حبيتها المجرمة

جديد

انصدمت فرح كتيييير من كلام سيف.. بس استشعرت بكلامو الصدق..
تطلعت فيه بصدمة وقالت: انت بتعرف شو عم تحكي.. ؟؟
سيف بثقة : اي يا فرح لو سمحتي انا بدي اختك عل سنة الله ورسوله.. ولو سمحتي افتحي معها الموضوع باسرع وقت.. لانو رح سافر بدي سافر وهي معي.. واذا انتي ما بدك انا بفتح الموضوع وبطلبها..
فرح : لا.. لا تحكي انت معها ما رح تعرف تحكي معها.. انا رح اسالها.. بس لازم تحط ببالك شي اذا هي ما وافقت بتنساها للابد.. وانا بدوري رح استاجرلها بيت واجيب مرببة تسكن معها وبس..
سيف بلع ريقو : مشي..

نزلت فرح وهي مو مستوعبة اللي صار سيف بيحب اختها.. وبدو يتزوجها..
شافت ام سيف قاعدة ومتضايقة.. قربت فرح وقالت: خير خالتي.. شو في؟؟
ام سيف: والله ما بعرف يابنتي.. اللي عل التلفون كانت ام خطيبة سيف وقالت انو اذا ضل هيك سيف رح تفسخ الخطبة..
عقدت حواجبها : ليش شبو سيف؟؟
ام سيف : قال عم يهمل بنتها كتير وما عم يهتم فيها ابدا.. ما بعرف بس والله سيف كان مبسوط معها بلبداية ما بعرف ليش هيك صار بعدين..؟؟
سكتت فرح وما علقت ابدا..
كملو يومهم عادي وساعدت فرح خالتها بلاهتمام شوي امور لحتى صار المسا كانت مريم عم تدرس بغرفتها وسيف وادم مو بلبيت..
احتارت فرح وخافت لتقول لاختها وتفهم غلط..
طلعت فرح وهي عم تتالم..
ودقت لباب ودخلت شافت مريم قاعدة عل السرير وعم تدرس وابتسمت اول ما دخلت اختها وازاحت الكتب..
فرح بابتسامة : كيفك مريومة؟؟
مريم : تمام حبيبتي تعالي اقعدي..
قعدت فرح عل السرير.. وحطت مريم ايدها عل بطن اختها وقالت: ايمت ليجي الصغنون.. ؟؟
فرح : مدري..
تطلعت باختها وشجعت حالها وقالت: مريم.. ؟؟
رفعت راسها بابتسامة وتطلعت باختها.. : شو؟؟
فرح: ما في حدا بلجامعة معجب فيكي.. ؟؟
حمرت مريم فورا وقالت: لا اكيد لا..
فرح : وانتي شو عرفك..؟؟ بيجوز في حدا معجب فيكي وخجلان يحكي معك...
مريم نزلت راسها : مابعرف
فرح : طيب اذا حدا هلق تقدملك بتقبلي..؟؟
مريم : انو اذا.. كان حنون ولطيف وممكن يعوضني عن اللي راح ويهتم فيني.. ليش لا؟؟
فرح : طيب شكلو كيف بتحبي... ؟؟
مريم : ما بعرف.. يمكن طويل.. وعضلات وكذا.. بتعرفي شو ؟ بدي واحد اخلاقو وشكلو متل ادم..
فرح بصدمة : ادم؟؟
مريم. اي ادم شكل يخزي العين.. واخلاق يخزي العين..
فرح بمزاح: وعصبية يخزي العين..
ضحكت مريم من قلبها وقالت فرح كخاتمة للحديث : الله يبعتلك الشخص اللي بيكون متل ابوكي..
مريم : امين..
رن تلفون فرح اعتذرت من اختها وتطلعت بلشاشة شافت الرقم غريب..
فتحت وردت : الو..
..: احلا الو بسمعها بحياتي..
فرح : عفوا؟؟ مين معي؟؟
..: معك اللي دايما كان متعلق فيكي... وبنفسك..
فرح بعدت التلفون وتطلعت بلشاشة قوست شفايفها باستغراب وسكرت التلفون ..
عند راين تنهد بحب ..وتحولت ملامح وجهو للحقارة وقال : والله رح اجيبك واخليكي الي..

كملو يومهم عادي واجو اهل ادم يزوروهم بس هل مرة ما حكت فرح ولا شي ..مع اي حدا شغلت وقتها بلروحة والجية ..لحتى يجو الرجال.. شردت مريم بحال اختها وهي عم تنزل عل الدرج حست بعيون عم تراقبها... رفعت راسها شافت ادم عم يبتسم.. ابتسملتو بلمقابل وقف واجا لعندها قالتلو بزعل مصطنع : شو عم بيصير فيني.. بطني منفوخ لحلقي..
تطلع حولو وقرب منها بدون ما حدا ينتبه وهمسلها بخبث : شكلي دايما بخلي بطنك منفوخ..
حمرت فرح بقوة وضربتو ع كتفو بخفة قام ضحك من قلبو.. قربت مريم وقالت: طيور الحب..
ضحك ادم وحك رقبتو من ورا.. قالت مريم بحماس : شو رح تسمو البيبي..؟؟
تطلع ادم بفرح وقال: اذا صبي رح نسمي شهاب عل اسم ابوي..
مريم: واذا بنت؟؟
فرح : ما بعرف والله لسا ما قررنا..
ادم : اي بس انا قررت..
فرح : شو.؟؟
ادم : مريم.. من شان تطلع متل مريومة محترمة وذكية ولطيفة...
انبسطت مريم كتيييير كلام جوز اختها وحست انو في حولها عيلة..
تطلعت رح بباتسامة عل اختها بس لمحت عيون خلفها.. تطلعت وشافت سيف عم يبتسم عل ضحكتها... تنهدت فرح بحيرة ومشيت لداخل وقعدت..
روز اللي كانت مقهورة طول الوقت من معاملة سيف وادم للبنات.. رن تلفونها... تطلعت فيه وتلبكت عملت حالها رايحة عل الحمام.. ودخلت.. وفتحت التلفون وقالت بعصبية : ليش دقيتلي مو انا قلتلك ما تدق الا لما انا ابعتلك... ؟؟
راين بحدة وقسوة : الحق علي عم دق روحي من خلقتي..
روز بتراجع وخوف : لا حبيبي انا اسفة الحق علي لا تزعل مني..
سسكر التلفون بوجهها وهي من القهر ضربت برجلها الارض ونفخت بغضب.. والتفتت لتطلع بس شافت فرح بوجهها..
ابتسمت روز بصفار وقالت بتلعثم : ف.. فرح
فرح اللي سمعت كلشي... عملت حالا مو سمعانة شي وكملت غسلت ايديها وطلعت وتركت روز عم تتخبط وحدها
فرح ما حطت عل بالها وكملت للصالون وقعدت جنب جوزها وطول الوقت عيونها عل سيف.. اللي مو بلدنيا.. فجأه وبدون سابق انذار ركضت مريم من فوق وهي عم تصرخ لسيف.. التفت بسرعة لعندا ووقف تطلع فيها بلهفة ما غابت عن فرح.. بينما مريم لسا عم تركض بسرعة لعندو وهي عم تبتسم.. ووصلت امامو وقالت بحماس : احزر مين اجا؟؟
سيف بخوف: مين؟؟
مريم: خطيبتك
وركضت فتحتلا الباب... وهي سعيدة..
اما سيف قبض عل ايدو بقوة كانو اصابعو رح يتكسرو منا..
دخلت خطيبة سيف وهي عم تطلع فيه بعتاب.. اما هو تطلع فيها ببرود قاتل.. التفت شاف فرح عم تطلع فيه.. اشاح نطرو ببرود.. وطلع عل غرفتو.. امام الكل..
فرح انصدمت وكذلك الكل.. واما خطيبتو ما كملت دخول... راحت لتدور قطع غيار لكرامتها.
استغرب الكل من سيف ومن تصرفو اللي ما كان مقبول ولا باي شكل..
ادم طلع لعند اخوه.. وقعد معو.. ليسالو شو بس سيف ما كان عم يحكي شي ابدا..
وفرح محتارة بين اللي عم بيصير وبين اللي هي شايفتو صح..
اما مريم اشفقت عل البنت وزعلت عليا وما كانت بتعرف انو هي السبب بللي رح يصير بعدين..