حبيتها المجرمة

خبر روعة

بقية اليوم قضتو فرح بتشغل نفسها بشي... واجت اختها وحست انو في تغيير بفرح وسالتها والحت عليها بس فرح اعند من انو تحكي بسهولة.. مر اسبوع تاني بدون ما يشوفو بعض و ادم اتخذ قرار انو لبين ما تنتقل لغرفتو ما رح يشوفها لانو ما عم يقدر يمسك نفسو..
وبيوم السبت وقبل عرس سارا باسبوع كانو قاعدين عل فطور وبما انو الفطور كان عائلي.. اصرت ام سيف انو تخلي فرح ومريم يقعدو معهم عل السفرة كدليل عل انهم صارو من العائلة.. ابتسمت ام سيف وهي شايفة اهل بيتها كلهم متصالحين مع بعض.. وفجأة وبدون اي سابق انذار قالت ام سيف لادم: حبيبي.. شو رايك اخطبلك..؟
سعل ادم بقوة وعلقت اللقمة بحلقو وتطلع بفرح اللي ما رفعت عيونها من عل صحنها.. وزامة شفايفها بقهر..
شرب مي وقال : الله يهديكي يا امي.. هلق وقت اتزوج... ؟؟
ابتسمت ام سيف وقالت: لا تحكي انتي الوحيد اللي بلبيت لسا ما خطبنالك هي اخوك سيف كتب كتابو وعرسو قرب.. وهي اختك عرسها بعد اسبوع وانت؟؟ ايمت يعني بدي افرح فيكم كلكم باسرع وقت.. ؟؟
ادم تطلع بفرح ورجع تطلع بامه وظهرت ابتسامة علوجهو... وهو عم يقول لنفسه: وليييي لو تعرف امي انو انا اول واحد بين اخواتي تزوجت..
وقال لامو بمحاولة شوفة غيرة بعيون فرح: اوكي.. خطبيلي..
ام سيف بفرحة: عندي لك بنت بتاخد العقل وبتقول للقمر قوم لاقعد مكانك..
ادم وعيونو عل فرح: مين هي.. ؟
ام سيف : بنت خالتك..امنة... بنت ما شاء الله حسب ونسب وجمال واخلاق.. وترباية ودراسة..
ادم ترك المعلقة وتصنع الاهتمام وخصوصا وقت شافها عم تطلع بصحنها بغيظ وزامة شفايفها: اه اي صح والله بنت خالتي بلفعل حلوة
ام سيف بفرحة: اليوم رح يجو لعندنا.. شو رايك تشوفها وتحكو شوي.. ؟؟
ادم باستمتاع : اوكي..
وسيف وسارا ومريم تطلعو عل فرح وهم كاتمين الضحكة اما هي لبست قناع البرود ومثلتو باحتراف رفعت راسها وقالت لام سيف : اوكي خالتو.. معناها انا واختي طالعين اليوم شوي ننروح عل حديقة وهيك..
ام سيف : اكيد اكيد حبيبتي..
ابتسمت فرح وتطلعت بادم للحظة شافت عروقو بارزة من الغيظ..
والتفتت فرح عل سارا : رح ساعدك شوي قبل ما اروح.. انا بعرف بعمل حلويات كتير طيبين..
ابتسمت سارا: اوكي..يسلمو...
خلصو اكل وراحو ادم وسيف ورا امهم ليشربو شاي.. وراحت فرح خلف سارا..وعملت حلوياات كتيرة.. عملت كيك.. وتشيز كيك.. وكاستارد.. ودونات.. وكتييير طلعو طيبين معها والتفتت عل سارا وقالت: يلا حبيبتي انا رايحة الاكلات صارو جاهزين..
سارا: عنجد يسلمن خليلي قلبك..
ابتسمت فرح : ولو حب.. يلا باي..
اول ما طلعت دخل ادم وقال بحدة : وين الاكل اللي عملتو فرح؟؟
سارا اشرت عل براد ..قرب من البراد وهو معصب وفتحو بقوة واخد كل الحلو اللي عملتو وراح عل غرفتو.. لحقتو اختو بفضول لتعرف اللي عم يعملو.. شافتو حطن ببرادو لخاص.. استندت وقالت: ليش بلا.؟؟
ادم تطلع فيها : بلا... بدك ياني اخليكم تاكلو اكل مرتي اللي حتى انا لسا ما دقتو.. والله ما رح اخليكم.
سارا: واش لنطعمي الناس..؟؟
ادم : وصيتلك عل حلو من لمحل روحي خدي من السواق..
ابتسمت سارا وهزت راسها بقلة حيلة ونزلت لتاخد الاكل..
اما عند فرح...
كانت عم تروح و تجي بلغرفة وهي عم تعض اضافرها.. لحتى قالت مريم بقلة صبر:خلللللص دوختيني حاج تروحي وتجي.
قالت فرح بانفعال: شفتي الحقير عم يحكي عن وحدة تانية بكل هدوء وكانو ما في شي... والله لا.. لا.. لا.. لاطقلو رقبتو... والله لاخليه يحلم يحكي معي وما رح ارد..
مريم استندت : اي انتي اللي مو عاطيتيه فرصة يستمتع بزواجو..
فرح بعصبية : بلاااا. بدك ياني اعرض نفسي عليه هو اللي عامل زواجنا سري. انا ما دخلني..
مريم هزت راسها بقلة حيلة.. وكملت فرح: قومي قومي البسي خلينا نطلع نتمشى.. ترا انا معصبة واذا ضليت هون لاكسر الدنيا..
قامت بسرعة مريم لبست وطلعت.. ودخلت فرح لتغير لبسها.. بس اتفاجأت بباب الملحق عم يتسكر وينقفل.. وادم صار امامها.. وقال: بقا عم تستغلي.. انو انا ما بقدر احكي قدام امي.. وبدك تطلعي من لبيت بدون شوري..
فرح تخنصرت: والله حلال عل الشاطر..
ادم حط ايدو علذقنو: اممم قلتيلي حلال عل الشاطر.. طيب بتعرفي هلق هون بهي اللحظة بقدر اعملك زوجي بحق بدون ما حدا يحكي والي بيعترض بطالع العقد قدامو وبقلو حلال عل الشاطر..
ارتعبت من حكيو واصفر وجهها.. وقالت بعصبية : شوووف والله بصرخ صوت يقوم الدنيا عل راسك..
قرب منها بخبث: جربي..
فرح اختنقت واختنق صوتها من الرعبة وصارت ترجع لورا وهو يقدم منها.. لحد ما وصلت لعند الكنبة وقالت بصوت عم يرجف : ادم بعد.
بس ادم دفشها عل كنبة وقعد امامها عل الارض.. ومسك خصلة من شعرها ومررها باصابعو وقرب منها وشمها بقووة وغمض عيونو باستمتاع اما هي تسارع نفسها ووصلت دقات قلبها للمليون من حركاتو.. رجع شعرها لورا وقرب راسو من رقبتها ومرر شفايفو عليها. بدون ما يلمسها.. حطت ايديها علكتافو وقالت بصوت خلاه يجن : ادم الله يخليك..
رفع راسو وحط جبينو عل جبينها : ماني قادر تعبت.. تعبت كتير.
ارتعبت من كلامو.. وقالت: كرمالي بعد عني.. ولا تتهور..
غمض عيونه بعصبية ووقف وفتح الباب وطلع.. حطت ايدها علقلبها واخدت نفسها ولبست وطلعت شافت مريم برا وعم تكتم ضحتكتها..
فرح: ليش عم تضحكي.. ؟؟
مريم والابتسامة ما عم تقدر تخفيها: ما عم بضحك..
فرح: لا واضح.. ليش عم تضحكي..؟؟
مريم : احم.. شو عملتو انتي وادم جوا؟
فرح : يا وسخة..
مريم ضحكت: لا ماني وسخة بس دخل فجأة وسكر الباب وقفلو.. يعني توقعت انو..
فرح ضربتها: وجع كل هاد ومالك وسخة.
مريم : طيب طيب انا وسخة بس شو عملتو ؟؟
حمرت فرح وقالت: عيييب.
مريم : امممم والله هل شب بيحبك.. يابنت.
ابتسمت فرح وراحو عل الحديقة واستمتعو لعبو بلالعاب واكلو اكلات ورجعو..
اما عند ادم بعد ما راحت فرح طلع عل غرفتو.. وانسدح عل سرير وصار يحلم بليوم يلي رح تصير فيه فرح معو ويكونوا متل الشمس واضح انو هنن بيحبو بعض.. اندق الباب وكان ادم عم يشتغل عل لاب توب.. قال بلامبالاة : تفضل..
دخلت سارا وهي مترتبة وقالت: ادم.. ماما عم بتناديلك.. وانا رايي تترتب.. لانو بنت خالتك امنة هون وعاد الطلب من امك
ادم بدون ما يتطلع ولا يعطي الامر اي اهمية : قوليلا مو نازل..
سارا كملت.. : توقعت امك هي الاجابة وقالت انو اذا ما بتنزل رح تغضب عليك..
ادم تطلع فيها وقال : سارا انا متزوج..
سارا : وانا شو دخلني.. ؟؟بعدين ما في اسهل من هي القصة بتقدر تنزل وتشوف البنت وتقول انو ما عجبتك..
وطلعت وسكرت الباب.. قام ادم وكان لابس بيجاما نايك..سودا.. ما غيرها... بس مسح شعرو لورا بطريقة جذابة.. وحط من عطرو ونزل... وهو حاطط ايديه بجيوبو.. دخل عل الصالون وشاف خالتو وبنت جميلة جنبها.. قرب من خالتو وبوسها وقعد : اي والله بعد زمان خالتو.
الخالة : انت اللي ما بتسال انا دايما عم شوف اخوانك..
ادم: معلش بتعرفي شغلي.. عم بقضيا برا البيت...
الخالة. : الله يعطيك العافية.. بس لازم تستقر وتتزوج ونفرح فيك..
ادم بحرج : اي اي خالتو. عن قريب ان شاء الله
ام سيف : والله انا عم شفلو بنات بس ابني بدون بنت راقية وعائلتها راقية.. ما شاء الله بنتك اديش عمرها.. ؟؟
امنة حمرت من الخجل.. وجاوبت الخالة بثقة : 24
ام سيف : العمر كلو.. وشو عم تدرس.. ؟؟
الخالة : انكليزي..
ادم هون قطع عل امو : الله يبعتلك ابن الحلال يارب..
وهون لمحت سارا فرح ومريم برا.. راحت ودخلتهم.. واول ما وقعت عينو عل فرح ابتسم بخبث لما شاف وجهها احمر.. من العصبية
ام سيف بابتسامة: يا اهلا بلصبايا.. تعالو سلمو اختي ام ياسر وبنتها امنة..
مريم لما ما سمعت رد اختها قالت : مرحبا خالة
وقربت بوستها..
ونفس الشي عملت فرح..
ام ياسر : مين الصبايا.. ؟؟
ام سيف ما حبت تحرجهم وتذكر السبب بوجودهم هون: هدول رفقات سارا
ام ياسر : امممم..
فرح. : يلا بلاذن نحن رح نروح عل غرفتنا..
وتفاجأ كل اللي بلغرفة لما قالت ام ياسر : لا تعالو اقعدو معنا شوي..
انحرجو الاخرين وادم ما استشعر الامان من حكيها..
ام ياسر. : مين الكبيرة..؟
فرح.: انا
ام ياسر : واديش عمرك. ؟؟
فرح: 22
ام ياسر : ما شاء الله مو باين عليكي..
فرح: اي والله كل الناس هيك بتقلي..
ام ياسر : وشو عم تدرسي.. ؟؟
فرح: القانون..
ادم وصلت حرارتو للمليون من الفضول
وفجأة قالت ام ياسر وبكل جرأة : مو مفكرة تتزوجي.. ؟؟
تطلعت فرح فورا بادم اللي كان مقطب حواجبو حست فرح انو رح يضلو معقودين بعد هل قعدة..
خجلت فرح وماردت فقالت ام سيف : احرجتيها يا ام ياسر..
ام ياسر: لا الموضوع ما بدو خجل.. البنت ما شاء الله عليها بتاخد العقل.. وكل مين بيتمنى ياخد هيك بنت.. وبتعرفي ابني ياسر طول الوقت عم يسافر وانا خايفة عليه من الحرام.. حلو انو ياخد مرتو معوو. ..اسمعي مني يا بنتي... ابني عمرو 27 وبيشتغل بشركة معمارية.. وبيسافر كتير يعني بيحب السفر وترا حلو هو يعني عيونو كبار ومكحلين..
ادم : لا خالتي البنت ما بدها تتزوج..
تطللع كل اللي بلغرفة عل ادم وباستغرااااب شديد ب ملامح وجهو اكد اللي انسمع : ما بدها تتزوج مو صح فرح.؟
فرح انصدمت وتطلعت بلنسوان.. وما عرفت شو بدها تقول.. وسكتت..
سارا تمالكت الوضع وقالت: لانو مخطوبة..
ام ياسر : بس مو شايفة محبس بايدها..
سارا : اي صح لانو طلع كبير علايدها عم تعدلو..
ابتسمت فرح بامتنان وبعد قعدة طولت ساعتين راحت ام ياسر.. واجو ليطلعو الاختين برا البيت..استوقفتهم ام سيف عل العشا.. واجا سيف.. وقعدو ياكلو وفرح وادم فقدو حيويتهم.. وفجاءة قالت ام سيف : ادم.. ليش هيك اليوم حكيت مع خالتك وقلت هل كلام بلكي البنت كانت بدها تتجوز انت شو دخلك..؟؟
ادم دون ما يرفع نظرو عن الصحن: امي ما بدها تتزوج..
ام سيف : انت شو عرفك.؟؟.. بدها تتزوج ما في بنت ما بدها تتزوج..
ادم: ماما سكري عل موضوع..
فرح من كتر الخجل ما رفعت راسها عن صحنها..
بس ام سيف كانت مصرة : لا بدها تتزوح.. مو صح بنتي انتي بدك تتزوجي..صح صح صح؟؟
هون ادم ضرب الطاولة وقال : لا امي لا.. ما بدها تتزوج... بتعرفي ليش.. ؟؟
فرح: ادم..
ادم كمل وما اهتم لنبرتها المتوسلة : لانو هي متزوجة.. وانا زوجها..
ام سيف تبلجمت من الصدمة.. وسارا وجهها اصفر.. وسيف سكت وما عرف شو بدو يحكي اما فرح..عضت عل شفتها بقهر.. ومريم عم تطلع باختها بالم وكلهم خايفين من للي جاي.
ام سيف : شو؟؟ انت عم تمزح ولا شو؟
ادم بهدوء : لا يا امي انا تزوجتها.. وصرلنا حوالي الشهر متزوجين وحتى اسالي سارا وسيف...
ام سيف تطلعت فيهم وتطلعت بفرح اللي ما رفعت راسها.. وتاكد الموضوع براسها وهون حكت فرح: خالتي.. انا رح اشرحلك عل كلشي..
وحكتلها عل كلشي صار... وكبرت فرح بعينها.. كتيييييييير.. بس ما استوعبت الفكرة بسبب سرعتها.. وختمت فرح : بس يا خالتي انا وادم ممكن نتطلق باي لحظة انتي بتقرري.. واذا بدك لا توقفي تدوريلو عل عروس ورح دورلو عل وحدة معك.. صح انو نحن متزوجين بس.. والله العظيم.. انا بعرف انو رح يجي يوم ونترك..
تطلعت ام سيف بادم : هلق فهمت ليش تدخلتلها بروحة الجامعة ياوسخ.. خايف عل مرتك... ؟؟
واستندت وهي عم تضحك.. وتهز راسها: اي اي انتو الشباب ما عاد نفهم عليكم نحن الكبار..
ادم : لا يا امي محشومة احلا شابة انتي..
ابتسمت وحطت ايدها عل كتفو. وقالت: وليش خليتني اجبرك عل انو تشوف بنت خالتك.. ؟؟
ادم ابتسم وما حكا.. حل الصمت لثواني قطعتو ام سيف. : طالما هي فرد من اسرتي فلازم تنتقل للقصر وما عاد بيصير تضل بلملحق.. وبدون اي اعتراض بتنفذو كلامي... بس اذا رح تنتقل عل قصر ما تفرح كتير سيد ادم.. ممنوع عليك تشوفها ليوم العرس اللي رح يكون بعد عرس اختك بيومين.

تطلعت فيها فرح بصدمة وكمان ادم اللي قعد عل ركبو قدام امو وباس ايدها وقال : الله يديمك يارب.
ابتسمت ام سيف وحطت ايدها عل كتفو... وقام قعد عل السفرة وتطلع بفرح اللي وجهها كاان احححححمررررر. وسهرو مع بعضهم بهديك الليلة.. وتاني يوم صحيت فرح عل صوت ام سيف وهي عم تدق الباب... وعم تقلهم انو عملتلهم غرفة خاصة وانو لازم ينتقلو عل القصر الكبير... وبلفعل انتقلو.. وصارو جزء من الاسرة... وقررو انو يعلنو انو هم خطبو لادم من شان يجنبوها الحكي.. وادم صار فرحان صار ما يتاخر بشغلو ابدا من شان يشوفها قبل ما تنام.. وصار كل مرة يجيب معو شي هي بتحبو.. ايس كريم وبسكويت ببسي... وكلشي هي بتحبو..
ومرة كان الكل سهران وادم وسارا بغرفة سارا... وادم قاعد قدام اختو وعم يترجاها.. : سارا حبيبتي انتي الله يوفقك وان شاءالله يموووت فيكي سلطان ابوس ايدك.
سارا: ما ما... مستحيل.. حرام..
ادم : لك مو حرام.. مكتوب كتابي عليها... يعني حلال اشوفها..
سارا: ولو.. بس ما رح اخليلك الجو لو بتموت..
ادم : معلش يا سارا رح ادق لخطيبك واقلو كيف بتاكلي.. ورح فرجيه صورتك وانتي نايمة.
سارا بندم وتردد: اي عمل اللي بدك ياه..
ادم وقف: يلا..
ومسك تلفيونو وصار يدور بين لصور.. ركضت لعندو سارا وقالت: لا لا.. خلص.. بس انا مو رضيانة عن للي عم بعملو..
ادم: لا تخافي اخوكي مو حقير..
سارا : اممم
ابنسم ادم بفرح وطلع وهو متحمس..