حبيتها المجرمة

بالي..

قاعدين سارة وفرح ومريم بغرفة سارة...بعد ما اصرت انو يدخلو عل غرفتها ويتفرجو معها علالمسلسل..
سارة : ولييي انكسرت رقبتي 10 حلقات فرد دفعة..
فرح: لا ياربي ليش ليموتو البطلة..؟؟قلبي عم يرجف..
مريم  :لا لا بطلة هي شلون ليموتوها..؟
سارة : عادي عندن بيموتوها وبيحطو وحدة جديدة..
سارة كملت بعد فترة : اجيبلكن شوي مشروبات..
مريم : اي اي جف حلقي من المسلسلات..
قامت سارة بس التوت رجلها.. وصرخت بقوة : اااه رجلي عم توجعني.
مريم برعبة: شبك.. ؟؟
سارة : ما بعرف التوت رجلي..
فرح : شو اعمل.. ؟؟
سارا ببكا : دقي لادم.. دخيلك..
دقت فرح بس ما رد.. رجعت حاولت ورد عليها.. : ادم تعال بسرعة.. سارا التوت رجلها..
وقف ادم وتطلع حوليه هو مشغووول كتير..
ادم : طيب طيب رح ادق لخطيبها يجي.. باي..
دق ادم لخطيب اخته.. وهو دكتور.  وقله.. وهداك يا حرام طلع متل المجنون من المشفى.. وراح عل بيت... فتحتلو الخدامة وركض عل غرفتها دق الباب.. ودخلو البنات عل غرفة الملابس..
قعد قدام رجلها : شو صار؟؟
سارا: ما بعرف رجلي التوت.
سلطان : ثواني.
لف رجلها مرة ومرتين وبعدها طقت.. صرخت بالم وصارت تبكي..
قال : بلا دلع..
سارا: اااااااه عم توجعني..
سلطان ببرود : وقفي عليها..
وقفت بهدوء.. سالها: عم توجعك.. ؟
سارا : لا...
سلطان : اي مرة تانية لا تناديلي هيك وترعبيني عل اساس زعلانة والله عملتي كل هاد من شان اجي واصالحك..
سارا: لا ما عملت شي وانا ما دقيتلك..
سلطان وقف وقال : يلا سلام.. انا رايح عندي شغل.. بدي بوسة.
سارة : ما في.. يلا روح..
طلع سلطان وهو عم يتمتم..
طلعو البنات وقالت فرح بابتسامو: والله مالك قليلة..
سارا: الرجال بدن شد من البداية.. ههههه لك نسينا لمشروبات.. رايحة اجيبن..
فرح : لا والله التوت رجلك بسببنا.. انا رح جيبن انتي بس قوليلي وين... ؟؟
سارا : من التلاجة الفضية.
طلعت من الغرفة وهي لابسة بيجاما لطيفة ومبينتها حلوة..
نزلت من علدرج وما انتبهت عل اللي كان واقف بعتمة وتاملها وهي نازلة.. ما قدر يشيل عيونو وهي محلوة كتيييير شعرها طولان.. وبشرتها هادية وملامح وجهها تنم عن هدوء عكس البراكين اللي بتفتعلها.. قدامو..
شغلت اللايت.. التفتت عل الصالون شافتو عاطيها ضهرو تصنمت مكانها وهي متاكدة انو شافها.. وكانت بدها تبكي.. وهي خجلانة..
قال : سارا؟؟  ..مين؟؟
ما ردت..
قال   : هي انتي سارا.. ؟؟
كمان ما ردت حس حالو انكشف وقال : فرح..؟؟
قالت هي عم تطلع بضهرو: شلون عرفت انو هي انا.. ؟؟
ادم : انا ما شفتك والله..
فرح : انا.. انا..
تنهد وقال : بعدي بدي اطلع عل غرفتي..
عرج عل رجلو شهقت برعب. : شبك ليش عم تعرج.. ؟؟
حطت غطا الصلاة عل راسها وقربت منو. وقالت: شو صرلك.؟؟
تطلع فيها.. وقال: بعدي عني..
فرح بعصبية  : الحق علي عم بهتم..
وبعدت لتروح بس مسك ايدها نفضت ايدها بقوة وصرخت فيه: اياك ترجع تلمسني والا..
طلع قبل ما يسمع ردها..
راحت عل المطبخ جابت العصير ورجعت.. وكملت بقية السهرة وهي شاردة.
اما هو اول ما دخل غرفتو استند.. عل الباب.. بهدوء.. وعض شفتو.. وهو زعلان بقهر.. منها.. تذكر شكلها واتبسم بتخدر..وانسدح عل سريرو وتخيلها قدامو وعم تبتسم وتخيل نفسو قرب منها وحط ايدو عل شعرها اللي دايما بيتمنى يلمسو.. تنهد بتخدير وغير لبسو واستلقى عل سريرو وقضى الليل عم يفكر فيها..