلعت وهي ساكتة ووقفت امام خزانتها وشردت..
يا ترى شو رح يعملو معها..كيف هي لازم تتصرف معهم..
هل مرة ما لازم تسكت لحدا وما بيصير تغلط لانو ما بدها تزعل ادم اللي طول الوقت عم يبررلها ويطلب منها تروق عليهم..
ما حست الا ضهرها ضرب بصدر ادم ونزل راسو لجتب ادنها وهمس : بشو شاردة حبيبتي.؟؟
حطت ايديها عل ايدو : شاردة فيك مثلا؟؟ ابتسم ادم : عنجد شاردة فيني؟؟
ضحكت والتفتت لامامو ورفعت ايديها. عل رقبتو وابتسمت بلطف : في غيرك؟؟
ادم ابتسم بحب : تقبري قلبي..
فرح : بعيد الشر عن قلبك ادم.. لا تحكي بهي السيرة هيك..
ابتسم : رح نزعلي اذا صرلي شي؟
فرح نزلت ايديها وعبست وقالت : انا بتشاأم من هل حكي لا تحكي هيك لو سمحت..
كور وجهها بين ايديه وباسها عل جبيها...

دخلت فرح وهي راسمة ابتسامة لطيف.. وانبسطت لما شافت عمت ادم اللطيفة جاي.. سلمت عليها وبوستها.. وضلت طول الوقت تحكي معها..
حطو السفرة وقعدو ياكلو...
وكلهم صامتين... لحتى تجرأت روز وقالت وهي عم تلعب بمعلقتها : سو فرح كيف تعرفتي عل ادم..
نزلت فرح معلقتها وهي عم تطلع بروز بقهر: الصراحة..
وابتسمت ابتسامة مستفزة.. : انا وهو..
اندق الباب.. قامت اخت روز. وفنحت الباب.. وكان ادم.. ابتسم لما شاقهم قاعدين عل السفرة.. اجت ام سلطان.. : تعال لجنب مرتك..
ابتسمت فرح وهي عم تطلع فيه.. : تعال كانت روز عم تسالني كف تعرفنا عل بعض..