حبيتها المجرمة

غضب ساطع

مسحت عل راس اختها بحنية وهي نايمة.. وتمنت لو تنشق الارض وتبلعها اذا كانت هي السبب فخوف اختها.. سمعت صوتو برا عم يحكي مع سيف.. قامت بكل غضب الدنيا وفتحت الباب وركضت عليه ودفشت صدرو بقوة وصرخت.. : بسببك أنت اختي هلق بلمشفى.. بسببك لولا صريخك اللي وصل لسابع سما ما كان صار هيك.. وارتعبت اختي كل هل رعبة... ادم طلقني انا مستحيل اعيش بلييت ولاثانية وحدة بعد..
ادم بهدوء واخوه قلو عل كلشي فهو بيعرف الموضوع مسبقا.. : اهدي ولاتعلي صوتك نحن بمستشفى وفي مرضى.
ضحكت قهر: هااا والله بتعرف انو المريض ما لازم يتعلا صوت عليه ليش ما تذكرت وقت صرخت باختي.. ؟؟
تنهد ادم ولفو دورا حوليه وهي لسا عم تصرخ.. شالها من خصرها ودخلها عل غرفة اختها.. ضربتو بقوة لحتى ينزلها.. اول ما دخل الغرفة حط ايدو عل تما واشر عل اختها: نايمة
غمضت عيونها بقهر واول ما شال ايدو عنها همست بغضب: ادم لو سمحت.. انا حاولت انو اكون منيحة معك... متل ما كنت انت منيح معي.. بس انا وانت ما منطيق بعض.. بقا لوسمحت تطلقني..وخلينا ننهي هل قصة.. وانا بوعدك انو ما عاد تشوف وجهي ابدا..
مسح عل راسو بتنهيدة والتفت عليها وقال : ما بقدر..
ضربت برجلها الارض: انت ما بتفهم بلادب ولا بلعياط بشو بتفهم؟... ها قلي بشو؟..
وتفاجأو تنيناتهم لما سمعتو صوتها الرفيع : فرح.. ليش معصبة ؟
ركضت فرح لعند اختها وضمتها وقالت: ياعمري.. انتي منيحة؟؟
اعتدلت بجلستها مريم وقالت : اي منيحة ليش كنتي عم تتقاتلي مع ادم.؟؟
تطلعت فيه فرح بلؤم.. وقالت: لا تخافي حبيبتي مشكلة ورح احلا
مريم : لا انا بدي اعرف اللي صار..
تنهدت فرح ومشي ادم لجنبها وقال : خلص مريومة بس تصحي منحكي..
مريم بعناد : لا لا انا بدي اعرف
ارتعب ادم لانو فرح لسا ما بتعرف انو عصب عليها وقت اختها ما كانت موجودة. فرح: انا رح تطلق من ادم.. لانو السبب بوجودك هون..
مريم : شلون هو السبب بلا؟
تفاجأ ادم وكمان فرح..وقالت فرح: لما صرخ انتي ارتعبتي واضطرب نفسك واغمي عليكي وجبناكي لهون..
مريم : اي بس انا ما ارتعبت من صوت ادم..
فرح بصدددمة : لكن من شو..؟
مريم : انا نسيت وين كنت حاطة البخاخ فما اخدت الدوا اليوم..
انصدمو الثنائي المرح وهن عم يتطلعو فيها باستغراب ادم كان بيعرف انو هي عم تكذب بس تفاجأ من موقفها اللي مستحيل يطلع من بنت عمرها 18.. وفرح كانت مصدومة من الفشيلة قدام ادم.. مريم تثاءبت فقالت فرح بسرعة : خلص حبيبتي انتي ارتاحي... ومنحكي بس تفيقي..
مريم رجعت اندست بسريرها ونامت..
طلعو تنيناتهم بهدوء وسكرو الباب التفت ادم عليها بينما هي حاسة بلذنب.. وقالت : ادم.. انا.. انا.. بعتذر عن للي صار..
ادم مالو عين يتطلع فيها لانو عارف نفسو غلطان... بس صحي من افكارو لما قالت بحدة : بس موضوع تدخلك فيني وبحياتي ما رح يعدي عل خير.. وما رح اسمحلك انو تدخل فيني وقرار الطلاق ما رح اتراجع عنو لحتى تصرف نظرك عن تدخلك بحياتي للابد..
وراحت الكافيتيريا وتركتو لحالو بلممر.. دق الباب ودخل تطلعت مريم فيه وقالت: خير ادم في شي؟؟
ادم بخجل : انا اسف لاني خليتك توصلي لهي الحالة..
ابتسمت مريم وقالت : عادي انا تعودت.. بعدين ما كان الك علاقة لايعذبك ضميرك انا بعرف انو ما كان بقصدك..
ادم : ليش كذبتي عل اختك ؟؟
مريم : لانو اختي راسها يابس.. وبعرف انو انا اذا قلت شي يشعل نار الحرب بقلبها ما بتنطفا اصلا هي بتخاف علي اكتر من اللازم.
ابتسم ادم: نيالك..
مريم باستغراب   : ليش..؟
ادم:لانو بتهتم فيكي كتير.. ياريت تهتم فيني انا كمان..
مريم: يبدو انك بتحب اختي من زمان..
ادم:  اي من زمان بصراحة.. وما عم بقدر اقلا خايف تستغل هي النقطة.
مريم : الله يهدي الاحوال..
ادم   : امين...
وطلع وبعد حوالي الخمس ساعات رجعو فيهم عل لبيت وتغدو كلهم وكل واحد راح لشغلو.. صارت لساعة 7 ..سمعت فرح صوت سيارة ادم وعرفت انو رجع عل البيت ركضت وطفت اللايت... واستنتو لحتى يدخل عل غرفتو وراحت للشباك وتطلعت عل شباك غرفتو.. وانتظرت انتظرت لحتى اشتغل اللايت..ابتسمت وهي عم تفكر... هلق دخل عل غرفتو اكيد راح يتروش.. ويغير لبسو... نزلت راسها واخدت نفس وتاملت الجو.. اللي عم يغيب ووعم يهبط الليل عليهم... وشردت بحياتها.. بلقرارات اللي عم تاخدهم.. بلتشرد اللي عيشت اختها فيه... تنهدت بحزن ورفعت راسها مرة تانية لشباك غرفتو.. وشافتو واقف وعم يتطلع فيها ولساه بلبس الشغل.. دخلت وسكرت الشباك وصدرها صار يعلو ويهبط من التوتر.. رفعت الحرام عن اختها وتسطحت جنبها وهي عم تفكر بحياتها المستقبلية... اما هو لا شغل عرف يشتغل ولا حكي عرف يحكي.. ولا مشاعر عرف شو هي.. رجع عل البيت تطلع عل الملحق شاف الانوار مطفية تنهد بالم.. وهو عم يقول لنفسه: اكيد زعلانة مني لهلق.. افففف.. كان لازم استخدم غير اسلوب معها... قديشني غبي..
لا مو غبي انا رجال..وفوق هيك متزوجها..
نفخ وحك جبينو وقال بنفسه: بس هي من شهور بتروح لحالها صعب تتعود عل طبعي.. يا ربي.. شو الحل.. ؟؟
قام من عل سريرو.. وتطلع بلمحلق.. شافها ساندة حالها عل الشباك..و عم تطلع وشاردة.. دق قلبو بعنف وهو عم يحس مشاعر تانية وجديدة.. عم تغزيه وتتملكه.. شبع عيونو منها وهو عم يتاملها..وفجأة تطلعت فيه ويبدو انو اضطربت دخلت فورا وسكرت الشباك تنهد وحط ايدو عل قلبو وقال : انا شو عم بيصير لي.. شو عم تعمل فيني هي.. ؟
راح توضا وصلاة ودعا الله انو الله يجعلها من نصيبو.. وراح نام..
تاني يوم فاق متاخر.. تافف بملل ودق لطلال وقلو انو يطلبلو اجازة.. لانو مو طايق يشتغل شي..
غسل وجهو ومشط شعرو ونزل..
اما عندها فاقت عل صوت اختها عم تحكي بلتلفون وعم تعتذر بشدة.. استغربت بس ما علقت راحت عل الحمام وغسلت وجهها وطلعت..شافت اختها خلصت تلفون.. فرح : مين؟؟
مريم : هي رفيقتي.. اليوم عاملة حفلة بمناسبة انتهاء الثانوية..
فرح: اي؟؟
مريم : ولا شي اعتذرت وخلصت..
فرح؛  ليش اعتذرتي روحي بتغيري جو.. ؟؟
مريم : لا ما بدي..
فرح: لا مو عل كيفك دقيلها وساليها عن الموعد..
مريم بتردد : متاكدة ما رح تنزعجي.. ؟؟
ضحكت وضمت اختها: وليش انزعج بلعكس كنت عم بنتظر تجيكي هيك طلعة لتغيري جو. ؟؟
انبسطت مريم وابتسمت بس فجأة تذكرت انو هي ما عندها غراض وقبل ما تعترض.. اندق الباب ودخلت سارا.  : صباح لخير يا حلوين..
ابتسمو وطلعت سارا بمريم: لشو عابسة؟؟
مريم : لا والله بلعكس..كنت رايحة عند رفيقتي بس تذكرت انو ما عندي غراض..
سارا بابتسامة : ياعيب الشوم وانا لشو موجودة قومي نطلع عل غرفتي لنانقك..
كيفت مريم وطلعو معها..ومكيجوها ورتبوها.. وطلعت من الييت وهي مبسوطة..
سارا  :تعالي ننزل نفطر انا جعت.
فرح: بس اخواتك؟؟
سارا :سيف مو هون من الصبح.. وغمزتلها وكملت : والحبيب راح عل الشغل من الصبح..
فرح خجلت وقالت: يلا معناها تعالي ننزل
ونزلت قبلها بسرعة من شان تخفي وجهها اللي تلون..
نزلو وحطو فطور سوا.. وبلشو اكل.. وسمعت سارا صوت تلفونها.. اعتذرت وراحت عل غرفتها لتجيب الفون.. وبعد ما سكرت الباب انفتح باب غرفة ادم ونزل منو وحاطط ايديه بجيوبه..
دخل عل المطبخ واول ما وقعت عينا عليها تجمد مكانو.. وهو مو مصدق اللي عم يشوفو.. شعرها وصل لاخر ضهرها.. وكانت لابسة بلوزة بيضا.. وشفافة عند الضهر.. ولابسة تحتو بنطلون جينز ماسك عليها.. ومستندة عل كفها.. وعم تاكل عل بطيئ.. قرب منها.. بدون ما تحس.. وقعد عل الكرسي المقابيلها بدون ما يتطلع فيها واخد توست وبلش يحط مربى.. اما هي اول ما شافتو ارتعش جسمها كلو.. تطلعت حولها وقالت بغضب : انت جنيت.. شو عم تعمل هون.. ؟؟
تطلع فيها ببرود قاتل وقال: انا ولا شي.. عم باكل.. انتي اللي شو عم تعملي هون.؟؟ .
فرح : ادم..الله يخليك روح علغرفتك لا تجي امك وتشوفنا والله مصيبة ورح تحل عل راسك..
ادم اكل التوست وتطلع بوجهها قال : مو مهم..
فرح قامت من علكرسي بخوف.. واجت لتطلع بس سمعت صوت ام سيف هم تنزل من عل درج وعم تصرخ عل سارا.. تصنمت مكانها.. وللحظة كانت تصرخ.. بس حطت ايدها عل تمها والتفتت خلفها شافتو كمان فاتح عيونو عل اخر ومرعوب.. ولما قرب الصوت.. ركض بسرعة نحوها.. وشدها لخزانة المطبخ الصغيرة ودخل معها وسكر الباب وقفلو من جواه.. الغرفة كانت صغيرة بشكل ما بيتوقعو العقل.. وقف هو وياها داخلها بس كانو ملتصقين ببعض.. هيوكانت خايفة لدرجة ما عاد تسكت وصارت تقول : ولييي بلكت فتحت الباب وشافتني ما رح ترضى تخليني ببيتها ولو ثانية يالله كيف هيك انا بخون الامانة.. كيف.. هي..
قاطعها هو... لما حط ايده عل تمها وتطلع فيها وحط اصبعو امام شفايفه بمعنى شششش. فعمت وهزت راسها.. وسكتو هنن التنين وعم يسمعو صوت ام سيف دخلت عل المطبخ وقالت : يا الله منك يا سارا لمين كل هل اكل.. وليش ما لميتي بعد ما خلصتي.. كفرتي الخدم وراكي..
تنفسها اضطرب وخافت بزيادة لتفتح ام سيف الباب وتشوفها.. صار لونها اصفر من الرعبة ورجليها ما عادو يشيلوها.. حس ادم بارتجافها حاوط خصرها بايدو وشدها لعندو لتتمسك فيه.. وهي مو حاسة عل حالها تعلقت برقبتو بقوة.. هو ماعاد حس عل حالو تخدر جسمو ونسيه امو اللي برا وتطلع فيها وجذبو شكلها وهي مرعوبة.. نزل ايدو  من عل تمها وحاوط خصرها بقوة اكبر... ولما سمعت صوت ام سيف راحت تنهدت براحة وقالت: الا شوي شافتنا..
وانتبهت عل اللي ما حس لما امو طلعت تطلعت فيه شافت عيونو مسودة من الرغبة اللي فيه.. قالت بصوت مرعوب ومهزوز من الرعبة : اااااادم.
ادم لا رد.. تطلع فيها بعمق اكبر... بعدت ايديها من عل رقبتو وحطتهم عل ايديه من شان يتركها بس هو ما تزحزح ابدا.. همست بغضب خايف: ادم تركني..
بس ادم نزل راسو.. وهو عم يتطلع بشفايفها.. وبدون ما يفكر ابدا.. وكانو غريزتو هي اللي هم تحركو.. بدون ما يسمع اي صوت لتوسلاتها.. اطبق بشفايفه عل شفايفها.. وغمض عيونو وباسها بعمق وبقوة وبعنف.. ودون اي ردة فعل لضرباتها القوية.. اللي عم تنزل عل صدرو وكتافه وضهرو كمحاولة مقاومة ارتعبت اكتر بكتير من رعبتها من ام سيف.. بعدت راسها عنو وهمست بصوت باكي : ادم اصحى دخيلك شو صرلك.. من شان الله بعد عني..
وضل هو عم يتطلع فيها برغبة.. وما صحي الا لما نزل عل وشو كف ايدها بقوة صح الكف كان قووووي كتير بس صحي.. ضل راسو لثواني عل وضعية الكف.. بس تطللع فيها بعدها.. وانصدم من نفسه كانو مو هو.. شاف حالو كيف محاوطها..تطلع حولو بصدمة وتطلع فيها بصدمة وهو عم يشوف عيونها مليانة دموع.. قال بصوت واطي : رح اطلع وبس اامنلك طريق بتطلعي وراي.. اوك.؟؟.
ما ردت بس هو فتح الباب وطلع..
شهقت من البكي هي بعد ما طلع وتنهدت براحة.. وحط اصابعها عل شفايفها.. ودموعها لسا مرسومين عل خدودها..
حاسة وكانها مخنوقة وكانو عم تعمل شي غلط رغم انو زوجها بس هي حست كانو خانت الامانة.. كيف بتعمل هيك... صح انو تزوجها عل سنة الله ورسول.. بس لازم ما يكون بلسر بعمرها ما تخيلت تتزوج بلسر...
اما هو.. طلع واستند عل طاولة المطبخ.. وحط ابدو عل قلبو وهو عم يلهث.. يالله شو صرلي.. شو عملت فيني انا لازم اقول قدام الكل.. انو انا تزوجتها ولازم بسرعة تنتقل لعندي هاد مو حل.. انا هيك مو مبسوط.. بدي ياها باسرع وقت رجع لعندها وتمالك نفسو واخد نفس واشرلها بمعنى لحقيني..
قامت بلزور.. وشلحت من رجلها كندرتها.. ومشيت وراه بس من الرعبة رجليها ماعاد يشيلوها.. وكل شوي تتفشكل.. تطلع عليها وحس بتانيب الضمير مشي لعندها وشالها وراح برا البيت.. ودخل عل الملحق.. فورا راحت عل زاوية خوفا ورعبا منو.. قرب لعندها قعد امامها عل ركبو ومسح عل راسها وهي عم ترجف وصوتها ما عم يطلع خوفا من اللي ممكن يعملو.. قال بصوت حزين  : انا اسف.. سامحيني لحظة شيطان.. وانا بوعدك انو ما يتكرر الشي يلي عملتو.. فرح    انا ما قدرت اسيطر عل نفسي.. انا بعتذرلك... وباقسملك انو قبل ما تصير علاقتنا..معروفة للكل ما رح المسك ابدا.. بس لا تخافي مني هيك.. والله حاسس اني مزعل ولد.. الله يخليكي..
وضمها بقوة بلاول كانت عم ترتجف وبعدها هديت.. وهديت وهديت لحد ما ارتخى راسها عل كتفو..بعد عنها بعد مدة وشاف ملامح وجهها رجعت متل ما كانت.. ورجعت فرح...
قالت هي بدون ما تطلع فيه: لو سمحت ممكن تطلع.
ادم بشك: سامحتيني. ؟؟
فرح سكتت وزمت شفايفها وبعدها قالت  : امم.
ادم : لا مو امم قولي سمعيني..
فرح: اي سامحتك..
ادم فرح : طيب... جهزي حالك انا يا بكرا يا بعد بكرا رح اعلن زواجنا... وخلينا نصير متل المتزوجين والله تعبت..
تطلعت فيه بصدمة من جرأتو.. وكمل بخبث : بعدين والله اليوم كنتي كتير حلوة. يعني ما تحكمت بنفسي وقت شفتك..
فرح خبطتو عل صدرو : رووح يا قليل الادب..
ابتسم وبعدها ضحك وطلع..